NORMAS DE ORGANIZACIÓN, FUNCIONAMENTO E CONVIVENCIA · Normas de Organización, ... certificado con acuse de recepción en caso de que o alumno/a non acudira o centro ... -Os titores/as

Normas de Organización, Funcionamento e Convivencia do I.E.S. Indalecio Pérez Tizón-Tui.- Curso 2015 - 2016. Páx.- 1

NORMAS DE ORGANIZACIÓN,

FUNCIONAMENTO E CONVIVENCIA

I.E.S. "INDALECIO PÉREZ TIZÓN".-TUI.-CURSO 15/16

Derradeira actualización: decembro 2015


1.-INTRODUCIÓN p.3

2.-ORGANIZACIÓN DO CENTRO. p.3

2.1.Equipo directivo.

2.2.Consello Escolar.

p.3

2.3.Claustro. p.4

2.4.Titorías p.4

2.5.Departamentos didácticos p.5

2.6.Departamento de Orientación p.5

2.7.CCP

2.8.Equipos de dinamización

p.5

p.6

2.9.Equipos docentes.

2.10.FCT

p.6

2.11.P.A.S.

2.12.Xunta de delegados/as

2.13.Nais e pais. ANPA

p.6

p.7

p.7

2.14.Comisión de avaliación diagnóstica. p.7

3.-DOCUMENTOS DO RÉXIME DE FUNCIONAMENTO

3.1.PEC

3.2.CC

3.3.PXA

p.7 á

8

4.-ORGANIZACIÓN PRÁCTICA DO FUNCIONAMENTO

4.1-Secretaría e Conserxería: a)Fotocopias; b)Encadernacións; c)Teléfono;

d)Correo; e)Información e carteis externos.

p.8 á

9

4.2-Funcionamento académico: a)Grupos e aulas; b)Horario xeral; c)Avaliación do

alumnado; d)Alumnado con materias pendentes; e)Baixas do alumnado; f)Faltas de

asistencia do alumnado; g)Faltas de asistencia do profesorado; h)Gardas; i)Saídas do

centro; l)Folgas; m)Alteración da convivencia.

p.9 á

p.16

4.3.-Actividades complementarias e extraescolares: a)Visitas pedagóxicas;

b)Actividades do mércores pola tarde; c)Conmemoracións; d)Charlas, actuacións de

grupos de teatro e similares

p.17 á

p.18

5.-RECURSOS E INSTALACIÓNS

5.1.-Medios audiovisuais dispoñibles.

5.2.-Ofimática da sala de profesores/as.

5.3.-Uso das aulas de audiovisuais, múltiples e informática.

5.4.-Chaves e aulas específicas.

5.5.-Empréstito de material do Centro.

5.6.-Biblioteca.

5.8.-Calefacción.-Alumeado.

5.9.-Aparcadoiro.

5.10.-Transporte escolar.

5.11.-Cafetería.

5.12.-Limpeza nas aulas.

5.13.-Estragos. Avarías. Roubos.

5.14.-Portas automáticas e telefoniño

5.15.-Taquillas.

5.16.-Cámaras.

p.18 á

22


1.-INTRODUCIÓN

O presente documento-borrador forma parte do Proxecto Educativo (PE) Indalecio Pérez

Tizón de Tui, intentando describir e explicar o funcionamento do referido Instituto. Como tal

borrador é avaliable e modificable, se é o caso (de permitilo a normativa vixente) en

determinados puntos do mesmo. Todos os membros da comunidade educativa deben lelo e

expresar a súa opinión sobre o mesmo, pois vai ser referencia para moitas das accións a realizar

no Instituto.

2.-ORGANIZACIÓN DO CENTRO

2.1.Equipo directivo. O equipo directivo está constituído por un director, unha xefa de estudos de diúrno, unha

xefa de estudos de nocturno, unha secretaria e un vicedirector. Atendendo á protección de datos

persoais non se inclúen aquí os seus nomes.

As súas competencias son as recollidas na lexislación vixente. Intentará actuar como un

equipo coordinado e con coñecemento xeneralizado dos diversos aspectos do funcionamento do

Centro, dispondo cada un de capacidade operativa sobre o funcionamento do Instituto.

2.2.Consello Escolar.

O Consello Escolar é, na consideración do equipo directivo, un órgano de goberno

fundamental na vida do noso centro e a el débeselle consultar e informar das grandes decisións

na xestión integral do instituto.

Reunirase para tratar deses temas e outros, como mínimo unha vez por trimestre.

O Consello Escolar está constituído por 7 representantes do profesorado, 4 do alumnado, 3 dos

pais/nais, 1 do Persoal de Administración e Servizos, 1 do Concello, ademais do director, as

xefes de estudos (diúrno e nocturno) e a secretaria con voz e sen voto.

Os membros do mesmo e das distintas comisións figurarán en taboleiros internos do Centro e

tampouco figuran aquí, atendendo á protección de datos persoais e tendo en conta que este

regulamento figurará na páxina web do Centro.

2.3. Claustro.

As competencias do claustro son as recollidas na lexislación vixente, de todos os xeitos,

o equipo directivo intentará mantelo informado das diversas cuestións relacionadas co

funcionamento do Instituto e procurará consultalo na toma de decisións importantes no referido

funcionamento, especialmente as que teñen incidencia en aspectos educativos.

Para tratar destes e outros temas, reunirase como mínimo unha vez por trimestre.

Os membros do mesmo figurarán en taboleiros internos do Centro e non figurarán aquí,

atendendo á protección de datos persoais e tendo en conta que este regulamento figurará na

páxina web do Centro.

2.4.Titorías.

-Os titores e titoras son designados polo equipo directivo, de acordo coa normativa

vixente e os criterios establecidos pola Comisión de Coordinación Pedagóxica e o Claustro.

Os titores/as figurarán en taboleiros internos do Centro e tampouco figuran aquí, atendendo á

protección de datos persoais e tendo en conta que este regulamento figurará na páxina web do

Centro.

-As funcións do titor/a están recollidas nos artigos 58, 59 e 60 do decreto 324/1996


(DOG DO 09/08/96), ademais de artigos específicos en normativa sobre a ESO, bacharelato,

ESA, FP e FPB. Débense ler os referidos artigos e poñelos en acción.

-Os titores/as colaborarán nos primeiros días do curso, na elección do delegado/a e do

subdelegado/a do correspondente grupo e no inventario do estado da aula do seu grupo.

-Os titores e titoras presiden as avaliacións do seu grupo ao longo do curso. A xestión das

notas está informatizada (programa "XADE")

-No inicio do curso, os titores/as deben realizar en conxunto cos seus alumnos/as un

inventario xeral do estado das súas aulas, que se recollerá no modelo correspondente.

-Boletíns; na ESO, serán entregados persoalmente ao alumnado en día e hora fixada polo

titor/a ou ben pola dirección. Excepcionalmente, o documento será enviado por correo

certificado con acuse de recepción en caso de que o alumno/a non acudira o centro o día da

entrega. O resgardo coa sinatura da nai, pai ou titor/a legal cando o alumno/a é menor de idade

serán remitidos ao centro nas condicións establecidas polo titor/a. Non serán entregados se o

alumno/a ten pendente de entrega algún libro ou algún tipo de débeda co Instituto.

-Nos Ciclos Formativos, FP Básica, Bacharelatos e EBPA, seguirase o mesmo

procedemento que na ESO

-Os titores/as avisarán aos pais/nais, coa maior brevidade, das faltas de asistencia e tamén

das de comportamento.

-Cos pais/nais do alumnado da ESO e FP Básica farase unha reunión a principio de

curso (primeira metade de outubro), co titor/a, a orientadora e, se é o caso, o profesorado.

-Os titores/as de grupos das Ensinanzas Obrigatorias (ESO e FP Básica), reuniranse en

conxunto co departamento de orientación por convocatoria deste ou da xefatura de estudos,

como mínimo 1 vez por trimestre.

2.5.Departamentos Didácticos.

