Upload
others
View
21
Download
0
Embed Size (px)
Citation preview
1. UNITATE DIDAKTIKOA. MARKO DIDAKTIKOA
A, B, E KATEGORIAK
AURKIBIDEA
1. SARRERA.
1.1 ONCE GIZARTE-TALDEA. PROIEKTU ETA EKINTZAILETZAK
1.2 ITSUTASUNAREN MUNDUKO BILTZARRA MADRILEN
2. INKLUSIOAREN 11 BALIOAK
2.1 HEZKUNTZA INKLUSIBO BAT LORTZEKO SORMENEZKO
PENTSAMENDUA BULTZATZEA
2.2 INKLUSIOAREN 11 BALIOAK
3. ZERGATIK PARTE HARTU? ZERTARAKO PARTE HARTU?
3.1 ESKU HARTZEAREN ARDATZAK
3.2 ZERGATIK PARTE HARTU? ONURAK ETA ESKURATUTAKO
KONPETENTZIAK
4. ZER AURKEZTUKO DUGU AURTEN? PARTE-HARTZE MOTA ETA FORMATUA
4.1 BANDERA. A, B eta E Kategoriak.
4.2 NOLA IGO LANA WEB ORRIRA.
5. LOTURA KURRIKULARRA
5.1 LOMCE.
5.2 OINARRIZKO KONPETENTZIAK
5.3 EREMU KURRIKULARRAK. IKASGAIAK ETA EDUKI BLOKEAK
6 METODOLOGIA AKTIBOAK ETA TALDE DINAMIKAK
1. SARRERA. Ongi etorri ONCE Gizarte-Taldearen Eskola Lehiaketaren 36. ediziora, pertsona
guztientzako aukera berdintasuna lortzeko, eskuzabaltasuna eta pentsamendu
kritikoa, ikaslearen paper aktiboa eta elkarlana bezalako baloreak sustatzen
lagunduko zaituzteten hezkuntza sentsibilizazio programara.
Honako edizioan gertaera zirraragarri baten protagonistak bilakatuko
zaituztegu, World Blindness Summit-eko anfitrioiak izango gara! Madrilen,
2020ko ekainean ospatuko den topaketa internazionala. 190 herrialdetako
delegazioak jasoko ditugu, mundu osoko 285 milioi pertsona itsuren ordezkari
gisa. Eta zuen ikasleek benetan rol garrantzitsua beteko dute! Beraiek
inklusioaren aldeko mugimendu oso baten buru izatea espero baitugu.
Hori dela eta, zuen ikasleekin “ONCE upon a time. Guzion begirada” lemapean
inklusioa, aniztasuna eta desgaitasuna lantzera gonbidatzen zaituztegu, non
pertsona guztiak ikusgai egiteko inklusioa banderatzat hartuko dugun.
Zuen ikasleek lanari ekin eta haien sormen guztia hedatzea proposatzen
dizuegu, 2020 an Madrilgo World Blindness Summit ekimenean aurkeztuko
dugun, inklusioaren eta eraldaketa sozialaren aldeko mugimenduaren bandera
diseinatu (Lehen Hezkuntza, DBH eta Hezkuntza Berezia) eta ereserkia
konposatzeko (Batxilergoa eta erdi mailako FP).
Gaur, 36. edizio honetan, aurtengo 2019-2020 ikasturtean zuek talde gisa lotu
eta gizartea osatzen dugun guztion inklusioa defendatuko duen mugimendu
sozial gisa aurrera egiteko aukera dugu aurrean, gizarte irekia, enpatikoa,
kultura-anitza eta ugaria nahi baitugu.
ONCE UPON A TIME, GUZTION BEGIRADA
1.1 ONCE GIZARTE-TALDEA. PROIEKTU ETA EKINTZAILETZAK
ONCE Gizarte-Taldearen Eskola Lehiaketaren helburu nagusia egungo ikasleria
(etorkizuneko politikariak, arkitektoak, zientzialariak, irakasleak...) ezgaitasunik
ez duten eta badituzten pertsonen arteko aukera berdintasunaren garrantziaz
eta beharraz sentsibilizatzea da (edoizein egoeratarako aukera berdintasuna:
lanbidezkoa, hezkuntzazkoa, mugikortasunezkoa, eremu publikoetarako
sarrera, aisialdia, informaziorako sarrera, etab.). Aniztasunaren eta inklusioaren
aldarrikapenak ikasleengandik beraiengandik hasi beharra dauka, aldaketaren
benetako agente eta familiako balioen igorle direnak.
