OHIKO OSOKO BILKURA

Organoa: Udalbatza

Eguna: 2017-01-31

Ordua: 20:00

Tokia: Udaletxeko areto nagusia

Bertaratuak

.- Mikel Zabaleta Aramendia. EH Bildu Alkatea

.- Andone Salbarredi Azurmendi. EH Bildu

.- Oihane Calderon Callejas. EH Bildu

.- Markel Azcargorta Cid. EH Bildu

.- Onintza Bengoetxea Zabaleta. EH Bildu

.- Julian Zabaleta Alduncin. EH Bildu

.- Iñaki Zabaleta Zabaleta. EH Bildu

.- Eneko Andueza Aramendia. EH Bildu

.- Miren Iosune Marzol Ormazabal. EH Bildu

.- Silvestre Zubitur Goñi. UPN

Ez bertaratuak

.- Jose Miguel Goicoechea Zabaleta. UPN

Idazkaria: Ane Zabaleta Baños.

Eguneko gai-zerrenda

1.- Azken batzarreko akta onartzea.

2.- Kale eta Udal eraikinen garbiketarako kontratua urte batez luzatzea

3.- Leitzako Udal Kiroldegiko obrak bukatzeko epearen luzapena

4.- Leitzako Udalean datu pertsonalen fitxategiak sortzeko akordioaren onespena.

5.- 2016-1-92 zenbakia duen dokumentuari dagokion katastroko aldaketa onartzea.

6.- Batzorde Informatiboak deuseztatzea.

7.- Mozioa: Elkartasuna ez da delitua!

8.- Alkatetzaren ebazpenen berri ematea.

9.- Oharrak eta berriemateak.

10.- Eskariak eta galderak.

Esan-eginak eta erabakiak

1.- AZKEN OHIKO BATZARREKO AKTA ONARTZEA

Gaia aztertu ondoren, Leitzako Udalbatzak aho batez ERABAKI DU:

1.- 2016ko abenduaren 30eko akta onartzea.2.- KALE ETA UDAL ERAIKINEN GARBIKETARAKO KONTRATUA URTE BATEZ LUZATZEA

Kontratua 2014ko abenduaren 16an esleitu zen 2015. urterako, urtero

luzatzeko aukerarekin, gehienez ere lau urteetarako.osotara

Alkateak esan du garbiketan txukun ari direla eta beraien lana ongi egiten

dutela. Hau kontuan hartuta kontratua beste urte batez luzatzea proposatzen da.

Bozkatzera pasa aurretik norbaitek zerbait adierazi nahi duen galdetu du

alkateak.

Silvestre Zubiturrek galdetu du ea kontratua ez zen esleitu lau urtetarako.

Alkateak erantzun dio ezetz, urte baterako esleitu zela, urtero luzatzeko

aukerarekin, gehienez lau urte arte.

Gaia aztertu ondoren, Leitzako Udalbatzak aho batez ERABAKI DU:

1.- 2017. urterako kale eta udal eraikinen garbiketarako kontratua luzatzea.

2.- Leitzako Udalak Distrivisual SL enpresari urteko 110.000 € gehi BEZ

ordainduko dizkio. Aipatutako prezio horretatik hilabete bakoitzari dagokion

zenbatekoa, hau da, 9.166,67 € gehi BEZ, hilero ordainduko da.

Luzapena atzeraezintasunez aplikatuko da ilbeltzaren 1etik aurrera.

3.- LEITZAKO UDAL KIROLDEGIKO OBRAK BUKATZEKO EPEAREN LUZAPENA

Alkateak azaldu du udal kiroldegiko obraren kontratua Construcciones y Obras Victoriano Vicenteri esleitu zitzaiola eta honek obra egiteko ardura hartu zuela, ilbeltzaren 10erako bukatzeko konpromisoarekin.

Lehengo urte bukaeran, arazo teknikoak zirela eta, epean bukatzeko zuten zailtasuna agerian geratu zen. Epean ez bukatzeak, isuna dakar, beti ere kontratistaren erruz izan bada. Obra zuzendariak egindako txostenak azaltzen duen moduan atzerapena justifikaturik dago, zati batean, faktore teknikoengatik.

