MULTIMEDIA TESTUEN ESTRATEGIA LINGUISTIKOAK

2011

SUSTATU.COM ALBISTAGIAREN

ANALISI SOZIOPRAGMATIKOA

EITB/EHU Multimedia eta Komunikazioa Masterra

Nerea Arcelus Bragado nereaarcelus@gmail.com

2

1. Ezaugarri orokorrak 1.1. Hedabide-mota 1.2. Erabilera 1.3. Erabiltzaileak eta erabilera-datuak 1.4. Hedabidearen lekua (euskarazko) komunikabideen mapan 2. Dimentsio soziolinguistikoa 2.1. Komunikaziorako baliabideak: hierarkia eta baliabideen arteko harremana 2.2. Lehentasunak: edukiak vs komunikazio-dinamika vs hizkuntza bera 2.3. Multimediaren, hipertestuaren eta elkarreraginaren ustiatze-maila 2.4. Funtzio soziolinguistikoa: nork, zer, norentzat eta nola 3. Dimentsio pragmatiko-funtzionala 3.1. Produktuaren funtzioa(k) komunikatzeko estrategiak 3.2. Edukiak antolatzeko eta nabarmentzeko estrategiak (aurreikuspenak) 3.3. Nabigazioa eta elkarrekintza bideratzeko estrategiak (ekintzak) 3.4. Eskaintza: elkarreragina, egunerokotasuna, entretenimendua (asetasuna) 3.5. Komunikazioaren helburuak eta komunikazioaren dinamika 4. Testu-dimentsioa 4.1. Testu ereduak: nolakotasuna, banaketa, funtzioa… 4.2. Testuen txantiloiak: segmentuak, segmentuen arteko lotura, egitura… 4.3. Testuaren eta elementu grafikoen arteko lotura 4.4. Hipertestuaren eta hipermediaren erabilera eta garapena 5. Estiloa 5.1. Hizkuntza-eredua: erregistroa eta moldea 5.2. Informazioaren kudeaketa: kohesioa eta koherentzia 5.3. Hizkuntza-baliabideak: argitasuna, zehaztasuna eta funtzionaltasuna 5.4. Hizkuntza-ereduaren egokitasuna Bibliografia

3

1. Ezaugarri orokorrak

1.1. Hedabide-mota:

Sustatu.com Interneteko albistegi horizontal-digitala da. 2001an proiektu

honen buru izan eta oraindik den Luistxo Fernandez-ek web-blog hau sortu zuen, haren

hitzek dioten bezala “interneteko folkloreaz” euskaraz ere jabetu ahal izateko

helburuarekin. Garai batean, euskaraz egindako lehen blog-etako bat izateaz gain, gaur

egun web-blog kolektibo honetan irakurleen esku ere badago artikulu nagusiak idazteko

aukera. Hedabide digital batekin alderatzeko beharra balego, sortzaileak argi azpimarratu

nahi du Sustatu guneak duen blog izaera. Urteak pasa ahala, sekzio batzuk atxiki zaizkion

arren eta blogari konkretu batzuk bertan, haien gune bereizgarriak dituzten arren, edukien

hierarkia eza eta gainontzeko erabiltzaileen parte-hartze zuzenak, berezko izatea ematen

dio guneari, alegia, ezaugarri hauek dira euskarazko web-blog kolektibo honen funtsa.

Sustatu.com Goiena Komunikazio Zerbitzuek eta CodeSyntax informatika

enpresak sortutako ekimena da. Goiena da Sustatuko adar editoriala, CodeSyntax berriz

adar teknikoan dihardu. Horretaz aparte, Gipuzkoako Foru Aldundiak eta Eusko

Jaurlaritzako Kultura Sailak diruz lagundutako hedabidea da hau.

