ANIMALIAK

BEATRIZ CALLES, SARA GABILONDO ETA AMAIA BEÑARAN GARMENDIA

1. KATALOGAZIO EZAUGARRIAK

1.1. TIPOLOGIA: Ikasketa objektua

Funtzio aldetik maila didaktiko baxuagoa dauka. Bertan ikas-jarduera bat edo

batzuk, ebaluazio-irizpideak, mapa kontzeptuala(k) eta aurretiazko ezagutzaren

ebaluazio-sistemak jasotzen dira. Curriculum-estaldura ikasturte edo ziklo jakin

baten ezagutza-bloke batekoa edo hainbatekoa da.

Gure ikasketa objektua animaliei buruzkoa da, bertan animalia ornogabeak eta

ornodunak landuko dituzte.

1.2. IKT MAILA/FASEA: tarteko maila

Eduki batzuk lantzeko programa itxiak erabiliko ditugu, elkarreragileak izango

dira: “Jclick, HotPotatoes, Edilim, Cuadernia eta Ardora” motatako jarduerak

adibidez.

Beste edukia batzuk lantzeko berriz, programa irekiak erabiliko ditugu: testu-

prozesadoreak, datu-baseak, kalkulu-orriak, edizio multimediarako tresnak, etab.

1.3. ORIENTABIDE DIDAKTIKOAK

Ikasketa-objektuaren hezkuntza-helburua, ikasleen multzokatze-modalitatea

eta HODaren formatu teknikoa adierazten ditu.

- Ikasketa objektuen sailkapena: segimendu-jarduera, sintesi-jarduera eta ebaluazio-

jarduera.

- Multzokatzea: banaka.

- Formatu teknikoa: PDf-a, HTML-a, ZIP-a, Power Point-a.

2. TESTUINGURAKETA

Gure lana lehen hezkuntzako hirugarren mailako ikasleentzako egina dago, horretarako

hirugarren mailako Inguruneko ikasgaiko liburu bat aukeratu dugu, gida moduan.

Bertan zeuden gaiak ikusi ondoren, animalien gaiari buruzko lana egitea pentsatu genuen,

liburuko “animalia ornogabeak” eta “animalia ornodunak” atalak aukeratuz. Animalien gaia ez

da gauza erraza horregatik kurtso hauetan ematen da.

Lehenik eta behin teoria prestatu dugu, Power Point baten bidez. Bertan, animalia

ornodunak eta ornogabeak ondo bereizi ditugu, horien barruan aurkitu daitezkeen taldeen

ezaugarriak ondo nabarmenduz. Erakargarriago egiteko argazkiak eta koloredun orriak sartu

ditugu gure Power Point-ean eta ezaugarri esanguratsuenak sartzen saiatu gera.

Edilim programa erabili dugu gure jarduerak egiteko, bertan bi jarduera mota desberdin

prestatu ditugu: batzuk teoriarekin batera egiteko dira eta beste batzuk berriz ebaluazio

moduan.

IKT-ek eskaintzen duten aukera aprobetxatu dezakegu gure etorkizunean jarduerak

diseinatzeko orduan, ez baikenekien programa mota hauek existitzen zirela eta guztiz

motibagarriak eta erabilgarriak iruditzen zaizkigulako.

3. HELBURU DIDAKTIKOAK

Proposatu dugun teoria eta honi lotutako praktika edo jarduerak, ikasleek honako

helburuak betetzeko eginak izan dira:

1.Animaliak sailkatzeko abilezia lortzea.

2.Animalia mota bakoitzak duen ugalketa modua desberdintzen jakitea.

3. Animalia mota desberdinen ezaugarriak ezagutzea eta desberdintzea.

4.Ikasitako teoria jardueretan aplikatzen ikastea.

5.Teknologia berriekin harremanetan jartzea eta ikasteko erabiltzen jakitea.

