Upload
olaia-jimenez
View
254
Download
8
Embed Size (px)
DESCRIPTION
1.3. materiako gidaliburua. Ikasleena.
Citation preview
1.3 MATERIA: IKALEAREN GIDALIBURUA
Guztiontzako eskola
(6 ECTS)
2011-2012 ikasturtea
HUMANITATE ETA
HEZKUNTZA ZIENTZIEN
FAKULTATEA
Gidaliburua
1.3. materia
2011-10-03 2
HUMANITATE ETA
HEZKUNTZA ZIENTZIEN
FAKULTATEA
0. AURKIBIDEA
1. Materiaren tutoreen taldea
2. Sarrera: materiaren aurkezpena
3. Materian landuko diren konpetentziak
3.1. Zeharkako konpetentziak
3.2. Konpetentzia espezifikoak
4. Materiaren ardatz metodologikoak
5. Materiaren ebaluazio-sistema: alderdiak, proportzioak eta tresnak
6. Materiaren antolaketa orokorra
6.1.- Egutegia eta antolaketa
6.2.- Presentzialitatea (Asistentzia) – Ez presentzialitatea (Lanak)
6.3.- Lan mintegiak
7. Eranskinak
8. Bibliografia
Gidaliburua
1.3. materia
2011-10-03 3
HUMANITATE ETA
HEZKUNTZA ZIENTZIEN
FAKULTATEA
1. MATERIAKO TUTOREEN TALDEA
� Ainhoa Moiua
Ikaste-irakaste prozesuak gunea;
Telefono luzapena: 5167
� Olaia Jimenez
Ikaste-irakaste prozesuak gunea;
Telefono luzapena: 5161
� Nerea Agirre
Ikaste-irakaste prozesuak gunea;
Telefono luzapena: 5156
� Nagore Iñurrategi
Ikaste-irakaste prozesuak gunea;
Telefono luzapena: 5155
� Meltxor Artetxe
Ikaste-irakaste prozesuak gunea;
Telefono luzapena: 5152
� Xabier Arregi
Ikaste-irakaste prozesuak gunea;
Telefono luzapena: 5154
� Oihana Elorza
Ikaste-irakaste prozesuak gunea;
Telefono luzapena: 5173
Gidaliburua
1.3. materia
2011-10-03 4
2. SARRERA: MATERIAREN AURKEZPENA
Guztiontzako Eskola, ikasle guztien kalitatezko hezkuntzaz arduratzen den eskola,
aniztasunaren adierazpen guztiak kontutan hartu eta guztiei erantzunak ematen dizkien
eskola da. Materia honen helburua egungo eskolan IKASTE-IRAKASTE prozesuan eragina
duten aldagaiak ezagutu, aztertu eta hauen inguruan hausnarketa egitea da; prozesu
honen ezagutza irakasle gisa modu egokian kokatu eta hezkuntzaren planifikazio eta esku-
hartzerako ezinbesteko ardatza dela kontutan izan behar da.
Aste hauetan zehar ikusiko dugun moduan, irakaskuntza jarduera guztien oinarrian beti
dago ikasleek nola ikasten duten ulertzeko modu jakin bat. Duela 20 urtekoa eta gaur
egungoa, noski, ez dira berdinak. Hainbat gune zientifikotik jasotako emaitzen arabera,
gaur hobeto ezagutzen dugu ikasleek nola ikasten duten, banaka zein taldeka. Beraz, oso
garrantzitsua da egun orain arte eraiki den ezagutzaz jabetzea, beronek irakaskuntza
prozesua bermatzeko eta ez, berriz, oztopatzeko.
Honi gaineratu behar zaio, ikaste prozesua prozesu oso konplexua dela aldagai askok
parte hartzen dutelako. Halere, erabat lotuta doazen bi aldagai-multzotan arreta jartzeak
ikaste prozesua ulertzea erraztuko digu. Alde batetik, prozesuan zerikusia duten aldagai
kognitiboak ditugu, hots, ikasleen pentsamenduari, ideiei eta kontzeptuen eraikitzeari
erreferentzia egiten dietenak. Bestetik, prozesuan pentsamenduarekin batera doazen
aldagai emozionalei dagozkienak, hau da, motibazioa, auto-irudia eta auto-estima, ikaste-
irakaste prozesuari buruzko igurikapenak eta egiten diren egozpenak. Aldagai kognitibo
eta emozional hauek ikaskuntza-irakaskuntza prozesuan izan dezaketen eragina
(eragozlea ala onuragarria) ezagutzeak irakaslearen jarduera pedagogikoa bideratuko du.