Gune honen atzetik lanean ari diren oinarri fisikoak zertan diharduten jakiteko, Goiena zein CodeSyntex enpresen inguruan oinarrizko irizpideak ezagutzea beharrezkoa litzateke. CodeSyntax enpresaren kasuan, euskaraz lan egin eta euskara interneten bultzatzerako orduan aitzindaria izan den informatikako enpresa da. Sustatu.com guneaz aparte, Aurki, Argazkiak.org edo Blogak bezalako guneen bultzatzaile izan da. Goiena Komunikazio Zerbitzuak berriz, euskaraz jarduten duen komunikazio enpresa da. Debagoienean kokatzen den kooperatiba honek lau hedabidetan banatzen du bere jarduna: Goiena Telebista, Arrasate Irratia, Goiena.net eta Goienaren papereko edizioa.

Sustatu.com gunean haien helburuei buruz diotena osatu nahian, Goienak

haren orrian Sustatu.com-en eginten lanaz dioena interesgarria iruditu zait lan honetan

jasotzeko:

“Profesional euskaldunarentzako albistegi bat da Sustatu. Ekonomiaren alor desberdinetan (irakaskuntza, industria, zerbitzuak...) lanean diharduten eta prestatzen ari diren gazteentzako zerbitzu bat.

Teknologia Berrien eta Interneteko garaian ere, euskararen presentzia indartu eta bultzatzeak berebiziko garrantzia du. Baina Sustatu ez da berez euskara bultzatzeko ekimen bat, baizik eta gai profesionalei buruzkoa, hori bai, euskaraz egina irakurle euskaldunentzat”.

2009ko Urriaren 14an, Nickdutnik teknologiaren inguruko programak, Luistxo

Fernandezi egindako elkarrizketa bat azalerazi zuen, non Luistxok Sustatu.com-en egindako

lanaz ari zen. Elkarrizketa horretan zioen, hark egindako editore lanari Josu Mendicute

4

blog-aria gehitu zitzaiola 2009an, biak batera Sustatu.com gunean editore lana batera

egikaritzen zutelarik, baina Goienak haren orrian Sustatuko barne egituraz hurrengoa hau

dio:

Editorea: Iban Arantzabal (GOIENA). Softwarea: Garikoitz Araolaza (CodeSyntax). Diseinua: Maite Rementeria (CodeSyntax). Batzorde editoriala: Luis Fernandez (CodeSyntax), Mikel Irizar eta Joxe Aranzabal.

1.2. Erabilera:

Albistegi nagusiko oharrak moderatuak dira. Zeure mezua kargatzea posible bada ere, onarpena eta argitalpena edizio-taldearen esku geratzen da, eta mezuak argitasunaren mesedetan editatzeko aukera gordetzen dute. Era berean, mezua kargatzean e-posta helbidea sartzea beharrezkoa da, eta postontzian baieztapen mezua jasotzea ere beharrezkoa da. Benetako e-posta helbidearekin diharduzula ziurtatzeko ohiko metodologia erabiltzen dute.

Erantzunen kasuan berriz, hauek libreak dira; ez dira moderatuak. Hori bai, erantzuna kargatu ondoren ere, e-posta helbidea baieztatu beharra dago, zure postontzian jasoko duzun mezuaren bitartez. Sustatuko buruek hurrengo gura honen bidez, irakurlea zuzen jokatzeko ahalegina partekatzen dute:

“Espero dugu irakurleek zentzuarekin erabiliko dutela aukera hau, errespetuzko iritzi trukea eta benetako adierazpen askatasuna posible izan dadin”.

Goienak zein CodeSyntax-ek duten erantzukizunari dagokionez, argi azaleratzen dute norainokoa den hau, aipu honen bidez:

“Goiena Komunikazio Zerbitzuek eta CodeSyntax-ek ez dute beren gain hartzen albistegi honetan partikularrek adierazitako esanen eta iritzien erantzukizunik. Mezuen onarpena edo balizko mezu batzuen ezabaketa edizio-taldearen esku geratzen da. Goiena eta CodeSyntax ez daude behartuta erabaki hauen inguruan bidaltzaileei esplikaziorik ematera”.

1.3. Erabiltzaileak eta erabilera-datuak:

Erabiltzaile kopuruari dagokionez pasa den 2010.urteko datuak aurreko urtearekin alderatuz hobeagoak izan direla esan liteke: 619.510 bisitaldi, alegia, aurreko urtean baino %22,57 gehiago.