Hai os seguintes departamentos : Lingua Galega e Literatura, Lingua Castelá e Literatura,

Francés, Xeografía e Historia, Filosofía, Latín, Música, Relixión, Educación Física e Deportiva,

Matemáticas, Física e Química, Ciencias Naturais, Artes Plásticas, Tecnoloxía, F.O.L.,

Economía, Electricidade, Comercio e Orientación.

Dispoñen de lugar para a súa reunión ou teñen unha aula específica utilizable para tal

función: Matemáticas, Galego e Lingua Castelá na titoría 3; Inglés na titoría 4; Artes Plásticas

nas súas aulas; Ciencias Naturais e Física/Química nos seus laboratorios; Xeografía e Historia e

Latín na titoría 6; Comercio e Mercadotecnia xunto con Formación e Orientación Laboral e

Electricidade teñen lugar específico, o resto e algúns dos anteriores reúnense normalmente na

Sala de Profesores/as.

As súas funcións veñen no DOG do 2/9/97 e DOG do 9/8/96, entre outras figuran:

-Elaboración, seguimento e memoria das Programacións Didácticas nos prazos establecidos.

-Xestión económica, dos recursos didácticos e da aula do seu departamento.

-Relación cos colexios adscritos.

-Proposta, colaboración e valoración de actividades complementarias ou extraescolares.

-Participación na elaboración e análise de Concrecións Curriculares a través da Comisión de

Coordinación Pedagóxica.

-Seguimento e avaliación de alumnado con materias pendentes

-Colaboración co titor do ciclo formativo na elaboración e desenvolvemento das actividades de

recuperación de alumnado con módulos pendentes.

-Propoñer materias optativas.

-Resolver reclamacións do alumnado.

O presuposto do centro péchase en anos naturais, polo que as últimas facturas deben ser


de, como máximo, ata o 30 de novembro; se se gasta de máis descóntase no seguinte ano.

Para a planificación, coordinación, seguimento e avaliación das actividades do

Departamento, os seus compoñentes reuniranse como mínimo unha vez ó mes.

2.6.Departamento de Orientación.

Está formado, pola Orientadora, o profesor de Pedagoxía Terapéutica, a profesora de

FOL, e titores das distintas ensinanzas do Centro. As súas funcións, entre outras, son:

-Valorar as necesidades educativas no ámbito da orientación e deseñar programas específicos de

intervención.

-Elaborar de acordo coas directrices da Comisión de Coordinación Pedagóxica as propostas do

Plano de Orientación Académica e o Plano de Acción Titorial.

-Realizar a avaliación psicopedagóxica ante o deseño e desenvolvemento de medidas de atención

á diversidade.

-Facilitarlle ó alumnado o apoio e asesoramento necesarios para adquirir habilidades básicas e

enfrontar os momentos escolares de maior dificultade.

-Coordinar a orientación laboral e profesional con outras administracións e institucións.

-A xefatura do departamento desenvolverá un programa de habilidades sociais dirixido ao

alumnado reiteradamente enviado á xefatura de estudos e ao alumnado sancionado con expulsión

do Centro, logo da súa reincorporación.

Os membros do departamento teñen unha hora común de reunión semanal.

2.7. Comisión de Coordinación Pedagóxica.

Formada pola director, xefas de estudos (diúrno e nocturno), vicedirector como xefe do

departamento de actividades, xefes/as dos departamentos, coordinadora de ciclos formativos,

coordinador/a do equipo de normalización lingüística e profesor de pedagoxía terapéutica,

actuando como secretario/a, un dos seus membros, designado por sorteo na primeira sesión do

curso. Quedan excluídos de tal sorteo, o equipo directivo, a orientadora e os profesores/as que xa

foran secretarios desta Comisión.

As súas funcións veñen recollidas no DOG do 9/8/96, a destacar:

-Redacción e corrección das Concrecións Curriculares do Centro.

-Seguimento e avaliación das concrecións curriculares das distintas etapas.

-Propoñer o plano xeral das sesións de avaliación do alumnado, e se é o caso o calendario de

probas extraordinarias (nos ciclos formativos).

-Propoñer os titores que formarán parte do Departamento de Orientación.

-Propoñer os profesores/as que formarán parte do Equipo de Normalización Lingüística.

Reunirase durante o curso académico segundo corresponda.

2.8. Equipos de Dinamización.

Intentaranse constituír os equipos de dinamización previstos na normativa vixente e

tendo en conta os recursos humanos que dispomos.

a)De Normalización Lingüística.

Para potenciar o uso da lingua galega nos centros sostidos con fondos públicos, constituirase un

equipo de dinamización da lingua galega, nomeado e supervisado pola dirección do centro e

formado polo seu coordinador(a), por profesorado, por representantes do alumnado e por persoal

non docente.

O equipo terá como papel fundamental o deseño, posta en práctica e revisión dos

programas de promoción da lingua galega no Centro.

b)Das TICs.


Encargaranse de dinamizar o uso das tecnoloxías da información e da comunicación

(ordenadores, proxectores, pizarra dixital ...) no alumnado, persoal non docente e profesorado.

En colaboración co equipo directivo, dinamizarán o uso da páxina web.

c)Da convivencia.

Analizarán e dinamizarán a boa convivencia no Centro. Revisarán o Plan de

Convivencia.

d)Da biblioteca.

Dinamizará o uso da biblioteca polos distintos membros da comunidade educativa e

tamén diversas actividades relacionadas coa lectura e a creación.

Aos colaboradores/as destas dinamizacións, o mesmo que aos/ás da biblioteca

asígnaselles en principio unha hora de dinamización. Logo se o horario de gardas de clase o

permite, poden ter máis horas. Os persoas encargadas dos diferentes equipos de dinamización

teñen as horas dispostas na normativa vixente.

2.9. Equipos Docentes.

Son os formados polo profesorado dos distintos grupos da ESO, FP Básica, EBPA,

Bacharelatos e de Ciclos Formativos.

Reuniranse nas sesións de avaliación onde analizarán e buscarán mellorar a aprendizaxe

do alumnado e o propio labor docente

Tomarán decisións colexiadas respecto a promoción, titulación, repetición, acceso á FCT

nas ensinanzas correspondentes

Decidirán sobre as actividades extraescolares e complementarias nas que participa o

alumnado do seu grupo ou grupos

2.10. Formación en Centros de Traballo.

O alumnado de ciclos formativos que decidiu ou decida o equipo docente realizará

obrigatoriamente o módulo de Formación en Centros de Traballo no presente curso; o módulo

será xestionado polos titores, en colaboración co resto do equipo docente e coordinadas polo

coordinador de ciclos formativos.

A coordinadora de ciclos formativos, encargarase das relacións coas empresas, da

elaboración e coordinación do programa de Formación en Centros de Traballo e do control,

supervisión e valoración da acción dos titores/as de ciclos formativos no referido módulo.

2.11.Persoal de Administración e Servizos (P.A.S.)

Formado por 2 administrativas, 3 conserxes e 3 limpadoras. Todos eles realizan as

funcións propias dos seus traballos, repartindo de mutuo acordo as súas tarefas.

2.12.Xunta de Delegados/as.

Vai estar formada polo alumnado representante no Consello Escolar e os delegados ou

delegadas de cada grupo. As súas funcións veñen recollidas no DOG do 9/8/96, como por

exemplo, facer propostas para actividades, horarios, Equipo de Normalización Lingüística, para

este documento, para o Plano de Convivencia e para o PEC, e todo tipo de accións e decisións

que afecten ó alumnado. Reuniranse cando o estimen necesario sen alterar o normal

desenvolvemento das actividades docentes e deberían dispor dun lugar para documentación e

reunión.


2.13. Nais e Pais. Asociación de Nais e Pais de alumnos/as. A todos eles procurarase mantelos informados sobre cuestións que afecten ó

funcionamento xeral do Instituto, o desenvolvemento académico/persoal e as perspectivas

académico/profesionais dos seus fillos/as. Todo isto a través dos titores/as, departamento de

orientación, equipo directivo e profesorado, en xeral.