Ez dugu ahaztu behar prozesu hau dinamikoa eta aldakorra dela.
Aurrez aipatutako ikasleen aldagai pertsonalak eskolan ere islatuko dira; beraz, ikasleen
aniztasunean oinarritu beharko gara hezkuntza prozesua emankorra izan dadin.
Dena dela, hori guztia zaila da oso, eskola mailan planteatzen den antolamendu ez bada
malgua, eta aniztasunarekiko hezitzaileen jarrera ez bada benetan irekia eta baikorra.
Bukatzeko, hasieran esan bezala, materia honetan helburua ikaste-irakaste prozesuan
eragina duten aldagaiak zeintzuk diren ulertzea da; izan ere, horrela izango baita posible
ikasle guztien parte-hartzea eta garapena helburu duten hezkuntza ereduak sortzea.
3. MATERIAN LANDUKO DIREN KONPETENTZIAK
3.1. Konpetentzia espezifikoak:
• Ikasle guztien hezkuntza eskubidea betetzeko beharrezkoa den begirada
aldaketa ematea.
• Ikasle guztiei erantzungo dien eskolaren ezaugarriak ezagutzea.
• Ikaste-irakaste prozesuan eragina duten aldagaiak ezagutu, aztertu eta hauen
inguruan hausnarketa egitea ume guztientzako kalitatezko hezkuntza
eskaintzeko asmoarekin.
Gidaliburua
1.3. materia
2011-10-03 5
3.2. Zeharkako Konpetentziak:
Ikasten ikastea: Nola ulertzen dugu?
• Norberak bere ikaskuntza prozesua antolatzeko gaitasunaz lotuta dago
konpetentzia hau. Ikasteko estrategia egokienak garatzera bideraturik dago,
ikasleak aurretiazko ezagutzetatik abiatuz ikaskuntza berriak eraiki eta
testuinguru ezberdinetan aplikatu ahal izateko. Konpetentzia honek, ikasteko
orduan informazioa eta denbora ondo kudeatzea eskatzen du. Horretarako,
ikaskuntza emateko prozesuen eta norberak dituen beharren kontzientzia izan
behar da, norberaren aukerak identifikatzen jakin, eta oztopoak gainditzeko
bakoitzaren abileziak ezagutzea.
• Guzti honek hiru norabideetan lan egitea eskatzen du: ikasle moduan norberaren
buruarekiko hausnarketa egitea (nola ikasten dut?, zein zailtasun ditut?, nola
lagundu nire buruari?), ikasteko estrategia ezberdinak ezagutzea eta zereginaren
arabera aukeratzen jakitea (zein da hau ikasteko modurik egokiena? ondo
ezagutzen dut prozedura hori? hori da niretzat egokiena?), eta ikaskuntza
prozesuaren autoerregulazioa gidatzea (zer ari naiz egiten? zer egin dut aurretik?
zer egin behar dut gero? helburuei erantzuten ari al naiz? zerbait aldatu behar al
dut? Jarduera bukatutzat ematen dut?)
4. MATERIAREN ARDATZ METODOLOGIKOAK
Materia honetan, besteak beste, eskola eraiki egiten dela adierazi nahi dugu. Eraikitze
prozesu horretan, ezinbestekoa dela iruditzen zaigu lan taldeetan pentsamendua
sortzea. Pentsamendu hori norbanakotik atera eta besteekin konpartitu eta
kontrastatuz aberasten da. Jakintza eraikitzeko bestearen beharra daukagula, alegia.
Horregatik, materia honetan nahi dugu metodologia aktiboa izatea. Aktiboa izateaz gain,
materiaren xedea denarekin bat ere egitea nahi dugu; horretarako Proiektuetan
Oinarritutako Irakaskuntza (POI) planteatzen dugu.
3 bloke landuko ditugu materian:
1. blokea: Guztiontzako eskolaren oinarriak ezagutzen.
2. blokea: Guztiontzako eskolara hurbiltzeko bidea aztertzen.
3. blokea: Gure ekarpena Guztiontzako eskolari.