Urteko datu positiboaz aparte, Sustatu.com guneak beste hainbat datu

alderatzen ditu haren ibilbidea zein den ezagutarazteko. Goian aipatutako bisitaldien gorakadaz aparte, 2009arekin alderatuta 170.299 bisitari gehiago izan ditu guneak, alegia, %14ko igoera. Ikusitako orrialde kopuruari dagokionez ere 1.936.756koa izan da (%62ko igoera) eta bisitari bakoitzak, bataz beste, 3,13 orrialde ikusten ditu normalean (2009an baino %32 gehiago). Webgunean igarotzen duten denbora kopuruari buruz gainera, 2:32 minutu igarotzen ditu sustatuzaleak (%6,5eko igoera). Irailak 6an izan zituen bista gehien

5

orrialdeak 2.509 bisitariekin eta guztira 1174 artikulu argitaratu dira eta 3199 erantzun jaso dituzte (2009an 1335 eta 2774).

Sustatura heltzeko bideei dagokionez, hona hemen gunetik ateratako datuak. Zuzenean eta google-en bidez eginiko bilaketak gailendu diren arren, beste gune batzuen bidez egindako bilaketak ere badira:

Googletik %33,7 (2009an %32). Dena den, horko erdia inguru "Sustatu" bilatuta iristen dira gurera eta, beraz, sarrera zuzen gisa ere konta daitezke.

Zuzenean %28,6 (%27,5) Buletinetik %9,5 (%10) RSS bidez %8,5 (%12) Twitter %5 (%1) Facebook %3,7 (%1,7) Beste webgune batzuetatik %10 (esate baterako, Berria,

Zabaldu.com, Argia, eta Goiena.net).

Harpidetzari dagokionez, 1569 lagun dira Sustatu harpidetza bidez jasotzen dutenak (RSS bidez) eta 846 lagunek berriz buletinera harpidetuta daude. Sare-sozialen eragina dela eta, Facebooken bidez 893 jarraitzaile dituzte eta Twitter-en bidez berriz 1.003 follower eta 3.389 tuit.

1.4. Hedabidearen lekua (euskarazko) komunikabideen mapan:

Lanaren hasieran esan bezala, 2001ean sortutako web-blog kolektibo honen helburu nagusia, euskaraz diharduen gune batean edukiak eskegitzeko aukera eskaintzea zen. Horretaz aparte, egia da, bere garaian euskaraz sortutako mota honetako lehenengo guneetariko bat izan zela, horregatik agian, gaur egun ere aitzindari izateagatik edo, erreferentzia gisa hartzen da batez ere teknologia eta internetaren alorrean. Luistxok nickdutnick programan esandakoaren arabera gainera, komunikabide izaera ez duen gunea dela kontuan izanda, komunikabideen mapan kokapen zehatz bat izan baino gehiago, sarean diharduten euskarazko erabiltzaileentzako erreferentzia gune eta edukiak partekatzeko blog komuna litzatekeela esango nuke soilik.

2. Dimentsio soziolinguistikoa

2.1. Komunikaziorako baliabideak: hierarkia eta baliabideen arteko harremana

Web-blog kolektiboa izanda, blog-en egitura orokorra mantentzen du

Sustatu.com-ek. Atal bereizgarriak dituen arren, alegia, gaia edo blogari zehatz batzuentzako guneak dauden arren, edukiak ez dira erabilitako baliabideen arabera banatzen. 2009.urterarte Sustatuko eduki gehienek testua jorratzen zuten, produktu multimedien presentzia oso txikia zelarik. Azkeneko bi urte hauetan, ikus-entzunezko produktuen kantitatea ugaritu egin bada ere, eduki idatzien kopurua oraindik gailentzen da eta sarri eskegi ohi diren ikus-entzunezko produktuak euskaltube edo youtube bezalako guneetatik

6

ekarritako dira soilik.