Baina ONCE Gizarte-Taldearen lana haratago doa, izaera anitzetako proiektu
ugaritan parte hartuz pertsona guztien inklusioa, eta gizarteko sektore
guztietan, bermatzeko, batez ere formakuntza eta enplegutza esparruetan
arreta jarriz.
Ezintasunak dituzten pertsonen Lankidetzarako eta Gizarte Inklusiorako
Fundación ONCE erakundea 1988ko otsailan jaio zen, ONCEren Batzorde
Orokorraren hitzarmenetik, eta urte bereko irailan, gizartearen aurrean
itsutasuna duten pertsona espainiarrengandik ezintasunak dituzten beste
kolektibo batzuekiko haien bizi baldintzak hobetzeko lankidetza eta
eskuzabaltasun erreminta gisa aurkeztu zen.
Haren jatorritik, itsutasuna duten pertsonen kolektiboak ezintasunak dituzten
pertsonen beste kolektiboekiko eskuzabaltasunezko bokazioa izan du, une
historiko bakoitzaren aukeren arabera.
Gainera ONCE bera, entitate fundatzaile gisa egoteaz gain, Fundación ONCEn,
patronatuaren bitartez ezgaitasunak dituzten pertsonen Espainiako organizazio
nagusiak daude barne, CERMI (Ezintasunen bat duten Pertsonen Ordezkarien
Espainiako Batzordea) ezgaitasunak dituzten pertsonen Espainiako organizazio
nagusiak batzen dituen plataforma, haietako asko izaera autonomikoa dutenak,
eta 3.000 elkarte eta entitate baino gehiago jasotzen dituena, gure herrialdean
ezgaitasunak dituzten pertsonen eta haien familien 3,8 milioi ordezkatuz.
Haren sorkuntzatik, 1988an, 2018ko abendura arte Fundación ONCEk pertsona
fisiko eta juridikoek aurkeztutako 41.245 proiektu bultzatu ditu.
Fundación ONCEk eta ONCEk balio berberak elkarbanatzen dituzte:
Komunikazioa, Eskuzabaltasuna, Konfidentzialtasuna, Ekitatea, Konfidantza,
Zintzotasuna, Apaltasuna, Errespetua, Konpromezua, Profesionaltasuna eta
Erantzukizuna.
Iturriak: Fundación ONCEk
1.2 ITSUTASUNAREN MUNDUKO BILTZARRA MADRILEN
2020ko ekainaren 19tik 24ra, Madrilek Itsuen Munduko Elkartearen (MUC) eta
Ezintasun Bisualak dituzten Pertsonen Hezkuntzarako Nazioarteko
Kontseiluaren (ICEVI) baterako Batzorde Orokorrari emango dio egoitza.
World Blindness Summit (WBS-Madrid 2020) (incorporamos logo)
https://www.worldblindnesssummit.com
Bi ekimen hauek Tifolnnovan, itsuei zuzendutako teknologiaren inguruan
munduan antolatzen den azoka handienetarikoan jazoko dira aldi berean. 190
herrialdetako delegazio etortzea espero da... itsutasuna duten munduko 285
milioi pertsonaren izenean!
Honako 36. edizioan pauso bat gehiago eman nahi dugu. Inklusioaren aldeko
mugimendu sozialaren buru bilakatzera gonbidatzen zaituztegu eta guztion
begiradarekin, mundu osoko ume eta gazteak 2020ko ekainean ospatuko den
World Blindness Summiteko ordezkariei behar bezalako harrera egiteko
inspiratu. Munduko itsutasunaren hiriburua izango baikara.
2. INKLUSIOAREN 11 BALIOAK
2.1 HEZKUNTZA INKLUSIBO BAT LORTZEKO SORMENEZKO PENTSAMENDUA BULTZATZEA
Adierazpen artistikoak ezinbestekoak dira umeen eta gazteen izaeraren
garapenerako, adierazpen hauen bidez, haien ikuspegi pertsonal, idealizatu
edo kritikoa azaltzen baitute, komunikatzeko metodo gisa entzumenezko
baliabideak, linguistikoak eta plastikoak erabiliz.
