Upload
oihaneder
View
279
Download
4
Embed Size (px)
DESCRIPTION
Ikasleekin Perspektiba Konikoa lantzeko apunteak eta ariketak dira.
Citation preview
PERSPEKTIBA KONIKOA
2
PROIEKTUA: DISEINUA
JARDUERA 7: GELA
Ebaluaketa 2 Saioak: 6
HELBURUAK
• Aurreko jardueretako helburuak
• Perspektiba koniko zeiharraren funtsa ezagutu
• Gela bat diseinatzea
ARIKETAK
1. Perspektiba konikoari buruzko apunteak banatu
2. Etxean egiteko lanak eta klasean egitekoak zehaztu
3. Gela diseinatzeko baldintzak zeintzuk diren azaldu eta zehaztu
4. Jarduera burutu
5. Jarduerak irakasleari entregatu
MATERIALA
• Apunteak
• Arkatza
• Ezabagoma
• Koloretako arkatzak
• Marrazketa tresnak
EBALUAZIO IRIZPIDEAK
• Ariketak (4 puntu)
• Gelaren diseinua. Funtzionaltasuna eta
estetikotasuna (4)
• Klaseko lana (2)
DISEINUA
3
APUNTEEN ANTOLAKETA
1. SARRERA
2. MARRAZKETARAKO TRESNAK
3. OINARRI INTUITIBOAK
a. PERSPEKTIBA KONIKOAREN APLIKAZIO ARTISTIKOAK
4. OSAGAIAK
a. LUR LERROA
b. HORIZONTE LERROA
c. IHES PUNTUA
d. IHES LERROA
5. MOTAK
a. AURREKO PERSPEKTIBA KONIKOA
b. PERSPEKTIBA KONIKO ZEIHARRA
6. NEURRIAK
a. ALTUERAK
b. ZABALERAK
c. SAKONERAK
d. LAUKIAREN ZENTRUA
7. OINARRIZKO ERAIKUNTZAK
a. PIRAMIDEA
b. ZILINDROA
c. KONOA
d. ALDAPAK
e. ESKAILERAK
8. ITZALAK
a. BEREZKO ITZALA
b. BOTATAKO ITZALA
c. ITZALAREN KOLOREA
9. GELA BATEN DISEINUA
PERSPEKTIBA KONIKOA
4
1. SARRERA
Objektuak eta espazioa bi dimentsiozko gainazal baten gainean
marrazteko irudikatze sistemak erabiltzen dira. Irudikatze sistemak hauek
dira: sistema diedrikoa, perspektiba axonometriko isometrikoa, cavaglieri
perspektiba, sistema akotatua eta perspektiba konikoa.
ARIKETA 1: marraz ezazu klaseko izkina bat.
ARIKETA 2: Irudika ezazu kuboa 5 modu ezberdinetan, 5 irudikatze
sistemak aintzat hartuz
Gai honetan SISTEMA KONIKOAren oinarriak landuko ditugu.
DISEINUA
5
Sistema konikoa giza
begiak objektuak eta espazioa
ikusten dituen bezala marrazteko
erabiltzen den sistema hiru-
dimentsionala da. Errealitatera
gehien gerturatzen den sistema
da, beraz. Sistema konikoaren
oinarriak hobeto uler ditzakegu
gurekiko zeiharrak diren eszenak
behatzen. Adibidez, errepide bat
zuhaitzez inguratua, trenbidea,
eraikin bat edota zubia.
Lehenengo behaketa hau argaz-
kietan burutuko dugu eta gero
errealitatean.
Konprobatuko dugu errepidearen marren, trenaren bideen,
eraikinaren pareten eta zubiaren lerro paraleloak puntu urrundu batean
elkartzen direla.
ARIKETA 3: Saia zaitez topatzen argazkietan (fotokopietan
emandako irudiak), espazioko lerro paraleloak argazkian elkartzen diren
puntua. Kolorezta ezazu boligrafo gorriz.
PERSPEKTIBA KONIKOA
6
2. MARRAZKETARAKO TRESNAK
Hirudimentsiodun espazio
eta objektuak gainazal bidimen-
tsional batean marrazteko
erabiliko ditugun tresnak prezi-
sioaren menpe egongo dira. Hau
da: zehaztasunez marraztu nahi
baldin badugu marrazketa
teknikoko lan tresnak erabiliko
ditugu: konpasa, eskuaira,
kartaboia, erregela, zorrozkailua,
borragoma eta arkatz gogor nahiz
biguna.