Atzerapena justifikaturik ez dagoen zatian, luzapena onartu eta multa ekonomikoa ezarri beharrean, hobekuntza batzuk egingo zituztela hitzartu zen. Hobekuntza honakoa izanen da: autoak ibiltzen diren bi fatxadetan pibote batzuk jarriko dira, ezarri berri diren aluminiozko plakak babesteko.

Luzapena otsailak 15era arte izanen dela argitu du alkateak. Azken fasea, teilatuarena, otsailean hasiko dela esan du eta horrela martxorako dena bukatua egonen dela.

Bozkatzera pasa aurretik norbaitek zerbait adierazi nahi duen galdetu du alkateak.

Silvestre Zubiturrek galdetu du ea atzerapena sortu duten arazo teknikoek Udalari kostu handiagoa ekarriko dieten. Alkateak ezetz erantzun dio, izan dituzten arazo teknikoek ez diotela gainkosturik ekarriko Udalari.

Gaia aztertu ondoren, Leitzako Udalbatzak aho batez ERABAKI DU:

1.- Construcciones y Obras Victoriano Vicenteri udal kiroldegiko obra amaitzeko

epea otsailak 15 arte luzatzea Obra Zuzendariarekin adostutako hobekuntza egitearen

truke.

4.- LEITZAKO UDALEAN DATU PERTSONALEN FITXATEGIAK SORTZEKO AKORDIOREN ONESPENA

Alkateak azaldu du Datuak Babesteko Lege Organikoaren 20. artikuluak

ezartzen duenez, Administrazio Publikoetako fitxategiak sortzea, aldatzea edo

ezabatzea “Estatuko Aldizkari Ofizialean” edo dagokion aldizkari ofizialean

argitaratutako xedapen orokorraren bidez bakarrik egin daiteke.

Fitxategiak sortzeko edo aldatzeko xedapenek honakoa adierazi beharko dute:

- Fitxategien helburua eta zertarako erabiliko den

- Datu pertsonalak jasoko zaizkien edo ematera behartuta dauden pertsonak edo

taldeak zein diren

- Datu pertsonalak jasotzeko prozedura

- Fitxategiaren oinarrizko egitura eta bertan jasoko diren mota guztietako datu

pertsonalen azalpena

- Datu pertsonalak ematea, eta dagokionean, hirugarren herrialdeetara

aurreikusitako datu transferentzia

- Fitxategiaren arduradunak diren Administrazioetako atalak

- Sartzeko, zuzentzeko, baliogabetzeko eta kontra egiteko eskubideak gauzatu

ahal izateko zerbitzuak edo unitateak

- Segurtasun neurriak, maila baxua, ertaina edo altua duten adierazita

Fitxategiak ezabatzeko ematen diren xedapenetan, zertarako den edo hura

suntsitzeko aurreikuspenak zehaztuko dira.

Leitzako Udalak herritarren edo interesdunen eskura jarri du web-orria eta

bertan udal jardueren berri ematen da. Web-orriaren erabiltzaileek

harremanetarako inprimakia erabil dezakete Udalera edozein kontsulta egin eta

helarazteko eta baita aldizkari elektronikoaren zerbitzuan alta emateko ere.

Zerbitzu hauek erabiltzeko erregistratu egin behar da, datu pertsonalak emanez.

Udalak, era berean, hainbat datu eta informazio pertsonal jasotzen du

kontratuen kudeaketarako, zein, langileen hautaketarako deialdietarako, orain arte

helburu hauetarako fitxategirik sortu ez den arren.

Adin Txikikoa Juridikoki Babesteko urtarrilaren 15eko 1/1996 Lege Organikoa

aldatu izanaren ondorioz “sexu-askatasun eta osotasunaren kontrako delituren

batengatik (sexu-erasoa eta abusua, sexu-jazarpena, sexu-exhibizionismoa eta

probokazioa, prostituzioa eta sexu-esplotazioa eta adin txikikoen ustelkeria) eta

gizakien salerosketarengatik sententzia irmoaren bidez zigorra jaso ez izana

izanen da adin txikikoekin ohiko harremana izatea dakarten lanbide eta jardueretan

aritzeko baldintza. Horretarako, lanbide edo jarduera horietan ari nahi duenak

zirkunstantzia hori egiaztatu beharko du, delitu horiek egin dituela ukatzeko

sexu-delitugileen Erregistro Zentralak emandako ziurtagiri baten bidez”. Hori dela

eta, adin txikikoekin ohiko moduan lan egiteko kontratatu behar dituen pertsona

guztiei ziurtagiri hau eskatuko die Udalak. Ondorioz, fitxategi PERTSONALA aldatu

beharko da helburu berria, jasotako datu berria eta fitxategiari ezarritako

segurtasun maila erantsiz.