UNESCOren XXX. Batzorde Orokorrak (XXX Conferencia General de la
UNESCO (1999)) umearen formakuntzako disziplina artistikoetan jada inklusioa
bultzatzea proposatu zuen. Arte ezberdinen (ez soilik piktorikoaren) ikaskuntzak
ikasleriaren izaeran, etika oso sendo bat garatzera daramala frogatu izan da,
garapen mental malguagoa garatzea dakar, eta ondorioz enpatia eta bestearen
lekuan jartzea bultzatzen du.
Sormenak arazo bati irtenbidea aurkitzeko aukera ematen duenez, 36. edizioan
bultzatuko diren eragile artistikoek kontzientzia piztea eta World Blindness
Summit-aren buru bilakatzeko mugimendu gisa kokatzea erraztuko dute.
2.2 INKLUSIOAREN 11 BALIOAK
1. Izaera berdina partekatzea.
2. Baldintzarik gabe laguntzea.
3. Bestea ulertzeko gaitasuna.
4. Nork bere buruan sinisteko gaitasuna.
5. Hobetu. Aurrera egin. Hazi.
6. Taldea gabe ez da gure gaitasun ezberdinak batuz ondo egindako lanik
existitzen.
7. Akzio paregabe guztien motorra.
8. Gai izatearen kualitatea.
9. Mugak gainditzea.
10. Ausardiaz askoz haratago doana.
11. Unibertsaltasunari helduz.
3. ZERGATIK PARTE HARTU? ZERTARAKO PARTE HARTU? Norberarengandik ezberdinak diren pertsonen errealitateak partekatzea,
bestearen lekuan jarriz enpatia lantzea eta esku-hartzeko mugak edo aukerak
baloratzea, pertsonen bizi kalitatearen elementu giltzarriak barneratu (Mundu
fisikoaren ezagutzarako eta interakziorako konpetentzia) eta errealitatea
aztertzeko ikuspuntu ezberdinen existentziaz jabetzeko (Gizarterako eta
herritartasunerako konpetentzia) balioko diguten elementuak dira, gure ikasleak
etorkizunean herritar arduratsuak eta haien ideiekiko koherente eta erantzuleak
bilakatzeko helburuarekin.
3.1 ESKU-HARTZEAREN ARDATZAK
36. Edizio hau esku-hartzeko lau ardatzetan artikulatzen da:
• SENTITU: ikasleak inguratzen dituen mundua hautemanez, interpretatuz
eta ulertuz, ezintasunak dituzten pertsonen lekuan jarriz, hala nola,
gizartean bazterkeria jasaten dutenen lekuan, munduan inklusioa eta
inor mespretxatua, jazarria edo ahaztua senti ez dadila aldarrikatzen
duen mugimendu bat egiteko bidea aurkitzeko.
• IRUDIKATU: aukerak exploratuz, ezintasunak dituzten pertsonek ez
dituztenen eskubide berdinak dituzten etorkizun bat lortzeko urratsak
ematen lagunduko gaituen inklusioaren aldeko mugimendu sozial bat
burutuz.
• EKIN: imaginaziotik ekintzara pasaz, haien bandera edo ereserkia
inguruaren aldaketarako agente gisa sortzeko, inklusioaren aldeko
mugimenduaren buru gisa eta itsutasuna duten 285 milioi pertsona
ordezkatzen dituen topaketaren anfitrioi gisa.
• PARTEKATU: beraien lana lehiaketara aurkeztuz, ikaskideei, irakasleei,
gamiliei, hala nola lekuan lekuko komunikabideei erakutsiz,
administrazioei eta noski, World Blindness Summit-eko bisitariei.
3.2 ZERGATIK PARTE HARTU? ONURAK ETA ESKURATUTAKO KONPETENTZIAK
• Lehen hiruhilekoan zehar ikasgela-talde harremana indartzen laguntzen
du zuen programazioaren atal gisa.
• Ikasleengan sormenezko gaitasunak garatzen laguntzen du
(metodologia aktibo eta pedagogia berritzaileen bidez). Zeharkako
aukera hezitzaile handia eta aberaskorra da.
• Balioen hezkuntza bultzatzen du.
• World Blindness Summit mugimenduaren parte izateko aukera ematen
die ikasleei. Mota hontako ekitaldi paregabea, inklusio sozialaren aldeko
mugimendu oso bat jasotzen duena.