Tamén, como é normal, ó longo deste curso serán informados sobre o rendemento

académico do alumnado, faltas de asistencia, faltas de comportamento, actividades

extraescolares e outras incidencias.

Con respecto á relación titores/as e/ou profesorado coas familias, débense evitar

situacións de abuso e interferencia no traballo docente, débese manter o debido respecto nas

diferentes comunicacións e impedirase a presenza de xente allea ao centro.

No inicio de curso enviarase unha carta a todos co horario do seu fillo ou filla, nome do

titor/a e horas de recepción, nome dos profesores e profesoras que lle imparten clase e diversas

orientacións e informacións cara a este curso. Cos pais/nais do alumnado da ESO farase unha

reunión a principio de curso (primeira metade de outubro), na que estará presente o titor/a, a

orientadora e o profesorado que o desexe e que llo permita o seu horario.

Desde o curso 2000/01 o IES conta cunha ANPA denominada “Concordia”. Nos

pasados cursos tivo diversas iniciativas e actuacións, que favoreceron a convivencia entre toda a

comunidade educativa. Neste curso, é posible que ofrezan tamén actividades extraescolares

2.14.-Comisión de avaliación diagnóstica (AVALDIA 2º ESO).

Formada polo director a xefa de estudos, a orientadora e un titor/a. A súas funcións:

a) Informar a comunidade educativa sobre o sentido e a finalidade da avaliación diagnóstica.

b) Coordinar o proceso desta avaliación no centro.

c) Colaborar coa Administración educativa e cos servizos de inspección naqueles aspectos do

proceso para a que sexa requirida.

3- DOCUMENTOS DO RÉXIME DE FUNCIONAMENTO.

Definen e concretan o modelo de xestión organizativa e pedagóxica do centro.

3.1. PEC (Proxecto Educativo do Centro)

É o documento que define as características, organización e obxectivos xerais do

Instituto que xerarán unha identidade propia do Centro. Sería conveniente que, dada a

importancia deste documento, o profesorado, agrupado en comisións, analizase a súa actual

redacción e participase nas posibles modificacións, posto que xa leva dez anos redactado.

O Regulamento de Réxime Interno forma parte do PEC.

3.2. CC (Concreción Curricular de Centro).(REVISAR)

É o documento que, tendo en conta o PEC e o currículo e demais aspectos definidos pola

Administración, concreta e decide a organización docente nos distintos ámbitos: obxectivos,

avaliación, metodoloxía, plano lingüístico, acción orientativa e titorial, atención á diversidade,

educación en valores, programacións didácticas das áreas e materias, etc.

A Comisión de Coordinación Pedagóxica concretará e revisará ó longo do curso a actual

redacción, con especial atención ao Plano de Convivencia, que debe adaptarse á Lei de

convivencia (LEI 4/2011, do 30 de xuño, de convivencia e participación da comunidade

educativa, DOG 15/07/2011), e afondará no tema de atención á diversidade.

3.3.PXA (Programación Xeral Anual).

Concreta en cada curso académico accións específicas no funcionamento do IES, como:


obxectivos específicos, horario xeral, actividades complementarias e extraescolares, documento

estatístico da estrutura organizativa do centro, programa de formación anual do profesorado,

Comisión de Avaliación Diagnóstica e ten como anexos o PEC e as CCs.

Será elaborada e aprobada ó longo do presente curso polo equipo directivo, Claustro e

Consello Escolar, que poderán engadir as súas propostas. Será avaliada na correspondente

memoria de fin de curso.

4-ORGANIZACIÓN PRÁCTICA DO FUNCIONAMENTO

4.1.Secretaría e Conserxería.

4.1.-a)Fotocopias: Os prezos foron actualizados ao longo do curso 04-05, previa aprobación do Consello

Escolar,quedando como segue:

0.05 fotocopias A4 e 0.06 A3 para alumnado e particulares,

0.04 fotocopias A4 para departamentos.

As de xestión de titorías serán a conta de secretaría. Para persoas externas ó centro só se

sacan con permiso da dirección e a un prezo superior. Para sacar as fotocopias encárganse

normalmente á/ó conserxe correspondente, nun horario que vai de 9 a 14 e de 16'30 a 20'00

horas que convén respectar.

Para exames convén reservalas coa máxima anticipación posible.

En todo caso non se debe entrar no recinto de Conserxería onde está a fotocopiadora, nin

en secretaría, para non interferir no traballo das administrativas e/ou dos conserxes.

As fotocopias de cadernos para o alumnado, requirirán da autorización do Equipo

Directivo, dado o traballo que dan, o perigo de estrago das fotocopiadoras e que ás veces, a

necesidade das fotocopias, son froito da pasividade ou absentismo do alumno/a en cuestión.

4.1.-b)Encadernacións:

Existen en secretaría unha plastificadora e dous aparellos de encadernación: un de arame

e outro de canutiño, con diversos modelos de tampas, cores e grosores. Tales encadernacións

teñen un custo variable en función do modelo desexado, que será aboado polo departamento ou

pola persoa en cuestión.

4.1.-c)Teléfono:

Hai 7 liñas: 600926 e 607036 nº do Centro como RDSI (4 liñas), 600140 (fax), 604027

(taller-2 de electricidade) e a liña ADSL da Xunta (Internet aulas informática, sala de

profesorado e outras).

-Para chamadas de titorías, FCT e en xeral de secretaría, úsanse as as liñas do centro, pero non

dende Conserxería. Farase dende a sala de profesores, o despacho da dirección, secretaría ou

xefatura de estudos.

-O envío de fax por particulares ou departamentos será a través dos conserxes e cun custo en

función das tarifas vixentes.

-A liña do taller-2 de electricidade é exclusivamente para chamadas en prácticas do alumnado a

teléfonos deste Instituto.

- Hai terminais telefónicas de recepción de chamadas no Departamento de Orientación no

pavillón D, nas Salas do profesorado e na Biblioteca.

-O uso de Internet nas aulas de Informática e outras, sala de profesorado (en 7 ordenadores

especificados) e biblioteca é gratuíto (con cargo á Xunta de Galicia).

-Hai rede wifi con contrasinal de protección na sala do profesorado, na biblioteca e no pavillón

B.


4.1.-d)Correo:

O correo particular ou de departamentos que se reciba, será depositado nos casilleiros

correspondentes da Sala de Profesores/as.

Non deben darse os datos do Centro para a recepción de correspondencia particular

distinta da procedente da Consellería de Educación. Os conserxes non teñen porque cargar co

correo particular de cada quen, que pode recibilo na súa vivenda.

O envío de correspondencia postal relacionada con actividades deste Centro, será a través

dos conserxes (hai selos en secretaría), con custo a cargo do Centro no caso de titorías ou en

xeral e con cargo ós departamentos na súa relación con centros de primaria, empresas de

subministración, editoriais, etc.

A conta de correo corporativa “@edu.xunta.es” será usada polo equipo directivo para

comunicacións co profesorado e persoal non docente. Débese procurar abrir de vez en vez.

4.1.-e)Información.-Carteis externos.

Agás erro ou despiste, daráselle a toda a comunidade educativa deste IES o máximo de

información posible, usando para iso os taboleiros dispoñibles, a páxina web e o correo

electrónico ou, se é posible, fotocopias a cada colectivo ou persoa. O idioma a utilizar nestas

comunicacións será preferentemente o galego.

Tamén se intentará informar á sociedade do maior número posible de actividades e

incidencias de carácter relevante que sucedan neste IES.

Por decisión do Consello Escolar só se admiten carteis en galego e previo permiso do

Equipo Directivo, que pode denegalo por razóns como: incitación ó consumo de alcohol, tabaco,

discriminacións e similares ou outras razóns que se consideren.

4.2.Funcionamento académico.

4.2.-a)Grupos.-Aulas.

En xeral os grupos do primeiro ciclo da ESO e de adultos usarán o pavillón D. Os

dos ciclos de comercio e 4º da ESO, incluído o 4ºPDC, no pavillón B. Os dos ciclos de

Electricidade e FP Básica, o pavillón C. O resto das ensinanzas no pavillón A, concentrándose os

Bacharelatos no 2º andar e os 3º da ESO no 1º. As dúas aulas situadas na antiga casa do bedel

serán utilizadas polos agrupamentos, reforzos, desdobres e materias optativas.