Bozkatzera pasa aurretik norbaitek zerbait adierazi nahi duen galdetu du Alkateak.

Gaia aztertu ondoren, Leitzako Udalbatzak aho batez ERABAKI DU:

1.- Ondorengo fitxategiak sortzea, honako azalpen eta ezaugarriekin:

KONTRATU FITXATEGIA

Aurreikusitako helburua eta erabilera: Langileak kontratatzeko kudeaketa; zerbitzu,

obra, horniketa eta laguntza kontratuen esleipena aplikagarria den legediaren

araberakoa.

Datuen jatorria eta jasotzeko prozedura: Interesdunek emanen dituzte, dagokion

kontratuaren esleipenerako aurkeztuko dituzten agiriekin batera.

Dagokien pertsonak eta taldeak: enplegu deialdietan eta Udalak bultzatutako

kontratu esleipeneko deialdietan parte hartzen dutenak. Kontratistak.

Fitxategiaren oinarrizko egitura:

Datu identifikagarriak: NAN, izen-abizenak, helbidea, telefonoa eta sinadura

Datu pertsonalak.

Egoera soziali buruzko datuak.

Ikasketa eta lan-profesionalari buruzko datuak.

Informazio komertzialen inguruko datuak.

Ekonomia, finantza eta aseguru-datuak.

Erabilitako trataera sistema: mistoa

Datuak jakinaraztea: Udaleko web-orria – Gardentasun Ataria (19/2013 Legea,

abenduren 9koa, Gardentasunari, Informazio Publikoa eskuratzeko bideari eta

Gobernu onari buruzko legean oinarrituta) eta Nafarroako Gobernuko kontratazio

Ataria, ekainaren 9ko 6/2006 Foru Legea, kontratu publikoei buruzkoa, 97.

artikuluaren arabera.

Organo arduraduna: Leitzako Udala.

Datuak eskuratzeko, zuzentzeko, ezabatzeko edo aurka egiteko eskubidea izanen

du erabiltzaileak honako zerbitzuaren aurrean: Leitzako Udala

Segurtasun maila: oinarrizkoa

WEB-ORRIKO DATUEN FITXATEGIA

Aurreikusitako helburua eta erabilera: Harremanetarako bidea ematea eta

izapideak egitea web orriaren bidez eta aldizkari elektroniko bat kudeatzea.

Datuen jatorria eta jasotzeko prozedura: Inprimakiak web bidez helaraziko dituzte

interesdunek.

Dagokien pertsonak eta taldeak: Web-eko erabiltzaileak.

Fitxategiaren oinarrizko egitura:

Datu identifikagarriak: Izen-abizenak eta helbidea.

Erabilitako trataera sistema: automatizatuak.

Datuak jakinaraztea: Ez dago aurreikusita.

Organo arduraduna: Leitzako Udala.

Datuak eskuratzeko, zuzentzeko, ezabatzeko edo aurka egiteko eskubidea izanen

du erabiltzaileak honako zerbitzuaren aurrean: Leitzako Udala

Segurtasun maila: oinarrizkoa

2.- Fitxategi PERTSONALA aldatzea ondorengo ataletan, zeinak honela geratu

diren:

Aurreikusitako helburua eta erabilera: Udaleko langileen datu pertsonalak jasotzea.

Langileen kudeaketarako erabiliko dira: kontratuak, nominak, aseguruak, alta eta

baja parteak eta lan-arriskuen prebentzioa. Adin Txikikoa Juridikoki Babesteko

urtarrilaren 15eko 1/1996 Lege Organikoaren 13.5 artikulua bete dadin

kontrolatzea.

Fitxategiaren oinarrizko egitura:

Datu identifikagarriak: Izen-abizenak, helbidea, IFZ, Gizarte Segurantzako

zenbakia, telefonoa eta sinadura

Datu pertsonalak.

Enpleguari buruzko datuak..

