View
2
Download
0
Category
Preview:
Citation preview
28
Hecho el Depósito Legal en la Biblioteca Nacional del Perú
No 2015– 09214 1000 ejemplares Primera edición
Este libro se terminó de imprimir en Julio del 2015 en DIGICOLOR
Jr. Cusco 414 – telf. 200437 Huancayo, Perú
Jesus caśhan timpućhu Israel caśhtacunap cawsaynin
ROMA NASYUNPA LULAYNINCUNA
(Imperio Romano)
Idioma Wanca
2
Misión Wanca (AMWAN)
Av. Giraldez 304 of. 205
Huancayo, Perú
Adaptado de la obra Daily Life in Bible Times
Wycliffe Bible Translators, Inc.
Dallas, Texas
©Jesus caśhan timpućhu Israel caśhtacunap cawsaynin
ROMA NASYUNPA LULAYNINCUNA (Imperio Romano)
Traducción: Área de producción y difusión-AMWAN
Asesores:
Rick Floyd, Ph. D.
Director, SIL at Biola
Department of Applied Linguistics and TESOL
Cook School of Intercultural Studies
Biola University Academia Autónoma del Idioma Wanca
Ilustraciones: Cristina R. Capcha Flores
Primera edición 1,000 ejemplares
27
26
Chaynu llapanpis iscatacaycälilmi dïdullanwan lluy
imapis micuy ćhulaläcäta alaculcäla. Jinalculmi dilicädullap
micapäcula. Chay imapis sarsa nishancunätañatacmi
tantantawan micapäcula.
Ñatac chay timpucuna walmicunaca manam
wayapacunäwan cuscachu micapäcula, fistan timpućhüpis nï
ima juntunacuycunaćhüpis. Paycunapá walmiwan cusca
micuy millachicuy mana allin lulaymi cacula. Chaynümi
Israel caśhtacunäpä cala.
Caycunapi limayan: Mateo 14:6,9; 26:20-23,26; Marcos
6:21.
3
Contenido
Página
Allaycuynin ……………………………………………….. 5
Romap puydï mandänin ……………………………….…. 9
Cuartil ………………………………………………...….. 11
Roma cachacucuna …………………………………….…. 12
Roma nunacuna …………………………………………… 14
Alcabäla mañäcuna …………………………………….… 16
Mućhuchiywan, wañuchinanpä aticaćhay ……………….. 18
Carsilcuna ……………………………………………….. 19
Curuśhman chacatay …………………………………….. 20
Rispïtay ………………………………………………….. 22
Curunacuna ………………………………………………. 23
Romap barcuncuna ………………………………………. 24
Grecia, Roma läducunap imanuy micapäcuśhanpis ……… 25
4
śh
śhapla
Letras especiales del Wanca La mayoría de las letras usadas en el alfabeto wanca
son idénticas a las usadas en el alfabeto castellano. Letras que representan sonidos que no existen en el
castellano son:
El (') Apostrofo es una “letra muda” en palabras como:
En el idioma wanca hay vocales alargadas que se
representan con dos puntos sobre la vocal. Las vocales que
llevan dos puntos se leen con más duración.
Este libro utiliza el alfabeto y la ortografía wanca
aprobados por Directiva N° 19 DSREJ/DTC-96.
sh
ashuti
ćh
ćhaqui
ya'a “yo” sin'a “nariz” a'ay “moler”
liman “él habla”
lïman “puedo ir”
pucayan “se vuelve rojo”
pücayan “está soplando”
25
Grecia, Roma läducunap imanuy
micapäcuśhanpis
Chay timpućhümi Grecia caśhtapis Roma caśhtapis
wasinćhu'a pampäman taycucuycul ütac pacha sïllallaman
taycacaycälil micapäcula ima micuytapis sirbicaycälil. Chayta
licalmi lluy Israel caśhtacunapis atichipäcula. Chaymi alli
puydï fistancunaćhu'a greciacunänu, romacunänu micapäcula.