4.2.-b)Horario xeral.-

HORARIO Curso

HORA LUNS MARTES MÉRCORES XOVES VENRES

8:45

9:35

9:35

10:25

10:25

10:45 Recreo Recreo Recreo Recreo Recreo

10:45

11:35

11:35

12:25

12:25


12:45

13:35

13:35

14:25

14:25

16:30 Xantar Xantar Xantar Xantar Xantar

16:30

17:20 ACT.

17:20

18:10 EBPA ACT./EBPA EBPA

18:10

19:00 EBPA/Ciclos EBPA/Ciclos EBPA EBPA EBPA

19:00

19:50 EBPA EBPA EBPA EBPA EBPA

19:50


20:05


20:55


Horario de diúrno

O timbre é automático, débese respectar polo profesorado e alumnado tanto nas entradas

coma nas saídas.

4.2.-c)Avaliación do alumnado. Sesións de avaliación.

Nas ensinanzas desenvolvidas neste Centro a avaliación é continua o que implica a

asistencia obrigatoria do alumnado para que o profesorado poida ir valorando, o seu traballo, a

súa actitude e a súa aprendizaxe acotío e proceder en consecuencia, para corrixir as posibles

dificultades que poidan xurdir en cada alumno/a.

Implica tamén que a avaliación é progresiva, o aprobado nunha sesión de avaliación

supón o aprobado das anteriores.

O que varía dunhas a outras é o sistema de cualificacións e a simboloxía:

-En ESO, as cualificacións son cuantitativas (de 1 a 10) e cualitativas.

-Nos bacharelatos, as cualificacións son numéricas, de 0 a 10 sen decimais. A Atención

Educativa non leva cualificación.

-Na FP Básica, as cualificacións tamén son numéricas de 1 a 10, sen decimais.

-Nos ciclos formativos o rexistro de cualificación é bastante complexo. Recoméndase ver


o artigo 26 da Orde do 12 de xullo de 2011 pola que se regulan o desenvolvemento, a avaliación

e a acreditación académica do alumnado das ensinanzas de formación profesional inicial. (DOG

15/07/2011).

-Para a EBPA, no EBI e na ESA ver a orde do 24 de xuño de 2008 (DOG do23 de xullo).

Tamén varía o tipo de información que se lles dá ós pais, cunha extensión e

características que deciden os equipos docentes e a Comisión de Coordinación Pedagóxica.

O número e secuencia de sesións de avaliación decídeo o Claustro; en función da

normativa vixente.

O delegado/a e o subdelegado/a de cada grupo poden asistir ás sesións de avaliación, ata

que se comeza a avaliar individualmente a cada alumno/a.

4.2.-d) Alumnado con materias pendentes.

Das actividades de recuperación e avaliación do alumnado da ESO con materias pendentes

de cursos anteriores encargarase cada departamento, en programas específicos personalizados,

na forma que se concrete nas programacións dos Departamentos, con actividades de aprendizaxe

para realizar semanalmente e a corrixir polo profesorado que imparte a materia correspondente.

O seguimento das actividades comunicarase ao titor/a e deste ás familias. (Circular 8/2009).

O listado de alumnado con materias pendentes será entregado ós xefes/as de

departamento na maior brevidade posible no inicio do curso.

Das actividades de recuperación e avaliación do alumnado de 2º de Bacharelato con

materias pendentes de cursos anteriores encárgase cada departamento en cuestión, que

establecerá as accións necesarias e precisas para tal acción (DOG do 28/8/91).

Todos os alumnos/as con materias pendentes teñen dereito a unha proba extraordinaria

durante o mes de maio e outra en setembro.

Nas avaliacións e sesións correspondentes figurará o xefe/a do departamento.

Das actividades de recuperación e avaliación de módulos pendentes do alumnado dos

ciclos formativos correspondentes (1º trimestres nos ciclos de comercio, e de outubro a marzo ou

a xuño no de electricidade) encargarase o profesor/a en cuestión. O equipo docente do ciclo en

cuestión fixará as actividades de recuperación. Na elaboración e desenvolvemento das

actividades de recuperación colaborarán o titor/a xunto co xefe/a de departamento.

4.2.-e)Anulación de matrícula, renuncias e baixas voluntarias do Alumnado.

O alumnado da ESO e FP Básica non se pode dar de baixa en ningún caso por ser unha

ensinanza obrigatoria, a excepción daqueles que cumpran os 16 anos no ano de inicio do

presente curso escolar, ou xa os cumpriran anteriormente.

O alumnado de bacharelatos pode darse de baixa por causas xustificadas, mediante

solicitude á dirección, asinada polos pais en caso de ser menores, e nunca despois do 30 de abril.

O alumnado dos ciclos formativos pode solicitar, como mínimo 2 meses antes da

avaliación final dos módulos (30 de abril, agás os de 2º ano do ciclo medio Electricidade ata o 31

de xaneiro), renuncia á matrícula do ciclo afectando á totalidade dos módulos nos que está

matriculado solicitándollo á dirección; en ningún caso se farán renuncias por módulos. A

anulación non computará para efectos de convocatorias consumidas.

O alumnado de ciclos formativos pode solicitar de xeito voluntario a anulación da súa

matrícula cunha antelación mínima dunha semana ao remate do período de matrícula. A

anulación non computará para efectos de convocatorias consumidas.

O alumnado da EBPA pode darse de baixa por causas xustificadas, mediante solicitude á

dirección.


4.2.-f) Faltas de asistencia do Alumnado.

-Como norma xeral, o alumnado debe ser puntual tanto nas horas de entrada ás clases

coma nas de saída; é dicir, respectaranse os avisos do timbre.

-Cando un alumno chegue tarde á clase, non irá directamente á aula. Deberá ir á sala do

profesorado e será acompañado polo profesor de garda á súa aula; dito profesor apuntará no libro

de gardas a incidencia e a xustificación ofrecida polo alumno. Se o alumno/a reitera as faltas de

puntualidade será enviado á xefatura de estudos para a sanción correspondente.

-A asistencia ás clases é obrigatoria, agás repetidores/as que teñan aprobada a materia en

anos anteriores ou xente que teña materias validadas ou con exención. Esta circunstancia pode

darse con alumnado da EBPA, dos ciclos formativos e bacharelatos.

-Na ESO e no bacharelato no caso de reiteración de faltas de asistencia inxustificadas

(catro veces o número de horas semanais) o alumno/a perde o dereito á avaliación continua co

conseguinte suspenso e o dereito a unha proba extraordinaria en xuño ou setembro. Antes desa

perda é preceptivo ter feito dous apercibimentos previos, un ó cumprir o dobre do número de

horas semanais e outra ó cumprir o triple.

Nos ciclos formativos, se unha alumna ou alumno non asiste a clase durante os cinco

primeiros días lectivos, o centro procederá á anulación da matrícula previo requerimento por

escrito de incorporación a clase, e de non producirse esta. A anulación non computa para efectos

de convocatorias consumidas.

Nos ciclos formativos a perda de avaliación continua prodúcese por faltar o 10% da

duración do módulo, se ben se terán en conta as circunstancias persoais e laborais do alumnado

na súa xustificación. Haberá un único apercibimento previo cando se cumpra unha falta de

asistencia do 6% da carga horaria total do módulo.

Nos ciclos formativos procederase á baixa de oficio, que implica a perda de

convocatoria, cando un alumno ou unha alumna non asistan inxustificadamente á clase durante o

resto do curso académico de xeito continuado por un período superior a 15 días lectivos ou, de

xeito descontinuo, por un período superior a 25 días lectivos. O centro enviará un apercibimento

a aquel alumnado que acumule un número de faltas de asistencia inxustificadas superior a 10

días lectivos. Nel indicarase a obriga de asistencia e que se procederá á súa baixa de matrícula

no caso de que as súas faltas inxustificadas superen os límites arriba mencionados. Na secretaría

do centro deberá quedar constancia do apercibimento e da comunicación da baixa.

