Upload
goierrikuak-taldea
View
223
Download
7
Embed Size (px)
DESCRIPTION
Wikiei buruzko Magisteritzako ikasle batzuen lana.
Citation preview
2012-2013
| Goierrikuak taldea
WEB 2.0 TRESNAK
Goierrikuak taldea
2
AURKIBIDEA
SARRERA ETA LANKIDETZA IKASKUNTZA ...................................................................... 3
ZERTAN LAGUN DEZAKE HEZKUNTZAN? ..................................................................... 3
WEB 2.0 ........................................................................................................................................ 4
WEB 2.0 TRESNA EZBERDINAK ......................................................................................... 5
WIKIAK ........................................................................................................................................ 6
WIKIEN ERABILERA HEZKUNTZAN ................................................................................. 7
ONDORIOAK ............................................................................................................................. 12
BIBLIOGRAFIA ......................................................................................................................... 13
Goierrikuak taldea
3
SARRERA ETA LANKIDETZA IKASKUNTZA
Azkenaldian asko entzun izan dugu lankidetza ikaskuntza terminoa, baina ba al dakigu
ondo zer esan nahi duen honek eta zein den bere helburua? Kezka hauek guztiak garbi
gera daitezen, termino hau eta honen helburua azalduko ditugu, eta baita gaur egun duen
garrantzia eta iraganean nola moldatzen ziren ere.
Lankidetza ikaskuntza lan bat egiterakoan bi pertsona edo gehiagoren artean ematen
den parte-hartzea da, bakoitzaren gaitasunez baliatuz eta helburu komun batzuk izanik.
Honen bidez elkar lagundu gaitezke eta besteengandik ikasi, denbora eta lan kopurua
murriztuz. Hau lortzeko estrategia ezberdinak erabil ditzakegu: lan bat denen artean hitz
eginez osatu daiteke, lana banatu egin daiteke eta bakoitzak bere zatia egin, edota lan
bat egiterakoan beste norbaiti laguntza eska diezaiokegu. Honetarako, ezinbestekoak
izango ditugu komunikazioa eta koordinazioa, hauek gabe lan egiteko modu honek ez
baitu arrakastarik izango. Lan hau aurrera eraman ahala izateko, aurreko bi puntuez
aparte ezinbestekoak izango dira dinamizazio egokia izatea, iritzi desberdinak azaltzea
eta elkarren artean iritzi horiek eztabaidatzea… Gainera, helburu komun hori lortzeko
taldekide guztiek maila berdintsuan parte hartu eta lan egin behar duten arren, ez da
gaizki etortzen bakoitzari ardura bat edota rol bat ematea. Esaterako, bat idazkaria izan
daiteke, beste bat bozeramailea, liderra beste bat…
Gauza guztiek bezala, honek alde onak eta alde txarrak ditu. Izan ere, talde bat izatean,
beti egongo dira iritzi edota ikuspuntu desberdinak nahiz eta helburua berbera izan.
Honegatik, erabakiak hartzeko prozesua motelagoa izaten da, denen artean erabaki
behar den zerbait baita, eta hauek eztabaidatu egin behar dira. Honen ondoren, lana
banatzean azkarrago egingo da hau, denen artean egiten baita. Hala ere, lortzen den
helburua edota lana arrakastatsua izateko, gomendagarria da lana eratzen dioan heinean
bilerak antolatzea. Hemen, lanaren prozesuaren berri eman daiteke eta baita erabaki
garrantzitsuak hartu zein proposamenak adierazi.
ZERTAN LAGUN DEZAKE HEZKUNTZAN?
Hezkuntzari begira, lankidetza ikaskuntza oso garrantzitsua dela esan dezakegu. Azken
urteetan asko sustatzen ari baitira lan egiteko modu hau. Lan indibiduala egiteaz gain,
Goierrikuak taldea
4
gero eta ikastetxe gehiagok erabiltzen baitute klaseak taldeetan banatzeko teknika,
honela, lankidetza ikaskuntza sustatuz.