4. OINARRIZKO KONPETENTZIAK

Ondoren, Haur Hezkuntzatik, Lehen Hezkuntzako 4.maila arte proposatzen diren

konpetentziak aipatuko ditugu:

1. Jariakortasun teknologikoa: 1.1Hardwarraren oinarrizko baliabideak maneiatu:

1.1.1.Konputagailuen oinarrizko funtzionamendua, sortzeko, adierazteko eta

elkarlanean aritzeko dispositibo bat bezala ulertu .

1.1.2. Arratoia eta teklatua erabili.Inprimagailua, monitorea eta hauek duten

irteera dispositibo funtzioa ulertu.

1.2. IKT-ak informazio biltzeko erabili:

1.2.1. Internetek ematen dizkigun baliabideak (web guneak ) informazioa

biltzeko erabili.

1.3. Testu-informazioak IKT-n bidez prozesatu:

1.3.1. Testuak prozesatzeko oinarrizko ekintzak burutu: idatzi, ezabatu,

puntuazioak landu, grabatu, informazioa berreskuratu.

1.4. Zenbakizko-informazioak IKT-n bidez prozesatu:

1.4.1. Unitate distintziorik gabe datuak arakatu baliabide desberdinak erabiliz:

esate baterako, hezkuntza robotiko baterako kits batzuk erablili, sensore,

motore eta argiak dituztelarik.

1.4.2. Zenbakizko-informazioa grafikoki irudikatu, lan honetarako prestatutako

softwar-ak erabiliz.

1.4.3. Oinarrizko eragiketak burutu zenbakizko datuak erabiliz ( gehiketa,

kenketa, biderketa, zatiketa).

1.5. IKT-n bidez informazio-multimedia prozesatu:

1.5.1 Eduki multimediekin oinarrizko ekintzak burutu ( irudi, soinu, testu eta

bideoak, ezarri edo sartu).

1.6. IKT-ak beste pertsonekin komunikatzeko erabili:

1.6.1. Heldu baten laguntzaz, parekoekin konektatu ad-hoc proiektuen antzekoak erabiliz.

2. Bizitza osorako ikasketa: 2.1. Komunikatu eta kolaboratu;

2.1.1. IKT kolaborazio baliabideak erabili inguru urbileko arazoak identifikatzen

laguntzeko.

2.1.2. IKT-ak erabiltzen dituzten proiektuetan parte hartu –heldu baten

laguntzaz- tolerantzia eta kultura ulermena lantzeko.

2.1.3. Parekoekin lan egiteko eta talde-lana gauzatzeko IKT baliabide

espezifikoak erabili.

2.2. Ingurune birtualetan aritu:

2.2.1. Ingurune birtualaren erabilera lantzen hasi, honen oinarrizko

funtzionamendua identifikatzeko gai izanik.

2.3. Informazioa kudeatu, ekoiztu eta baloratu:

2.3.1. Heldu baten laguntzaz, IKT espezifikoak probatu haien interesen

arabera.

2.3.2. Irakaslearen irizpideak kontutan hartu informazio garrantzitsuena

hautatzeko.

2.3.3. Haren asmoaren araberako web gune desberdinak identifikatu heldu

baten laguntzaz.

2.3.4. Parekoei ideiak komunikatu gaiaren inguruko sinbolo kopuru txiki bat

erabiliz.

2.3.5. Oinarrizko metodo eta prozedurak aplikatu gaiaren arabera.

2.4. Sormena erabili eta eraberritu:

2.4.1. Norbere produktuak sortzeko IKT baliabideak erabili (bideojokoak,

aurkezpenak, dispositiboak) non, haien sormena garatu eta haien interesak

erantzuteko baliabideak aurkitzen diren.

2.5.Mundu erreala ikertu eta bertan maneiatu:

2.5.1. Errealitatea ezagutzeko IKT baliabideak erabili, soinu eta irudiak

kontutan hartuz, beti ere, heldu baten laguntzaz.