2.2. Lehentasunak: edukiak vs komunikazio-dinamika vs hizkuntza bera

Alor ezberdineko gaiak, berriak edota bitxikeriak eskegitzeko aukera eskaintzen du Sustatuk, beti ere hauek euskaraz idatziak badira noski. Profil desberdineko erabiltzaileei zuzendutako edukiak izateaz gain, blogaren gakoa, mota honetako guneen bidez profil ezberdina duten ekoizleek edukiak igotzeko aukera izatea da. Komunikazio-dinamikari dagokionez, norabide anitzekoa da erabiltzaileak edukiak jaso, iruzkindu, bidali, zabaldu… ditzakeelako.

2009eko maiatzaren 1etik aurrerako Sustatuko testuek lizentzia honekin daude babestuak: Creative Commons Aitortu-Partekatu, cc-by-sa. Erabiltzaileek artikulu bat bidaltzen dutenean, testuari lizentzia hau esleitzen diotela onartu behar dute.

Interesgarria da lizentzia honen pean, euskarazko Wikipedian artikuluak dokumentatzeko aukera ere badagoela jakitea, baina Creative Commons honen hautaketak betebehar batzuk dauzka, besteak beste egiletza aitortu beharra, (artikuluaren bidaltzaileari zor zaio egiletza hori, ez Sustatu.com webguneari edota baldintza berean banatu behar izatea lan eratorria edo egiten duzun kopia edo dena delakoa.

2.3. Multimediaren, hipertestuaren eta elkarreraginaren ustiatze-maila:

Elkarreragina, Sustatu.com-eko ezaugarri nagusienetarikoa dela esango nuke.

Web-blog kolektibo gisa, interaktibitatea eta hipertestualiatearen erabilera handia da. Blog kolektiboaren funtzioa behar bezala bete dadin, kasu honetan ezinbestekoa da elementu hauen batura ematea. Azken urte hauetan ere, sare sozialen papera esparru handiagoa hartu du gune honetan, horregatik Sustatuko trafikoaren ia %10ak adibidez, Facebook eta Twiterren du jatorria.

Gorago esan bezala izena eta e-posta emanez berri guztiak iruzkindu daitezke. E-postaz ere hirugarrenei bidaltzeko aukera dago, baita inprimatu eta Interneten zabaltzeko aukera ere badago, kasu honetan facebook eta twitter-en bitartez.

2.4. Funtzio soziolinguistikoa: nork, zer, norentzat eta nola

Gune honek, kontsumitzailea eta ekoizlea pertsona berdina izatearen aukera eskaintzen du, horrek erabiltzaileen profil zehatz bat ematea oztopatzen du. Hala ere erreferentzia gisa honako datu hau hartu genezake nolabaiteko muga edo zehaztapen batzuk ematearren, facebook-eko erabiltzaileen %43a 25-45 urte bitarteko gizonezkoak dira. Alor ezberdinetako gaiak jorratzeak ere, targeta zehazteko beste traba bat da. Hala ere, irizpide gutxi batzuk aipatu genitzake kontsumitzaileen profilera gerturatzeko ahalegin batean. Hasteko, argi dago euskara dela ekoizle eta kontsumitzaileen ildo nagusia eta nolabaiteko adin tarte bat zehaztekotan 20-60 urte bitarteko gizon zein emakumeentzat bideratutako edukiak direla uste dut. Gero gazteria edo 20 urtetik beherako gazteak

7

Sustatu.com-en kokapen zehatzik ez izatea negatiboa dela iruditzen zait. Norbanakoak egindakoa sustatzen duen gune kolektiboa izanda, esparru honentzat gune zehatzik edo ekintza sustatzailerik ez egoteak, edukigile edo sustatzaileen kopurua gora ez joatea ahalbidetzen du.

Azkenik Sustatu.com-eko erabiltzaileak informazio eta iritzien gura ase nahian sarean dabiltzaten pertsona mota oso ezberdinak izan daitezkeela uste dut.