Caynümi micapäcula: maśhtacucunacta maśhtacaycälilmi
ichünin-lädup iscataycälil chay mïsaćhu ima micuytapis allï
maquinwan sirbiculcäla. Ñatac chay maśhtacucta
maśhtapäcula intirun muyulcayämü mïsanmanni.
Chay mïsan cala nuna pulinan camay ćhawpinćhu
jäcuyämi. Chaynu suytu largu jäcuptinmi sirbïnincunapis
jawca sirbipäcula, ütac lätuncunactapis lluy juntupäcula.
Ñatac chay quiquin muyulcamü mïsap ćhäwpinćhümi
täcapäcula allin puydïnin nunacunälla. Chaymi chay parti'a
chaynu puydï nunacunallapä cala.
24
Romap barcuncuna
Chay timpucunaćhu Roma-lädu nunacunäwan Grecia-
lädu nunacunaca Mediterraneo lamarpa barcucunawanmi
pulipäcula. Chaymi Romap, Greciap barcuncuna chay
lamarpa ćhäyalcämu yaluyalcä cala. Chay timpu'a manam
nunallacta apaycaćha barcucuna calachu. Ñatac jatun
cayninwanmi paćhacnintin nunactapis cargawan cuscacta
apapäcü cala. Chaynu jatu-jatun capäculmi manijacuyninpis
sasa-sasa cacula. Chaymi mayćhüpis waquinnincuná
lamarcäman ji’alcalpälï cala.
Masqui maynu jatućhä nigusyanti captinpis Israel-
läducunapá manam ima barcullanpis calachu. Chaymi
Greciacunap, Feniciocunap, Romacunap barcuncunacta
mincapämula carganta apachipäcunanpäpis. Chaynu
mincalcuptinmi chay barcucuna ima nisgusyuctapis may
nasyuncunamanpis
apaycaćhapäcula.
Chay timpucuna
lamarllantam wicman
-cayman pulichï
capäcula.
Caycunapi limayan:
Hechos 20:13; 21;
28:11.
5
Allaycuynin
Jesus näsimunan timpupá cay Roma nasyunmi Israel
nasyuncäta maquinćhu cayächila. Cay Roma nasyunpa
maquinćhu cacula intirun Mediterraneo lamarpa patan
nasyuncunäpi aśhta Inglaterra nasyuncäcamam. Achca-
achcactam maquinćhu cachila Roma nasyunca. Cay Romap
capitalninmi quiquin Roma jatun malcan cala. Chayćhümi
walanga ćhawpi millun nunacuna yaćhapäcula. Caynu achca
nasyuncunacta mandananpämi sumä allinnin nuna cacula.
Chay allin nuna sumä puydïnin mandacüninmi cacula.
Chaytam “emperador” nipäcula. Paymi jinantin nasyuncunäta
maquillanćhu cachila. Pay quiquin Roma jatun malcapïmi
mandala.
Cay maquinćhu cachishan jatu-jatun cacuptinmi
prubinsiaman-cama laquisha cala. Chaycunactam quiquin
Romapi caćhamuśha nunancuna mandala. Chay
mandacücunämi maquinćhu cachisham malcacunaca imanuy
caśhantapis, Romaćhu mas puydïcäman willä cala.
Chay prubinsiaćhü-camam lluy nuna alcabälacunacta
mana limatälillal pägapäcü cala. Chaynu llapanpis unanpä,
chay ćhulaśhan nunämi licäca caycula. Paytacmi malcaćhu-
cama lluy imactapis licaycüca capäcula.
6
Cay Roma nasyunca maquinćhu cachishancamá lluy
Mediterraneo lamar patanćhu cä malcacunäćhüpis jawcam
imapis caycula. Chay Griego läducunäpa Roma läducunäwan
custumrincunapis, limaynincunapis chaycuscalla captinmi
jawca caycälila. Caynu jawca caycuptin jinaman Romap allin
caminuncuna caycuptinmi ima nigusyupis allin cacula.
Chaymi juc-lädu nasyuncunapïpis lluy juntapämula ima
nigusyuwanpis. Chay imaymana nigusyum Roma malcäta
illaypi altućhu cachila. Chaynütac Israel malcäpis illaypa
janallanćhu cacula.