Burututako marrazkiari
errealismo gehiago emate aldera
margoak erabiltzen ahal ditugu:
tenpera, arkatzezko margoak,
errotulagailuak, plastikoa edo
akrilikoa, etab.
Ordenagailua marrazketa-
ko tresna bezala geroz eta erabi-
liagoa da. Horrela, programa
zehatzak ditugu marrazki mota
hauek burutzeko: Autocad, 3D
Studio Max, Solid Works, etab.
Arkitekturan, industrian, disei-
nuan, etxebizitza alorrean, … oso
erabilia da ordenagailua, izan ere
abantaila handiak ematen ditu bai
zuzenketak egiteko, baita modu
ezberdinetan inprimatzeko ere.
3. OINARRI INTUITIBOAK
Zenbatetan gerturatu izango zara leihora eta bertatik ikusi
eraikuntzen lerro paraleloak ortzi-mugan dagoen lerro imaginario batean
elkartzen direla? Edo agian, trenbidearen ondoan jolasten edo paseatzen
ari zarela, ikusi izango duzu, nahiz eta trenbidea paraleloak izan, puntu
batean elkartzen direla. Bada, trenbidea amaitzen den puntua eta
eraikuntzen lerro paraleloak amaitzen diren lerro imaginarioa
kointzidenteak dira. Horizonte lerroa da bata eta bestea ihes puntua.
Konturatuko zinen,
gainera, zure kokapenak ere
garrantzia duela objektuak
ikusterako orduan. Hau da: ez da
gauza bera lurrean etzanda
gaudenean daukagun ikuspuntua
edota aulki batean igota
gaudenean daukagun ikuspuntua.
DISEINUA
7
Bi oinarri intuitibo hauek
aintzat hartuta, konturatuko gara
horizonte lerroaren eta ihes puntuen
kokapena aldatu egiten dela guk
espazioan eta objektuarekiko hartzen
dugun lekuaren arabera.
Ikuspuntu normala
Ikuspuntu kontrapikatua
Ikuspuntu normala
Airetiko ikuspuntua
Ikuspuntu pikatua
PERSPEKTIBA KONIKOA
8
ARIKETA 4: Marraz ezazu perspektiba konikoan kubo berbera
baina bere ikuspuntua aldatuz. Har itzazu eredu bezala Dorre Bikien
argazkiak.
PERSPEKTIBA KONIKOAREN APLIKAZIO ARTISTIKOAK
Perspektiba konikoaren
aplikazioak anitzak dira. Espazioa
adierazpen modu diren
marrazkiaren, pinturaren, erliebe
eskultorikoaren, estan-pazioaren,
… bidez irudika de-zakegu. Barne
diseinua, dekorazioa, ikuskizunen
mun-dua, errealitateen diseinua,
fikziozko espazioak edota
fantastikoak, zinea eta antzerkia,
… aplikazio espa-rruak dira baita
ere. Artearen Historian baditugu
adibideak erromatarren horma
irudietatik.
Perspektiba konikoaren
aukera espresiboak Berpizkunde
garaiko perspektiba zientifiko-
aren printzipioen aurkikuntzare-
kin handitu ziren. Manierismo eta
Barroko garaietan hobekuntzak
jasan zituen, ordura arte pentsatu
ez zen ikonotasun maila altuak
erdietsiz. Garai hauetakoak dira
trompe l’oeil direlakoak.
Perspektibaren printzipio
zientifikoak Quatroccentoan dute
oinarria. Alor honetan lan egin
zuen artistetariko bat Piero della
Francesca izan zen. Bere arte
lanetan geometriak funtsezko
zentzua hartzen du, geometria
DISEINUA
9
baita pertsonaiak eta gainontzeko
elementu guztiak egituratzen
dituena. Begiratu: zilindro bat
leporako, obaloa bururako,
gorputz zuzena, eta perspektiba
guztiaren antolaketa gisa eta
formen gidari gisa. Ez
mugimendurik, ez gesturik,
esperientzia geometriko soila da.