Osasunari buruzko datuak.

Ekonomia, finantza eta aseguru-datuak.

Arau-hauste administratibo eta penalei buruzko datuak.

Datuak jakinaraztea: Gizarte Segurantzako, Nafarroako Enplegu Zerbitzuko eta

Nafarroako Gobernuko erakundeei, aseguru-erakundeei, kanpo prebentzioko

zerbitzuari, Epaileei eta Auzitegiei.

Segurtasun maila: Erdikoa

3.- Akordio hau NAFARROAKO ALDIZKARI OFIZIALEAN argitaratzea, azaldutako

fitxategiak sortu eta aldatuta dituela, eta Datuak Babesteko Espainiako Agentziari

dagokion erregistroan jakinaraztea.

5.- 2016-1-92 ZENBAKIA DUEN DOKUMENTUARI DAGOKION KATASTRO ALDAKETA ONARTZEA

Alkateak azaldu du katastro aldaketa hau ez dela hitzarmen baten ondorioa.

Udalak bere titulartasunekoak eta mugakideak diren lursailak elkartzeko egiten dela

katastro aldaketa hau.

Bozkatzera pasa aurretik norbaitek zerbait adierazi nahi duen galdetu du alkateak.

Silvestre Zubiturrek galdetu du ea zergatik elkartzen diren lursail hauek.

Alkateak erantzun dio denak Udalaren titulartasunekoak eta komunalak direla eta

administratiboki ordenatuagoa dela 14 partzela izan beharrean bi izatea.

Silvestre Zubiturrek galdetu du ea noizbait holako zerbait egin den. Alkateak

baietz erantzun dio.

Gaia aztertu ondoren eta 12/2006 Foru Legearen 25.3 artikuluan xedatutakoari

jarraikiz Leitzako Udalbatzak, aho batez, ERABAKI DU:

1.- 2017ko ilbeltzaren 9an Herrilurren Atalak egindako txostena onartzea eta

horren ondorioz egin beharreko katastro aldaketa onartzea. Hori guztia espedientean

jasota dauden planoen arabera.

Katastroko Erref. Erregistro-

finka Titularra

Gaurko

azalera (m2)

Azalera

berria (m2)Pol. Lurzatia

3 225 3427 Herrilurra 2.614,103 226 890 Herrilurra 4012,003 228

5737

Herrilurra 12.581,563 231 Herrilurra 3.768,58

3 232 3923 Herrilurra 3.400,333 542 5830 Herrilurra 4.448,153 661 5856 Herrilurra 30.824,72

6.- BATZORDE INFORMATIBOAK BERTAN BEHERA UZTEA

Alkateak adierazi du 2016. urtean 17 Batzorde Informatibo egin zirela eta oposizioko zinegotziak 3 aldiz bakarrik joan zirela Batzar Informatiboetara. Batzar hauen helburua osoko bilkuren aurretik informazioa oposizioan dauden hautetsiei ematea dela azaldu du, hauek gaiak denboraz azter ditzaten. Oposizioko kideak ez badira etortzen, bilera hauek egiten jarraitzeko arrazoirik ez duela ikusten adierazi du alkateak, izan ere, iaz izan ziren 17 bileretatik 14etara udal gobernukideak bakarrik joan ziren, eta haiek ederki ezagutzen dituzte bertan aurkeztutako proposamenak. Gainera, legez, batzar hauek 5.000 biztanletik gorako herrietan soilik dira beharrezkoak.

Horregatik, Batzorde Informatiboak deuseztatzea eta gaiak zuzenean osoko bilkuran lantzea proposatzen du, hau da hilabeteko azken astearteetan arratsaldeko 8etan.

Argitu du batzorde ofizialak ez direnak, festa batzordea adibidez, dauden bezala funtzionatzen jarraituko dutela, izan ere, hauetan herritar askok parte hartzen du, modu aktiboan. Lan-martxa hartua duten batzorde guztiei eusteko asmoa duela azaldu du alkateak.

Bozkatzera pasa aurretik norbaitek zerbait adierazi nahi duen galdetu du alkateak.

Silvestre Zubiturrek adierazi du bera beti horrelako batzordeen kontra egon dela. Lehen batzorde horiek erabakigarriak zirela eta desagerrarazi zirenean batzorde informatibo hauek sortu zirela. Gisa honetako batzordeak ez zaizkiola inoiz gustatu esan du.