Lankidetza hau burutu ahal izateko, hainbat tresna ditugu gaur egun. Iraganean,
adibidez, lankidetza bidez lan egin nahi baldin bazuten, talde guztiak egun eta ordu bat
finkatu behar zuten denak batera egoteko eta, horrela, liburuak, hiztegiak edota
aldizkariak aurrean zituztela, egin beharrekoak egiten zituzten. Gaur egun, aldiz,
teknologiak aurrera egin duen heinean, hainbat eta hainbat tresna ditugu lankidetzan
laguntzen digutenak. Esaterako, mugikorrak, ordenagailu eramangarriak, USB
memoriak, internet… Tresna teknologiko hauek guztiek lankidetza eta komunikazioa
errazteaz gain, hezkuntzan ere oso baliagarriak aurkezten zaizkigu; ikasketak erraztuz
eta informazioa errazago eskuratuz.
Tresna teknologiko hauetatik Web 2.0 izango litzateke lankidetza ikaskuntzan
baliagarriena dena.
WEB 2.0
Web 2.0 terminoak Interneten bigarren belaunaldiari egiten dio erreferentzia,
erabiltzaileen parte-hartzean eta informazioaren trukaketan oinarritzen dena. Izena
O’Reilly Mediari zor zaio, 2004. urtean eman zuen konferentzia batean honela deitu
baitzion.
Orain arteko web 1.0-ak nahiko estatikoak ziren, ez ziren oso sarri eguneratzen. 2.0-aren
aldaketa nabarmenena gizarteari begira eman dena da, kolaborazioa baitute helburu.
Honela, web orrialde interaktiboak agertu dira, estetikari ez ezik, eduki moldagarriari
ere garrantzia ematen diotenak eta sarri eguneratzen direnak (erabiltzaile batek editatzen
duen bakoitzeko, hain zuzen ere).
Gizartean eragin zuzena izan du tresna berri honen agerpenak, alor politikoa, sozio-
kulturala eta beste hainbat eraldatuz. Hau ematearen arrazoia sinplea da; agertzen joan
diren plataformek (gizarte-sareek, wikiek eta abar) oso hedapen azkarra eta erraza dute
eta, ondorioz, komunikatzeko, informazioa partekatzeko eta beste hainbat ekintzetarako
era berriak sortzen ari dira, bizitzeko modu berriak. Horrez gain, gizartean ezarririk
Goierrikuak taldea
5
zeuden rolak aldatzen doaz gizartearen bilakaerarekin batera, bai eta informazioaren
hedapena ere (orain askoz ere eskuragarriago dago, pertsona guztiei berdintasuna
ekarriz).
Hainbat aurreikuspenen arabera, etorkizunean ere zuzenki eragingo du web 2.0aren
erabilerak, enpresak lehiakorrago bilakatuko baitira (sarea erabiliz euren lehiarako giltza
gisa), produktu eta zerbitzu berriak garatuko dira, berrikuntza ugari emango dira…
Hezkuntzari dagokionez, gaur egungo gizartearen kontzientzia oso teknologikoa denez,
oso lagungarria da klaseak dinamikoagoak eta zertxobait entretenigarriagoak
bilakatzeko. Gaur egun gero eta liburu gutxiago irakurtzen dira (Ebook-ak arrakasta
baitute), beraz ikasleak testu liburu baten bidez ikastea behartzen baditugu, ez da
ikasketa erosoa bilakatuko. Horretarako erabiliko dugu web2.0 eskoletan, ikasteko
materiala ikasleen interesetara gehiago hurbiltzen delako eta ikasteko modu
dibertigarriago eta dinamikoagoa delako. Gainera, irakasle-ikasle harremana hobea
izango da (informazio eta datu bilaketak, eztabaidak…).
WEB 2.0 TRESNA EZBERDINAK
Elkarrekin dokumentuak partekatzeko balio du.
Dokumentu bat argitaratzean, bukaeran, dokumentu
hori publiko eta pribatu moduan jartzeko aukera
dago.
