Aprobación Definitiva Behin betiko onespena · aktiboa hartzea (herritarrak ideiak, iritziak, iradokizunak eta desadostasunak jakinaraztera bultzatzea eta, bereziki, informazio publikoa

PLAN GENERAL DE ORDENACION URBANA DEL MUNICIPIO DE MORGA MORGAKO UDALERRIKO HIRIA ANTOLATZEKO PLAN OROKORRA

Aprobación Definitiva / Behin betiko onespena

Octubre 2015 Urria

Anejo V: Programa de participación ciudadana V. eranskina: Herritarrek parte hartzeko programa

AJURIAGUERRA TRES SMP Hirigintza Kudeatzeko Sozietatea Mazarredo zumarkalea 63, 1 – 48009 Bilbo. Tel.: 944240951; faxa: 94 4236822; e-maila:

[email protected]

PLAN GENERAL DE ORDENACION URBANA DEL MUNICIPIO DE MORGA Aprobación Definitiva MORGAKO UDALERRIKO HIRIA ANTOLATZEKO PLAN OROKORRA Behin betiko onespena

A V. Programa de participación ciudadana / V. eranskina. Herritarrek parte hartzeko programa

AJURIAGUERRA TRES, S.L.P., Sociedad de Gestión Urbanística

C/ Mazarredo nª 63 1º 48009 Bilbao Tlf 944240951; Fax 94 4236822 email: [email protected] 1

ÍNDICE / AURKIBIDEA

0. Bigarren onarpenaren ondorioak ................................................................................................. 3 1. Sarrera .......................................................................................................................................... 3 2. Helburu orokorrak ........................................................................................................................ 5 3. Estrategia espezifikoak ................................................................................................................. 7 4. Parte hartzeko mekanismoak ....................................................................................................... 9 4.1. Webgunea ........................................................................................................................... 9 4.2. Informazio‐banaketa ........................................................................................................... 9 4.3. Planaren berri emateko kartelak ....................................................................................... 10 4.4. Jendaurreko bilkura ........................................................................................................... 10 4.5. Informazioa udaletxean ..................................................................................................... 11 4.6. Bilera partikularrak ............................................................................................................ 11 5. Programaren jarraipena eta ebaluazioa ..................................................................................... 13 5.1. Plana jendaurrean jartzeko fasean (2011ko azaroaren 11tik 2012ko urtarrilaren 16ra

bitartean) parte hartzeko programa ebaluatzeko txostena ....................................................... 14 5.2. Plana jendaurrean jartzeko fasean (2013ko azaroaren 22tik 2014ko urtarrilaren 22ra

bitartean) parte hartzeko programa ebaluatzeko txostena ....................................................... 23 5.3. Behin betiko onespenean parte hartzeko programa ebaluatzeko txostena ..................... 32

PLAN GENERAL DE ORDENACION URBANA DEL MUNICIPIO DE MORGA Aprobación Definitiva_MORGAKO UDALERRIKO HIRIA ANTOLATZEKO PLAN OROKORRA Behin-betiko onespena_

A V. Programa de participación ciudadana / V E.Herritarek parte hartzeko programa

AJURIAGUERRA TRES, S.L.P., Sociedad de Gestión Urbanística 2 C/ Mazarredo nª 63 1º 48009 Bilbao Tlf 944240951; Fax 94 4236822 email: [email protected]





0. Bigarren onarpenaren ondorioak

2011ko urriaren 26an egindako osoko bilkuran, Morgako Udalerriko Hiria Antolatzeko Plan Orokorra hasiera batean onartzeko dokumentua (2011ko urrikoa) onartu zuen Morgako Udalbatzak (BAO, 215, 2011ko azaroaren 11koa), herritarrek parte hartzeko programarekin batera, eta, hortaz, 2012ko urtarrilaren 16an bukatu zen dokumentua jendaurrean egoteko epea.

Aurkeztutako alegazioak, informazio‐saioetan parte hartu zutenen iritziak eta txosten sektorialak aztertu, eta, 2012ko uztailaren 20ko osoko bilkuran, horietako batzuk partzialki edo osorik onartzea erabaki zuen Udalbatzak. Horrenbestez, kontuan izanda onartutako alegazio, iritzi eta/edo txostenek aldaketa nabarmenak zekartzatela Plan Orokorrak hasiera batean proposatutako egiturazko antolamendura, Ajuriaguerra Tres SMPri testu bateratu berri bat idazteko eskatzea erabaki zuen Udalbatzak, aho batez, hasiera batean bigarrenez onartzeko.

Herritarrek parte hartzeko programan ez da izan aldaketarik, baina atal beri bat sortu da, 5.1. atala: Plana jendaurrean jartzeko fasean (2011ko azaroaren 11tik 2014ko urtarrilaren 16ra bitartean) parte hartzeko programa ebaluatzeko txostena. Gainera, zutabe berri bat jarri da 4. puntuko taulan, haren ondorioak azaltzeko.

1. Sarrera

Hiria antolatzeko plan orokor bat egitea nekeza da, eta udalerriaren epe ertaineko eta epe luzeko etorkizunerako diseinatutako antolamendu berria eztabaidatzeko eta osatzeko denbora izatea eskatzen du: Morgako plana idazteko prozesua 2001eko abenduan hasi zen, eta 2011ko urrian tramitatzen ari da plana hasieran onartzeko dokumentua; alegia, hamar urte igaro dira. Bitarte horretan, hainbat proposamen planteatu dira plana tramitatzeko faseetan, eta herritarrek parte hartzeko mekanismoak ezarri dira:




Hiria Antolatzeko Plan Orokorraren berrikusketa

1 2 3

AURRETIKO AZTERKETAK (irizpide, helburu eta proposamen

orokorrak) 2001‐2004

AURRERAKINA

2005‐‐2006

AURRERAKINA JENDAURREAN JARTZEA

2006

Informazio‐banaketa

Bitan, inkestak banatu ziren postontzietan, jendeari galdetzeko

ea prest egongo litzatekeen etxebizitza berri bat egiteko eta ea etxebizitza babestu bat eskatuko

lukeen.