BALIOEN HEZKUNTZA IKASGELAN. ONURAK ETA IKASLEEK ESKURATUTAKO KONPETENTZIAK.
• Interakzio soziala bultzatzen eta indartzen du, gizarte ugaria, kulturanitza
eta inklusiboa lortzeko beharrezkoa dena.
• Balioen hezkuntza bultzatzen du, ikaslea herritar arduratsua izateko
gaituz.
• Enpatia garatzen du. Bestearen lekuan jartzeak norberak errealitate
sozialaren inguruan duen ikuspuntua aberasten du.
• Elkarkidetza eta elkarrekin lan egiteko gogoa indartzen ditu. Besteak
lagundu eta laguntza jasotzeak autoestimua eta partaidetasun
sentimendua areagotzen ditu.
• Sozialtasunaren aldeko jarrera indartzen du, ikasleek tolerantziazko eta
besteekiko errespetuzko konpromezu sozial argia eskuratzea
ahalbidetuz.
• Hezkuntza emozionala errazten du ikasgelan, ikasleen Adimen
Interpertsonala potentziatuz.
IKASGELAN BALIOETAN HEZTEA. GIZARTEAN ERAGINA DUTEN ONURAK.
• Gizarte enpatikoa. Sentsibilitate handiagokoa eta gizarte-talde
minoritario ezberdinei erantzuteko prest dagoena, berdintasun sozialaren
alde borrokatzen duena.
• Gizarte parte-hartzailea. Bidezkoagoa eta berdintzailea diskriminazio edo
gatazka egoeren aurrean konpromezuz jokatzeko.
• Gizarte malgua. Jasanberagoa eta elkarrizketara irekiagoa dagoena,
talde sozial ezberdinen eskariei errespetutik eta aniztasunetik abiatuta
erantzuteko.
• Gizarte dinamikoa. Etorkizuneko aldaketei irekiagoa, erresilientziaduna
eta garapenari zabaldua.
Jasotako proposamen guztien artetik, Epaimahaiak World Blindness Summit Madrid 2020-an aurkeztuko diren inklusioaren eta formakuntza sozialaren
aldeko mugimendua irudikatuko duten bandera eta ereserkia aukeratuko ditu.
4. ATALA: ZER AURKEZTUKO DUGU AURTEN? PARTE-HARTZE MOTA ETA FORMATUA
4.1 BANDERA. A, B eta E Kategoriak.
Lana inklusioaren bandera diseinatzean datza. Hura izenburu batekin eta
inklusiozko mezua, koloreen aukeraketa eta kokapenaren zergatia, hala nola
banderaren diseinua osatzen duten elementu grafikoen mezua azaltzen dituen
deskribapen-audio batekin batera aurkeztu beharko da.
Ikasgelan lankidetzan edo talde txikitan egin dezakezue lan, hala bandera nahi
bezain handia izan daiteke! Beti ere, “Bandera egiten dugu” izeneko 2. Unitate
Didaktikoan aurkituko duzuen formatu laukizuzena, 2:3 proportzioarekin,
errespetatzen duzuen bitartean.
4.2 NOLA IGO LANA WEB ORRIRA.
Oroitu parte-hartzeko gida azkarra kontsulta dezakezula.
Eskola lehiaketan burutu beharreko lana.
5. ATALA. LOTURA KURRIKULARRA LEHEN HEZKUNTZA/HEZKUNTZA BEREZIA ETAPAK 5.1. LOMCE. 126/2014 Errege Dekretua, otsailaren 28koa. Lehen Hezkuntzako
oinarrizko curriculuma ezartzekoa.
7. Artikulua. Lehen Hezkuntzako Helburuak.
Lehen Hezkuntzak umeei honakoa gauzatzen lagunduko dizkieten gaitasunak
garatzea bultzatuko du:
• Bizikidetza-balioak eta arauak ezagutu eta aintzat hartzea, haien arabera
jokatzen ikastea, herritar akibo bezala jarduteko prestatzea eta giza
eskubideak, hala nola, gizarte demokratiko baten berezko pluralismoa
errespetatzea.
• Kultura ezberdinak eta pertsonen arteko ezberdintasunak, gizon eta
emakumeen arteko eskubide eta aukera berdintasuna eta ezintasunak
dituzten pertsonen bazterketa-eza ezagutu, ulertu eta errespetatzea.