Zure egunerokotasunean erabiltzen dituzun web
orriak leku finko batean edukitzeko eta antolatzeko
erabiltzen den webgunea. ( IGOOGLE webgune
antzekoa).
Programa honek argazkiak eta irudiak webgune
batean gordetzeko eta ondoren beste norbaitekin
konpartitzeko balio du. (YAHOO enpresaren
programa bat da). Soilik 10MB erabili ditzakegu hilabetean.
Goierrikuak taldea
6
Interneteko mapak erabiliz mundu osoko herri,
hiri, leku, distantziak … ikusteko balio du.
Musika igotzeko, entzuteko, letrak ikusteko,
konpartitzeko, … webgunea.
Mapa kontzeptualak sortzeko webgunea.
WIKIAK
Wikia erabiltzaile anitzek informazioa hedatzeko eginiko orrialde batzuk sortu,
modifikatu, osatu eta ezabatu ditzaketen webgunea da. Hortaz, sinpleki esanda, eraketa
kolektiboko webguneak dira. Gainera, edukiak testu moduan egoteaz gain, bideo, irudi
edo esteka gisa agertu daitezke.
Izen bitxi honen jatorria Hawaiiarra da, izan ere, wiki hitzak azkar esan nahi du,
informazioa azkar partekatzeko aukera ematen baitu. Dena den, beste batzuen ustez,
hori ez da benetako jatorria, wiki hitza What I Know Is (dakidana da) esalditik dator.
Jatorrizko izen hauek ematen digute, azken finean, wikiaren definizioa.
Ward Cunningham programatzaile estatu batuarrak eman zion lehenik aipatu dugun
izena, hark sortu baitzuen 1994. urtean. Jarraian, wiki-orrialde ezberdinak agertzen joan
ziren eta aipatzekoa da Wikipediaren sorrera, eta honek izan duen garapen azkarra.
Webgune hau entziklopedia interaktibo eta birtual gisa erabiltzen da eta milioika
artikulu aurki ditzakegu bertan, eta hori wikiek ezagutza zabaltzeko ematen duten
azkartasunari dagokio. Halere, garapena ez da berdina izan hizkuntza guztietan,
Goierrikuak taldea
7
hizkuntzen hedapenaren arabera informazio gehiago edo gutxiago egongo baita; esate
baterako, ingelesez 4 milioi artikulu baino gehiago daude eta euskaraz 137.335 inguru.
Webgune hauen arrakasta bermatu duen faktore garrantzitsua erabileraren erraztasuna
da, informatikaren inguruko ezagutza askorik ez duenak ere arazorik gabe erabil
baititzake. Modu honetan, askatasun handia ematen die erabiltzaileei euren jakintzak
zabaltzeko eta besteenak osatzeko. Dena den, aurkituriko informazio guztiak ez du
zertan zuzena izan, izan ere, edonork idaztearen desabantaila bat informazio okerra
eman daitekeela da. Honela, norbaitek akatsa zuzendu arte horrela geratuko da. Horri
irtenbidea eman nahian, editaturiko atalak markaturik agertzen dira, zuzendu gabe egon
daitezkeela adieraziz. Aldaketen kontrolaz wikien erabiltzaileak arduratzen dira eta
hauek egiten ez badute, ardura berezi hau hartu duten bibliotekariek burutu beharko
dute.
WIKIEN ERABILERA HEZKUNTZAN
Irakaskuntzan oso baliagarri izan daitezke, komunikazio gaitasuna, kritikotasuna,
lankidetza, ikaskuntza aktiboa, autonomia eta partaidetza sustatzen duten aldetik. Bai
ikasle, bai irakasleentzat oso erabilgarri gerta daitezke konpetentzia hauek guztiak
garatzeko eta era askotako lanak aurrera eramateko. Ikaslea, jakina den bezala, talde
lanak egiteko, komunikatzeko edo eztabaidetarako balia daiteke wikiez. Zehazki esanda,
lan monografikoak egiteko, gai ezberdinen inguruko jarduerak egiteko, testuak lantzeko
(wikinobelak, adibidez), esperientzia pertsonalak kontatzeko egunerokoak, poemak
sortzeko eta abar. Irakasleak, berriz, baliabide didaktiko gisa erabil dezake; ikaskuntza
prozesua diseinatzeko, IKT-en munduan murgiltzeko eta informazioa topatzeko.