Informazio‐panfletoak banatu

ziren.

INFORMAZIOA UDALETXEAN

Dokumentuen paperezko kopia oso bat jendaurrean jarri zen,

herritarrei kasu egiteko ordutegian, eta alegazioak idazteko eta tramitatzeko informazioa eman zen.

BILERA PARTIKULARRAK

Astearte arratsalde guztietan –hitzordua eskatu behar zen–,

bilerak egin ziren udal‐arkitekto eta Planaren idazlearekin, Morgako udaletxean.

Plana tramitatu bitartean, hirigintza‐legedia aldatu egin da, eta, gaur egun, halabeharrezkoa da herritarrek parte hartzeko programa eranstea Planari, Lurzoruari eta hirigintzari buruzko 2/2006 Legearen 108. artikuluak dioenagatik. Hain zuzen ere, zera dio artikulu horrek, hitzez hitz:

“108. artikulua. Plan orokorrean herritarrek parte hartzeko programa Egiturazko antolamenduaren plangintzako figura oro egiten, aldatzen edo berrikusten hasteko udal‐erabakiarekin batera, herritarrek parte hartzeko programa finkatu beharko da. Programa hori udalerriaren ezaugarrietan oinarrituko da, eta herritarrek eta elkarteek planaren taxuketan behar bezala parte har dezaten bermatzeko beharrezkoak diren helburuak, estrategiak eta mekanismoak jasoko ditu. Mekanismo horien artean honako hauek egongo dira: a) Jendaurreko bilkurak. Aurrerakinaren edukia azaltzeko egingo dira, batez ere hiria eraikitzeko erabaki estrategikoak eta erabaki horiei buruz espedientearen tramitazioan aurkeztutako alternatibak azaltzeko. b) Udal barruko herri‐kontsulta. Planean sartutako konturen bati buruz herritarren artean eztabaida larriak daudenean egingo da, toki‐araubideari buruzko oinarrizko legerian finkatutako prozedurari jarraituta. c) Zabalkunderako materiala. Hirigintza‐tresnetarako legez eskatutako agiriekin batera prestatu beharko da, agiri horiek jendeak errazago ezagutu eta ulertu ditzan”.

Agindu horrek argi eta garbi uzten du kasu honetan beharrezkoa dela herritarrek parte hartzeko programa idaztea, udalerriko hirigintza bere osotasunean antolatzeko oinarrizko tresna baita, Morgako Hiria Antolatzeko Plan Orokorra tramitatzeko gainerako faseak arautzen dituena.

Gainerakoan, programaren edukiari dagokionez, “helburuak, estrategiak eta mekanismoak jasotzea” aipatzen du lege horrek, herritarrek parte hartzeko eskubidea erabili ahal izan dezaten. Arau horren ildotik, honako hauek bereiziko dira: a) helburu orokorrak; b) estrategia espezifikoak; eta c) parte hartzeko mekanismoak.





2. Helburu orokorrak

Nabarmentzekoa da lurzoruari eta hirigintzari buruzko legezko arau berriek zenbaterainoko arreta jartzen duten herritarrek hirigintza‐funtzio publikoan parte har dezaten.

Ildo horretatik, Lurzoruari eta hirigintzari buruzko 2/2006 Legearen zioen azalpenean, lege horren helburuen artean, honako hau aipatzen da: “herritarrek parte hartzeko duten eskubidea bermatzea, herritarrek parte hartzeko programen figuraren bidez –nahitaezkoak izango dira egitura‐antolamenduko planetan– eta Plangintzako Aholku Batzordearen bidez –nahitaezkoa izango da udalerri batzuetan–”. Morgan, edonola ere, ez da nahitaezkoa.

Ildo beretik, lege horren I. tituluaren II. kapituluak hirigintzaren printzipio orokorrak finkatzen ditu, eta, 8.1. artikuluan, zera xedatzen du: “Hirigintzaren antolamendua egin, izapidetu, onartu eta egikaritzerakoan, ahal den laguntza eta erraztasun guztia eskainiko da pertsona fisikoek eta juridikoek parte har dezaten parte hartzeko era guztien bidez; betiere, legean berariaz aurreikusita dauden pertsonen parte‐hartzea bermatu beharko da”.

Oso adierazgarria da hori: parte hartzeko printzipioa hirigintza‐funtzioaren fase guztietan aplikatu behar dela agintzen du.

Bestalde, aipatzekoa da legegileak “herritarren parte‐hartzearen printzipioa” (8. artikulua) eta “jendaurreko informazioaren printzipioa” (9. artikulua) bereizten dituela. Lotuta daude biak, baina inola ere ez dira berdinak, eta horrek esan nahi du, lehenik eta behin, parte‐hartzea inola ere ezin dela mugatu Plana jendaurrean jartzeko eta informazioa emateko betiko tramite formaletara.

Egia esan, parte‐hartzea bada behar bezalako informazio zuzena ematea, baina, jakina, askoz ere gehiago bada.

Herritarren parte‐hartzearen alderdi materiala ere da kontua, ez alderdi formal hutsa. Dudarik gabe, horretaz ari da Estatuko legegilea Lurzoruaren 2/2008 Legearen 4.e) artikuluan “parte‐hartze eraginkorra” adierazpidea darabilenean. Zehazki, honako hau aipatzen du herritarren eskubideen artean:

“e) Lurraldea antolatzeko tresnak, hirigintza antolatzeko eta egikaritzeko tresnak eta horiek ingurumenean dituzten ondorioak ebaluatzeko tresnak ontzeko eta onartzeko prozeduretan eraginkorki parte hartzeko eskubidea eta, horretarako, alegazioak, oharrak, proposamenak, erreklamazioak eta kexak aurkezteko eta Administrazioak erantzun arrazoitua emateko eskubidea, dena delako administrazioaren araubide juridikoari eta dena delako prozedurari buruzko legediarekin bat”.