Alkateak argitu du edozein kasutan, gai garrantzitsu eta premiazkorik suertatuko balitz eta hau aztertzeko bilera berezi bat egin beharko balitz, ez dela inongo arazorik egongo deialdi berezi bat egin eta denok elkartzeko. Silvestre

Zubiturrek esan du ados dagoela momentu puntualetan elkartzearekin.

Gaia aztertu ondoren Leitzako Udalbatzak, aho batez, ERABAKI DU:

1.- Honako batzordeak deuseztatzea:

1.- Ekonomia eta Hirigintza Batzordea.

Honako gaiak aztertu dira: aurrekontuak, kontuen jarraipena, zergak, langileak,

hirigintza, obrak, brigada eta herri babesa. Kontuen batzorde bereziaren funtzioak bere

gain hartuko ditu.

- Lehendakaria: Mikel Zabaleta.

- Batzordekideak: Onintza Bengoetxea. Ordezkoa: Markel Azkargorta

Josune Marzol. Ordezkoa: Julian Zabaleta

Oihane Calderon. Ordezkoa: Andone Salbarredi

Silvestre Zubitur. Ordezkoa: Jose Miguel Goicoechea

2.- Mendia eta garapena.

Honako gaiak aztertu dira: mendia, herri lurra, tokiko garapena, ingurumena eta

turismoa.

- Lehendakaria: Iñaki Zabaleta. Ordezkoa: Andone Salbarredi

- Batzordekideak: Julian Zabaleta. Ordezkoa: Markel Azkargorta

Mikel Zabaleta. Ordezkoa: Onintza Bengoetxea

Eneko Andueza. Ordezkoa: Josune Marzol

Jose Miguel Goicoechea. Ordezkoa: Silvestre Zubitur

3.- Ongizatea.

Honako gaiak aztertu dira: osasuna eta ongizatea.

- Lehendakaria: Josune Marzol. Ordezkoa: Andone Salbarredi

- Batzordekideak: Markel Azkargorta. Ordezkoa: Eneko Andueza

Onintza Bengoetxea. Ordezkoa: Julian Zabaleta

Mikel Zabaleta. Ordezkoa: Iñaki Zabaleta

Jose Miguel Goicoechea. Ordezkoa: Silvestre Zubitur

4.- Herrigintza

Honako gaiak aztertu dira: euskara, hezkuntza, berdintasuna, gazteak, kultura,

kirola, aniztasuna eta herri eragileak.

- Lehendakaria: Oihane Calderon. Ordezkoa: Mikel Zabaleta

- Batzordekideak: Andone Salbarredi. Ordezkoa: Markel Azkargorta

Julian Zabaleta. Ordezkoa: Eneko Andueza

Onintza Bengoetxea. Ordezkoa: Josune Marzol

Jose Miguel Goicoechea. Ordezkoa: Silvestre Zubitur

7.- MOZIOA: ELKARTASUNA EZ DA DELITUA!

Miren Josune Marzol zinegotziak udal gobernuak aurkezten duen mozioa irakurri du.

Bozkatzera pasa aurretik norbaitek zerbait adierazi nahi duen galdetu du alkateak.

Silvestre Zubiturrek esan du: Ni aurka nago. Beraiek, Mikel eta Begoñak, hartutako erabakia da. Telebistan esan zuten desobedientzia zigortu egingo zela. Gobernu guztiek, beraien zailtasunekin, soluzio bat bilatu beharko dute.

2010. urtean Tunezen hasi zen, “Revolución Tunecina” delakoarekin. Azkenean Tunezeko diktadorea edo erregea zena garaitu zuten. Ondorean Libian berdina gertatu zen, badakizue zer gertatu zen Gadafirekin. Beti Gadafiren kontra azaldu naiz, ez zait bere harrokeria gustatu, gorrotoa izan diot. Libiakoa gertatu aurretik Espainian egon zen Zapaterorekin. Ondoren, Europa guztiak traizionatu egin zuten. Hainbat manifestazio egon ziren, kanpotik lagunduta. Egipton gauza bera gertatu zen. 2012ko martxoan Siriako manifestazioak ere kanpoko laguntzarekin egin ziren. Hobeki bizi al da orain hango jendea?

