1

POLO de

COMPETITIVIDAD

DURANGALDEA

MEMORIA TEKNIKOA LABURPENA

2017an Durangaldeko enpresen lehiakortasuna hobetzeko

ekintzak dinamizatu eta koordinatzeko proiektua

AURKIBIDEA

1. AURREKARIAK

2. PROIEKTUAREN HELBURUAK

3. EGINDAKO EKINTZEN DESKRIBAPENA

Durango, 2018ko otsaila

POLO de

COMPETITIVIDAD

DURANGALDEA

2

POLO de

COMPETITIVIDAD

DURANGALDEA

1. AURREKARIAK

Durangaldeko Lehiakortasun Poloaren (DLP) helburu nagusia eskualdeko industria enpresei laguntza emateko tresna bihurtzea da, lehiakortasuna hobetzeko ekintzak garatzeko, banaka zein lankidetzan, beharrizanak eta etorkizuneko proiektu eta planak administrazioek diseinatutako programekin edota gainerako tokiko eragileen gaitasunekin lerrokatuz.

Proiektuak izaera kolaboratzailea dauka, eta Durangoko Merinaldearen Amankomunazgoa (DMA), Durangaldeko Enpresen Elkartea (DEE) eta IK4-AZTERLAN lankidetzan ari dira, Durangaldeko industria sarearen lehiakortasuna hobetzeko lan egiten duen aliantza eraginkorra osatuz.

Lankidetzan garatutako ekintza horien ondorioz enpresekin zenbait jarduera antolatuko dira, eta beharrezkoa da jarduera horiek ongi koordinatzea, planifikatzea eta dinamizatzea, planteatutako helburuak lortzeko eraginkorrak izan daitezen. Halaber, proiektua, berez, kolaboratzailea denez, bertan zuzenean inplikatutako eragile guztiak koordinatzea behar-beharrezkoa da.

2017. urteko ekitaldiari dagokionez, beharrezko dinamizazio lan horiek “2017an Durangaldeko enpresen lehiakortasuna hobetzera bideratutako ekintzak dinamizatu eta koordinatzeko proiektua” lanean jaso ziren. Proiektu horrek DMAren finantzaketa jaso du, 30.000,00 euroko gastu zuzeneko aurrekontuarekin; aurrekontu hori 2017ko urtarrilaren 1etik abenduaren 31ra arteko tartean garatu behar zen.

Jardueren memoria tekniko honetan proiektu horren esparruan egindako lanak jaso dira.

3

POLO de

COMPETITIVIDAD

DURANGALDEA

2. PROIEKTUAREN HELBURUAK

IK4-AZTERLAN entitateak egindako proiektuaren helburua 2017an Durangaldeko enpresen lehiakortasuna hobetzeko dinamizazio eta koordinazi o lanak egitea da, Durangaldeko Lehiakortasun Poloaren ikuskaritzapean.

Lan horien helburu nagusia enplegua sustatzea izan da, pertsonak gaituz eta eskualdeko industria arloko enpresen lehiakortasuna hobetuz.

Jarraian, proiektu honen esparruan proposatutako IK4-AZTERLAN erakundearen jarduketa nagusiak jaso dira:

(1) Proiektu honen testuinguruan garatu beharreko jarduera guztiak planifikatzea, antolatzea eta jarraipena egitea, Durangaldeko Lehiakortasun Poloaren (DLP) Batzorde Betearazlean azalpen partzialak emanez eta azalpen osoa emanez 2018ko otsailaren 28a baino lehen.

(2) DLPren Batzorde Betearazlea osatzen duten hiru erakundeek osatutako lantaldea koordinatzea (Durangoko Merinaldearen Amankomunazgoa (DMA), Durangaldeko Enpresen Elkartea (DEE) eta IK4-AZTERLAN), plangintzan jasotako lanak egiterakoan.

(3) DLPren Batzorde Betearazlearen gutxienez 10 bilera deitu eta antolatzea, eta bilera horietarako deialdiak, aktak, zirkularrak eta beharrezko informazio komunikazioak idatziz.

(4) Proposamenak DLPra eramatea, Batzorde Betearazleari interesgarritzat jotako jarduketa ildo guztiak zein garatzeko proposamen zehatzak xehetasunez azalduz.

(5) Beste administrazio batzuekin sortutako kasuan kasuko erakunde harremanak mantentzea eta indartzea, proiektu honetan jasotako DLPren lanaren testuinguruan.