Lana antolatzeko 2 fase proposatzen ditugu:
- Lehenengoan (1 eta 2. blokeak lantzeko), tailer teoriko-praktikoak egingo ditugu,
gaiarekiko oinarrizko markoa eraikitzeko. Lan hori beharrezkoa izango da gero
proiektuak aurrera eramateko. Lehenengo fase hau ikasle guztientzako berdina
izango da.
Gidaliburua
1.3. materia
2011-10-03 6
- Bigarrenean (3. blokea lantzeko), ikasleek proiektu bat diseinatu eta garatuko
duzue. Proiektuak egiteko materialak bilatu, aukeratu, sailkatu eta prestatu
beharko dituzue. Eta amaitzeko proiektuen plazaratze hori prestatuko duzue.
5. MATERIAREN EBALUAZIO - SISTEMA
EBALUATZAILEAK: autoebaluazioa, heteroebaluazioa eta koebaluazioa.
Tresna Proportzioa
Ikaste koadernoa (ikus 1. Eranskina) %50
Proiektua %40
Mintegiak %20
Oharra: (atal guztiak) gainditu behar dituzu (5ekoa) materia gainditzeko
6. MATERIAREN ANTOLAKETA OROKORRA
6.1.-Egutegia eta Antolaketa
Hasiera: 2011KO urriaren 3an HH eta urriaren 4an LH
Bukaera: 2011ko abenduak 19an HH eta abenduaren 20an LH
Saioen asteko antolaketa: HH astelehen eta asteazkenetan, LH astearte eta ostiraletan
Taldeak, tutoreak eta gelak:
TALDEA TUTOREA GELA
HH – T1 Xabier Arregi D 1.3
HH – T2 Oihana Elorza D 3.6
HH – T3 Meltxor Artetxe N 3.10
LH – T1 Ainhoa Moiua D 1.1
LH – T2 Nerea Agirre D 3.4
LH – T3 Olaia Jimenez N 3.6
LH – T4 Nagore Iñurrategi N 3.7
6.2.- Presentzialitatea – Ez presentzialitatea
Ez presentzialean egin beharreko lanak, ez dira “etxeko lan gehigarriak”, baizik eta
ECTS-etan arautuak eta derrigorrezko ordu kopuru minimo bezala kontabilizatzen
direnak.
Hobeto ulertzeko: Egun osoa institutuan egon ordez, bizpahiru klase egunean eman eta
gainerako guztia etxean, taldeka edo nolabaiteko “ez presentzialean” burutu beharko
duzue.
Gidaliburua
1.3. materia
2011-10-03 7
6.3.- Lan mintegiak
Materian zehar talde txikietan tutorearekin egingo dituzuen lan bilerak izango dira.
Bloke bakoitzean lan mintegi bat izango duzue, bloke horren inguruan hitz egiteko. Hitz
egiteko esaten dugunean, gaiaren inguruan jasotako jakintza erabili beharko duzuela
esan nahi dugu. Hau da, mintegirako gai bat proposatutako zaizue, eta, zuek gai horren
inguruan argudioak eman, gaian sakondu, iritzi jantzi bat eman edota zuek gaiarekiko
hartutako jarrera defendatu beharko duzue.
Mintegi bakoitzak gai bat izango duela esan dugu dagoeneko, eta gai horrekin lotuta,
materian hainbat input (hitzaldi, kasu, adibide…) jasoko dituzue. Input horiek erabilita,
mintegira begira jarduera bat egin beharko duzue modu indibidualean (galdera bat, kasu
baten ebazpena…). Jarduera hau eginda izatea derrigorrezkoa izango da mintegian
partehartzeko. Izan ere, mintegiaren muina jarduera horrekin lotuta egongo da, eta,
horren aurre-lanketa egitea beharrezkoa ikusten dugu.
Ebaluazioari begira, lan mintegietan parte hartzea derrigorrezkoa da.
7. BIBLIOGRAFIA
Bi ataletan banatuta agertzen zaizkizu materiari dagozkion irakurketak. Lehenengoan
aurkituko dituzu materiaren lanketarako oinarrizkoa den bibliografia, liburutegiko
zerbitzuan eskuragai duzuena. Dokumentu horiek aztertzea ezinbestekotzat ikusten da
materia ulertu eta kasuari erantzuna eman ahal izateko
Oinarrizko bibliografia
• Alonso,J. eta Montero, I. (2001). Orientazio motibazionala eta estrategia
motibo-emaileak eskolako irakaskuntzan. Testu euskaratua: Coll, C., Palacios,
J. eta MArchesi, A.: Desarrollo psicológico y educación II. Madrid: Alianza.
• Batzuk (2005). Pedagogo sortzaileak teorien iturburu. 17. Monografikoa. Hik
Hasi. Donostia: Xangorin
• Mario Carretero (2007). Konstruktibismoa eta hezkuntza.. 20. Monografikoa.