Chaynu illaypa janallanćhu Israel nasyunca cala
ćhawpićhu calmi. Chaymi may nasyunpïpis aśhta
lamarninpapis chayman ćhäyämü capäcula. Chaynütacmi
intiru Asia, Africa, Europa nasyuncunäpïpis chayninpa
ćhäyalcamü pasayalcä capäcula. Chaynu malca calmi cay
Israel malcaca Roma nasyuncäta illaypi altullaćhu uywala.
Cay Roma nunacunämi sumä yaćhaculcällala imanuypa
caminucunacta quićhaytapis. Chaymi lluy nasyunpis jawca
cayaptin lluy cachacuncuna tawa ćhunca malcacunäman
caminucunacta quićhayta yanapapäcula, quimsan jatućhä
nasyuncunaca ćhäpämunanpä. Chaynu luläluptinmi may
malcamanpis ćhapäcunanpä allin cacula. Chaynütacmi
yacucunactapis calu-calucunapïtalä chutapämula, ulu
puntanćhu mana yacuyu malcacunäpäpis. Maynu sasa
captinpis ćhächipäculam.
23
Curunacuna
Curunacuna nishan'a umancunaman ćhulaculcänanmi
cala. Mayanpis curunacüśha captin'a chay nunäta sumä
rispïtuwanmi pipis licapäcula. Chay puydï
mandacücunäpawan sasirdüticunäpa curunancunam ürupi ütac
chipyayä lumicunapi, chaynu tuquinnin illaycunapi luläśha-
cama capäcula. Chaycuna sintillu-yupayllam capäcula. Ñatac
cürrinacuycunaćhu llallïcunäpa curunancunäñatacmi ulïbup,
pirijilcunap, laurilcunap, pïnucunap laplancunapi palta
shimpäśha cala.
Caycunapi limayan: Éxodo 29:6; Salmos 21:3; Zacarías 6:11
-14; 1 Corintios 9:25.
22
Rispitay
Rispitay nishan'a pï maytapis ütac pï puydï nunactapis
uyshuycul limaycuymi cala. Chaymi Israel-läducunaca
puydïninincunaman ütac mandacünincunaman uyshuycälï
capäcula. Chaynütacmi imallacta mañaculcänanpäpis
uyshuycälinan chay nunap puntanman cala. Chaynu
uyshuycapäcula un'ulacuycul pampäcama cäranta
ćhulayculmi. Chaymi pampäta muchaycuyänu capäcula.
Waquinñatacmi chay nunap müdananpä manyanta ütac
pampäta muchaycapäcula. Chaynüpam lluypis rispïtunta
licachiculcäla.
Caycunapi
limayan:
Génesis 17:3;
33:3;
Números
22:31; 1
Reyes 1:53;
Marcos 1:40;
Lucas 17:16;
Romanos
14:11.
7
Chay Roma nasyunca Israel nasyuncäta maquinman
ćhulacuycuptinmi, Macabeo nunacunap mandacuynin
Israelćhu lluy chincacula. Aśhwanpam quiquin Roma
mandäca nunanta ćhulala lluy gubirnananpä. Chaypämi cay
Israel nasyuncäta picha malcaman muyüchila. Chay pichan
caycunam cala: Galilea, Samaria, Judea, Idumea, Perea.
Ñatac lluy malcacunapïpis nunacunaca mastá yaćhapäcula
Galileaćhu, Pereaćhu, Judeaćhümi.
Chay-läducunäćhu manam Israel caśhtanllanllanchu
capäcula, sinu'a ćhawpi-yupaymi capäcula Greciacuna,
Romacuna, Siriacuna, Egiptocuna, Arabiacuna, Persacuna,
Babiloniacunapis.
Cay Israel nasyuncäta puydï mandacü Herodesmi
gubirnala. Pay lluy caśhtantinpis puydï mandacü Julio
Cesarpa yanapäninmi cala. Chaymi puydï mandacüca Israel
nasyunpi mandacünin cananpä mana munalachu. Chaytacmi
cay Herodes Israel müsucunaca cachacucunaman
lipäcunanpäpis mana munalachu. Aśhwanpam mayćhüpis
cuartilcunacta śhalcachil Roma cachacucunäta chayman
caćhapäcula. Chaymi Roma-lädu cachacucunalla jinantin
Israel malcaćhüpis pushyaculcäla.