-Na FP Básica, a falta de regulación específica, seguirase o procedemento da ESO

-Na ESO a asistencia é absolutamente obrigatoria (hai que comunicar á Inspección os

casos de abandono de menores de 16 anos).

Na ESA, hai perda de avaliación continúa cando se falte inxustificadamente un 10% do

horario dun ámbito, ou a un 30 % do horario total. Haberá un único apercibimento previo cando

se cumpra unha falta de asistencia do 6% da carga horaria total do módulo.

-As/os docentes anotarán semanalmente (como máximo) as faltas do noso alumnado no

XADE, poñendo no cadriño correspondente o día da falta, a hora e a materia na que se produciu

tal ausencia e se é ou non xustificada.

- Exclusivamente para o alumnado da ESO e FP Básica, a primeira hora da mañá e a

primeira da tarde do luns, un bedel pasará polas clases apuntando as ausencias dos alumnos.

Despois os pais serán chamados por teléfono para lles avisar de dita ausencia, anotando na folla

a xustificación que dan.

-Os docentes titores recollerán do alumnado os seus xustificantes de faltas, valorarán se

se pode aceptar ou non cada xustificación e levaranno ao XADE. Eses xustificantes deben ter

unha razón de forza maior ou ser oficiais (do médico, de Tráfico, do INEM, etc.). Non se deben


xustificar faltas por casos como: ir de compras, prácticas de autoescola, quedar durmido, etc. No

caso de alumnado que traballa recoméndaselle a súa matrícula por libre ou outros réximes.

-Así mesmo os titores/as enviarán ós pais e nais do alumnado, como mínimo

mensualmente, os apercibimentos das faltas sen xustificar, segundo o modelo do XADE.

Os apercibimentos e comunicación de perda do dereito á avaliación continua

faraos o titor/a, por escrito.

4.2.-g)Faltas de asistencia do Profesorado.

O profesorado, aínda máis como educador, ten a mesma obriga de respectar os avisos do

timbre, tanto nas entradas coma nas saídas. Especialmente, nas saídas e sobre todo, co alumnado

menor de idade pola cuestión de responsabilidades ante posibles incidencias. E tamén porque a

saída anticipada dun grupo de alumnos/as perturba ás demais clases e ao funcionamento xeral do

Centro.

As faltas de puntualidade e as ausencias do profesorado serán comprobadas e anotadas

no "Libro de Gardas e Faltas do profesorado", polo docente de garda.

Para facilitar o seu labor;, a orientadora, a coordinadora de formación en centros de

traballo, o coordinador do ENDL, os membros do equipo directivo, o titor do PCPI e os titores

dos grupos de 2º ano dos ciclos das familias de Electricidade e Electrónica e de Comercio e

Mercadotecnia, poderán realizar labores no exterior do Centro nas horas complementarias

establecidas para este fin no seu horario. De tal circunstancia avisarán ao profesorado de garda

(que anotará no apartado de observacións do libro de gardas) e a alguén do equipo directivo, de

tales saídas.

Nos días que, por algunha necesidade, se altere o horario cotián do centro -como poden

ser: avaliacións, entrega de notas e sinaturas de actas, etc. o Equipo Directivo anotará as

ausencias do profesorado, no seu caso, contabilizando un mínimo de tres horas (o mínimo de

permanencia diaria no Centro) se o docente non asiste en todo o día.

Segundo o punto 96 do Regulamento Orgánico dos IES (DOG 2/9/97), as ausencias

previstas deben ser avisadas e anotadas no libro de gardas, solicitadas e xustificadas (se é o

caso), como mínimo cunha semana de antelación e anotadas na folla correspondente na sala de

profesores/as.

A normativa que regula os permisos e licenzas é a Orde do 7 de abril de 2008 (DOG do

23/04). Segundo esa Orde, unhas faltas deben ser xustificadas ante a dirección e outras ante a

delegación provincial e indica os requisitos e documentación a presentar para a correspondente

xustificación.

Segundo o punto 98 do Regulamento Orgánico dos IES (DOG 2/9/97), as referidas

ausencias imprevistas e/ou permisos para asuntos persoais deben ser comunicadas canto antes á

xefatura de estudos, anotadas no libro de gardas e cubrir o impreso correspondente o mesmo día

da incorporación ó centro. É dicir se alguén ten un imprevisto, unha incidencia que lle impide vir

ao Centro, debe avisar inmediatamente por teléfono ao Instituto para que o profesorado de garda

poida cubrir a súa ausencia.

O Equipo Directivo non aceptará a xustificación deste tipo de ausencias (imprevistos e

asuntos persoais), cando considere que se producen actitudes que poderían interpretarse como

abusos; é dicir: xuntar ausencias con vacacións, con pontes, con festivos, con baixas médicas,

faltar sempre o mesmo día da semana, non avisar do imprevisto con rapidez e circunstancias

similares.

Así mesmo, as sesións de avaliación son prioritarias a calquera actividade de carácter persoal,

polo que as ausencias nelas tampouco serán xustificadas. En todos este casos se non se presenta

a correspondente xustificación documental serán enviadas á inspección como faltas non


xustificadas.

As fraccións horarias por impuntualidade a reunións ou clases acumularanse ata sumar

50 minutos. Nas ausencias a sesións de avaliación non haberá fraccións (15 minutos farían 1

hora, unha hora e cuarto serían 2 horas, etc).

4.2.-h) Gardas.

As funcións do profesorado de garda veñen no DOG do 2/9/97. Como específico do

centro, debe:

-Consultar no libro de gardas que profesorado está ausente.

-Asinar e indicar no libro de faltas do profesorado, no apartado correspondente, as incidencias

observadas (puntualidade, ausencia). Outras circunstancias como visitas ás empresas,

participación en viaxes pedagóxicas, etc., indicalas no apartado de observacións.

-Acudir canto antes ás aulas onde falte algún profesor/a coa lista do grupo correspondente, para

anotar as ausencias observadas no alumnado, que serán comunicadas ó titor/a, con especial

atención ao alumnado menor de idade, xa que a responsabilidade ante calquera incidente, como

por exemplo, atropelos fóra do centro, ... recae no profesorado de garda no caso de

incumprimento de función.

-Percorrer todas as dependencias e corredores e, se é o caso, obrigar a ir á súa aula os alumnos/as

que pretendan faltar á clase.

-Ter de conta que o alumnado de bacharelatos, ciclos formativos ou EBPA sen clase en certas

horas, por ter a materia/módulo validada ou aprobada, que non pode ou non quere saír do

Instituto, pode estar nas dependencias externas ás aulas seguintes: campos de deporte (se non hai

un grupo con clase), bancos do xardín, cafetería ou biblioteca e sempre sen molestar ó resto da

comunidade educativa.

Na cafetería poderá xogar ó xadrez ou cos xogos didácticos que estean dispoñibles (e que

devolverán ó profesor/a de garda), pero nunca a xogos de naipes. Na biblioteca non se pode

xogar..

-No caso de accidentes ou indisposicións débese contactar coa nai/pai/titor/a ou ben co servizo

de ambulancias para levar o alumno/a ó servizo de urxencias, dependendo da gravidade da

indisposición ou accidente. Non administrar ningún tipo de medicación, nin levar o alumnado

no propio coche, por mor da responsabilidade civil.

-Se algún profesor/a é impuntual, o alumnado non pode abandonar a aula (non existe aquilo dos

10 minutos de espera para "largarse o alumnado"), o profesor/a de garda debe esperar con eles na

aula ata a chegada do docente en cuestión.

-Se un alumno/a chega tarde debe dirixirse ao profesor/a de garda, explicarlle o motivo do atraso

e este acompañarao á aula para que o profesor/a lle permita incorporarse á clase.

-Nas celebracións o profesorado cumprirá o seu horario, polo tanto axudará ou fará as gardas

correspondentes, anotando as ausencias que se produzan e outras incidencias.