3. Hiritarsun digitala:

3.1.Informazioaren pribatutasuna aintzat hartu:

3.1.1. Pasahitz eta erabiltzaile kodigoek eskatzen duten pribatutasuna eta

gurasoekin jarduerak gauzatzeko garrantzia ulertu.

3.1.2. Haiei buruzko informazioa web-guneetan erakusteak sortzen dituen

ondorioak orokorki ezagutu.

3.2. Jabetasun intelektuala baloratu.

3.3. Komunikazio elektronikorako modu eta estilo desberdinak errespetatu:

3.3.1. Komunikaziorako errespetuzko jarrera hartzea.

5. EDUKIAK

Zazpi ariketa prestatu ditugu, Edilim programarekin zazpiak. Nahiko desberdinak dira,

ariketa batean bi kutxa jarri ditugu, lehenengo kutxak ORNODUNA du izena, besteak

ORNOGABEA. Kanpoan zenbait animalien irudiak jarri ditugu eta haiek sartu behar dituzte

animalia bakoitza bere kutxan.

Beste ariketa batean hartz baten irudia hartu dugu eta puzzle moduan jarri dugu, umeek

osatu behar dute.

Ariketa bat letra sopa da, beste bat Egia ala gezurra izenburua jarri diogu, bertan esaldi

batzuk jarri ditugulako eta haiek egia ala gezurra den esan behar dutelako.

Jarduera batean animalien irudiak jarri ditugu eta ikasleek haien izenak idatzi behar

dituzte. Beste batean, animalia mota desberdineko bi argazki jarri ditugu, hau da, narrastien bi

argazki, hegaztien bi argazki … Era desordenatuan daude eta ikasleek argazki bakoitza bere

bikotearekin lotu behar dute.

Azken ariketa taldeka sailkatzea da, hau da, talde desberdinak jarri ditugu, zenbait

animalien izenak ikusiko dituzte eta haiek sailkatu behar dute animalia bakoitzak bere

6. ORIENTAZIO METOLOGIKOAK

Lehen Hezkuntzako hirugarren mailako ikasleentzako prestatuak daude jarduerak eta

teoria. Teoria Power point baten bitartez prestatua dago eta jarduerak Edilim programarekin

eginak daude. Power Point-a sartu dugu gure lanean baita hori PDF moduan publikatua,

batzuetan errazagoa baita horrela ikustea (bertsio zaharrek ez dutelako arazorik izango hori

irekitzeko).

Lehenik eta behin Power Point-a jarriko diegu eta hori ikusiz doaz heinean jarduerak egiten

joango dira, gaiaren arabera egingo dituzte jarduerak. Azalpenak Power Point baten bitartez

izango dira.

Beraz, erabiliko ditugun baliabideak: ordenagailuak (edilim programa erabili ahal izateko),

proiektorea (Powert Point-a erakutsi ahal izateko) eta internet (edilim erabili ahal izateko)

izango dira.

7. JARDUERA SEKUENTZIA ETA AZALPENA

1. Power Point-a jarriko diegu, lehenengo hiru diapositibak.

2. Edilim programan sartuko dira eta lehenengo jarduera egingo dute.

3. Power Point-a ikusiko dute 4, 5, 6, 7, 8 eta 9 diapositibak. Ornodunen barruan

bereizten diren animalia taldeen ezaugarriak ikusiko dituzte jarduerak egin ahal

izateko.

4. Gero edilim programan 2, 3, 4 eta 5 jarduerak egingo dituzte.

5. Gero Power Point-a berriro jarriko zaie baina oraingoan 10, 11, 12, 13, 14 eta 15

diapositibak, Ornogabeen sailkapena ikusteko eta horien ezaugarriak argi izateko.

6. Edilim programako 6 eta 7 jarduerak egingo dituzte.

7. Bukatzeko, ebaluazio jarduerak egingo dituzte (beste ZIP batean dauden jarduera

guztiak). Jarraian egingo dituzte.