Gauza guzti hauek aipatu ondoren esan beharra dut desobedientzia ez zaidala ongi iruditzen. Han beraien legeak dauzkate eta errespetagarriak dira. Holako abilezia badute giza eskubideak defendatzeko, niri zalantza sortzen zait, hemendik 200.000 lagun badira joanak eta ez dut haien aldeko keinurik ikusi. Siriakoak kezkatzen gaitu, kezkagarria da baino mozioaren aurka nago.

Markel Azkargortak esan du: nik nire aldeko bozka justifikatu nahi dut. Iruditzen zait gauza hauek herri aberatsak herri pobreen baliabideak lapurtzen dituztelako gertatzen direla. Sirian gertatutakoaz aparte beste gauza batzuek ere eragin dute Greziako mugetan krisi humanitarioa sortzea. Zuk (Silvestrek) aipatu duzu gobernuek zerbait egin beharra dutela. Bere garaian estatu bakoitzak zenbat errefuxiatu ekarri behar zituztela esan zen. Espainiaren kasuan 17.000 izan behar ziren eta azkenean 600 besterik ez dira izan. Jende honek, Begoña eta Mikelek, horixe egiten du, errefuxiatuak hona ekarri.

Silvestre Zubiturrek esan du: 18.000 lagun ekarri behar badira kontuak atera beharko dira. Hemendik ere mundu guztira joan izan gara eta lanera joan izan dira.

Miren Josune Marzolek erantzun dio: errefuxiatuek ez dute lanera joateko aukera.

Silvestre Zubiturrek galdetu du: non sartu behar diren 18.000 lagun? Errespetua falta da, errespetua badago denak bidetik joango gara.

Mikel Zabaleta alkateak Silvestre Zubiturri zuzenduta esan dio: historiaren kontakizuna 2010. urtean hasten duzu baina, adibidez, kontakizuna 2001ean ere hasi liteke, Irakeko gerran hain zuzen ere, zeinean zuen sozioa den PP-k babestuta, ehunka milaka hildako eragin zituzten. Hori eta gero, zuk egin duzun galdera berdina eginen nizuke: hobeki bizi al da orain hango jendea?

Legalitateaz asko aritu zara, baina batzuetan haratago hausnartu beharko genuke. Adibidez, Nazismoan, legez egin ziren astakeriarik handienak. Guk aurkeztutako mozioan ez gara legalitateaz ari, giza eskubideez baizik, jendea laguntzeaz, hori da gaur hemen eztabaidatzen ari dena.

Aipatu duzu, hemendik mundu guztira jendea lanera joan zela, eta hain zuzen ere gogora ekarri nahi nuke, garai horietan familia asko atera zela aurrera, beste lekuetan lan egiteagatik irabazi zuten diruarekin. Hemengo jendeak beste lekuetan jasotako tratua emango bagenie guk oraingo errefuxiatuei, haietako familia asko ere aterako litzateke aurrera. Memoria historiko txikia dugu.

Silvestre Zubiturrek esan du: orain dela 50 urte Espainiatik jendea etorri zenean guk eskuzabalik hartu genituen. Gauzak errespetuaz egin behar dira, lehenik auzoan jarri behar da errespetua. Ez gara gai ondokoari egun on esateko eta gero zakurraren ipurditik 18.000 lagun ekarri nahi ditugu.

Alkateak bozka ematea agindu du:

Leitzako Udalbatzak, aldeko bederatzi botorekin (EH Bilduko zinegotziena)

ERABAKI DU:1.- Leitzako Udaleko mozioa onartzea:

“ONGI ETORRI ERREFUXIATUAK, MIKEL ETA BEGO GUREKIN NAHI

ZAITUZTEGU. MUGAK IREKI.

Mikel Zuloaga eta Begoña Huarte-ren atxiloketa salatzen dugu, pertsona

errefuxiatuekiko elkartasuna eta Europaren politikak salatzeko ekimena egin eta

atxilotuak izan zirelako.

Leitzako Udalak, gatazka politiko-militar eta sozioekonomikoek eragindako

mugimendu migratzaile behartuak kaltetzen dituen milioika pertsonekiko elkartasuna

eta giza eskubideen urraketa salatzen du.