(6) DLP eta Durangoko Merinaldearen Amankomunazgoaren ordezkaritza lanak egitea proposatutako lanaren esparruari lotuta beste bitarteko erakunde edo eragileek deitutako foro, lantalde edo saioetan.

(7) Enpresekin harreman egonkorra izatea, beste erakunde edo programa zehatz batzuetan behar bezala jaso ez diren arlo edo esparruetan lehiakortasun beharrizanak biltzeko.

(8) Durangaldeko enpresetarako intereseko lan teknikoen esparruak koordinatzea (mekanika-metalgintza sektorea).

(9) DLPk garatutako ekintzak kanporantz behar bezala komunikatzea eta zabaltzea.

(10) Beharrezko administrazio dokumentazioa prestatzea, jarduera laguntzeko programetarako balizko eskaeren ziklo osoa estali ahal izateko.

4

POLO de

COMPETITIVIDAD

DURANGALDEA

3. EGINDAKO EKINTZEN DESKRIBAPENA

Jarraian 4., 5. 7. eta 8. puntuetan aipatutako jarduketei lotuta garatutako ekintza eta lan guztiak jaso dira.

4.-Proposamenak DLPra eramatea, Batzorde Betearazle ari interesgarritzat jotako jarduketa ildo guztiak zein garatzeko proposamen ze hatzak xehetasunez azalduz.

IK4-AZTERLAN entitateak Batzorde Betearazleari jakinarazi beharreko lan proposamenak dokumentatu ditu, eta dokumentazio hori eragileekin egindako kasuan kasuko bileretan aurkeztu du. Ondoren, dokumentazioa horiekin partekatu da.

2017an zehar prestatu eta aurkeztutako garapen proposamen zehatzetako batzuk honako hauek izan dira:

• Lan ibilbide bat prestatzeko proposamena, enpresen talde batek berrikuntza sistematikoari lotutako alderdietan sakondu dezan.

• Enpresa txiki eta ertainekin eta 4.0 teknologiak ezartzeko eta zaintza teknologia arloko adituekin lan egiteko jardunaldi bat proposatzea.

• Enpresekin lan jardunaldi bat antolatzeko proposamena, profesionalak eskualdean lehentasunezkoak diren jardueretarako gaitzeari buruzko edukiak garatzeko, baita gure industria sareko jarduerei laguntza emateko erakunde proposamenei dagokienez ere.

• Enpresekin harremanak eguneratzeko proposamena, Txorierriko eskualdearekin lankidetzan aritzeko proiektu baten bitartez.

• Sektoreen arteko eta bitarteko beste eragile batzuekin batera zaintza teknologikoko proiektu bat egiteko proposamena, gure enpresetara garatzeko aukera berriak ekarri ahal izateko.

IK4-AZTERLAN entitateak DLPko Batzorde Betearazlean aurkeztutako proposamen horiekin guztiekin proiektuan jasotako helburu nagusietako bat bete nahi izan da, bereziki lanari, enpresekin harremana izateari eta erakundeen arteko harremanari dagokienez.

5.- Beste administrazio batzuekin sortutako kasuan kasuko erakunde harremanak mantentzea eta indartzea, proiektu honetan jasotako DLPren lanaren testuinguruan.

Proiektuaren testuinguruari lotutako eremuetan beste bitarteko erakunde edo eragileek deitutako foro, lantalde edo saioetan ordezkaritza lanak egiteaz gain, beste administrazio batzuekin erakunde harremanak indartzeko ere lan egin du IK4-AZTERLAN entitateak.

Harremana etengabekoa izan da urte osoan zehar, administrazioek antzeman zezaten proiektu honen testuinguruan garatutako lana.

• Bizkaiko Foru Aldundiko Ekonomi eta Lurralde Garapena Sustatzeko Sailarekin bilera: 2017ko otsailaren 21ean bilera bat egin zen sail horretako ordezkariekin, BFAren egoitzan. Bilera horretan, IK4-AZTERLAN entitateak puntu hauek aurkeztu zituen:

5

POLO de

COMPETITIVIDAD

DURANGALDEA

o DLP barruan eragileen arteko lankidetza aliantzaren azalpena

o DLPren 2017 plana BFAren “BIZKAIA lehiakorra eta lurralde gisa orekatua” proiektuaren testuinguruan jartzea

o 2017ko planaren aurrekariak: gure industria sarearen errealitatea; lankidetzarako balizko esparruak, antolaketa eta gaitasuna.

o DLPren 2017 Ekintza Plana aurkeztea, aurtengo urterako proposatutako lan esparruak xehetasunez azalduz.