Herritarrek eraginkorki parte hartzeko eskubidea bermatzeaz gain, mekanismo baliozko eta eraginkorrak antolatu behar dira, eskubide hori askotara erabil baitaiteke praktikan (“alegazioak, oharrak, proposamenak, erreklamazioak eta kexak”).

Horiek horrela, gaiari buruzko legezko agindu berrien ildotik, herritarrek parte hartzeko programak helburu orokor hauek lortzen lagundu behar du:

a) Herritarrek plangintza orokorrean parte hartzeko eskubidea erabili ahal izateko esparru eraginkor bat antolatzea.

b) Administrazioak plangintzaren diseinuari buruz egiten duen proposamena herritarrei jakinaraztea, egokiro.




c) Herritarren parte‐hartzearen ikuskera itxia gainditzea, parte hartzea eduki formal edo prozedurazko tramite hutsetara mugatzen duena.

d) Parte‐hartzearen eta informazioaren arteko identitate aizuna desegitea eta informazio‐eskubidean oinarrituz eraginkorki parte hartzeko eskubidea sustatzea.

e) Parte hartzeko tramite eta mekanismoak “prozedurarako oztopotzat” hartzeko joera alde batera uztea eta herritarrek zuzenean dagokien gai batean zuzenean parte hartzeari garrantzia ematea.

f) Herritar aktiboek gutxienez Administrazioak emandako arau baten hartzaile huts direla uste izateari utz diezaioten eta euren gaineko erabakietan parte hartzen dutela uste izaten has daitezen laguntzea.

g) Parte‐hartzean oinarritutako demokrazia ezartzen laguntzea eta kontzeptu horren praxian sakontzea.





3. Estrategia espezifikoak

Aipatutako helburu orokorrak zertzeko, estrategia espezifiko hauek aplikatuko dira:

a) Herritarrek behar bezala ulertzea Administrazioak plangintza orokorra idazteko egiten duen proposamena:

Edukiak (plangintzak zehazten dituen jarduketak).

Jarduketen oinarrizko arrazoiak.

Jarduketen ondorioak (onurak eta kalteak eta kalteei aurrea hartzeko modua).

Plangintzak proposatzen dituen jarduketen alternatibak.

b) Tokiko elkarteetan parte hartzen duten herritarrei ez ezik, elkarteetatik kanpo daudenei ere aurreko paragrafoan aipatutako informazioa ematea eta, horretarako, elkarteetatik kanpo daudenekin harremanetan egoteko mekanismoak ezartzea, gaiari buruz duten iritzia eman dezaten.

c) Morgarrek parte hartzeko eskubidea erabil dezaten bultzatzea eta Administrazioak jarrera pasiboa izateari uztea (alegaziorik aurkezten den zain egoteari uztea) eta jarrera aktiboa hartzea (herritarrak ideiak, iritziak, iradokizunak eta desadostasunak jakinaraztera bultzatzea eta, bereziki, informazio publikoa emateko eta alegazioak aurkezteko tramiteak erabil ditzaten bultzatzea).

d) Legediak informazioa emateko arautzen dituen tramite formalak nahikoa ez badira, haiek gainditzea; betiere, gutxienekoak eta hobetzeko eta sakontzeko modukoak direla kontuan izanda.

e) Udal‐arduradunak eta morgarrak harremanetan jartzea, udal‐arduradunek zuzenean izan dezaten plangintza idazteari buruzko kezka, iritzi eta proposamenen berri eta, haien arabera, udal‐erabakiak azter ditzaten.

f) Morgarrei (gutxienez, aktiboenei) plangintza idazteari buruzko udal‐erabakiak hartzeko prozesuan parte harraraztea eta laguntzaile eta neurri batean parte‐hartzaile direla jabetu daitezen bultzatzea.








4. Parte hartzeko mekanismoak

2/2006 Legearen 108. artikuluak parte hartzeko zenbait mekanismo arautzen ditu, parte hartzeko programak barnean hartu beharrekoak.

Plangintza azaltzeko jendaurreko bilkurei dagokienez, mekanismo hori oso baliagarria da, aurrerakinaren fasean ez ezik –fase hori aipatzen du legeak–, baita ondoko faseetan ere.

Herri‐kontsultari dagokionez, berriz, argi eta garbi, “Planean sartutako konturen bati buruz herritarren artean eztabaida larriak daudenean” egin dadin agintzen du legeak. Kasu honetan ez dago horrelakorik, ezta gutxiago ere, eta, horregatik, hasiera batean, mekanismo hori ez da sartuko herritarrek parte hartzeko programaren barruan, baina, jakina, egoera legeak dioena bezain berezia bada –nekez gertatuko da horrelakorik–, hark xedatzen duena bete beharko da.

Azkenik, “zabalkunderako materialari” dagokionez, “hirigintza‐tresnetarako legez eskatutako agiriekin batera prestatu beharko da, agiri horiek jendeak errazago ezagutu eta ulertu ditzan”.

Hori guztia eta parte hartzeko mekanismoen bidez lortu nahi den eraginkortasuna kontuan izanik, parte hartzeko programak mekanismo hauek proposatzen ditu aipatutako helburuak lortzen laguntzeko:

4.1. UDAL‐WEBGUNEA

Udal‐webgunea oso tresna eraginkorra da Plana ezagutarazteko. Horretarako, baina, Planari buruzko informazioak eskuratzen erraza izan beharko du, eta PDF formatuan egongo da.

Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketa osatzen dituzten dokumentuak jendaurrean jartzeko fasean, informazioa udal‐webgunean argitaratuko da, Udalbatzak Plana hasiera batean onartu eta onarpena BAOn argitaratu eta zazpi egun natural baino lehenago. Era berean, alegazioak aurkezteko eredu bat argitaratuko da, eta alegazioak nola idatzi, zer epetan aurkeztu, non aurkeztu… azalduko da.

Plan Orokorra behin‐behinean onartzeko fasean, berriz, aldian‐aldian, dokumentuaren tramitazio‐egoerari buruko informazioa argitaratuko da.

Azkenik, dokumentua behin betiko onartutakoan, araudia BAOn argitaratu eta hamabost egun natural baino lehenago, behin betiko onartutako dokumentu osoa argitaratuko da.

4.2. INFORMAZIO‐BANAKETA

Plana jendaurrean jartzeko fasean, Hiria Antolatzeko Plan Orokorraren eta ingurumenaren gaineko eraginaren baterako ebaluazio‐azterketaren hasierako onarpenari buruzko informazioa emateko panfletoak banatuko dira udalerriko etxebizitza eta establezimendu guztietako postontzietan, eta dokumentua jendaurrean zenbat denboran egongo den, non azter daitekeen, jendaurreko bilkura noiz izango den, webgunea zer helbidetan dagoen, kontsulta egiteko zer telefono‐zenbakitara deitu daitekeen… azalduko da. Era berean, alegazioak nola aurkeztu azalduko da, haiek aurkezteko txantiloia non eskuratu, eta haiek non eta noiz aurkeztu, eta lantaldeak guztiei banan‐banan erantzungo diela adieraziko da. Euskaraz eta gaztelaniaz emango da informazioa, Udalbatzak Plana hasiera batean onartu eta onarpena BAOn argitaratu eta hamabost egun natural baino lehenago.




Plana behin betiko onartutakoan, berriz, Hiria Antolatzeko Plan Orokorraren behin betiko onarpenari buruzko informazioa emateko panfletoak banatuko dira udalerriko etxebizitza eta establezimendu guztietako postontzietan, eta dokumentua non azter daitekeen, udal‐arkitektoarekin hitzordua nola egin daitekeen, webgunea zer helbidetan dagoen eta jendaurreko bilkura noiz izango den azalduko da. Planaren barruko araudia BAOn argitaratu eta 21 egun natural baino lehenago banatuko da informazioa.

4.3. PLANAREN BERRI EMATEKO KARTELAK

Andra Marin bada informazio‐panel elektroniko bat, eta Planarekin zerikusia duten gertaera nagusien berri emango da haren bidez, euskaraz eta gaztelaniaz.

Bestalde, Plana jendaurrean jartzeko fasean, tokian tokiko antolamendu berriari buruzko informazioa emateko kartelak jarriko dira informazioa emateko erabiltzen diren gune publikoetan: gutxienez, bat Andra Marin, beste bat Meakaurren eta bana Planak proposatzen dituen bi landaguneetan (Oñarten eta Meakan). Euskaraz eta gaztelaniaz emango da informazioa, eta jendaurreko bilkuraren data jakinaraziko da, Udalbatzak Plana hasiera batean onartu eta onarpena BAOn argitaratu eta zazpi egun natural baino lehenago.

Gauza bera egingo da Plana behin betiko onartutakoan, Planaren barruko araudia BAOn argitaratu eta 15 egun natural baino lehenago.

4.4. JENDAURREKO BILKURA

Plana jendaurrean jartzeko fasean, jendaurreko bilkura bat egingo da gutxienez, Plana azaltzeko. Udal‐ordezkariren batek parte hartuko du bilera horretan (ahal dela, alkateak eta udal‐arkitektoak), baita Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketa idatzi dituen lantaldeak ere. Dokumentua azalduko da bertan, hura nola aztertu, bilera partikularrak egiteko hitzordua nola egin eta alegazioak nola, non eta noiz aurkeztu, eta, bilkuraren amaieran, galderak egiteko aukera emango da. Gutxienez, informazioa emateko panfletoak banatu eta astebetera eta dokumentua jendaurrean jartzeko epea amaitu baino hamabost egun natural lehenago izango da bilkura.

Hiria Antolatzeko Plan Orokorra behin betiko onartutakoan ere bilkura bat egingo da gutxienez. Udal‐ordezkariren batek parte hartuko du bilera horretan (ahal dela, alkateak eta udal‐arkitektoak), baita Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketa idatzi dituen lantaldeak ere. Behin betiko onartutako dokumentua azalduko da bertan, hura nola erabili eta aztertu, eta udal‐arkitektoarekin biltzeko hitzordua nola egin. Gutxienez, informazioa emateko panfletoak banatu eta astebetera eta Planaren barruko araudia BAOn argitaratu eta 40 egun natural baino lehenago izango da bilkura.





4.5. INFORMAZIOA UDALETXEAN

Hiria Antolatzeko Plan Orokorra tramitatu bitartean, udal‐administrazioak espedientearen egoeraren berri emango du herritarrei kasu egiteko ordutegian. Era berean, dokumentua jendaurrean jartzeko fasean, alegazioak nola idatzi eta aurkeztu jakiteko beharrezkoa den informazio guztia emango du.

Bestalde, dokumentua jendaurrean jartzeko fase osoan, Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketa osatzen dituzten dokumentuen paperezko kopia bat izango da udal‐bulegoetan, interesa duten herritarrek jendeari kasu egiteko ordutegian azter dezaten, eta horretarako leku egoki bat prestatuko da. Era berean, dokumentua behin betiko onartutakoan, azken dokumentuaren paperezko kopia bat izango da udal‐bulegoetan, helburu beretarako.

4.6. BILERA PARTIKULARRAK

Hasiera batean onartzeko dokumentua egin bitartean, bilera partikularrak egin dira eta egingo dira antolamendu berriak kaltetutako jabe guztiekin, eta aurrerantzean ere emango da, hitzordu bidez, bilera partikularrak egiteko aukera.