Itzalek sortzen duten
argiztapen efektuak sakontasuna
nabarmentzen du. Itzalak
berezkoak eta botatakoak izan
daitezke. Berezkoak objektuen
gainean daude eta botatakoak,
aldiz, objektu batek beste baten
gainean sortzen dituenak dira.
Margolariek beti izan dute
forma lantzeko eta argi kontraste
handiak aplikatzeko interesa, beti
koadroen sakontasuna handitze
aldera. Argilunen bidez efektu
hauek areagotu egiten dira.
Teknika honi argilunen teknika
deritzo. Asmatzailea Leonardo Da
Vinci izan zen. Caravaggiok eta
Latourrek, besteak beste, argiluna
bere mugetaraino eraman zuten.
XVII. mendean, efektu
hirudimentsional eta dinamikoak
bilatu nahian, ihes puntu
aldatuekin eta argilun oso
markatuekin aritu ziren artista
ezberdinak ikerketan.
Gaur egun, margolariek
irudi fotografikoaren abantailak
aprobetxatzen dituzte pers-
pektibak konposatzerako unean,
horrela, errealitate eta hirudi-
mentsionaltasun sentsazio
handiagoak lortuz. Margolari
hauek fotorrealismoaren eta
hiperrealismoaren artistak dira.
DISEINUA
11
4. OSAGAIAK
Marrazkiak mundura irekitako leihoa izan behar du. Beraz, hauek
izango dira elementu grafikoak:
a. KOADROKO PLANOA
Ikusten dugun objektuaren eta gure begiaren artean kokatzen den
plano bertikal imaginarioa da. Objektuaren irudia bertan proiektatzen da.
b. LUR LERROA
Koadroko planoaren oinarria da eta lerro horizontala da.
Marraztutako objektuen limite hurbila finkatzen du lur lerroak.
c. HORIZONTE LERROA
Urrunean ikusten dugun azken lerroa da, itsasoaren ortzi-muga
bezala. Lerro horizontal baten bidez irudikatzen dugu.
d. IHES PUNTUA
Horizonte lerroaren gainean finkatzen dira. Puntu urrun bat
finkatzen dute: lerro eta plano paraleloak diren elementuak amaitzen
diren puntuak dira.
e. IHES LERROA
Ihes puntura doazen lerroak dira.
PERSPEKTIBA KONIKOA
12
5. MOTAK
Perspektiba konikoak espazioa irudikatu daitekeen hiru
dimentsioen araberako sailkapena dauka:
a. AURREKO PERSPEKTIBA KONIKOA
Irudikatu behar den objektuaren aurpegi bat gurekiko paraleloa
baldin badago, perspektiba aurrekoa da. Ihes puntu bakarra dauka, hortaz.
b. PERSPEKTIBA KONIKO ZEIHARRA
Objektua ikuspuntuarekiko zeiharki kokatuta baldin badago,
perspektiba zeiharra da. Laukizuzen oinarria dutenentzat (angelu guztiak
90º dutenentzat) bi ihes puntu beharko ditugu.
DISEINUA
13
ARIKETA 5: Fotokopietako irudiak hartuta, marraz itzazu kasu
bakoitzean ihes puntuak eta baita horizonte lerroa ere.
ARIKETA 6: Zehatz ezazu kasu bakoitzean zein ikuspuntu mota
agertzen den aplikaturik: normala, pikatua, kontrapikatua edo erabateko
pikatua.
6. NEURRIAK
Espazioan zenbat eta urrutiago egon objektua bere neurriak orduan
eta txikiagoak ikusiko ditugu; urruntzen garen heinean, objektuak eta
bere osagaiak txikitzen doaz.
a. ALTUERAK
Altuerak, elementu baten puntu gorenetik punturik beherenerako
distantzia, lur lerroaren gainean daude kokaturik eta bertan elementuek
benetako altuera izango dute. Altuera batek jasotzen duen murrizketa
zehazteko benetako altuera lur lerroan jartzen dugu eta ihes-puntura
abiatzen diren ihes lerroak marrazten ditugu.
b. ZABALERAK
Zabalerak, elementu baten puntu ezkerreratuenetik
eskubiratuenerako distantzia, altuerekin gertatzen den bezala, murrizketa
jasaten dute urruntzen diren heinean. Baina koadroko planoan kokatuta
dauden neurriak benetako neurrian ikusten ditugunez, erreza da jasaten
duten murrizketa ateratzea.
c. SAKONERAK
Sakonerak zehaztea zailagoa da. Sakonerak plano geometralaren
gainean daude eta neurriak zehazki markatzea prozesu zail eta konplexu
baten ondorioa da. Gure kasuan sakoneren neurriak ateratzeko metodo
hauek ez ditugu ikasiko eta beraz, modu intuitibo batean egin beharko
ditugu, jakinda, nola ez, sakonera handitzen doan heinean objektuak
urruntzen doazela eta ondorioz neurriak txikitzen doazela.