-Se no inicio de curso non houbera posibilidade de cubrir axeitadamente todas as gardas do

horario do Centro e non houbese voluntarios/as, procederase a un sorteo entre o profesorado con

horario dispoñible.

-As gardas de recreo serán feitas polo profesorado do centro, contabilizando dúas gardas como 1

hora. Aos profesores/as coincidentes nunha mesma garda, o equipo directivo adscribiraos, ao

inicio do curso, a unha zona determinada de vixilancia, segundo a seguinte distribución:

ZONA 1.- Vixiará o 1º e o 2º andar do Pavillón A. En primeiro lugar, fará baixar a todo o

alumnado para o patio. Non pode quedar ninguén nas aulas durante os recreos a non ser que

estean cun profesor ou sexa alumnado de bacharelato a estudar. Despois ficará no cruzamento do

1º andar co corredor da Biblioteca para controlar dito espazo e as escaleiras que van ata a porta


da Biblioteca.

ZONA 2 e 3.- Vixiará os Pavillóns B e D, ademais da zona entre os pavillóns B, C e D

mais a zona das aulas da antiga casa do bedel. As aulas do pavillón D deben quedar baleiras. O

alumnado de 1º ciclo controlará nos recreos os baños. O alumnado do pavillón B, ao seren

maiores, agás os de agrupamento e 3ºPDC, poden ficar nas aulas, soamente, para estudar.

ZONA 4.- Colocarase de xeito que vixíe o aparcadoiro, o portalón de entrada e as pistas.

ZONA 5.- Atención á biblioteca para servizo de préstamo.

Respecto a estas gardas, a distribución das zonas poderá variar dependendo do número de

docentes posibles que se poidan dedicar a elas segundo as necesidades do centro.

4.2.-i)Saídas do Centro.

Por cuestións de responsabilidade civil, o alumnado menor de idade non pode saír do

Centro en horario lectivo (incluídos os recreos). Só poden facelo se os pais/nais veñen a

buscalos, é por un motivo xustificado e asinan o documento correspondente.

O alumnado maior de idade poderá saír nos primeiros cinco minutos dos recreos e entrar

nos últimos cinco minutos. No resto do horario poderá facelo, pero previo aviso ao equipo

directivo e sen interferir as actividades propias do Centro.

Para máis detalles ver Plano de Convivencia.

4.2.-l)Folgas.

*Do Profesorado. P.A.S.

O alumnado terá a obriga de asistir ás clases do profesorado que non siga a convocatoria

de folga. O Centro, agás que haxa profesorado de garda que non secundara a folga, non se pode

responsabilizar do alumnado nas horas en que o profesor/a correspondente estea de folga polo

que deberán estar no recinto externo. O equipo directivo poderá reorganizar as función do

profesorado que non secunda a folga, para nas súas horas sen clase atender ao alumnado sen

profesor/a.

*Do Alumnado.

O alumnado de 1º ciclo da ESO non pode facer folga. O profesorado terá a obriga de ir

ás aulas que lle toca, para atender a aqueles alumnos/as que non secundaron a folga. As faltas

dos ausentes por folga anótanse como xustificadas. Pódense distinguir dous casos:

a) Protestas contra o funcionamento interno do Instituto: cando a folga vaia dirixida

contra o funcionamento do propio centro ou contra decisións do equipo directivo, este podería

autorizar a manifestación nas instalacións exteriores (patios, pistas...) previa presentación

perante Xefatura de Estudos -cun mínimo de 24 horas de antelación- dun escrito debidamente

datado e asinado no que se especifiquen os motivos e o alumnado que apoia a protesta, asumindo

os convocantes a organización e control da mesma.

b) Protestas de convocatoria externa ó Instituto:

b.1. Alumnado menor de idade: cando a convocatoria de folga sexa externa ó

propio centro e teña caracter xeral, o alumnado terá que entregar con suficiente antelación

(mínimo 24 horas), perante o seu titor/a, impreso de “Autorización de folga” para o día/s

concreto/s de folga, asinada por algún dos seus pais ou titor/a legal, na que se especifique o

motivo da ausencia ó centro (folga) xunto coa fotocopia do DNI de dito titor/a. En ningún

momento, este alumnado poderá permanecer dentro do recinto do Instituto. O titor/a comunicará

inmediatamente ós representantes legais a falta de asistencia de quen, carecendo de autorización


da súa nai/pai, se ausentase ou non se presentase nunha xornada lectiva con convocatoria de

folga.

b.2. Alumnado maior de idade: deberán presentar ante o seu titor/a con

suficiente antelación (mínimo 24 horas) impreso de “Xustificación de folga” para o día/s

concreto/s de folga, debidamente datado e asinado, que servirá coma xustificación da ausencia.

Os delegados de grupo, a través do titor/a, farán chegar un listado alfabético ó equipo

directivo, do alumnado que apoia a folga e presentou a “autorización” ou a “xustificación”. Os

impresos anteriormente referidos serán custodiados polos titores, servindo ambos como

xustificantes da ausencia.

Entenderase sempre que nunha xornada de folga non se poderá permanecer no recinto do

Centro, de non ser no intre de organización dunha posible manifestación.

A lexislación vixente sinala que aqueles alumnos que teñen dereito á folga non poden ser

sancionados de ningún xeito por exercer dito dereito.

4.2.-m) Alteración da convivencia.

Toda a comunidade educativa debe ser consciente dos seus dereitos e deberes e obrar en

consecuencia, respectándose mutuamente todos os seus membros para favorecer un

desenvolvemento harmónico da convivencia neste IES.

As pautas a seguir no caso de alteración da convivencia no Centro deben adaptarse á Lei

Orgánica 10/2002 do 23 de decembro de Calidade da Educación (LOCE),) e a LEI 4/2011 do 30

de Xuño (Lei de convivencia e participación da comunidade educativa, DOG 15/07/2011) que

entre outras cousas, sinala como obxectivo último o acadar un marco de convivencia e

autorresponsabilidade que faga, practicamente innecesaria,a adopción de medidas disciplinarias

e que, en todo caso, cando estas resulten inevitables, as correccións deberán ter un carácter

educativo e contribuír ó proceso xeral de formación e recuperación do alumnado.

Ó comezo de cada curso académico, o Consello Escolar nomeará, de entre os seus

membros, unha Comisión de Convivencia, composta por: dous membros do Claustro, dous

estudantes, un pai ou nai e presidida pola Dirección do Centro. Esta comisión terá como

funcións principais as que indica o artigo 6 do devandito R.D, é dicir, actuará,

fundamentalmente, como órgano mediador nos conflitos xurdidos e non como sancionador. O

Plano de Convivencia do Centro intentará ser un instrumento que permita unha axeitada

convivencia no centro. O equipo de dinamización da convivencia tamén axudará niso.

As condutas gravemente prexudiciais para a convivencia e as condutas contrarias ás

normas de convivencia (faltas leves) están enumeradas nas referidas normas, a elas débese ater

a comunidade educativa.

Débese consultar o Plano de Convivencia para saber os procedementos a seguir en cada caso

4.3 Actividades complementarias e extraescolares.

As complementarias son as que, formando parte da programación, teñen carácter

diferenciado das normais: viaxes de estudo, visitas, conmemoracións ou semellantes.

As extraescolares poden formar parte da programación xeral do IES, pero fóra do

horario lectivo.

Todo aquel/a alumno/a que cometera algunha falta por actitude contraria ás normas de

convivencia deste centro deberá ter un informe positivo do titor/a -previa consulta do equipo

docente- para poder participar nas diferentes actividades extraescolares e complementarias

organizadas polo IES. Porén, respecto as saídas do centro e viaxes, o alumnado que en calquera


momento do curso escolar sexa sancionado cun expediente disciplinario que implique expulsión,

ou ben, cunha expulsión directa por parte da dirección, non poderá ser partícipe de ningunha

delas durante 1 mes en caso de expediente e dúas semanas en caso de expulsión directa a partir

do momento da reincorporación do alumno/a sancionado/a.