BFAko ordezkarien aurrean aurkeztutako dokumentazioa aldez aurretik Batzorde Betearazlearen saioetan landu zen, eta bilera horren ondoren DLPko eragile guztiekin partekatu zen.

• Eusko Jaurlaritza-SPRI taldearen parte hartzea “Giltza sektoreak eta gaitze estrategiak Durangaldean” izenburupean enpresekin egindako topaketan: beharrezko harreman lana egin zen SPRI taldeko Berrikuntza Saileko arduradun Josu Ocariz bertan egon zedin eskualdeko enpresei zuzendutako erakunde laguntza partekatzeko.

• Lan hauen testuinguruan enpresekin egindako topaketetara BFAko ordezkariak gonbidatu dira, planteatutako jardun ildo nagusien garapena zuzen-zuzenean ikus zezaten.

Erakundeekin izandako harreman guztietan azaldu da lan esparru honetako ekimenek eratutako eskualde garapeneko proiektu honetan Durangoko Merinaldearen Amankomunazgoa inplikatuta dagoela.

7.- Enpresekin harreman egonkorra izatea beste erak unde edo programa zehatz batzuetan behar bezala jaso ez diren arlo edo esparruetan leh iakortasun beharrizanak biltzeko.

Enpresekin etengabeko harremana izateko ahalegina egin da, ekintza hauen bitartez:

• Espazio teknikoetan parte hartuz, inguruko enpresek ezagutza teknologiko aurreratua bereganatu ahal izan dute.

• Planaren barruan planteatutako lantaldeetan eta ekintzetan enpresen presentzia bultzatuz.

• Industria maparen eguneraketaren testuinguruan elkarrizketak eginez.

• Presentzia daukagun sareetan kokatutako lankidetza ekintzetan eskualdeko enpresen presentzia sustatuz.

2017an enpresekin egindako topaketa tekniko hauetan DLPko eragileen presentzia agertu da, kolaboratzaile gisa:

• Workshop teknikoa Metalografia teknikak eta laginak prestatzea hobetzea

6

POLO de

COMPETITIVIDAD

DURANGALDEA

• Workshop teknikoa Materialen entseguetan emaitza fidagarriak lortzea hobetzea

• Fundizioaren Nazioarteko IX. Forum Teknikoa, “Fundizio industria lehiakorrerako erronka globalak eta 4.0 teknologiak”

• Workshop teknikoa Mikroskopia: makrotik mikrora eta mikrotik nanora.

• Jardunaldi teknikoa. Fundizio hareetako ekonomia zirkularra bultzatzeko ekimen berritzaileak

• Tratamendu Termikoko III. Forum Teknikoa (Trater Day 2017)

7

POLO de

COMPETITIVIDAD

DURANGALDEA

Workshop teknikoa Metalografia teknikak eta laginak prestatzea hobetzea

Aleazio eta materialen egitura azterketa egite aldera metalografia laginak prestatzeko ezinbestekoa da emaitzak hobetzeko metodo sistematikoa erabiltzea. Prozesu hori oso konplexua da enpresentzat, eta, horrenbestez, otsailaren 14tik 17ra jardunaldi teoriko praktikoak egitea proposatu zen, mota horretako laginak prestatzean sakontzeko, teknika horien gaineko ezagutza hobetzea sustatuz.

Workshop tekniko honi esker mintegi praktiko bat antolatu zen, eta bertan, parte hartzaileek haien lagin propioak ekarri ahal izan zituzten une honetako prozesuak hobetu ahal izateko eta prestaketa metodo berriak garatzean sakontzeko.

Lehenago aipatutako konpainiez gain, METKON, EMCOTEST eta NIKON enpresetako adituen kolaborazioaren bitartez, materialografiako teknikak aztertu ziren, eta arreta berezia jarri zitzaien mozketari, muntaketa lanei, esmerilaketa eta leunketari, mikroskopiari eta gogortasunari.

Teknika horietan guztietan espezialista diren profesional ugariz gain, saio praktikoetarako ekipamendu osatua ere baliatu zen, prozesu metalografiko guztia barne hartuz: mozteko gailua, leuntzeko gailua eta enbutitzeko gailua, mikrodurometro erdi automatikoa, metalografoak metodoak hobetzeko, Nikon mikroskopioa estatibo motorizatuarekin, Nikonen NIS irudia aztertzeko softwarea, Neoscope JCM-6000 Plus mikroskopio elektronikoa, baita beharrezko kontsumigarri guztiak ere.