Hiria Antolatzeko Plan Orokorraren berrikusketa

4 5 5´ 6 7

HASIERAN ONARTZEKO

DOKUMENTUA

HIRIA ANTOLATZEKO PLAN OROKORRA ETA

INGURUMENAREN GAINEKO ERAGINAREN BATERAKO EBALUAZIO‐AZTERKETA OSATZEN DITUZTEN DOKUMENTUAK

JENDAURREAN JARTZEA

HIRIA ANTOLATZEKO PLAN OROKORRA ETA

INGURUMENAREN GAINEKO ERAGINAREN BATERAKO EBALUAZIO‐AZTERKETA OSATZEN DITUZTEN DOKUMENTUAK

JENDAURREAN JARTZEA (hasierako bigarren onarpena)

BEHIN‐BEHINEKO ONARPENA

BEHIN BETIKO ONARPENA

WEBGUNEA

Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketa hasiera

batean onartzeko dokumentuen berri emango da, eta alegazioak aurkezteko eredu bat argitaratuko da, eta hura noiz eta nola aurkeztu

azalduko.

Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketa hasiera batean onartzeko bigarren dokumentuen berri emango da, eta alegazioak aurkezteko eredu bat argitaratuko da, eta hura noiz eta nola aurkeztu

azalduko.

Planaren tramitazio‐

egoeraren berri emango da.

Hiria Antolatzeko Plan Orokorra osatzen duen

dokumentu osoa argitaratuko da.

INFORMAZIO‐BANAKETA

Plana hasiera batean onartu izanaren, informazioa biltzeko lekuen, jendaurreko bilkuraren

dataren eta alegazioak aurkezteko epeen berri emateko informazioa

banatuko da postontzietan.

Plana hasiera batean bigarrenez onartu izanaren, informazioa biltzeko lekuen,

jendaurreko bilkuraren dataren eta alegazioak aurkezteko epeen berri emateko informazioa

banatuko da postontzietan.

Plana behin betiko onartu izanaren, informazioa biltzeko lekuen eta

jendaurreko bilkuraren dataren berri emateko informazioa banatuko da

postontzietan.

PLANAREN BERRI EMATEKO KARTELAK

Planaren berri emateko kartel espezifikoak jarriko dira Andra Marin, Meakaurren, Meakan eta Oñarten, gune publikoren

batean,

eta, Andra Mariko informazio‐panel elektronikoan,

Planarekin zerikusia duten gertaeren berri emango da.

Planaren berri emateko kartel espezifikoak jarriko dira Andra Marin, Meakaurren, Meakan eta Oñarten, gune publikoren

batean,

eta, Andra Mariko informazio‐panel elektronikoan,

Planarekin zerikusia duten gertaeren berri emango da.

Andra Mariko informazio‐

panel elektronikoan, Planarekin

zerikusia duten gertaeren berri emango da.

Planaren berri emateko kartel espezifikoak jarriko

dira Andra Marin, Meakaurren, Meakan eta Oñarten, gune publikoren

batean,

Andra Mariko informazio‐panel elektronikoan, Planarekin zerikusia duten gertaeren berri

emango da.

JENDAURREKO BILKURA

Dokumentuak eta alegazioak aurkezteko mekanismoak

azalduko dira.

Dokumentuak eta alegazioak aurkezteko mekanismoak

azalduko dira.

Onartutako dokumentua eta haren erabilera

azalduko da.

INFORMAZIOA UDALETXEAN



Dokumentuen paperezko kopia oso bat utziko da udal‐bulegoetan, nahi dutenek jendeari kasu egiteko

ordutegian aztertzeko, eta alegazioak idazteko eta tramitatzeko informazioa

emango da.

Dokumentuen paperezko kopia oso bat utziko da udal‐bulegoetan, nahi dutenek jendeari kasu egiteko

ordutegian aztertzeko, eta alegazioak idazteko eta tramitatzeko informazioa

emango da.



Dokumentuaren paperezko kopia oso bat

utziko da udal‐bulegoetan, nahi dutenek jendeari kasu egiteko ordutegian aztertzeko.

BILERA PARTIKULARRAK

Planak proposatzen duen antolamendua jabe

bakoitzarekin kontrastatuko da.

Bilerak egingo dira, aurrez hitzordua jarrita.








5. Programaren jarraipena eta ebaluazioa

Parte hartzeko programa martxan jartzen dela eta hura osatzen duten zehaztapenak bete egiten direla ziurtatzeko eta, beste alde batetik, ebaluatzeko zenbateraino den programa eraginkorra finkatutako helburuak lortzeko, programaren jarraipena eta ebaluazioa egingo da.

Bi atalek osatuko dute programaren jarraipena eta ebaluazioa:

1. Programa aplikatzeko metodologiaren zehaztapena eta garapena

Hasiera batean, parte hartzeko metodologia eta moduak eta parte hartzeko mekanismo bakoitzaren diseinua eta xehetasunak zehaztea izango da kontua.

2. Parte hartzeko programaren aplikazio praktikoaren jarraipena

Parte hartzeko programa osatzen duten jarduketa guztien jarraipena egingo da, eta, bereziki, parte hartzeko mekanismo edo jarduketa bakoitza zenbateraino betetzen den neurtuko da, edukiari zein formari dagokionez. Era berean, hutsune, akats edo gabeziarik badago, adierazi egingo da, eta, ahal den heinean, neurtuko da zenbateraino den eraginkorra parte hartzeko jarduketa edo mekanismo bakoitza.