PERSPEKTIBA KONIKOA
14
d. LAUKIAREN ZENTRUA
Marrazketa teknikoan eta geometrikoan zenbait elementuren
marraketa errazteko karratu edo laukizuzen imaginario batean inskribatu
egiten ditugu. Perspektiba konikoan marrazturik dagoen lauki baten
zentroa bilatzeak beste trazaketa korapilatsuagoak errazten lagunduko
digu, hortaz. Zentro hau perspektiban dagoen laukiaren diagonalak
marraztuz lortzen dugu, bi diagonalak elkartzen den puntua izango
delarik bilatzen ari dugun zentroa.
ARIKETA 7: Buru itzazu ondorengo ariketak
1-. Hona hemen jarraitu behar dituzun pausuak aurreko perspektiba konikoa eta perspektiba koniko zeiharra marrazteko. Bi sistema hauek erabiliz, saia zaitez gutxi gora behera, altxaerarekin eta perfilarekin irudikatuta dauden armairua eta labea marrazten.
DISEINUA
15
2-. Amai ezazu aulkiaren marrazkia. Ihes puntuak topatu beharko dituzu ihes lerroen bidez.
3-. Marraz ezazu zoluaren zoladura. Alde bakoitzak sei baldosa izando ditu. Har ezazu erreferentzia gisara aurreko perspektiba konikoan irudikatutako zolua.
PERSPEKTIBA KONIKOA
16
4-. Zati ezazu kuboa zortzi zati berdinetan; horretarako, zati ezazu ertz bakoitza bi zatitan. Gero, ken iezazkiozu zenbait kubotxo eta geratzen den irudia marraztu. Orienta zaitezen, ikus ezazu nola izan den zatitua behekoa kuboa 27 zati berdinetan; horretarako, ertz bakoitza hiru zatitan zatitu da eta kuboaren fokoak loru dira. Gero, zenbait kubotxo kenduta, hiru aukera posible marraztu dira. Ariketa hauen bidez ikusmen espaziala garatu egiten zaizu.
DISEINUA
17
7. OINARRIZKO ERAIKUNTZAK
Perspektiba konikoan oinarrizko elementu hirudimentsionalak
marrazten ikasten baldin badugu, lan ikaragarri erraztuko zaigu. Adibidez,
zirkunferentziak marraztu ahal izateko laukietan sartuko ditugu bere
zentroa bilatuz. Hortaz, prismak ez diren objektuak prisma imajinatuetan
inskribatuko ditugu lana errazteko.
a. PIRAMIDEA
Oinarri karratua du eta erpin batean amaitzen dira altuerak.
ARIKETAK 8: Marraz ezazu piramide bat. Oinarria karratua (aldea =
3cm) du eta altuera = 6cm. Horizonte lerroa 5cmra dago. Marraz ezazu
piramidea bi sistemetan.
b. ZILINDROA
Bi oinarriak borobilak ditu.
ARIKETAK 9: Marraz ezazu zilindro bat. Oinarria borobilak
(karratuaren aldea = 3cm) ditu eta altuera = 6cm. Horizonte lerroa 5cmra
dago. Marraz ezazu zilindroa bi sistemetan.
c. KONOA
Oinarri borobila du eta erpin batean amaitzen da altuera.
ARIKETAK 10: Marraz ezazu kono bat. Oinarria borobila
(karratuaren aldea = 3cm) du eta altuera = 6cm. Horizonte lerroa 5cmra
dago. Marraz ezazu konoa bi sistemetan.
d. ALDAPAK
Prismen erdiak dira, aldeen diagonaletik ebakiak.