Workshop tekniko honen bi lantaldeetan 50 konpainia eta zentro inguruko 80 profesional baino gehiago bildu ziren

8

POLO de

COMPETITIVIDAD

DURANGALDEA

Workshopeko programaren barruan eskuragarri zeuden talde guztiekin zenbait praktika egiteko saioak antolatu ziren, egunero. Praktika horiei esker, bertaratutakoek saio teorikoetan barneratutako ezagutzak osatu zituzten, eta, aipatutako adituen taldeaz gain, haien esanetara izan zituzten Javier Santamaría, Javier Mendía eta Sonia Fernández (IZASA SCIENTIFIC), Faruk MUZAFFER (Lab & Application Engineer, METKON) eta Deniz Akman (NIKON); prozesu metalografikoko fase guztiak elkarrekin igaro zituzten.

Praktikak taldeetan, metalografia teknika desberdinak esperimentatzeko aukera emanez

9

POLO de

COMPETITIVIDAD

DURANGALDEA

Workshop teknikoa Materialen entseguetan emaitza fi dagarriak lortzea hobetzea

Emaitzen fidagarritasuna funtsezko alderdi bat da materialen entseguen arloan. Emaitzak zehatzak izan behar dira, errepikatzeko, kopiatzeko eta jarraitzeko modukoak; horrenbestez, ezinbestekoak dira entsegu taldeetan garapen berriei zein software aurreratuko sistemei dagokienez.

Garapen berri horietako baten inguruan lan jardunaldi praktikoa garatzeko ideiarekin, ZWICK IBÉRICA SL konpainiak enpresa topaketa bat antolatu zuen maiatzean Durangon, eta bertan ZWICKen testXpert III software berriaren funtzionamendua azaldu zen.

Espazio hori materialekin entseguak egiten dituzten ikerkuntza zentro eta enpresetako teknikari eta laborategiko langileei zuzenduta egon zen.

Fundizioaren Nazioarteko IX. Forum Teknikoa, “Fundi zio industria lehiakorrerako erronka globalak eta 4.0 teknologiak”

Aurkezpen teknikoko parte hartzaileak

10

POLO de

COMPETITIVIDAD

DURANGALDEA

Fundizioaren industria oso sektore dinamikoa da, eta industria horren lehiakortasuna hobetzeko garapen teknologikoa eta berrikuntza funtsezko giltzak dira. Merkatu globalizatu honetan, 4.0 Industria izendatutakoaren inguruko eraldaketa digitalak ekoizpen estrategien bilakaera zedarritzen duen honetan, sektore horrek ere paradigma berri honetatik aurkezten zaizkion erronken aurrean erantzun behar du.

Sektoreak gainditu beharreko erronka globalei erreparatuz, eta, zehazki esateko, 4.0 teknologiak fundizio prozesuetan ezartzeari lotutako erronkei erreparatuz, Fundizioaren Nazioarteko IX. Forum Teknikoa ospatu da “Fundizio industria lehiakorrerako erronka globalak eta 4.0 teknologiak” izenburupean. Nazioarteko hitzordu tekniko nabarmen honen bederatzigarren edizioan ehunka enpresa eta zentroetako 200 profesional eta teknikari inguru bildu dira, mundu mailako enpresa erreferenteen lehiakortasuna hobetzeko esperientziak eta azken aurrerapenak partekatzeko.

Hitzorduan lan programa garrantzitsua garatu da, eta enpresa liderren espezialista ezagunek hartu dute parte, besteak beste, SEAT S.A., FUCHOSA S.L., GRUPO INFUN, LINGOTES ESPECIALES DE VALLADOLID S.A., PIEZAS Y RODAJES S.A., SAKANA S. COOP., FOSECO, ELKEM AS, ASK-CHEMICALS GmbH, SISTEPLANT, HÜTTENES ALBERTUS ILARDUYA, TU BERGAKADEMIE FREIBERG, SAKTHI Portugal, EXONE GmbH, ILT PLASMA TECHNOLOGIES S.L. eta SAINT-GOBAIN enpresetakoak, baita IK4-AZTERLAN Metalurgia Ikerketa Zentrokoak, erakunde ordezkariak eta WORLD FOUNDRY ORGANIZATION erakundekoak ere (Fundizioaren Mundu Erakundea).