Hik Hasi Donostia: Xangorin.
• Mauri, T (1993) Zer irakasten dizkio ikasleari eskolako edukiak? Testu
euskaratua: ¿Qué hace que el alumno y la alumna aprendan los contenidos
escolares? La naturaleza activa y constructiva del conocimiento. En Coll,C. Y
col.: El constructivismo en el aula. Barcelona: Grao
• Pujolas, P. (2004). Hezkuntza Inklusiboa: bestelako bizimodu bat irakastea.
Testu euskaratua: Aprender juntos alumnos diferentes. Barcelona: Octaedro
(19-51 orr.)
• Solé, I. (1993) Ikasteko prestutasuna eta ikastearen zentzua. Testu
Euskaratua: Coll, C. y otros. El constructivismo en el aula. Bartzelona: Graó.
Gidaliburua
1.3. materia
2011-10-03 8
Bigarren atalean materia honekiko bibliografia osagarria topa dezakezue; bibliografia
hori baliagarri izango zaizue materia sakondu eta hobeto ulertzeko.
Bibliografia osagarria
• Batzuk (2004). La escuela inclusiva. Prácticas y reflexiones. Bartzelona: Graó
• Bronfenbrenner, U. (1987). La ecología del desarrollo humano. Barcelona:
Paidós.
• Bueno, J.A. y Castanedo, C. (1998): Psicología de la educación Aplicada.
Madrid: CCS.
• Coll, C., Palacios, J. y Marchesi, A. Desarrollo psicológico y educación II.
Madrid: Alianza
• Rogers, C.: Libertad y creatividad en educación. Buenos Aires: Paidós.
• Solé, I. (1990). Bases psicopedagógicas de la práctica educativa. En Mauri, T.,
Solé, I., Carmen del, L. y Zabala, A. El curriculum en el centro educativo.
Bartzelona: ICE/ Horsori.
• Woolfolk, A.E. (1999). Psicología Educativa. México: Prentice Hall.
• Zabala, A. (1995). La práctica educativa. Barcelona: Graó.
Gidaliburua
1.3. materia
2011-10-03 9
8. ERANSKINAK
IKASTE KOADERNOA. 1. ERANSKINA
1. Zein da ikaste-koadernoaren helburua?
- Ikasle bakoitzak bere ikaskuntza prozesuaren testuinguruan, bizipenean eta
esperientzian oinarrituz, barneratzen dituen ezagutzak, prozedurak eta jarrerak eta
lortzen dituen konpetentziak modu originalean islatzea, hausnarketa pertsonalaren
bidez (bi motatako konpetentziak landuko ditugu, era osagarri eta integratuan: materiari
dagozkion konpetentzia espezifikoak eta bizitzako edozein alor edo esparrurako
ezinbestekoak diren zeharkakok konpetentziak ere).
- Ikasleak ikaskuntza prozesuan zehar bere ibilbidea auto-erregulatzeko eta auto-
ebaluatzeko tresna izango da.
- Halaber, irakaslearentzat ere ikaslearen ebaluaziorako tresna aberatsa izango da,
bakoitzak egindako ibilbide eta lorpen pertsonalak modu diakronikoan ikusiko baititu
prozesuan zehar
2. Zer da ikaste-koadernoa?
1.3 materiaren zehar norberak idatziz egindako lan hausnartua eta originala da.
Koadernoa materiaren ikaskuntza-irakaskuntza prozesuan ikasitakoa, egindakoa eta
bizitakoa jasotzeko, interpretatzeko eta ebaluatzeko koadernoa (tresna) da, honela
irakasle lanbidera eta errealitatera hurbiltzeko.
3. Ikaste-koadernoa ez da…
- Oharren eta ideien pilaketa soila.
- Eguneroko soila.
- Jarduera multzoaren pilaketa edo/eta deskribapena hutsa.
- Amaierako ekoizpena.