Prozesua amaitutakoan, parte hartzeko programa ebaluatzeko txosten bat idatziko eta aurkeztuko da, eta eranskin honi gehituko zaio, fase guztietan. Gutxienez, eduki hau izango du txosten horrek:

a) Programaren barruko jarduketa bakoitzaren aplikazioari eta emaitzari buruzko laburpen xehe bat eta, ahal den neurrian, haren eraginkortasunaren norainokoa.

b) Programaren eta haren aplikazioaren baliozkotasunari eta eraginkortasunari buruzko ondorioak eta, finkatutako helburuen lorpen‐mailaren arabera, haren nahikotasun edo nahikotasunik ezaren ebaluazio arrazoitua.

c) Herritarrek parte hartzeko programaren esparruan aurkeztutako alegazio, iradokizun eta erreklamazioen azterketa.




5.1. PLANA JENDAURREAN JARTZEKO FASEAN (2011ko AZAROAREN 11tik 2012ko URTARRILAREN 16ra BITARTEAN) PARTE HARTZEKO PROGRAMA EBALUATZEKO TXOSTENA

a) Programaren barruko jarduketa bakoitzaren aplikazioari eta emaitzari buruzko laburpen xehea eta, ahal den neurrian, haren eraginkortasunaren norainokoa

Jarduketa hauek egin ziren fase honetan:

WEBGUNEA Morgako Udalaren webguneko hasierako orrialdean, esteka bat jarri zen, Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketa hasiera batean onartzeko dokumentuetara, alegazioak aurkezteko eredura eta informazio‐karteletara zuzenean joateko, eta esteka horretako orrialdean, eskuineko aldean, Udalbatzaren erabakiaren iragarkia argitaratu zen.

INFORMAZIO‐BANAKETA Plana hasiera batean onartzeko erabakia BAOn argitaratu eta Plana hasiera batean onartzeko dokumentuak jendaurrean jartzeko fasearen amaiera‐eguna jakindakoan, informazio‐triptiko bat banatu zen udalerriko postontzi guztietan, euskaraz eta gaztelaniaz, Planaren berri emateko jartzekoak ziren bitartekoen berri emateko.





Oso bitarteko eraginkorra izan zen morgarrei informazioa emateko. PLANAREN BERRI EMATEKO KARTELAK Andra Mariko informazio‐panel elektronikoan, aldian‐aldian, Planaren berri emateko antolatu ziren bilerei buruzko informazioa eman zen.




Postontzietan triptiko bat banatzearekin batera, auzo bakoitzeko antolamendu berriari buruzko informazioa emateko kartelak diseinatu eta plastifikatu ziren, eta hirigune eta landagune bakoitzean jarri. Gainera, kartel bakoitzaren kopia bat jarri zen udaletxean. Bitarteko egokia izan zen Udalaren webgunean sartzeko zailtasunak dituzten herritarrei informazioa emateko.















JENDAURREKO BILKURAK

Plana jendaurrean egon zen bitartean, jendaurreko lau bilkura antolatu ziren, Plana idatzi duen lantaldeak haren berri emateko:

Azaroaren 22an, 18:00etan, udaletxearen beheko solairuko erabilera anitzeko aretoan, Andra Mariko antolamendua aztertu zen, eta 30 bat herritarrek parte hartu zuten. Parte‐hartze handia izan zen galderak egiteko txandan, eta galdera eta iruzkin gehienak Iturritxuko betelanekiko desadostasunari eta eremuaren antolamenduari buruzkoak izan ziren.

Azaroaren 29an, 18:00etan, udaletxearen beheko solairuko erabilera anitzeko aretoan, Meakaurreko antolamendua aztertu zen, eta hogei bat herritarrek parte hartu zuten. Parte‐hartze handia izan zen galderak egiteko txandan, eta galdera eta iruzkin gehienak Meakaurreko plazaren mugaketa eta urbanizazioari eta pilotaleku inguruko eta eskolen eraikineko ekipamenduari buruzkoak izan ziren.

Abenduaren 7an, 18:00etan, udaletxearen beheko solairuko erabilera anitzeko aretoan, bi landagunetako (Oñarteko eta Meakaurreko) antolamendua aztertu zen, eta hamabost bat herritarrek bakarrik parte hartu zuten; orduan izan zen parte‐hartzea txikiena. Nolanahi ere, parte‐hartze handia izan zen galderak egiteko txandan, eta Planarekin zerikusia duten beste gai batzuk landu ziren, hala nola lurzoru urbanizaezineko baserrien zatiketa eta Iturritxuko betelanak.

Abenduaren 13an, 18:00etan, udaletxearen beheko solairuko erabilera anitzeko aretoan, lurzoru urbanizaezina aztertu zen, eta 30etik gora herritarrek parte hartu zuten; orduan izan zen parte‐hartzea handiena. Galderak egiteko txandan, honako hauek izan ziren gai nagusiak: baserriak lau etxebizitzatan banatzea, Meakaur hiriko gune bihurtzea eta Iturritxun betelanik ez egitea.

Bilkuretara joan zirenen kopurua oso handia izan zen, kontuan izanda 406 biztanle dituela Morgak, eta joan zirenek oso neurri handian parte hartu zuten. Bestalde, oso egokia izan zen bilkurak gaika banatzea, parte‐hartzaileek landutako gai bakoitzari buruz zuten iritzia haztatu ahal izan baitzen. Nabarmentzekoa da parte‐hartzaile gehienak 40 urtetik gorako emakumeak izan zirela.

INFORMAZIOA UDALETXEAN Plana jendaurrean egon zen bitartean, paperezko kopia oso bat utzi zen udaletxean, nahi zuten herritarrek jendeari kasu egiteko ordutegian aztertzeko.