Parte hartzaileek 4.0 Industriako kontzeptuak fundizioan aplikatzeari buruzko ikuspegiak partekatu zituzten, sektoreak gai honi dagokionez dituen begirada anitzak islatuz eta zenbait aurrerapen teknologiko nola partekatzen diren ikusiz. Horrez gain, mahaiko parte hartzaile eta forumeko hizlari

Fundizioaren Nazioarteko IX. Forum Teknikoan industriako 200 profesional baino gehiago bildu dira fundizioaren teknologiari lotutako

azken garapenak partekatzeko

11

POLO de

COMPETITIVIDAD

DURANGALDEA

batzuen artean eztabaida interesgarria ere sortu zen, fundizio batek 4.0 teknologiak bereganatzen hasteko modu onenari dagokionez.

Lehiakortasunari dagokionez, gure sektorearen barruan 4.0 teknologia eta estrategiak hedatzeak aurreikuspenen arabera etorkizunean garrantzia izango duela onartu zuten, baita edozein neurriko enpresetan ere, eta epe ertaineko oztopoetako batzuk aipatu zituzten.

Sektoreko beste alderdi batzuei buruz ere eztabaidatu zuten, esaterako produktuaren diseinuan parte hartzea. Planoaren bitartez ekoiztetik (prezioan lehiatzen gara) osagai fundituak diseinatzerakoan bezeroarengandik gertu egotera edo elementu horiek haien muga eta funtzioen arabera diseinatzera igarotzeko zailtasunak agerian utzi ziren, eta iritzi truke aberatsa sortu zen.

Espazioa oso interesgarria izan zen, eta fundizioaren sektoreko protagonista zuzenekin hitz egiteko aukera eskaini zuen.

Bidenabar, nabarmendu behar da WFOko zuzendari orokorrak zein talde horretako arduradun ugarik hartu zutela parte Forum Teknikoan; hala, gure fundizio industriaren eta mundu mailako ezagutza sare garrantzitsu horren artean une honetan dagoen lotura sendoa erakutsi zen.

Ondorio gisa, Fundizioaren Nazioarteko IX. Forum Teknikoan aurkeztutako kasu tekniko praktiko eta hausnarketen hedapen eta sakontasuna aipatu behar dira; izan ere, lehiakorragoa izateko soluzio berri bila aktiboki lanean ari den industria islatzen dute.

Fundizioaren sektoreak etengabe inbertsioak egiteari garrantzia eman zaio saio guztietan, bai ezagutzaren transferentziari, bai gizakiei dagokienez, 4.0 Fundizioaren paradigma barruan teknologikoki berritzaileak izango diren soluzioak garatu eta finkatzeko funtsezko oinarri gisa.

Gure fundizioaren 4.0 etorkizuna: horretarako ezinbestean teknologia apurtzaile horrekiko inguru adeitsuak sortu beharko dira, lantaldeak prestatu egin beharko dira iraultza berri horri aurre egin ahal izateko eta sektoreko balio kate osoak modu bateratuan lan egin beharko du.

Workshop teknikoa Mikroskopia: makrotik mikrora eta mikrotik nanora.

Mikroskopia optiko, digital eta elektronikoak uztartuz gero azterketa teknika espektroskopikoekin edo difrakzioko teknikekin, mota guztietako materialen ezaugarriak oso modu zehatzean landu daitezke. Izan ere, teknika horiek eskainitako handitze eta bereizmen tarte handiak hamar magnitude ordena

Fundizioaren industriako balio kate osoko ehunka enpresetako 200 profesional inguruk lan teknikoko espazio honetan parte hartzeko aukera izan zuten, sektore barruko harremanak indartuz eta

nazioarteko aditu ezagunen ezagutza berria eskuratuz; balio kate osoa lantzea, gainera, ezinbesteko giltza da Tabira Fundizio Institutuaren misioaren barruan.

12

POLO de

COMPETITIVIDAD

DURANGALDEA

baino gehiago hartzen ditu; hala, posible egiten du milimetroetan neurketa makroskopikoak egitea zein maila mikrometriko eta nanometrikoetan mikroegitura kuantifikazioak burutzea.

Akatsak antzematea zein mikroegiturak eskala desberdinetan kontrolatzea; hala, teknika mikroskopikoak ezinbesteko tresna dira sistema eta osagaien akatsak aztertu eta saihesteko, diseinu lanetan zein kalitate kontrolean. Bestalde, irudia eskuratu eta modu digitalean lantzeari esker aplikazio praktika berriak sortu dira, eta, aldi berean, normalean erabiltzen ditugun handitze eta bereizmen kontzeptuak berriz pentsatu behar izan ditugu.