Bestalde, antolaketa gune gisa ere erabil dezake; orientaziorako, gai bat koordinatzeko,
hausnartzeko, informazioa biltzeko edota informazioa partekatzeko, wiki ugari baitaude
irakasleei zuzenduta.
Aipaturiko guztiarekin, nabaria da wikiek eskaintzen duten eraikuntza prozesuak
konstruktibismoa sustatzen duela. Pedagogia metodo honen funtsa jakintza pertsonen
arteko elkarrekintzaren bidez lortzen dela da eta webgune hauek bete-betean egiten dute
eurena ezaugarri hau.: ikasleek web orrialde bat eraldatzen dute dakiten informazioa
gehituz, eta era berean harreman sozialak talde lanean garatuz. Ildo beretik, ikaskuntza
Goierrikuak taldea
8
esanguratsua ematen da, hau da, ikasleak ezagutza berriak (bere ikaskideenak)
asimilatzen ditu eta aurrez zituen eskemak (bere aurretiko ezagutzak eta, kasu honetan,
wikian egin dituen ekarpenak) moldatzen eta osatzen ditu, informazio zabalagoa izanik.
Beraz, ezagutza partekatzeak kooperazioa dakar eta ematen den informazioa inolako
mailaketarik gabe agertuko da.
Orain, atal honetan, gure taldeari tokatu zitzaigun web orria azalduko dizuegu.
Webgune honetan edozein pertsonak,
bertan erregistratu eta gero, informazioa
parteka dezake modu kolektiboan.
Wikispaces hasierako orrialdera iristen
zaretenean honako irudi hau ikusiko
duzue. Hasieran ingelesez egongo da,
baina gaztelerara itzultzeko aukera
badago. Hala ere, kontu bat sortzeko behar
duguna gazteleraz azaltzen da pantailaren
goiko aldean, eskuin aldean; Iniciar
sesión. Bertan klikatu.
Hasieran, saioa hasteko eskatuko
dizu, baina kontua oraindik ez
duzunez, crear una cuanta
Wikispaces nueva jartzen duen
lekuan klikatu beharko duzue.
Wikispaces-en logoa
Hasierako orria
Saioa hasi
Goierrikuak taldea
9
Bertan klikatu ondoren, irudi
honetan azaltzen diren kontzeptuak
betetzeko eskatuko dizue. Únete-ri
eman aurretik, hasieratik wiki bat
sortzeko aukera emango dizue,
baina lehenengo aldiz sartzen ari
bazarete eman ez.
Kontua sortu ondoren, irudi honetan
azaltzen den orrialdera eramango
zaituzte. Bertan, wiki bat sortzeko,
new wiki jartzen duen lekuan
sakatuko dugu. Baina aurrera jarraitu
baino lehenago, jakin ezazue,
wikispace-en argitaratuta dauden
gaiei edo artikuluei buruzko
informazioa aurkitzeko eta
irakurtzeko, pantailaren eskuin
aldean, goiko aldean, search
wikispaces jartzen duen lekuan sakatu.
Erregistratu
Behin erregistratuta, wiki berria sortzeko
Goierrikuak taldea
10
Aurreko atalean azaldu dudan
bezala, new wiki-ri sakatu wiki bat
sortzeko. Bertan sakatuz, honako
pantaila honetara ekarriko zaitue eta
bertan wikiaren izenburua jarriko
duzue. Nahiz eta zein den zure
industria galdetu, ez du garrantzi
handirik, nahi duzuen aukera ipini.
Zuek idatzi behar duzuen wikiak uso
educativo-a badu, klikatu bertan;
bestela jarraitu eta base wiki
aukeratu, wiki arrunt bat sortzeko.