Chaynu captinmi lluy Israel nunacunaca tantiapäcula
juc nasyunpa maquinćhu cayal, alcabälacunactapis
pägapäcuśhanta, chaynütac juc-lädu nunacunalla
gubirnaśhantapis.
8
Chaymi Israel caśhtacunaca, Roma-lädu nunacuna juyu
nuna mana allin lulayniyu anla caśhanta tantiapäcul
ćhïniculcäla. Jinaman juc licchä limayninpis, custumrinpis
captinmi, chaynütac taytachacunacta alawaptinmari
ćhïniculcäla. Chaynu cayalcalmi imay timpupis mana
jawcachu cawsapäcula. Jinaptinmi Roma nasyunca
gubirnananpäpis allin jawca mandananpäpis nï alliñachu
cacuyäla. Ashwanpam sasa-sasaña cacula.
Caycunapi limayan: Mateo 8:5-9; Lucas 2:1-3; 20:21-25;
23:1-2; Juan 11:47-48; 19:12; Hechos 10:1; 16:37-39;
19:37-40; 22:25-29.
21
Ñatac Roma nasyunpa camachicuyninćhu'a “Roma
nunacunactá manam curuśhman chatacal wañuchinmanchu”
nil nila. Chaymi quiquin Roma-läducuna mana chaynüpa
wañuchinaculcälachu. Ñatac Israel caśhtacunaca Roma
nasyunpa maquinćhu cayalcalpis manamá Roma nunañam
nishachu capäcula. Chaymi curuśhman walcal
wañuchipäcunanpäpis cäsu cala.
Caycunapi limayan: Deuteronómio 21:23; Lucas 23:26-48;
Juan 19:17-24; 31-37; 20:25-27.
20
Curuśhman chacatay
Roma-lädu nunacunap custumrinmi curuśhman chacatal
wañuchï cala. Paycunam chaynüpa pï suwactapis ütac mana
cäsucücunätapis wañuchipäcula. Chaynüpa wañuchiyta
munal'a ishcay caśhpicta curuśhpacaycachilmi chayman
maquincunäpi chacatalälï cala. Jinalculmi chayman maquinpi
ćhaquinpi wataycul läbälälila. Chaynu pampäćhu
läbacaycälilmi curuśhcäta nunantintaña śhalcachipäcula.
Chaynu jinäluptinmi pipis ñaca-ñacaytalä alli ñacaywanlä
wañupäcula. Lluy nuna licananpämi caminu patanman
śhaycacaycälichil chaynüpa wañuchipäcula.
Chay Roma nunacunaca nipäculam “chaynu wañuy
ñacaśhanta licalmi lluy nunapis wanaculcan'a ima
lulayninpïpis. Chaynütac ima camachicuyninchictapis lluymi
cäsucun’a” nil. Ñatac chayćhu mana wañucäliptin'a Roma
cachacucunämi ćhaquincunacta paquilpälälila
wañulpälinanpä.
Chaynütacmi juc muyunllaña jamana muyunpa
cacuyaptin chacataśhancunätá caćhpanta paquilpälälinan
capäcula. Chay wañulpüluptinmi ayacta curuśhpi
jialpachipämula. Cay Israel caśhtacunäpa
camachicuyninćhümi “jamana muyunćhu manam curuśhćhu
chacatalayäpis caycunmanchu” nila. Chaymi chay muyunca
jiyacaycayämuptin'a pictapis wañulpachipäculaña.
9
Romap puydï mandänin
Cay puydï nunaca cay nasyuncunap mandäninmi cala.
Chaymi llallishan nasyuncunäta maquinćhu cachila. Roma
nasyunca maquinćhu juc näsyucunactam cachila. Chaymi
puydï mandäninca mas puydïnin cacula chay nasyunninćhüpis
jinaman chay juc nasyuncunacta maquinćhu
uywaśhancunäćhüpis. Chay puydï mandacü nuna süma
rïcunninmi cacula. Pay'a imapis munälinallanmi cala.