Bi lan jardunalditan 25 enpresa inguru bildu ziren eta LEICA MICROSYSTEMS enpresak kolaboratu zuen; jardunaldi haietan makrotik mikrora eta mikrotik nanora iristeko ibilbidea egin zen, mikroskopia erabiltzaileak orientatuz beharrizan bakoitzerako teknika egokia aukeratzen.

Saio praktikoetan mikroskopio estereoskopiko, digital eta metalografikoekin lan egiteko aukera eskaini zen, baita 2D eta 3D neurketa eta irudiak hartzeko softwarearekin ere. Saio praktikoetan parte hartzaileek begiratu eta laginak hartu ahal izan zituzten.

Ondorio gisa esan behar da espazio praktiko hau antolatzeari esker bertan parte hartu zuten enpresek mikroskopia teknikak erabiltzeari buruzko esperientzia eta ezagutza handitu ahal izan zutela.

Hizlarien ezagutza teknikoen maila altua eta ekipamendu batean punta-puntako aurrerapenekin praktikak egin ahal izatea izan dira enpresa topaketa honen bi giltza nagusiak. Jardunaldi teknikoa Fundizio hareetako ekonomia zir kularra bultzatzeko ekimen berritzaileak

Fundizio hareen kudeaketa iraunkorra erronka garrantzitsua da, eta fundizioaren sektorea kezkatuta dago; 2020. urterako hondakin horren %75 balioztatu beharko da. Kezka horren froga gisa aipa

25 enpresa, zentro eta unibertsitatetatik iritsitako 50 teknikari inguruk mikroskopia tekniketan sakontzeko aukera izan zuten

13

POLO de

COMPETITIVIDAD

DURANGALDEA

dezakegu azaroaren 9an “Fundizio hareetako ekonomia zirkularra bultzatzeko ekimen berritzaileak” egitasmoan profesional eta teknikari ugari batu izana.

Jardunaldia LIFE ECO-SANDFILL proiektuko parte hartzaileek antolatu zuten, eta helburu nagusia fundizio hareak modu iraunkorrean kudeatzeko arloan aurrerapen eta esperientziak partekatzea zen, martxan jarritako hainbat proiektu eta ekimenen bitartez. Horrez gain, topaketan EAEko Hondakin Ez Arriskutsuak Kudeatzeko Planak eragingo dituen erronka berriak fundizioaren sektorearen aurrean azaldu nahi izan ziren.

Topaketa IK4-AZTERLAN Metalurgia Ikerketa Zentroaren instalazioan egin zen, Durangon, eta lan espazio horretan burdinazko fundizio zein burdinazkoa ez den fundizio sektoreko, sektore osagarriko teknikari eta profesional ugarik hartu zuten parte, baita eraikuntza, hondakinen kudeaketa, erakunde publiko eta ingurumenari lotutako elkarteetako ordezkariek ere.

Parte hartze handia fundizio hareak modu iraunkorrean kudeatzeko topaketan, 50 enpresa eta zentrotako 70 parte hartzailerekin

14

POLO de

COMPETITIVIDAD

DURANGALDEA

Tratamendu Termikoko III. Forum Teknikoa (Trater Da y 2017)

Tratamendu termikoak aplikatuz helburu desberdinak eskuratze aldera prozesu anitz ugari daude, baita prozesu horien konbinazio asko ere. Aniztasun hori tratamendu motetan ez ezik aleazio, eskakizun tekniko eta lortu beharreko ezaugarri mekanikoetan ere badago, eta hori dela medio industria egunean egon behar da soluzio berri eta ezagutza aurreratuei dagokienez. Hala, lortu nahi diren efektuak lortzeko funtsezkoa da merkatua dagoeneko aplikatzen ari den aukeren berri izatea.

Berrikuntza horietako batzuk partekatu eta zuzenean horien berri izateko sektore honetako enpresak biltzeko ideiarekin, Tratamendu Termikoko III. Forum Teknikoa ospatu zen 2017ko azaroaren 27an; tratamendu termikoaren industriako hainbat arlotan azken aurrerapen eta berrikuntzetan espezializatutako ikerketa talde, profesional eta teknikarien bilgunea izan zen (epeltze teknologiak, azaleko tratamenduak, ezaugarriak, neurketa, estaltzea, etab.). Trater Day 2017 egitasmo honetan aurkeztutako programa teknikoaren bitartez, tratamendu termikoen sektoreko enpresa erreferenteen ehunka profesional inguruk zein tratamendu horiek aplikatzen dituzten sektore estrategikoen ordezkariek aurrera egiteko aukera ematen duten zenbait gako ezagutu zituzten, arlo garrantzitsu honetan industria lehiakorragoa izatea ahalbidetuz