BILERA PARTIKULARRAK Astearte arratsaldeetan, aurrez hitzordua jarrita, aurrez aurreko bilerak nahi zituzten herritarrei harrera egin zien udal‐arkitektoak, eta Plana idatzi duen lantaldeari helarazi zizkion bilera horietan ateratako ondorioak. b) Programaren eta haren aplikazioaren baliozkotasunari eta eraginkortasunari buruzko ondorioak eta, finkatutako helburuen lorpen‐mailaren arabera, haren nahikotasun edo nahikotasunik ezaren ebaluazio arrazoitua

Oro har, jarduketak nahikoak izan ziren, baina, dokumentuaren hasiera bateko bigarren onarpenari dagokionez, baliteke lau bilkura gehiegizkoak izatea. c) Herritarrek parte hartzeko programaren esparruan aurkeztutako alegazio, iradokizun eta erreklamazioen azterketa Herritarrek 42 alegazio aurkeztu zituzten; guztira, 67 iradokizun. Horietako 37 (% 55) onartu egin ziren; bederatzi (% 14) partzialki bakarrik onartu ziren; zazpi (% 10) ez ziren onartu Iturritxuko betelanak desagertzearekin batera alegazioa aurkeztea eragin zuen arrazoia desagertu zelako; hamahiru (% 20) ez ziren onartu, eta bestea (% 1) ez zen aztertu, epez kanpo aurkeztu zelako.





ALEGAZIOAK ONARTUTAKOAK PARTZIALKI

ONARTUTAKOAK

ALEGAZIOA AURKEZTEKO ARRAZOIA

DESAGERTZEAGATIK ONARTU GABEKOAK

ONARTU GABEKOAK

1 1

2 1

3 1

4 2

5 1 1

6 3

7‐41 1 1

8 2 1

9 1

10 3*

11 1

12 1

13 1

14 1

15 1 1

16 1

17 1

18 1

19 1 1

20 1

21 1 1

22 1 1

23 1

24 1

25 1

26 1

27 1

28 1

29 3*

30 1

31 1

32 1

33 1

34 5 1 1

35 3 1

36 2 1

37 1 2 1

38 2

39 1

40 1 2

42 (epez kanpo aurkeztua)

37 9 7 13




Proposamenen erdiak lurralde‐ereduari buruzkoak ziren, eta beste erdiak, gai partikularrei buruzkoak. Lurralde‐ereduari buruzkoen osorik edo partzialki onartu ziren.

Alegazio ugari aurkeztu ziren, eta horietako asko pertsona batek baino gehiagok sinatu zituzten; areago, baten bat, ehun inguruk. Alegia, behar adina informazio eman zitzaien herritarrei, eta euren kezkak gobernu‐taldeari eta Plana idatzi duen lantaldeari helarazteko beharrezkoak ziren bitartekoak jarri ziren.





5.2. PLANA JENDAURREAN JARTZEKO FASEAN (2011ko AZAROAREN 22tik 2012ko URTARRILAREN 22ra BITARTEAN) PARTE HARTZEKO PROGRAMA EBALUATZEKO TXOSTENA


Jarduketa hauek egin ziren fase honetan:

WEBGUNEA Morgako Udalaren webgunean, Udala ‐> Hirigintza orrialdean, esteka bat jarri zen, Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketa hasiera batean bigarrenez (eta lehenengoz) onartzeko dokumentuetara, alegazioak aurkezteko eredura eta informazio‐karteletara zuzenean joateko, eta esteka horretako orrialdean, eskuineko aldean, Udalbatzaren erabakiaren iragarkia argitaratu zen.

INFORMAZIO‐BANAKETA Plana hasiera batean bigarrenez onartzeko erabakia BAOn argitaratu eta dokumentuak jendaurrean jartzeko fasearen amaiera‐eguna jakindakoan, informazio‐triptiko bat banatu zen udalerriko postontzi guztietan, euskaraz eta gaztelaniaz, Planaren berri emateko jartzekoak ziren bitartekoen berri emateko.




Oso bitarteko eraginkorra izan zen morgarrei informazioa emateko. PLANAREN BERRI EMATEKO KARTELAK Plana jendaurrean lehenengoz jarri zenean bezala, Amdra Mariko informazio‐panel elektronikoa erabili nahi izan zen, baina ezin izan zen, datuak sartzeko arduradunak baja hartua zuelako eta zerbitzua kudeatzen zuen enpresa hartzekodunen konkurtsoan murgilduta zegoelako. Nolanahi ere, postontzietan triptiko bat banatzearekin batera, auzo bakoitzeko antolamendu berriari buruzko informazioa emateko kartelak diseinatu eta plastifikatu ziren, eta Andra Mariko hirigunean eta landagune bakoitzean jarri. Gainera, kartel bakoitzaren kopia bat jarri zen udaletxean. Bitarteko egokia izan zen Udalaren webgunean sartzeko zailtasunak dituzten herritarrei informazioa emateko.























Plana jendaurrean egon zen bitartean, jendaurreko bi bilkura antolatu ziren, Plana idatzi duen lantaldeak haren berri emateko:

Abenduaren 10ean, 18:00etan, udal‐liburutegian, Andra Mariko antolamendua aztertu zen, eta hamabost bat herritarrek parte hartu zuten. Parte‐hartze handia izan zen galderak egiteko txandan, eta galdera eta iruzkin gehienak ARNC‐04 eremuko lursailen jabeen desadostasunari buruzkoak izan ziren.

Abenduaren 17an, 18:00etan, udal‐liburutegian, lurzoru urbanizaezin osoaren antolamendua azaldu zen, eta proposatutako kategoriak eta haien ondorioak zehaztu ziren, baita hiru landaguneetarako proposatutako antolamendua ere, landagunez landagune. Hogei bat herritarrek parte hartu zuten, eta, galderak egiteko txandan, galdera eta iruzkin gehienak zuhaitzen eta lehendik dauden eraikinen arteko distantziari buruzkoak izan ziren, zehazki, distantziak seguruak izateari eta hiruzpalaubost baserriko multzoetan etxebizitzak lursail hartzailearen neurriak kontuan hartu gabe zatitu ahal izateari buruzkoak; izan ere, horrelako multzoei dagozkien lursailak oso txikiak dira.