Nun caso e noutro son de carácter voluntario. Dentro delas distínguense as seguintes:

4.3.-a) Visitas pedagóxicas: Serán organizadas coa anticipación necesaria a petición dos departamentos, ANPA,

titores, alumnado ou outros/as e aparecerán na Programación Xeral Anual do Instituto. En todo

caso, pódense facer outras non programadas, en función das súas características organizativo-

temporais, co conseguinte aviso á Inspección Educativa.

Procurarase que todos os grupos deste Centro participen cando menos nunha visita, e se

é posible serán nos días que menos horas de clase perdan os grupos.

O financiamento do transporte das mesmas correrá a cargo do alumnado e o IES

subvencionará o 50% aproximadamente do transporte, cunha estimación do custo segundo o

aforo completo/incompleto do autobús, sempre que a visita non supere unha xornada. A achega

do alumnado será recadada polo titor/a, profesor/a organizador/a ou polo vicedirector.

Para o financiamento de viaxes mediante a elaboración de rifas ou similares empregando

o nome do centro, estas deberan cumprir cos seguintes requisitos, ademais dos habituais: que

conste a actividade a financiar (lugar de destino) e departamento/s, equipo/s docentes, etc que

organizan a saída.

A realización da visita será anunciada coa máxima anticipación posible no taboleiro da

sala de profesores/as, e na véspera indicarase o profesorado acompañante (1 por cada 20

alumnos/as, con carácter xeral), o alumnado participante e o horario da mesma. O alumnado que

non participa na visita ten que asistir a clase como un día normal, en caso de ausencia o

profesorado correspondente poñeralles falta.

Para incentivar a participación nas actividades e non premiar pasividades, o alumnado

que non vai ten que realizar tarefas relacionadas coa visita, propostas polo profesorado que a

organiza. Ademais nas clases que teñan o día da visita, ten que facer actividades de repaso da

materia correspondente. Por exemplo, nunca poden ir á aula de informática a chatear ou ao patio

a xogar ...

De ser necesario, o profesorado que non teña clase debido a unha visita, colaborará co

profesorado de garda na atención do alumnado que quedou sen profesorado debido á visita.

O alumnado menor de idade ten que traer a autorización paterna correspondente, sen a

cal non poden participar na actividade.

O profesorado participante na visita será anotado no libro de faltas, apartado de

“observacións”, polo profesor/a de garda.

O profesorado que organice unha actividade complementaria ou extraescolar debe asistir

a ela, recoller as autorizacións, elaborar as listas de asistentes e avisar con tempo (mínimo tres

días) á vicedirección sobre o número de autobuses necesarios.

Respecto ás consideradas viaxes de estudos (activ .complementaria con máis dunha

xornada lectiva), para poder ser incluídas na PXA deberán cumprir os seguintes requisitos

xerais:

a) Non deberán afectar a máis de dous niveis de estudo (por ex. alumnado de 1º e 2º da

ESO)

b) Deberán ser programadas cunha temporalización que afecten minimamente as

actividades lectivas e as que sexan despois do 1 de maio, consensuadas as datas co


equipo directivo.

c) Deberán ser ofertadas a todo o alumnado de dito nivel ou niveis.

d) Terán prioridade as organizadas multidisciplinariamente.

e) En caso de conflito prevalecerá a proposta de departamentos non confesionais fronte

a confesionais.

4.3.-b) Actividades das tardes.

Nas tardes (agás o luns) poderá haber actividades extraescolares coordinadas por vicedirección,

profesorado ou a ANPA.

4.3.-c) Conmemoracións.

Celebraranse as festas cíclicas anuais e como tales figurarán na Programación Xeral

Anual. A participación do alumnado é voluntaria pero, se se observa que é escasa pódese

suprimir a celebración. O alumnado que non participe nas mesmas debe permanecer no Centro.

Para potenciar a asistencia ás mesmas e evitar excesiva perda de horas lectivas,

procurarase que haxa clase nas primeiras horas da mañá.

Do programa e horario da celebración avisarase nos taboleiros con anticipación.

O profesorado non participante nas actividades da conmemoración correspondente,

cumprirá o seu horario lectivo colaborando co profesorado de garda.

4.3.-d) Charlas, Actuacións de Grupos de Teatro e similares.

Tamén irán na Programación Xeral Anual, as previstas, sen descartar outras de interese.

Serán organizadas e realizadas en función do grupo ou grupos ós que lles poida interesar e do

escaso tamaño da aula de usos múltiples.

O programa e horario das mesmas serán advertidos nos taboleiros coa anticipación

necesaria. O alumnado que non queira participar non debe abandonar o centro nin molestar o

resto da comunidade educativa.

O profesorado que tiña clase co grupo que está na charla asistirá á mesma para axudar no

control do alumnado, agás que os organizadores/as prefiran que non o fagan.

5. RECURSOS E INSTALACIÓNS.

5.1. Medios audiovisuais dispoñibles:

A relación de medios audiovisuais dispoñibles enviarase por correo electrónico ao

profesorado. A súa colocación pode variar ó longo do curso en función das actividades

desenvolvidas, polo que se debe consultar co equipo directivo.

Todas as aulas teñen medios audiovisuais e acceso a Internet.

Se alguén observa algún tipo de deterioro, avaría ou cambio de lugar dalgún dos

aparellos en cuestión debe avisar a alguén do Equipo Directivo.

5.2.-Ofimática da sala de profesores/as.

Na referida sala hai a disposición do profesorado, ordenadores con conexión a Internet,

para o seu uso en labores docentes. O profesorado debe ter moito coidado no uso de “pinchos” e

Internet para tratar de evitar a propagación de virus informáticos

Estes ordenadores e mais os da Biblioteca teñen instalado un programa que impide

gardar cambios na súa configuración orixinal. Se alguén necesita instalar un novo programa

didáctico, que o comunique á persoa encargada do mantemento informático ou, de non a houber

ese curso, a un membro do equipo directivo.


Ademais na sala do profesorado hai unha rede wifi con conexión a Internet(preguntar ao

equipo directivo o contrasinal). As impresoras tamén permiten imprimir dende un portátil a

través da wifi (preguntar como).

5.3.-Uso das aulas de audiovisuais, usos múltiples, informática.

Para o uso das aulas de audiovisuais, da aula de usos múltiples, póñense carteis con dúas

semanas de anticipación, no que se anotará quen desexe usalas.

Pódese usar a de Usos Múltiples que dispón de vídeo e televisión, conexión a internet,

pantalla e proxector.

Reitérase que en Usos Múltiples, o mesmo que no resto das aulas, non se pode comer,

nin beber.

Para uso dalgunha das aulas de Informática, verificar antes se están dispoñibles e avisar

previamente os profesores/as encargados de Informática.

Nas aulas de informática o profesorado que as utilice, ten que extremar a atención para o

seu bo uso. Se non se atopa o grupo ou a persoa responsable do deterioro, os departamentos

correspondentes cargarán co gasto asociado.

A aula normal de exames é a de Usos Múltiples. O profesorado procurará reservala con

anticipación.

Ademais hai un portátil e un proxector de reserva no despacho da secretaria.

5.4.-Aulas.

As aulas teñen chave. Cada vez que un profesor/a abandone unha aula e o grupo non teña

clase na seguinte hora, ten que botar fóra a todo o alumnado e pechar a aula. Isto implica que hai

que fixarse ben no horario do grupo.

Cos edificios, en xeral, débese procurar non despistarse na saída, para non quedar

pechado/a ou detectado/a pola a alarma conectada á policía.

Algunhas das aulas do Centro poden ser cedidas ou alugadas polo Consello Escolar nas

condicións que este determine, pero sempre fóra do horario lectivo. De todos os xeitos, se tal

cesión provoca interferencias no desenvolvemento das clases normais, non se debe dubidar en

comunicalo ó Equipo Directivo.

5.5.-Empréstito de material do centro.

Cando alguén necesite algún material ou aparello do Instituto para o seu uso externo

solicitará permiso en Xefatura de Estudos, que decidirá en consecuencia. En caso de empréstito

débense asinar os correspondentes recibos de entrega e devolución e asumir o beneficiario/a a

responsabilidade correspondente no caso de avaría, destrozo, roubo ou outras incidencias.