Ekitaldian punta-puntako teknikariek eta espezialistek kolaboratu zuten, besteak beste, TALENS SYSTEMS S.L. (ETXE-TAR Group), CEIT-IK4, QUINTUS TECHNOLOGIES, A3TS Assoc. de traitement thermique et de traitement de Surface, OERLIKON BALZERS Spain, GHI Hornos Industriales, ONDARLAN INDUCTOTHERM GROUP IBERIA eta TORRAVAL COOLING, S.L. enpresetakoak, baita IK4-AZTERLAN Metalurgia Ikerketa Zentrokoak eta TRATER PRESS erakundekoak ere.

Tratamendu termikoko sektorearen bilgune tekniko honetan 70 konpainia eta enpresa inguruko dozenaka profesional bildu dira.

15

POLO de

COMPETITIVIDAD

DURANGALDEA

Ondorio gisa, Tratamendu Termikoko Forum Tekniko honen edizio berri honi esker parte hartu zuten enpresek berrikuntzen inguruko ezagutza eguneratu ahal izan dute industria lehiakorragoa izan dadin gaur egun planteatzen diren arloetatik

Hirugarren edizio honetan enpresen parte hartzea oso altua izan da, eta aurreko edizioetako parte hartzea gainditu da; hala, topaketa finkatu egiten da industria honen barruko erreferentziazko ezagutza espazio gisa.

Jardunaldi hau horren arrakastatsua izateko gakoen artean aipatu behar dira, besteak beste, hizlariek planteatutako esperientziak trukatu ahal izatea, aurkezpen guztiekin ezagutza teknikoa partekatzea eta enpresen parte hartzea altua izatea. Hurrengo edizioetan ere elkartzeko eta lan egiteko gune honek interesari eustea espero dugu.

16

POLO de

COMPETITIVIDAD

DURANGALDEA

8.- Durangaldeko enpresetarako intereseko lan tekni koen esparruak koordinatzea (mekanika-metalgintza sektorea).

Enpresekin lan teknikoko zenbait esparru garatu dira, eta jarraian laburbildu dira; horietan DLPtik eskualdeko 59 enpresa desberdinetako 83 profesional bildu ditugu, eta 9 elkarterekin kolaboratu dugu definitzeko:

• Enpresa topaketa: Giltzarri diren industria sektoreak eta pertsonak gaitzeko estrategiak, industrian txertatzeko.

• Enpresa topaketa: Berrikuntza sistematikoa eta zaintza teknologikoa enpresa txiki eta ertainetan manufakturaren esparruan.

• Lantaldea, enpresekin: Berrikuntza sistematikoa enpresa txiki eta ertainetan.

Enpresa topaketa: Giltzarri diren industria sektore ak eta pertsonak gaitzeko estrategiak, industrian txertatzeko.

Gaur egun bizi dugun testuinguru global eta ezin lehiakorrago honetan bereziki garrantzitsua da gure eremu geografikoetan garatutako industria jardunean eragin handiena daukaten sektoreetako bilakaera giltzarriei arreta jartzea. Horietako bat automozioaren sektorea da; izan ere, gure inguruko industriaren zati handi baten jardun motor garrantzitsua da eta komenigarria da sektore horren garapen berri, berrikuntza eta etorkizuneko perspektibak arretaz jarraitzea.

Halaber, beste alderdi estrategikoetako bat, gure industria sarearen etorkizuneko biziraupenari eta hazkundeari dagokienez, gure prestakuntza eta gaikuntza programak eskaera errealetara egokitzea da, hain zuzen ere gure inguruneetan dauden ekoizpen teknologiek datozen urteetan egingo dituzten eskaeretara.

Gai horiek zuzenean enpresetako arduradunekin lantze aldera, “Giltzarri diren industria sektoreak eta pertsonak gaitzeko estrategiak, industrian txertatzeko” izeneko enpresa topaketa antolatu zen IK4-AZTERLAN zentroan.