3. Dimentsio pragmatiko-funtzionala:

3.1. Produktuaren funtzioa(k) komunikatzeko estrategiak

Sustatu.com-ek komunikazio-eredu transakzionala jarraitzen duela uste dut. Xede nagusia gaurkotasun gaien inguruan informatzea baino, sustatzaileen aldetik jarrera parte-hartzailea eta euskaraz idatziriko alor ezberdineko berriak zein iritziak edota bitxikeriak eskegitzeko gunea eskaintzea da haien helburu nagusia. Guzti hau ongi bete dadin elkarreragina eta interaktibitatea ezinbestekoa da. Hala ere multimediatasunaren aldeko lan handiagoa egitea posible dela uste dut, baina kasu honetan erabiltzaileen esku dago multimedia produktuen aldeko apustu handiago bat egitea. Dena den, gune hau blog baten izaera du eta produktu ezberdinen integrazioa eman dadin ez dut uste alor honi zuzenduriko aparteko atal bat edukitzea egokiena litzatekeenik.

3.2. Edukiak antolatzeko eta nabarmentzeko estrategiak (aurreikuspenak):

Edukiak ez daude batere antolatuta, ohiko blogaren ereduari jarraituz,

edukiak eskegitzen diren heinean modu berean agertzen dira orri nagusian. Bi atal

bereizgarri daude, bakoitzak dagokion sail bereziekin baina hauen artean ez dago kolore

edo itxuraren aldetik ezberdintze deigarririk. Atal nagusian, sarrera, artxiboa, harpidetu

eta zeuk idatzi izeneko lau sail ezberdinak daude eta hauen artean ez dago inolako

bereizgarritasunik. Eta Adi honi izeneko bigarren azpi atal batean Facebook: profila edo

orrialdea? , 2010 estatistikak, Sortu , WTF, Argia Sariak, Jon Juaristi eta Umap izenekoak.

8

3.3. Nabigazioa eta elkarrekintza bideratzeko estrategiak (ekintzak):

Oinarri eta egitura sinplea duen gunea da. Lan osoan zehar esan bezala, blog kolektiboaren funtzioa bete nahi du eta Sustatu.com-ek ekoizleak eskegi nahi duten edukien bitartekari lanak egiten dituen arren, edukiak berez ez dituzte sailkapen berezirik jasaten inolako alor edo formatuetan eskegi nahi badira ere. Gehienez edukiari jarritako etiketaren bidez, gero artxiboan biltzeko aukera eskaintzen da.

Badira orri nagusian bertan, ordurarte erantzun gehien jaso dituzten edukien lauki bateratzailea, edota erantzuna jaso berri duten edukiak ezagutarazten duen bideratzailea, baina orokorrean elkarrekintza bideratzeko estrategia nagusia, iritzia emateko aukeraren bidez gauzatzen da baita sare-sozialetan partekatzeko aukeraren bidez ere.

3.4. Eskaintza: elkarreragina, egunerokotasuna, entretenimendua (asetasuna)

Sustatu.com-eko atal nagusiek konplexutasun handirik ez badute ere, hona

hemen bakoitzean aurki daitezkeen sailen deskribapena:

-Sarrera:ekoizleak edukiak eskegi ahala bertan ageri dira bata bestearen atzetik, inolako irizpideen araberako orden edo egituraketa zehatz bat jarraituz.

-Artxiboa: Bertan hilabete edo gaiaren araberako bilaketa egin liteke. -Harpidetu: E-potaren bidez harpidetze egiteko atal zehatza dugu

hurrengo hau. -Zeuk idatzi: Bertan eduki idatzia, argazkia edo lotura zuzenean

igotzeko aukera ematen da. Adi honi izeneko azpi atalak berriz sail ezberdinak ditu bere baitan,

irakurleek modu zuzenago batean hainbat edukietara bideratu daitezen:

- Facebook: profila edo orrialdea? Bertan zaletu-orrildeen eta profil bat egitearen arteko ezberdintasunaz diharduen testu informatibo bat da.