PERSPEKTIBA KONIKOA
18
ARIKETAK 11: Marraz ezazu kanpin denda bat. Altuera = 7cm,
zabalera = 5cm eta sakonera = 8cm. Horizonte lerroa 7 cmra dago. Marraz
ezazu bi sistemetan.
e. ESKAILERAK
Prismen erdiak dira, aldeen zig-zagetatik ebakiak.
ARIKETAK 12: Marraz ezazu eskailera bat. Zati bakoitzak 1cm
neurtzen du bai altueran baita zabaleran ere. Zuk erabaki zein sakonera
ematen diozun. Horizonte lerroa 5cmra dago. Marraz ezazu eskailera bi
sistemetan.
8. ITZALAK
Itzalak argiaren ondorio bezala sortzen dira. Itzala argiaren izpiak
zuzenki jasotzen ez dituen gorputz argiztatuaren zatia da; eta ez du
argiaren izpirik jasotzen argi iturriaren kontrako aldean aurkitzen delako.
Bi motako itzalak daude:
a. BEREZKO ITZALA
Objektu baten aurpegietan argiak jotzen ez duenean sortzen da
berezko itzala. Itzal mota hau objektuaren gainazalean bertan ageri da.
Itzal mota hau marrazteko argi iturriaren kokapena zehaztu behako dugu.
Argiaren kontrako aldean itzala ageriko zaigu.
DISEINUA
19
b. BOTATAKO ITZALA
Ez dago objektuan bertan. Objektuak berak egiten duen itzala da
berau. Erpinez erpin sortzen da erpin bakoitzaren lurreko itzala zehaztuz.
Erpin bakoitzaren itzala aurkitzeko argi iturritik erreferentziazko lerroak
marraztu behar dira: argi errainuak dira. Lerro hauek lurraren kontra
iristerakoan itzalgunea zehaztuko dute. Eguzkiaren argia baldin bada,
erreferentziazko lerro bakarra izango dugu eta errainuak honekiko
paralelo izango dira
c. ITZALAREN KOLOREA
Argitik ilunerako trantsizioa ez da modu bortitzean gertatzen. Bi
zatien artean gradu ezberdin eta tonu infinitu sortzen dira, eta bere
fusioan graduazioen bidez argiluna sortzen da.
Argitasun mailarik altueneko eremua argia zuzenki jasotzen duen
eremua da; aldiz, iluntasun mailarik altueneko eremua argi iturriaren
kontrako aldean kokatutako eremua da. Hauen tartean kokatuko dira,
objektuaren gainazalaren, gainontzeko objektuen gainazalaren eta
zoluaren gainazalaren arabera, gainontzeko ñabardura guztiak: islak,
aurpegi aldaketak, texturak,…
Modu asko dago itzalak koloreztatzeko. Konturatu behar dugu, hala
ere, oso gutxitan edo ia inoiz izango dela itzala erabat beltza, argia erabat
txuria izan ezin daitekeen bezala. Horrela, argia normalean horixka denez
bere kolore osagarriarekin egingo dugu itzala, hau da, moreak erabiliz.
PERSPEKTIBA KONIKOA
20
9. GELA BATEN DISEINUA
a. ETXEBIZITZA AZTERTZEA
i. Egindako hartu
ii. Diseinatutako aulkia bertan agertu behar da
iii. Gela hautatu
b. IDEIAK MARRAZTEA. ZIRRIBORROAK
i. Perspektiba konikoan
ii. Edota beste sistema batzuk erabiliz
c. BEHIN- BEHINEKO MARRAZKIA
i. Helburua da sor daitezkeen arazoak aurreikustea
berauek ahalik eta hoberen konpontzeko
ii. Ideia orokorra zehaztea
d. BEHIN- BETIKOA MARRAZKIA
i. Din-A3 tamainan
ii. Etzanda
iii. Txantiloia erabil daiteke
e. MARGOKETA
i. Zurezko margoekin
ii. Koloreak ematean biziarazten ditugu, indarra
mantentzen dugu, ertzetaraino ongi iristea, azaleraren
norabidea (trazua) zaintzea, detaile txikiak arkatz
zorrotzarekin marratzea.
f. ITZALAK
i. Berezko itzalak
ii. Botatako itzalak
g. ERTZAK TINTATZEA
i. Ariketari amaiera emateko eta txukuntasun sentsazioa
handiagoa izan dadin