Parte‐hartzaile gutxiago izan ziren aurreko bilkuretan baino. so egokia izan zen bilkurak gaika banatzea, parte‐hartzaileek landutako gai bakoitzari buruz zuten iritzia haztatu ahal izan baitzen: bilkura gehiago egitea gehiegizkoa izango zatekeen, eta, gutxiago egin izan balira, galdera eta iruzkinak Andra Mariri buruzkoak bakarrik izango ziratekeen. Gizonezkoek eta emakumezkoek antzeko neurrian parte hartu zuten.

INFORMAZIOA UDALETXEAN Plana jendaurrean egon zen bitartean, paperezko kopia oso bat utzi zen udaletxean, nahi zuten herritarrek jendeari kasu egiteko ordutegian aztertzeko.

BILERA PARTIKULARRAK Astearte arratsaldeetan, aurrez hitzordua jarrita, aurrez aurreko bilerak nahi zituzten herritarrei harrera egin zien udal‐arkitektoak, eta Plana idatzi duen lantaldeari helarazi zizkion bilera horietan ateratako ondorioak. b) Programaren eta haren aplikazioaren baliozkotasunari eta eraginkortasunari buruzko ondorioak eta, finkatutako helburuen lorpen‐mailaren arabera, haren nahikotasun edo nahikotasunik ezaren ebaluazio arrazoitua

Oro har, jarduketak nahikoak izan ziren. c) Herritarrek parte hartzeko programaren esparruan aurkeztutako alegazio, iradokizun eta erreklamazioen azterketa Herritarrek 18 alegazio aurkeztu zituzten; guztira, 30 iradokizun. Horietako bost (% 16,67) onartu egin ziren, bi (% 6,67) partzialki bakarrik onartu ziren, zazpi (% 6,67) Planaren barruan zeuden ordurako, eta beste 21ak (% 70) ez ziren onartu –sei errepikapenak ziren–.

ALEGAZIOAK ONARTUTAKOAK PARTZIALKI

ONARTUTAKOAK

AURKEZTERAKO PLANAREN

BARRUAN ZEUDEN ALEGAZIOAK

ONARTU GABEKOAK

1 1

2 3

3 1

4 2 1





5 1

6 1 3

7 1

8 1

9 1

10 1

11 1

12 1

13 1

14 1

15 1

16 1 3

17 3

18 1

5 2 2 21

Plana lehenengoz onartu zenean, alegazioak lurralde‐ereduari buruzkoak izan ziren; berez, aurrerakinaren fasekoak. Fase honetan, berriz, antolamendu zehaztuari buruzkoak izan ziren, eta, horren ondorioz, osorik edo partzialki onartutako alegazioek ez zuten aldaketarik eragin proposatutako egiturazko antolamenduan.

Alegazio ugari ez ziren onartu, baina kontuan izan beharra dago horietako asko berdinak zirela, titular desberdinek sinatuak baina.

Laburbilduz, Hiria Antolatzeko Plan Orokorrak proposatzen duen udalerri‐eredua eta herritar gehienek nahi dutena antzekoak dira, alegazioak antolamendu zehaztuari buruzkoak baitira nagusiki; alegia, bat datoz proposatutako udalerri‐ereduarekin.




5.3. BEHIN BETIKO ONESPENEAN PARTE HARTZEKO PROGRAMA EBALUATZEKO TXOSTENA


Jarduketa hauek egin dira azken fase honetan:

WEBGUNEA Morgako Udalaren webgunean, Udala ‐> Hirigintza orrialdean, esteka bat jarri da, Hiria Antolatzeko Plan Orokorra eta ingurumenaren gaineko eraginaren baterako ebaluazio‐azterketaren dokumentuak ikusi ahal izateko. Gainera BAO‐ko iragarkia eta informazio‐karteletara zuzenean joateko balio du. Informazio guzti hau, HAPO mantentzen den datararte egongo da udal webgunean.

INFORMAZIO‐BANAKETA Behin betiko onespeneko HAPO‐aren araudia BAOn argitaratu eta gero, informazio‐triptiko bat banatu zen udalerriko postontzi guztietan, euskaraz eta gaztelaniaz, Planaren berri emateko jartzekoak ziren bitartekoen berri emateko.

Oso bitarteko eraginkorra izan zen morgarrei informazioa emateko.





PLANAREN BERRI EMATEKO KARTELAK Andra Mariko informazio‐panel elektronikoa erabili zen. Gainera, postontzietan triptiko bat banatzearekin batera, auzo bakoitzeko antolamendu berriari buruzko informazioa emateko kartelak diseinatu eta plastifikatu ziren, eta Andra Mariko




hirigunean eta landagune bakoitzean jarri. Gainera, kartel bakoitzaren kopia bat jarri zen udaletxean. Bitarteko egokia izan da Udalaren webgunean sartzeko zailtasunak dituzten herritarrei informazioa emateko.
















Jendaurreko bilkura bat antolatu zen Morgako kultur etxean. Bere parte hartzea handia izan zen gela bete izan zen eta.

INFORMAZIOA UDALETXEAN HAPOaren paperezko kopia oso bat utzi da udaletxean, nahi duten herritarrek jendeari kasu egiteko ordutegian aztertzeko.

BILERA PARTIKULARRAK Astearte arratsaldeetan, aurrez hitzordua jarrita, aurrez aurreko bilerak nahi dituzten herritarrei harrera egingo die udal‐arkitektoak. b) Programaren eta haren aplikazioaren baliozkotasunari eta eraginkortasunari buruzko ondorioak eta, finkatutako helburuen lorpen‐mailaren arabera, haren nahikotasun edo nahikotasunik ezaren ebaluazio arrazoitua

Oro har, jarduketak egokiak eta nahikoak izan dira.

Documents

Aprobación Definitiva Behin betiko onespena · aktiboa hartzea (herritarrak ideiak, iritziak, iradokizunak eta desadostasunak jakinaraztera bultzatzea eta, bereziki, informazio publikoa