WIDGETS ZUTABEA KUDEATZEKO

Zer dira widget-ak?

Informatika arloan widget izena ematen zaio programa edo aplikazio txikitxo bati. Maiz erabiltzen diren funtzioetarako sarbidea erraztea dute helburu, eta aldi berean funtzio hori ikusgai jartzen dute. Blogaren ezker - eskuin aldeko zutabeetan atal ezberdinak jar ditzakete ikusgai: loturak, kategoriak, testurik irakurrienak...

Hala ere, widget-en bidez askoz ere funtzio gehiago egin daitezke Internet-ek eskaintzen dituen informazioak eta zerbitzuak erabiliz eta beraiekin elkarreraginean arituz. Erlojuak, kalkulagailuak, egutegiak, agendak, jolasak, eguraldiari buruzko informazioa, hiriari buruzko

informazio jakingarria... nahi duzuena txertatu dezakezue, irudimenak lagun.

Widget batzuk bloga sortu duen sistemak berak eskaintzen ditu; beste asko Interneten doan topatu (egutegia, erlojua, irudiak...). Jar daitekeen widget kopurua erabiltzen ari garen sistemaren araberakoa izango da.

Widget-ak txertatzeko design (presentación) aukerara joan eta alboko barran widget aukeratu.

Orrialde hau zabalduko da. Eskumako zutabean aukeratu duzuen diseinuaren arabera blogak berak ezartzen dituenak ikusgai dauzkazue. Sistemak berak jarritakoak, alegia.

Ezkerraldean, berriz, aukera ditzakezuenak

dauzkazue.

Bakoitzaren ondoan “añadir” agertzen da. Txertatu nahi dituzuenean egin klik eta eskumako zutabean agertuko dira. Egizu widget hauekin (ohikoenak): categorías, enlaces, calendario, archivos, post más vistos, entradas recientes comentarios recientes, buscar, eta meta.

Widget bakoitzean “editar” aukera daukazue. Kasu batzuetan aldatu ahal dugu izena, hizkuntza... Beste kasu batzuetan sitemak ez du baimenik ematen ezer aldatzeko.

Beraz, zerbait aldatu nahi baduzue, banan banan sartu bakoitzean eta ematen duen aukera aztertu. Aldaketak egin ondoren “guardar cambios” eman

Flickr izeneko widget bat dago. Zertarako da hau? Blogetan sarritan Flickr webgunetik aukeratutako argazkiak agertzen

dira eskumako zutabean eta aldatzen doaz. Hau lortzeko gustatzen zaigun orriaren URLa topatu behar dugu (1) eta txertatu, “editar” botoian klik egiterakoan zabaltzen den leihatilan. Zenbat argazki agertuko diren ere aukeratu ahal dugu. Amaitzerakoan “guardar cambios” sakatu.

(1) URLa lortzeko Flickr webgunera

joan (http://www.flickr.com),

bilaketa bat egin eta zure gustoko

orrialde batean sartu. Joan orriaren

amaieraro eta gorria den RSS

sinboloan egin klik

Holako orri bat zabalduko da.

Hautatu goiko helbidea eta

eskumako botoiaz kopiatu

Blogera bueltatu eta

aipatutako leihatilan

itsatsi. Gero zenbat

argazki agertzea nahi

duzun erabaki eta

“guardar cambios”

sakatu.

Amaitzeko, hautatutako widget-en ordena aldatu ahal duzue bakoitzaren gainean jarriz (gurutze bat agertuko da) eta mugituz

Joan, orain, “VISIT SITE”(VER SITIO) aukerara eta bertan egiaztatu egin dituzuen aldaketak gorde diren ala ez.