O día 30 de Xaneiro, como en moitos coles, conmemoramos o día da Paz.. Desde o noso grupo traballamos este valor ao longo de varios días. Antes do trinta de xaneiro, a nosa profe explicounos o significado da palabra paz e o porqué da conmemoración nesa data. Visionamos diferentes power points que nos invitaban a reflexión e falounos do grande e importante que foi Gandhi.

Traballamos poemas, de varios autores que escribiron pola paz, lendo e interpretando o que se nos estaba a dicir. Adicamos varias sesión a traballar os dous valores escollidos respecto a paz, e despois de darlle moitas voltas, ás moitas ideas de como plasmalos sobre unha imaxe, conseguimos:

No hay camino para la paz: LA PAZ ES EL CAMINO

Fixemos e decoramos a nosa estrela, que o día da celebración conxunta, colocamos para formar unha gran constelación.

A decoración…¡ non podía faltar! Deunos moito traballo e levounos moitos días, pero a verdade, é que mereceu a pena tanto esforzo.

Cada un de nós fixemos e decoramos unha pomba ou unha man, que levaría no medio a nosa foto. A nosa titora insistiu en que foramos orixinais na creación, e a verdade é, que a porta da nosa clase luce do máis fermosa.

Nunha das paredes da entrada a nosa clase montamos un mural cheo de luz e de cor. ¡Quedounos moi pero que moi bonito! Nel podemos atopar as suxestións que se nos ocurriron para contribuir no día a día cun entorno de P@Z.