Chaymi ima camachicuycunactapis munälil'a luläla.
Jinaptinpis manam payta pipis imapi ninan calachu.
Chay puydï nunap täcunan'a lluy nunancunap
täcucunpïpis mas altum cacula. Chaynu altućhu captinmi
yaćhapäcula mas puydïca caśhanta. Chaynütacmi
müdanancunapis juc licchä cacula puca sayni punchunilänin
catacüśha. Chaynütacmi lluy ayllunpis chaynu ćhaśha
müdanawan müdacuśhatac capäcula. Chaynu
müdapacälälisha cayninpam lisipäcula chay puydï nunap
ayllun capäcuśhantapis.
Chay maquinćhu cachishan parti nasyuncunäta abistá
mandachila juc puydïta ćhulacuyculmi. Chayta ćhulala
quiquin sumä puydïcämi. Chay ćhulaycuśhan mandäcunämi
chay malcaćhu ima pasaśhancunapïpis licaycunan cala.
10
Chay Roma jinantin maquinćhu cachishan nunacunämi
pinsapäcula chay puydï mandacüca dios caśhanta. Jinalmi
alawapäculapis. Chaynu Israel malcacta maquinćhu
cachiptinmi uma nanaynin Israelcunäpa cacula. Israel
caśhtacunäpá camachicuyninćhümi nila “Cawsa japallan rasun
Tayta Diosllacta” alwapäcunanpä. Chaymi jinantin Israel
caśhtacunaca chay Romap puydïninta alawayta mana
munapäculachu. Jinaptinmi “caycuná puydï nunanchicpa
cuntranmi cayalcan” nilñatac nipäcula.
Chaymi Roma cachacucunaca Jerusalen malcäćhu lluy
nunacunacta wañulächila. Jinalculmi Israel nunacunap puydï
juntunacuna wasintapis pampaman muyüchila. Chaynu puydï
mandäninta mana alawaptinmi camacaycüla.
Caycunapi limayan: Lucas 2:1; Juan 19:12,15; Hechos 12:21
-23; 25:10:12.
19
Carsilcuna
Carsil nishan'a juc tacsa wasillam cala. Chay carsil
mana allin cawsayniyu nunacunacta wićhaycunanpämi cala.
Chay carsilta punta Israel nasyuncäćhu manam lisipäculachu.
Cay carsil imapä caśhantapis Israel caśhtacunaca juc-lädu
nasyuncunapïmi yaćhapäcula. Chaymi muśhü limalicuy
timpupá Israelćhüpis calaña. Chay timpum carsil nisha juc
tacsa wasilla cala.
Chayćhümi ima mana allintapis lulä nunacunaca
wićhalapäcula ćhaquin maquin cadinacüśha-cama. Ütac juc
ćhaquip camay-camaylla uchcüśha jatun culluwan lulïpi-
janäpi sumä chalächisham capäcula.
Caycunapi limayan: Génesis 39:20-13; Jueces 16:21; 1 Reyes
22:26-27;
Jeremías
32:2,8; Mateo
14:3; Hechos
12:3-10; 16:22-
24.
18
Mućhuchiywan, wañuchinanpä aticaćhay
Chay timpu Israel nasyuncäćhu mućhuycachila
asutiwanmi, tamshaywanmi, wañuchiywan imam. Israel
caśhta mućhuycachisha cala Moiséspa camachicuyninta mana
cäsucuśhanpïtam, ütac Roma nasyunpa camachishanta mana
cäsucuśhanpïtam. Ñatac aticaćhapäcula puydï mandacüca
nishanpa cuntranman muyuculcul cäcunätam. Chaymi Israel
nunacunäta Roma nunacunaca lluy aticaćhapäcula Tayta
Diosllaman chalapacul, chay Romap puydï mandacüninta
mana alawaptin. Chaymi mućhuycachisha capäcula,
waquinnincuná wañuchishapis capäculatacmi.