• Gaitasun afektiboak izaeraren esparru guztietan eta besteekiko
harremanetan garatzea, hala nola, indarkeriaren, edonolako aurreiritzien
eta estereotipo sexisten aurkako jarrera garatzea.
9. Artikulua. Ikaskuntza prozesua eta banakako arreta.
• Hezkuntza eskuhartzeak ikasleriaren aniztasuna printzipio gisa hartu
behar du, hala, haien guztien garapena, aldi berean bakoitzaren
beharren araberako arreta pertsonalizatuarekin batera bermatzen dela
ulertuz.
10. Artikulua. Zeharkako elementuak.
• Hezkuntza administrazioek ezintasunak dituzten pertsonentzako
kalitatezko, ekitatezko eta inklusiozko hezkuntza bultzatuko dute, aukera
berdintasuna eta ezintasun bat dela medio, bezterkeria eza, malgutasun
neurriak eta alternatiba metodologikoak, egokitzapen kurrikularrak,
irigarritasun unibertsalak, guztientzako diseinuak, aniztasunarekiko
arreta eta ezintasunak dituzten ikasleek berdintasunezko baldintzetan
kalitatezko hezkuntza baterako sarrera izatea lortzeko beharrezko diren
neurri guztiak.
5.2. OINARRIZKO KONPETENTZIAK
KONPETENTZIA LINGUISTIKOA. AZPIKONPETENTZIA DESKRIBAPENA
Ahozko – idatzizko komunikazioa
Ahoz eta idatziz pentsamenduak, emozioak, bizipenak, iritziak, sormenak adierazi eta interpretatu. Komunikazio kodeak erabili.
Adierazpena – errealitatearen interpretazioa eta ulermena
Komunikazioa testuingurura egokitu.
Pentsamenduaren, emozioen eta jokabidearen antolakuntza.
Elkarbizi. Norberak iritzi kritiko eta etikoa eraiki. Estereotipoak ezabatu.
Komunikazioa gatazkak konpontzeko erabili.
MUNDU FISIKOAREN EZAGUTZARAKO ETA INTERAKZIORAKO KONPETENTZIA.
AZPIKONPETENTZIA DESKRIBAPENA Norberaren bizitzaren eta gainerako izakien bizi baldintzen hobekuntza.
Pertsonen bizi kalitatearen oinarrizko elementuak barneratu.
INFORMAZIOAREN TRATAERA ETA GAITASUN DIGITALA. AZPIKONPETENTZIA DESKRIBAPENA
Informazioaren eskurapena, bilaketa, erregistro eta trataera.
Egoera eta testuinguru ezberdinetan oinarrizko lengoaia espezifikoak dominatu eta aplikatu: testualak, numerikoak, ikonikoak, bisualak, grafikoak eta entzunezkoak.
Informazioaren igorpena Produkzio arduratsu eta sormenezkoak sortu.
GIZARTERAKO ETA HERRITARTASUNERAKO KONPETENTZIA. AZPIKONPETENTZIA DESKRIBAPENA
Errealitate soziala ulertzea.
Egungo gizarteen pluralitatea eta garapen-izaera, eta sistema demokratikoaren ezaugarri eta baloreak ulertu. Errealitatea aztertzeko ikuspuntu ezberdinen existentziaz jabetu.
AZPIKONPETENTZIA DESKRIBAPENA Elkarrekin lan egin eta elkarbizi.
Bestearen lekuan jartzeko eta norberaren ikuspuntutik ezberdina izan arren bestearena ulertzeko gai izan.
Herritartasun demokratikoa jardun eta hobekuntza ekarpenak egin.
Gizarte demokratikoen balioak ulertu eta praktikara eraman: demokrazia, askatasuna, eskuzabaltasuna, erantzunkidetasuna, parte-hartzea eta herritartasuna.
KULTURA ETA ARTERAKO KONPETENTZIA. AZPIKONPETENTZIA DESKRIBAPENA
Ulermen, ezagutza, hautemate eta balorazio kritikoa.
Haien pentsamendu, hautemate, komunikazio eta sentsibilitate eta zentzu estetikozko adierazpenetarako sarrera ahalbidetzen duten trebetasun eta jarrerak izan. Lengoaia artistiko ezberdinen teknika eta baliabide nagusien inguruko oinarrizko ezagutza bat izan. Askatasun adierazpena, aniztasun kulturalerako eskubidea eta kulturarteko elkarrizketaren garrantzia baloratu.