5.6-Biblioteca.-

A biblioteca está aberta dentro do horario de diúrno do Centro o maior tempo posible,

atendida polo profesorado de garda.

Para facilitar o seu labor, débese procurar seguir as instrucións que se indiquen para o

empréstito/devolución informatizado de libros e colocar no seu lugar orixinal os libros devoltos.

O alumnado ten o deber de devolver os libros emprestados. En caso de non o faceren, por

extravío ou motivo semellante, deberan repoñer un exemplar idéntico ó perdido. De non ser

posible a súa reposición por estar descatalogado, deberá aboar o prezo medio aproximado dun

libro, que vén sendo 15 euros.

O alumnado vai colaborar voluntariamente na xestión de préstamo de libros nos recreos.

A biblioteca debe estar en silencio.


Se algún profesor/a a vai usar como aula nunha hora determinada, debe avisar con

anticipación ó profesor/a de garda.

Pódese empregar a biblioteca coma aula de informática (ten servizo de Internet) en

horario lectivo (o alumnado sempre acompañado do profesor) e sempre que non interfira no

correcto funcionamento desta.

5.8-Calefacción.-Alumeado

A calefacción é vella (a excepción da do Pavillón C e D) e como tal suxeita a un

rendemento baixo e a avarías diversas, que intentarán ser solucionadas o máis rápido posible.

As aulas non teñen termóstato polo que pode suceder, que a algunhas persoas lles pareza

que está funcionando a demasiada potencia e ó mesmo tempo outras teñan frío, polo que

debemos ser comprensivos/as uns con outros/as e neses casos poñer menos ou máis roupa.

Tamén ter en conta que a Consellería de Industria só permite o uso de calefaccións de

combustibles fósiles no período comprendido entre o 1 de novembro e o 30 de abril (inclusives),

para fomentar o aforro enerxético e evitar contaminación atmosférica.

Medidas ecolóxicas ás que podemos contribuír, por exemplo, non ter ventás abertas coa

calefacción posta, procurar non deixar as portas abertas no recreo, non deixar as luces acesas

innecesariamente, etc.

5.9-Aparcadoiro.

Para evitar posibles accidentes en horario diúrno, prohíbese a entrada ao recinto escolar

de vehículos do alumnado, coa excepción das motos. Estas só poden entrar, a baixa velocidade,

ata o seu aparcadoiro.

En horario de adultos poden seguir aparcando dentro do recinto. Se se chegan a detectar

conducións inadecuadas adoptarase a mesma medida que en horario diúrno.

No recinto non poden entrar/aparcar vehículos de persoas alleas a esta comunidade

educativa, salvo autorización expresa.

5.10-Transporte Escolar.

A maioría do alumnado do centro usa transporte escolar gratuíto ou de pago para as

viaxes dende a súa vivenda ó I.E.S.; en principio, non debe existir o problema de chegar tarde ou

ter que saír antes de clase para non perder o autobús. Se un profesor/a detecta algún problema

dese tipo, que o comunique ó Equipo Directivo ou que o faga o mesmo alumno/a. O

comportamento do alumnado no mesmo debe ser adecuado e as posibles faltas teñen as mesmas

consecuencias ca se fosen no IES.

5.11-Cafetería.

O Centro dispón dunha cafetería adxudicada no mes de setembro de 2013 mediante

concurso público. A adxudicataria é a responsable do seu funcionamento, apertura e peche,

segundo as condicións establecidas no contrato de adxudicación, resolto polo Consello Escolar.

Nos centros de ensino, de acordo coa normativa vixente está prohibida a venda de tabaco

e fumar nas súas dependencias, tanto internas como externas.

Da mesma maneira, tamén está prohibida a venda e consumo de bebidas alcólicas nas

dependencias deste centro.

O alumnado non poderá ir á cafetería nos cambios de clase. Cando estea nesta, sentarase

nas cadeiras, non nas mesas.

5.12-.-Limpeza nas aulas.-


O alumnado procurará non incrementar o abundante traballo do persoal de limpeza, coas

cascas de pipas, papeis de caramelos, etc. O profesorado deberá corrixir eses comportamentos,

por exemplo: impedindo a comida de pipas, caramelos, gomas de mascar, etc. durante as clases,

ou amoestar a quen vexa tirar papeis, pipas ou demais ó chan en calquera sitio do recinto escolar.

O alumnado que infrinxa estas recomendacións, recollerá ou limpará aquilo que ensucie, en caso

contrario, denunciarase tal situación ante o equipo directivo. Para facilitar o traballo das

limpadoras, na derradeira hora da xornada lectiva, debese pedir ó alumnado que deixe as

cadeiras enriba das mesas, sempre que sexa posible.

O alumnado non poderá comer e/ou beber nas aulas, corredores e outras dependencias

internas do Instituto (a aula de usos múltiples non é un cine), coa excepción da cafetería.

5.13-Estragos, Avarías, Roubos.

Se se detectan avarías ou destrozos avisarase en Conserxería ou ao Equipo Directivo para

poder solucionalo.

Para evitar estragos, os titores/as deben realizar en conxunto cos seus alumnos/as un

inventario xeral do estado das súas aulas, que se recollerá no modelo correspondente. Caso de

haber estragos por causas non naturais ou do seu uso normal, cada grupo aboará a escote o custo

da reparación correspondente, agás que aparezan os/as responsables.

Nas dependencias comúns o gasto será asumido a escote entre os grupos que usen tales

dependencias, salvo que apareza quen fixo o estrago.

En caso de impago non se lles entregarán as notas finais, nin outra documentación de

secretaría.

5.14- Portas automáticos e telefoniño.

Contamos cun portalón automático na entrada. As súas normas de funcionamento son:

1.- As dúas portas de acceso ao centro (vehículos e peóns) estarán pechadas

durante todo o horario escolar de mañá -de 8,45 a 14,25-. Un conserxe abrirá a porta de

peóns soamente nas seguintes franxas horarias:

a.- De 10,25 a 10,30 e de 10,40 a 10,45.

b.- De 12,25 a 12,30 e de 12,40 a 12,45.

Nestas franxas horarias -que coinciden cos primeiros e os últimos cinco minutos de cada

recreo- unicamente poderán abandonar o recinto o alumnado maior de idade.

2.- Os profesores que queiran entrar a outras horas no Centro disporán dun mando

a distancia na conserxería (previo depósito de 35 euros, que se devolverá ó final do

curso). No caso que non se queira o mando a distancia, terán que chamar ó telefoniño que

hai ó lado do portal de peóns para poder entrar.

3.- No horario nocturno as portas sempre permanecerán pechadas.

5.15- Taquillas.

Antes do 30 de setembro os titores/as pasarán á Secretaria, a listaxe do alumnado interesado.

Terán que depositar unha fianza de 20 euros que serán devoltos ó finalizar o curso sempre que se

entregue en perfectas condicións de uso e que se devolva a súa chave.

Ó finalizar o mes de setembro, a Secretaria asignará, a cada alumno anotado, unha

taquilla tendo prioridade os cursos do 1º ciclo de ESO sobre os demais. En caso de que houbera

que facer un duplicado por extravío da chave, este se descontará dos cartos da fianza. Nos casos

en que se considere oportuno, calquera membro do equipo directivo queda autorizado para abrir

as taquillas do centro. Non está permitido pegarlle adhesivos ou “personalizalas” de ningún


xeito. Débeselle desaconsellar –por medio da Secretaria e das titorías- que a identifiquen co seu

nome por seguridade.

5.16 –Cámaras.-

Hai cámaras de vixilancia na entrada do pavillón D, na entrada do pavillón C e no

corredor da biblioteca. Externas no aparcadoiro, corredores e entrada so pavillón A.

Están colocadas como medida preventiva para estragos, baleirado de extintores, ...

Documents

NORMAS DE ORGANIZACIÓN, FUNCIONAMENTO E CONVIVENCIA · Normas de Organización, ... certificado con acuse de recepción en caso de que o alumno/a non acudira o centro ... -Os titores/as