Hedapen jardunaldi horretan 26 enpresa, bitarteko eragile eta prestakuntza erakundetako 32 profesional batu ziren; helburu nagusia hausnarketak, esperientziak eta gure industria sarearen erronkak partekatzea izan zen. Aipatutako giltzarrietatik abiatuz, gure industriaren etorkizunari buruzko hausnarketa egin zuten ESTAMPACIONES DURANGO S.A., JESUS OÑATE Y HNOS., HETEL eta SPRI enpresa eta erakundeetako ordezkariek, baita DURANGALDEKO LEHIAKORTASUN POLOkoek eta poloa bera eratzen duten enpresetakoek ere.

26 konpainia eta zentro profesionaletako 32 profesional batu zituen lan bilera Durangon egin zen

17

POLO de

COMPETITIVIDAD

DURANGALDEA

Enpresa topaketa: Berrikuntza sistematikoa eta zain tza teknologikoa enpresa txiki eta ertainetan manufakturaren esparruan.

Ez dago enpresei dagozkien esparru teknologikoen etengabeko hazkundeari bakarrik aurre egiteko gai den erakunderik, eta are gutxiago erakundea txikia bada. Enpresa txiki eta ertainek teknologiari dagokionez proiektu berritzailea planteatzen dutenean, oro har, berrikuntza gaitasun mugatua dutela ikusi ohi dute, batez ere funts propioak ez direlako aski, baita langileen gaitasun eta eskuragarritasunari dagokienez ere, bereziki koadroetan, prozesu osoan zehar berrikuntzaren garapen eta laguntzan funtsezko betebeharra betetzen dutelako.

Halaber, enpresa gehienek inguruneari buruzko informazioa jasotzeko kezka agertu dute. Kezka hori askotan eta modu nabarmenean ageri ohi da, baina horri erantzuteko modua intuiziokoa izan ohi da. Kasu askotan, enpresa txiki eta ertainek, hain zuzen ere, ez dute jarrera irekia izaten ingurune ekonomiko eta teknikoaren aurrean, estatu mailan zein nazioartean, batez ere denborarik, langile prestaturik edo finantzaketa baliabiderik ez dutelako.

Tamaina erdiko enpresen ordezkariekin alderdi horien inguruko hausnarketa egiteko, “Etorkizuneko industria diseinatzen berrikuntzatik eta zaintza teknologikotik” enpresa topaketa antolatu zen, eta 50 profesional baino gehiago elkartu ziren IK4-AZTERLAN zentroan.

SISTEPLANT, INNOBASQUE, EUSKALIT eta TABIRA Fundizio Institutuarekin elkarlanean DURANGALDEKO LEHIAKORTASUN POLOAK Durangon antolatutako lan jardunaldiari esker, manufaktura aurreratuko paradigmetatik jarduera berritzaileak sistematizatzeko beharrean sakondu ahal izan zen.

30 enpresa txiki eta ertain inguru Durangon elkartu ziren berrikuntza sistematiko eta zaintza teknologikoko kezken inguruan hitz egin eta iritziak

trukatzeko.

18

POLO de

COMPETITIVIDAD

DURANGALDEA

Lantaldea, enpresekin: Berrikuntza sistematikoa enp resa txiki eta ertainetan

2017ko azaroaren 16an eskualdeko enpresa txiki eta ertainen arduradunen lantaldeak lehen bilera egin zuen, eta 10 enpresa desberdineko 20 pertsona inguru bertaratu ziren. Topaketa horretan, lehiakorragoak izate aldera, berrikuntza oztopatzen ari diren alderdiak landu zituzten. Bilera horretan SISTEPLANT enpresak egin zituen dinamizazio lanak.

Parte hartzaileekin honako puntu hauek landu ziren:

• 4.0 autoebaluazioa egin zen, ahulguneak eta indarguneak identifikatzeko, eta 4.0 industria aurreraturantz eraldatzeko bidean parte hartzaileei kezka eta ekarpen handienak egiten dituzten arloak identifikatzeko.

• Modu bateratuan teknologia gaitzaile nagusien aplikagarritasunari buruzko hausnarketa egin zen, aplikazio erreal eta erronka nagusiak identifikatzeko.

• Ondorioak laburbiltzeko, landutakoa denon artean partekatu zen, eta interesguneak identifikatu ziren, etorkizuneko workshopetan sakontzeko.

Hona hemen deitutako enpresak:

• GRUPO AZPIARAN

• DECOMESA

• ESTAMPACIONES DURANGO

• FURESA

• INYECTADOS GABI

• LAIP

• TIVOLI - NECO

• ONA ELECTROEROSIÓN S.A.

• SATUERCA

• FUCHOSA

Durangoko lan topaketako parte hartzaileak