Sormena, konposaketa eta inplikazioa.
Ekintzailetza, irudimena eta sormena, kode artistikoen bidez espresatzeko martxan jarri. Elkarlankidetzarako trebetasunak izan eta besteen ekintzailetzak eta ekarpenak bultzatu eta aintzat hartzeak duen garrantziaz jabetu. Bizitza kulturalean parte hartzeko interesa izan.
NORBERAREN AUTONOMIARAKO ETA EKIMENERAKO KONPETENTZIA. AZPIKONPETENTZIA DESKRIBAPENA Proiektuen planifikazio eta gauzatzea. Planifikatu. Proiektuak irudikatu eta garatu.
Harreman trebetasunak eta proiektu lidergozko trebetasunak.
Eskubideak baieztatu eta defendatu. Bestearen lekuan jartzea. Planteamenduetan malgua izan. Norbere buruarenganako konfidantza izan. Gainditze izpiritua izan. Elkarlanean aritu. Besteen ideiak baloratu.
5.3. EREMU KURRIKULARRAK. IKASGAIAK ETA EDUKI BLOKEAK.
IKASGAIA EDUKI BLOKEA EDUKIAREN DESKRIBAPENA
GIZARTE ZIENTZIAK
1. AMANKOMUNEKO EDUKIAK
Lengoaia testual eta grafiko ezberdinen erabilera.
GIZA ETA GIZARTERAKO BALIOAK
1. PERTSONAREN IDENTITATEA ETA DUINTASUNA
Nork bere buruari erronkak proposatzea eta erabaki-hartze pertsonal, aurretiaz pentsatutako eta arduratsu baten bidez aurrera eramatea, norbere buruarekiko eta besteekiko konpromezu zentzu on bat garatuz.
2. ULERMENA ETA ERRESPETUA HARREMAN INTERPERTSONALETAN
Taldean lan egin interdependentzia positiboa bultzatuz eta jarrera eskuzabalak agertuz. Balio unibertsalak errespetatu herritar guztientzako oinarrizko eskubideak bermatzeko beharra ulertuz. Aurreiritzi sozialen eraginak aztertu, eragiten dituzten arazoak eta haiek sufritzen dituzten pertsonengan duten eragina aztertuz. Tolerantziaz eta ezberdintasunak ulertuz eta onartuz jokatuz. Berdintasun eskubideen eta arrazoi ezberdinak edo bestelako edozein baldintza edo egoera sozial edo pertsonalengatiko bazterkeria-ezaren aitorpena ulertu, inguru sozialaren azterketan aplikatuz.
3. BIZIKIDETZA ETA BALIO SOZIALAK
Demokraziaren berezko ezaugarriak eta gizarterako balioek gizarte demokratikoan duten garrantzia ezagutu eta adierazi, hala nola, ikur nazionalek, Banderak, Ezkutuak eta Ereserkiak (…) duten esanahia.
GAZTELERA, HIZKUNTZA KOOFIZIALA ETA LITERATURA
1. AHOZKO KOMUNIKAZIOA: HITZEGIN ETA ENTZUN
Mezu berbalen eta ez berbalen ulermen eta adierazpena.
2. IDATZIZKO KOMUNIKAZIOA: Komunikazioaren baliabide grafikoak.
IKASGAIA EDUKI BLOKEA EDUKIAREN DESKRIBAPENA IRAKURRI
ADIERAZPEN ARTISTIKOA
2. ADIERAZPEN ARTISTIKOA
Era pertsonalean ideiak akzioak eta egoerak irudikatu lengoaia bisuala eratzen duten elementuetaz baliatuz. Sormen prozesuaren jarraibideak jarraituz produkzio plastikoak egin. Dagokien testuinguru kultural eta historikoan kokatutako irudien irakurketa, azterketa eta interpretaziora hurbildu, era kritikoan haien esanahia eta funtzio soziala ulertuz, irudi berrIak sortzeko gai izanez.
6 METODOLOGIA AKTIBOAK ETA TALDE DINAMIKAK Material diaktiko hau metodologia berritzaileen arabera garatu da,
konpetentzien ikuspegitik eta ikuspuntu disziplina-anitz batetatik ikasleen
ekintzailetza pertsonala eta autonomia bultzatuz.