Cay mućhuchicuycunawan aticaćhaycunaca puydï
mandacüninpi-camam imanuypis cacula. Waquinnincuná
allin-camallam capäcula. Waquinnincunañatacmi ichá pasaypi
mana
llaquipayniyu
juyu-cama
capäcula.
Caycunapi
limayan: Mateo
5:10-12; Marcos
13:9-13; Hechos
5:41; Hebreos
11:35-40.
11
Cuartil
“Pretorio” nipäcuśhanca cuartilmi cala. Cay cuartil
Roma cachacucunap jamaculcänan wasim cala. Chay jatun
largu-largu wasim cacula. Chay cuartil Jerusalen malcap
puydï jatun wasip jucnin isquinanćhümi cala. Chay cuartilta
Herodes “el grande” nishan śhalcalcachilmi Marco
Antoniocta altuman juluyninwan śhutichala “Marco Antonio”
nil.
Cay Jerusalen malcäćhu jinantin Israel nasyunca
fistachaculcaptinmi ütac imapis chaynu cüsa lulaśha niptinmi,
chay puydï mandacüca mas achca cachacuncunacta caćhala.
Chay cachacucunawan tantiachila chay puydï nunap cuntran
śhalcapäcunanpïmi. Chaynu caćhaptinmi lluy cachacucuna
imacta lulapäcuśhantapis licapayalcäla, ütac imacta
pinsapäcuśhanptapis. Israel nunacunäñatacmi mana
munalachu chay chuya fista lulacuśhancunäman śhamunanta
nï juntunacuna puydï
wasinman yaycuycuna
imanantá canpis.
Malcanwan, puydï Diospa
wasin sumä chuya nisham
paycunapá cacula.
Caycunapi limayan:
Marcos 15:16; Hechos
21:34-40.
12
Roma cachacucuna
Roma cachacucunämi wardiacunänu jinantin
malcacunäćhüpis licäca capäcula. Paycunam puydï
mandacüca munaśhanmannu lluy nunacunäta cäninman
ćhulaycüca capäcula. Chaycunam achcanpi-cama capäcula.
Chaytam paycuna “Legion” nipäcula. Chaycunam picha
walaga ćhawpinpi aśhta süta walanga cachacucama capäcula.
Chaynu nisha capäcula cawalluwan pulï paćhac ishcay
ćhunca cachacuntinlämi canpis. Chay cachacucunap lulaynin
cala: sumä aśhnunu lulaycunam, marchaycunam,
täpaycunam, jinaman ima talcamuptinpis pilyapäcunanmi.
Chay cachacucunaca umanćhu cascucuśha-camam
capäcula. Pïchunćhüñatacmi apala juc lacta cuyrupi luläśha
atajachicucta. Maquinćhüñatacmi apticuśha lipäcula
cuyrupïwan cullupi luläśha atajachicunta. Chaytam “iscudu”
nipäcula. Chay pilyal atajachicunanpämi allin cala.
17
Chaynu quiquinpäwan masta malca-masincunacta
mañaptinmi lluy Israel caśhta-masincuna ćhïnipapäcula.
Chaymi “malcanchicpa ipanchäcuna” nil nipäcula.
Israel nasyunca manam Roma nasyunllapächu
alcabälacta pägapäcula. Sinu'a quiquincunap puydï alawana
wasinpäpis upäculatacmi. Chaynu alli illaywanmi Israel
caśhtacunaca custumrincunactapis cawsachipäcula. Chaynu
mana captin'a lluyćha mana caśhanman cuticunman cala.
Caycunapi limayan: Mateo 9:9; Marcos 2:14; Lucas 15:1-2;
19:1-10.
16
Alcabäla mañäcuna
Chay Roma nasyunca allictam illayta munala lluy
cachacuncunacta, puydï nunancunacta pägananpä, jinaman
caminucunacta quićhachinanpä, yacucunacta maycäpïpis calu
malcacunaman chutachimunanpä, jatućhä wasicunacta
puydïnin malcacunaćhu śhalcachinanpäpis. Chaypämi
maquinćhu cachishan lluy nunacunäta malcacunäta
alcabälacta mañachimula.