Gidaliburua
1.3. materia
2011-10-03 10
4. Zein da ikaste-koadernoa osatzeko prozedura?
Materiak irauten duen denboran zehar, bakoitzak bakarka zein taldeka landutako eta
ikasitakoren bilduma gogoetatua izan behar da. Bilduma honetan zera jaso beharko da
kronologikoki:
• Gai/saio bakoitzaren testuingurua edota sarrera.
• Gai bakoitzeko hasieran norberak dituen aurrezagutzak eta gaiarekiko
konpetentzia maila (gorago aipatu ditugun bi konpetentzia multzoetan).
• Saioetan jasotako oharren edo egunerokoaren sintesia.
• Gelako jardueratan ikasitakoa eta bizitakoa oharrei lotuta.
• Saioetan emandako hitzaldiak, eskemak, bideoetatik eta artikuluetatik ikasitakoa
erantsi.
• Talde-lanean aritzen ikasitakoa: lanaren planifikazioa, taldekideon arteko
komunikazioa eta rol banaketa, jarrera ezberdinak, sortu diren gatazken
kudeaketa, arazoen ebazpena nola egin den, eta abar jaso.
• Talde handian egindako gogoetak txertatu.
• Norbere interesak bultzatuta egindako kontsultak edo irakurketak gehitu.
• Saio ez presentzialetan irakurritako eta landutako artikuluen ideiak, sintesiak eta
gogoetak bildu.
• Ondorio gisara, bakoitzaren bilakaera islatuko du ikasleak, bi konpetentzia
multzoetan egindako lorpenak azalduz, hitz batez, ikasitakoaren auto-ebaluazioa
egingo du, bilakaera horretan sortu zaizkion galderak edo kezkak eta ekarpenak
ere eginaz.
Gidaliburua
1.3. materia
2011-10-03 11
FILMA. 2. ERANSKINA
Jatorrizko izenburua: En el mundo a cada rato
Urtea: 2004
Iraupena:116 minutu
Zuzendaria: Patricia Ferreira-Pere Joan
Ventura-Chus Gutiérrez-Javier Corcuera-
Javier Fesser
Gidoia: Virginia Yagüe, Georgina Cisquella,
Inés Almirón y Javier Fesser
Fotografía: Rafa Roche, Alberto Molina,
Jordi Abusada y Chechu Graf
Muntaia: Carmen Frías, Anastasi Rinos,
Fidel Collados, Rosa Rodríguez y Javier
Fesser
Musika: José Nieto y Tao Gutiérrez
Produkzioa: Manuel García Serrano
Interpreteak: D. Krishnakumar, Theni
Kunjarammal, Vicenta Ndongo, Macarena
Leyría, Olga Oña, Juan Pablo González,
Nancy Hualinga, Eusebia Ramírez, Zeynabou
Dialló, Aqnile Sambou, Aminata Sané,
Ismaïla Hercule
Bost istorios osatua dago. Istorio honen oinarrian UNICEFek dituen lehentasunak daude:
hezkuntza, neskatilak, lehen haurtzaroko garapena, GIBaren aurkako borroka eta
explotazioaren aurkako babesa.
Bost istorio horietako bat “Binta y la gran idea” da.
Zuzdendaria Javier Fesser
Jatorrizko izenburuaBinta y la gran idea
Gidoia Javier Fesser
Produkzioa Tus Ojos S.L.
Produktorea Luis Manso
Fotografía Chechu Graf
Muntaia Javier Fesser
Soinua José María Bloch
Interpreteak Zeynabou Dialló, Agnile Sambou,
Aminata Sané, Ismaïla Hercule Diedhiou, Fatuo
Drámé, Awa Kébé, Fanding Diedhiuo
Gidaliburua
1.3. materia
2011-10-03 12
FILMA. 3. ERANSKINA
Jatorrizko izenburua: Dead Poets Society Urtea: 1989 Zuzendaria: Peter Weir Produktorea: Steven Haft, Paul Junger Witt y Tony Thomas Interpreteak: Robin Williams, Robert Sean Leonard, Ethan Hawke, Josh Charles, Gale Hansen, Dylan Kussman, Allelon Ruggiero, James Waterston, Norman Lloyd, Kurtwood Smith, Carla Belver, Leon Pownall, George Martin, Joe Aufiery, Matt Carey, Kevin Cooney Iraupena: 124 minutu