Unitate didaktikoetan zehar proposatutako dinamikek, ikasle guztien gaitasunak
garatzea eta haien potentziala azaleratzea ahalbidetzen dute Adimen Anitzen
eta Art Thinking izeneko diseinuaren pentsamenduaren bitartez, beste
errealitate sozial batzuen inguruko barneratze eta ausnarketa prozesu baten
ondoren, ikasle bakoitzaren sormena piztuz. Era berean, Zerbitzu-ikaskuntzak
ikasleari bestearen lekuan jartzen laguntzen dio beharrak eta irtenbide
posibleak aurkitzeko helburuarekin.
Ikaskuntza Kolaboratiboan oinarritutako dinamikek talde-ikasgela
kohesionatzen dute eta aldi berean Flipped Classroom izenekoan oinarritutako
ikerketen bitartez ikasten ikasteko konpetentzia bultzatzen dute.
Jarrera eta konpetentzia sozialen eskurapen honek, ikasleen ideia eta
motibazioei balioa emango die hezkuntza inklusibo baten lidergotza emanez.
Banderaren eta ereserkiaren bitartez, arreta komunikazio linguistiko eta
bisualen gain ipiniko da. Ausnarketa eta abstrakzio komunikatibo prozesu
batzuen ondoren, irudiaren bidez zein hitzaren bidez ikasleen ikuspuntutik
inklusio sozialaren printzipioak isladatuko dira.
Metodologia honen edo beste batzuen inguruan gehiago jakin nahi baduzu,
gure hezkuntza adituen webinar saioak luzatzen dizkizuegu.
“Adimen anitzak eskola inklusiboan”,
Coral Elizondorekin, Zaragozako Hezkuntza
Fakultateko Irakasle eta hezkuntza
inklusiboan aditua dena.
"Neurohezkuntza ikasgelan: teoriatik praktikara", Jesús Guillenen eskutik,
Bartzelonako Unibertsitateko
“Neuroeducación: aprender con todo nuestro
potencial” graduondoko irakaslea, eta
Madrilgo Rey Juan Carlos Unibertsitateko Neurodidaktikako Masterraren irakasle
dena.
"Espazioa ikaskuntzaren elementu bideratzaile gisa: Pedagogia eta Arkitektura, egiteke dagoen hizketa”, Sonia Rayos eta
Silvana Andrésekin, "arquilecturas" izeneko
hezkuntza proiektuaren sortzaile.
“Aplika ezazu flipped classroom-a eta hobe ezazu konpetentzia digitala”, Raúl
Santiagorekin. Errioxako Unibertsitateko
“Metodologías y Tecnologías Emergentes
aplicadas a la Educación” Masterraren
Zuzendaria.
DINAMIKA TAULA
DINAMIKA MOTA APLIKATUTAKO METODOLOGIA
BANDERA EGITEN DUGU UNITATE DIDAKTIKOA
(A, B, E Kategoriak)
Ikerketa
Flipped Classroom
Denboraren aztarnak. Idazketa sistemaren jatorria Ikonografia Paleokristaua
Ikaskuntza kolaboratiboa Nire herriaren bandera
DINAMIKA MOTA APLIKATUTAKO METODOLOGIA
BANDERA EGITEN DUGU UNITATE DIDAKTIKOA
(A, B, E Kategoriak)
Sormena
Adimen Anitzak Banderaren sentipena Hitza irudian
Zerbitzu-ikaskuntza Batzorderako Seinalektika Inklusioaren ikurrak Inklusioaren aldeko Emoji-ak
Adimen Anitzak / Ikaskuntza Kolaboratiboa
Inklusioaren koloreak
DINAMIKA MOTA APLIKATUTAKO METODOLOGIA
BANDERA EGITEN DUGU UNITATE DIDAKTIKOA
(A, B, E Kategoriak) Ausnarketa eta
eztabaida Adimen Anitzak Sinboloaren kontzientzia
DINAMIKA MOTA APLIKATUTAKO METODOLOGIA
BANDERA EGITEN DUGU UNITATE DIDAKTIKOA
(A, B, E Kategoriak)
Enpatia eta Inklusioa Adimen Anitzak Arte tiflologikoa Komunikazio iristerraza- Braillea Komunikazio iristerraza- Zeinu hizkuntza