- 2010 estatistikak: Sustatuk 2010.urterarte lortutako erabiltzaile-

kopuru eta erabileraren datuak eskaintzen dituen gunea da hau. - Sortu: Alderdi politiko honek interneten sortutako guneaz diharduen

azalpenarentzako atal hau ageri da Sustatun. - WTF: What The Fuck?! da WTF ingelesez, baina euskaraz backronimo

batekin berrizendatu dute Sustatukoek. Weno, Tira, Faborez! Interneteko

9

egunero ageri diren zentzugabekeriak jasotzen ditu. Atal honen zaindariak Goioa Arana, Iñaki Olano eta Josu Lezameta dira.

- Argia Sariak: Argiak 2011an eskainitako sariaz dihardu sail honek. - Jon Juaristi: Xabier Mendigurenek Jon Juaristik esandakoaren alde

abiapuntutzat hartuz, gertakari honen inguruko informazio guztia eskaintzen duen saila da.

- UMAP: Twitterreko euskarazko jardun guztiaren batzailea da Umap. Umapek Twitterreko erabiltzaile euskaldunak detektatzen ditu, eta haiek jarraitzen ditu eta Sustatun erabiltzaile horien mezu guztiak jasotzen dituzte, gero euskaraz daudenak filtratzeko.

3.5. Komunikazioaren helburuak eta komunikazioaren dinamika:

Esan bezala, Sustatu.com-eko helburu nagusia, batez ere interneten baina

gure egunerokotasunean ere, gertatzen diren gauzen berri emateko euskarazko gune kolektibo bat izatea da. Nire ustez diseinu edo egituraketaren aldetik egindako lana baino, gune honen eskaintza nagusia, interneteko zerbitzu ezberdinak euskaraz erabiltzeko aukera ematen dutela da, edo behientzat haien berri ematen lehenak izaten saiatzen dira. Sustatzaileak gai ezberdinei buruzko informazioa eskegitzeko aukera badu ere, Sustatuko egoitzatik ahalegina egiten dute UMAP bezalako sailarekin adibidez, internet ahal den heinean euskaraz, beste hizkuntzen adina, erabili eta kontsumitzeko.

10

4. Testu-dimentsioa

4.1. Testu ereduak: nolakotasuna, banaketa, funtzioa…

Lanean zehar esan bezala eduki idatzia gailentzen da gai gehienetan, bertan iraulitako piramidearen eredua jarraitzen da, titulu, sarrera eta corpusarekin. Hala ere, Sustatuk berezkoa egin du sarreratxoaren ostean, aipuren bat sartzeko joera. Hipermediak eskaintzen dituen baliabideak ez dira behar bezala erabiltzen, web-blog kolektiboa izanda ere, kasu askotan testuak luzeegiak direlako ordenagailuko pantailaren bidez irakurtzeko eta are gehiago eduki horri ez badio argazki edo produktu multimedia bat jarraitzen.

Zenbait kasutan alde nabaria dago edukien artean, orain aipatutako eredua gehien errepikatzen dena bada ere, beste kasu batzuetan youtube-tik ekarritako bideoari testu txiki gehitu ohi zaio bertan eskegitzeko, kasu hauetan multimediatasunaz jabetuz edukia aberasteko aukera izanda ere, ez zaio probetxurik ateratzen.

11

4.2. Testuen txantiloiak: segmentuak, segmentuen arteko lotura, egitura…

Txantiloia berdina erabiltzen da eduki eta sail guztietan, Umap sailean ezik. Gaia edo genero ezberdina bada ere txantiloi berdina mantentzen dute edukietarako. Testuen arteko lotura lineala da horretarako eduki nahikoa dagoenean behintzat eta diseinua orokorrean konplexuegia ez bada ere, testuak kokatzeko era egokia da, Luistxorekin masterrean emandako klase batean esan bezala: “interneten testu justifikatuak debekatuta daude”.

4.3. Testuaren eta elementu grafikoen arteko lotura:

Sarri ikus-entzunezko produktuekin batera eskegitzen dituzten testuak nahiko pobreak dira eta testua landuagoa denean ikusi izan dut irudi edota bideoen erabilera eskasa dela edo ez dagoela. Alde honetatik erabiltzeek ahalegin handiagoa egin beharko luketela uste dut, hala nola Sustatutik ere gunea aberasteko ahalegin bat egitea egokiena litzateke jarraitzaile gehiago eta azken finean edukien ekoizle gehiago erakartzeko.