Pertsona hauen egoera ez da gauetik goizera sortu. Europak eta mundu

mailako potentzia handienek hamarkadetan hartutako erabakien ondorioa da. Milaka

gizon-emakume eta haur noraezean ari dira, estatu batetik bestera kanporatuak,

internamendu izeneko “kartzeletan” sartuak, bortxatuak, desagerraraziak, jipoituak,

lapurtuak eta jazarriak.

Arduragabekeria eta giza eskubideen urraketa horren aurrean, herritar askok,

norberak eskura duen aukeraz baliatuta laguntza izugarria eskaini du eta eskaintzen

du pertsona errefuxiatuak laguntze aldera.

Begoña Huarte leitzarrak eta Mikel Zuloagak, herritar askoren babesean,

desobedientzia zibila tarteko, 8 lagun errefuxiatu Euskal Herriratzeko ekintzan

atxilotuak izan dira Grezian. Euskal Herriko gizarte eragile askok babestutako

elkartasun eta salaketa politikoa da aurrera eraman duten ekimena. Giza eskubideen

urraketan Europako buruek duten ardura salatzeko helburua zuten, errefuxiatuei

laguntza eskaintzea eta ateak ixten dizkien estatuen aurrean jendarte zibilak oztopo

horiek guztiak gainditzeko duen erantzukizuna ikustaraztea.

Pozten gara, fidantzapean bada ere, Begoña eta Mikel libre utzi dituztelako.

Hala ere Leitzako Udalak azpimarratu nahi du Euskal Herriko gizarte eragile askok

babestutako elkartasuna eta salaketa politikoa ezin dela inolaz zigortua izan edo

zigortzeko ahalegina egin.

Hori dela eta, Leitzako Udalak

1- Begoña Huarte, Leitzako alaba, eta Mikel Zuloaga euskal herritarren

atxiloketa salatzen du.

2- Bi euskal solidarioenganako inolako neurri berezirik ez hartzea eskatzen

diogu Greziar Gobernuari.

3- Greziako enbaxadarekin harremanetan jarri eta Begoña eta Mikelen

atxiloketen aurkakotasuna eta egoeraren aurrean Leitzako Udalaren kezka

jakinaraziko dio.

4- Espainiar Gobernua eta Europar Batasunaren jarrerak salatzeaz gain,

pertsona migratzaile eta errefuxiatuen etorrerak oztopatzeari utzi eta euren

etorrerak azkartzea eskatzen du.

ONGI ETORRI ERREFUXIATUAK, MUGAK IREKI,

2017ko ilbeltzaren 31n”

Silvestre Zubiturrek kontrako botoa eman du.

8.- ALKATETZAREN EBAZPENEN BERRI EMATEA

Alkatetzaren honako ebazpenen inguruan jakinaren gainean gelditu dira:

2016ko 391. ebazpenetik 2017ko 25.era.

Silvestre Zubiturrek Erleta eskolako gelak uzten dituen bi ebazpenei buruz

galdetu du. Alkateak erantzun dio, horietako bat Aurrera Dantza Taldeari utzi zaiola

bertan bere arropak gordetzeko eta beste ebazpena, Gizarte Zerbitzuen

Mankomunitateari 60 urtetik gorako emakumeei ikastaro bat emateko izan dela.

Silvestre Zubiturrek esan du ez zaiola ongi iruditzen. Eskola eskolako

gauzetarako erabili beharra dela. Alkateak erantzun dio klase orduetatik kanpo bakarrik

erabiltzen dela eta Leitzan ez dagoela beste tokirik honelako jarduerak egin ahal

izateko. Gainera, eskola orduetatik kanpo, Eskola Udalaren eskumenerako erabili

daitekeela, eta honela egiten jarraituko dugula, aspaldian egiten den moduan.

9.- OHARRAK ETA BERRI EMATEAK

Alkateak puntu honetan ez du ezer aipatu

10.- ESKARIAK ETA GALDERAK

Ez da eskaririk edo galderarik egin.

Egun bereko bederatziak hogeita bost gutxi direnean eta gai gehiago ez

dagoenez, Alkate jaunak bukatutzat eman du bilera. Nik idazkaria naizen aldetik, akta

hau luzatzen dut Nafarroako Entitate Lokalen paper ofizialean, "N.º " orritik "Nº F "

orriraino, biak barne.