Aurreko orritik, orrialde honetara
bidaliko zaituzte eta bertan wikia
sortzen hasteko, goiko aldean editar
jartzen duen lekuan sakatu. Aipatu
behar dugu, norbaitek zuekin batera
wiki bat egin nahi badu, bere kontu
propioarekin, aukera badagoela,
eskuineko aldean, miembros jartzen
duen leku horretan sakatuz. Edozein
pertsona gonbidatu dezakezue.
Wikia sortzeko lehen pausoak
Wikia editatu
Goierrikuak taldea
11
Orrialde honetan zuek nahi
duzuen gaia azalduko duzue
eta bukatu ondoren, goiko
aldean, eskuinetara, hiru
aukera dituzue; Preview
wikia nola geratuko
litzatekeen erakusteko,
Cancel sakatuz gero, idatzi
duzuen guztia borratu egingo
da. Eta Save sakatzen
baduzue, wikia gorde eta
ondorengo orrialdera
bidaliko zaituzte.
Orrialde honetan zuen
wikiak eguneratuta azalduko
dira, hala ere, akatsen bat
ikusten baduzue edo
aldaketan bat egin nahi
baduzue, editar sakatu
berriro. Orrialde honetan,
beste hainbat aukera ematen
zaizkizue, pantailaren
eskuinekoak batik bat.
Bertan hasierako orrira
joateko aukera duzue, azken
aldian egin diren aldaketak
ikusteko, zein orrialde dituzuen, zenbat kide zaudeten, administrazio kontuak eta zuek
egindako wikiak aurkitzeko bilatzaile bat.
Testuaren idazketa eta aukerak
Aldaketak, aukerak eta eguneratzea
Goierrikuak taldea
12
ONDORIOAK
Lan honen bidez Web 2.0-ren baliagarritasuna sakonago ezagutu dugu, bai eta tresna
ezberdinen existentzia ere (Scribd edota Goear, adibidez). Edozein arlotan oso
baliagarri diren arren, batez ere, irakaskuntzarako duten erabilgarritasunean zentratuko
gara.
Ikusi dugunaren arabera, ikasleei hainbat gai ezagutarazten lagun dezakete tresna
ezberdin hauek, haiek ikaskuntzako protagonista sentitzen badira, motibazio handiagoa
izango dutelako. Era berean, haiek protagonista sentitzeko ezinbestekoa da ikaskuntza
dinamikoa eta interaktiboa izatea, eta norabide bikoa.
Wiki-ak, adibidez, oso tresna aproposak dira ezaugarri hauek eman daitezen:
informazioa jasotzeaz gain, elkarbanatzeko aukera ere ematen dute, eta jakina da
ikasleak euren ulermen maila gorenera heltzen direla ikasitakoa ongi azaltzeko gai
direnean. Zer egokiagoa wiki-ak baino, dakiten hori modu erakargarri batean
adierazteko?
Oso interesgarria iruditu zaigu hauen erabilera eskoletan, izan ere, irakaskuntza
metodoak garaiko gizartearekin bat joan behar direla uste dugu eta, gaur egungo haurrak
natibo digitalak direnez, ikaste prozesua euren gustukoa izan dadin haien eguneroko
bizimodura hurbildu behar da.
Dena den, uste dugu tresna hauek hezkuntzan txertatze soilarekin ez dela nahikoa,
baizik eta nola erabili hausnartu eta probatu behar dela. Metodo hauek zuzenki
funtziona dezaten, IKT-ak baliatzeaz gain, pentsatu egin behar da haurrei nola aurkeztu
eta zein ariketatan aplikatu daitezkeen eta zeinetan ez.
Goierrikuak taldea
13
BIBLIOGRAFIA
http://www.barrixe.com/index.php/eu/tendencias/socioeconomicas/1313-la-web-
20-esta-transformando-la-sociedad
http://eu.wikipedia.org/wiki/Wiki
http://euskaljakintza.com/web-20-baliabideak/wikiak/
http://www.maestrosdelweb.com/editorial/queeswiki/
http://www.eduteka.org/WikisEducacion.php