4.4. Hipertestuaren eta hipermediaren erabilera eta garapena:

Hipertestuen erabilera kasu batzuetan gehiegizkoa iruditu zait, baina tresna honen inguruko erabilpena orokorrean egokia dela uste dut. Hasieran esan bezala gune honen ezaugarrietariko bat bere arloan aintzidari izatea izan da, beste hizkuntzatan egindako guneen eredua edo aldaketak jarraituz garatzen joan dira, baina oraindik hipermediaren alde egindako lana txikia uste dut. Blog formatua eta eredu honek daukan xedea jarraitu nahi bada ere, besteek egindakoaren atzetik ibili beharrean, Sustatu.com-etik, eskaintzen duten eredua hobetzeko aukera badago eta esan bezala oraindik ere eduki idatzia da gune honetan gailentzen den formatu bakarra.

12

5. Estiloa

5.1. Hizkuntza-eredua: erregistroa eta moldea

Euskara hutsean edukiak eskegitzeko gunea izanda, hizkuntzaren alde egindako lana azpimarragarria da. Euskara batuan eskegitzen dira eduki gehienak salbuespenak salbuespen. Sarean zehar euskaraz jardun nahi duten kontsumitzaileentzako zerbitzua da, horregatik euskara maila ezberdina duen edonork eduki hauek kontsumitu ditzakeela uste dut. Badira beste hizkuntza batzuetan eskegitako bideoak baino erreferentziak eta eduki idatzia beti esan bezala euskaraz ematen da. Orokorrean erabili ohi den hizkuntza eredua formala da baina horrek ez du esan nahi hizkuntza landu egiten ez denik.

5.2. Informazioaren kudeaketa: kohesioa eta koherentzia

Edukiak berez koherentziaren ildoa jarraitzen dute nahiz eta edukien arteko kohesiorik ez dagoen. Esan bezala, web-blog bezala bertan eskegitako edukiek ez dute zergatik haien arteko kohesiorik eduki behar eta kasu honetan bide hau jarraitzen da.

Koherentzia batez ere Sustatun jorratu behar duten lana da, haiek dira eta

edukien egokitasuna norainokoa den erabakitzen dutenak gero orrian eskegi ahal izateko.

5.3. Hizkuntza-baliabideak: argitasuna, zehaztasuna eta funtzionaltasuna

Sustatzaileak eduki sortzaileak direnez, argitasuna, zehaztasuna eta funtzio naltasunaren erabilera ezinbestekoa da informazio jario egokia gauzatu dadin. Kasu honetan edukiaren aldetik argitasunaren betebeharra egoki gauzatzen da, gorago esan bezala, eskegi baino lehen Sustatu.com-eko egoitzatik edukiak ikuskatzen dituztelako. Nire ustez funtzionaltasuna da gune honek gehien erabiltzen duen irizpidea, kontsumitzaileentzako funtzionaltasuna baino, ekoizleentzako funtzionaltasuna sustatzen dute Sustatu.com gunetik.

13

Zehaztasunari dagokionez, argitasuna eta zehaztasuna sarri batera joan

ohi diren baliabideak dira eta alde horretatik, baliabide horiek behar bezala gauzatzen direla uste dut. Baina gunea berez, orriaren osotasunari dagokionez hizkuntza aldetik zehaztasun eza nabaria du. Argia eta sinplea bada ere, orriak bere osotasunean erabilitako hizkuntza zehaztasuna ahalbidetzen ez duela iruditzen zait.

5.4. Hizkuntza-ereduaren egokitasuna:

Sustatu.com-ek edukien inguruan ezarritako mugak berez, hizkuntzaren aldetik zuzenak ez diren eduki guztiak alderatzeko eskubidea dutela ezartzen dute, beraz ildo honetan egindako lana egokia da.

14

Bibliografia

http://sustatu.com/

http://www.nickdutnik.com/es/sustatu-com

http://www.codesyntax.com/

http://goiena.net/

http://eu.umap.eu/