8. EBALUAZIO IRIZPIDEAK

Arloarekiko egingo ditugun ebaluazio irizpideak honako hauek izango dira:

- Teoria erakusteko garaian ea adi egon diren eta ondo ulertu duten.

- Ariketan egiteko gai izatea eta akatsak izaten badituzte ariketa berdina berriro

errepikatzeko gai izatea, ondo egin arte.

- Arloaren garaian isilik egotea eta irakasleak esaten duena garaiz egitea.

- Lana bakarka egitea eta batak besteari ez esatea nola egiten den.

- Bukatzeko, gehien ebaluatuko dena ebaluazio jarduerak izango dira.

IKT-ekiko ebaluazio irizpideak:

Programa hauek erabiliz jarduerak ikasleentzako prestatzea oso aproposa iruditzen

zaigu, izan ere, modu honetara ordenagailuak erabiltzen ikasten dituzte jarduerak egiten

dituzten heinean. Gainera, programa hauek jarduerak zuzendu egiten dituzte, beraz, irakaslea

ez da egon behar jarduera guztiak zuzentzen. Oso aproposa iruditzen zaigu jarduerak

egiterakoan ordenez aldatzea ( beti ez izatea orden berdina), horrela ez dira horien artean

kopiatzen eta jarduerak ez dituzte buruz ikasten (horien ordenak).

Hala eta guztiz ere jarduera batzuk ere eskuz egitea ondo irudituko litzaiguke, horrela,

ez lukete trebetasunik galduko eskuz idazteko garaian.

Programa hauek ez genituen ezagutzen, ez baikenekien horrelakorik existitzen zenik.

Ziur gaude gu irakasleak garenean modu hauetako jarduerak prestatuko ditugula

ikasleentzako, horientzako motibagarria delako eta horrela teknologiaren mundura ateak

irekitzen dizkiegulako.

KLASEAN JARRAITUKO GENUKEEN GIDA:

1. AZALDU (1,2 eta 3 diapositibak)

1.1. ANIMALIA ORNODUNAK

1.2. ANIMALIA ORNOGABEAK

2. JARDUERAK

2.1. SAILKATU IRUDI BAKOITZA BERE KUTXAN (ORNODUNAK/ORNOGABEAK)

3. AZALDU (4, 5, 6, 7, 8 eta 9 diapositibak)

3.1. ANIMALIA ORNODUNEN BARRUAN DAUDEN TALDEAK

4. JARDUERAK:

4.1. ORNODUNAK BIKOTEKA SAILKATU (bigarren jarduera)

4.2. HIZKI SOPA: ORNODUNAK BEREIZTEN DIREN TALDEAK BILATU (hirugarren

jarduera)

4.3. EGIA ALA GEZURRA (laugarren jarduera)

4.4. EGIN PUZZLEA ETA ESAN ZEIN ANIMALIA MOTA DEN (bosgarren jarduera)

5. AZALDU (10, 11, 12, 13, 14, 15 eta 16 diapositibak)

5.1. ANIMALIA ORNOGABEEN BARRUAN DAUDEN TALDEAK IKASI

6. JARDUERAK:

6.1. BEREIZTU ANIMALIA TALDE HAUEN UGALKETA MODUA (seigarren jarduera)

6.2. LOTU IRUDIAK IZENEKIN (zazpigarren jarduera)

7. EBALUAZIO JARDUERAK:

7.1. OSATU ESALDIAK HITZ HORIEKIN (lehenengo jarduera)

7.2. EZKUTATUAK DAUDEN UGAZTUNAK AURKITU (bigarren jarduera)

7.3. IDATZI ZENBAKI BAKOITZARI DAGOKION GORPUTZ ZATIA (hirugarren jarduera)

7.4. ESAN ANIMALIA HAUEK ZEIN TALDEKOAK DIREN (laugarren, bosgarren, seigarren,

zazpigarren eta zortzigarren jarduerak)