Chaynu jinantin malcacunäpi mañamunanpämi Roma
nasyunpa mandänin mañäcunacta caćhala. Chaymi chay
nigusyanti Israel caśhtacunätapis waquinnintá alcabälacta
mañapäcunanpä ćhulala. Chaynüpam chay Roma nasyunca
illayta pan'actanu tawacula. Quiquin puydï nunacunäta
aycacta mañananpäpis mandacümi unanchaycula. Chaynu
nishaña cayaptinpis waquinnin mañäcunaca quiquinpäwanmi
masta mañaculcäla. Chaynu quiquinpäwan
mañacuśhanwanmi sumä rïcuyäśha capäcula. Chaymi malca-
masin Israelcunäpis malca-masinta sumä ćhïniculcäla.
Ñatac Israelpa malcancunaćhümi chay mañananpä
caćhaśhancunaca waquinnin'a Israel-lädu nigusyanticunäwan
mañachipäcula. Chaymi chay nunacunäñatac partïdapa
mañapäcula.
13
Jinaman lluy cachacucunapis imaypis apacuśham
pulipäcula juc cuchillucta, juc jatun ispädacta. Chay
garuchanümi puntanćhu jiruyu cala. Chaytam “jabalina”
nipäcula.
Chay cachacucunap mandä puydïninmi “centurion”
nisha cala. [Canan cuartilćhu cumandanti nishanchicnümi.]
Paymi lluy cachacucunacta yaćhachilapis, ima
juchancunapïpis licala. Paytacmi cachacucunäta maquinćhu
cachil munaśhanta imactapis lulachïca cala.
Caycunapi limayan: Mateo 8:5-9; 27:26-31; Lucas 23:47;
Hechos 10:1, 24-29; 23:23-24; Efesios 6:10-17.
14
Roma nunacuna
Chay timpućhu'a Roma-lädu caymi anchap sumä
ćhaniyu cacula. Chay-lädu nuna cayta munal'a
imaymanactam lulapäcunan cala. Chay-lädu nunaña cal'a
manañam juc nunacunänüchu imactapis ñacay lulaycunacta
lulapäcula. Chaymi Roma-lädu cayta munapäcula may-lädu
nunacunapis.
Chay nasyunćhu capäculatacmi juc allin caśhta sumä
rïcu nunacunapis. Chaynu rïcu-cama capäcula chay Roma
puydï mandacücäta yanapänin caypïta camacänincunañam.
Chaycuna capäcula: cachacucunap puydïnincunam,
nasyunninpi pilyäcunam, jatućhä nigusiuyu nunacunam.
Paycunam lluy nunacunapïpis mas rïcu-cama capäcula.
Chaymi chulincunapis “allin caśhta” nisha capäcula masqui
maynu juyu ütac imanuy capäcuptinpis.
Chaynütacmi ishcay ćhunca pichayu wata cuartilcäćhu
cä cachacucunäpis Roma-läduña nisha capäcula masqui Roma
-lädu mana cayaptinpis. Ñatac pilyupis mana talcunanpämi
waquin malcactá jinantintaña “Roma-läducunañam
capäcunqui” nisha capäcula. Cay Roma-lädu nunacunacá
manañamá tupaycuśhapischu capäcunman cala.
Roma-lädu nuna cay, allin caycula caycunapmi:
Manañam alcabälacunacta pägapäcunan calachu, masqui
maynu iman cacuptinpis.
15
Chaynütac ima quijantapis Roma-lädu puydïcämi
licaycunan cala. Chaypi munälil'a nasyunpa puydï
mandäninman pasananpäpis cäsu calam. Chaynütacmi imacta
luläluptinpis manamá cäsu calachu curuśhman chacataycul
ütac walcaycul wañuchinanpäpis. Ñatac mana caśhta-
masincunactam ichá curuśhman walcalpis ütac imanalpis
wañuchipäcula. Chay Roma-lädu-pulacuná manam
chaynanaculcälachu.
Caycunapi limayan: Hechos 16:21,37,38; 22:25-29; 23:27;
25:16.
Recommended