Ambientación
Na mañá do Domingo de Pascua celebramos con máis gozo e esperanza a
resurrección do noso Señor Xesucristo.
Adornamos unha sala ou o comedor con flores ou con cartolinas de cores, con
motivos que expresen alegría: chocolates, doces ou gominolas.
Saúdo
Guía: (mentres se fai o sinal da cruz)
No nome do Pai e do Fillo e do Espírito Santo.
Todos: Amén.
Introdución
Guía:
FELIZ PASCUA!
Hoxe celebramos a festa da resurrección do Señor. Facémolo en familia pero
estamos unidos a toda a Igrexa que conmemora o día glorioso no que Cristo
triunfou sobre a morte.
Naquel día, o primeiro da semana, o corazón das mulleres e dos discípulos
experimentaron a ledicia de atoparse con Xesús. Ese encontro co Resucitado
cambiou as súas vidas; desde ese momento fixéronse testemuñas da
Resurrección. E o seu testemuño chega ata nós.
Neste tempo que nos toca vivir, onde parece que a enfermidade nos vence
e a morte nos amedrenta, a Resurrección lémbranos que a Vida triunfou sobre a
morte, o Ben sobre o mal e a Esperanza sobre o derrotismo.
Imos rezar por todas as persoas, de maneira particular polas que máis están
sufrindo, para que nesta Pascua a súa tristura se transforme en gozo.
ALELUIA. O SEÑOR RESUCITOU!
Cantamos o Aleluia, un canto gozoso propio do tempo pascual.
Se non sabemos ningún Aleluia podemos buscar algún en internet:
https://www.youtube.com/watch?v=rypwRcb2MHs
https://www.youtube.com/watch?v=Fow46aUr-8k
https://www.youtube.com/watch?v=rypwRcb2MHshttps://www.youtube.com/watch?v=Fow46aUr-8k
Lectura
Xesús resucitou no abrente do primeiro día da semana, e aparecéuselle
en primeiro lugar a María Magdalena. Ela fóillelo dicir aos compañeiros del,
que estaban chorosos e tristeiros. Pero estes, oíndolle dicir que estaba vivo
e que ela o vira, non llo creron.
Despois disto, aparecéuselles, en figura diferente, a dous que ían de
camiño a un lugar. Estes fóronllelo contar tamén ós demais, pero nin a eles
os creron.
Por último, aparecéuselles ós Once mentres estaban á mesa,
botándolles na cara a súa incredulidade e a dureza de corazón, por non
creren a aqueles que o viran resucitado de entre os mortos. E díxolles:
- «Ide polo mundo enteiro, anunciando a Boa Nova a toda a creación.
Quen crea e se bautice, salvarase».
Lector: Palabra do Señor.
Todos: Gloria a Ti Señor Xesús.
Comentario
Nos relatos da resurrección percibimos como nas mulleres, nos discípulos e nos
apóstolos se opera unha transformación: a tristura dá paso á alegría, o medo á
valentía, a desesperanza á ilusión.
Cristo vive e eles acadan nova vida en Cristo. Desde ese momento a súa existencia
muda de maneira radical.
E esa transformación gozosa exprésase nun berro esperanzado: ALELUIA.
Tamén nós, neste tempo estamos chamados a berrar “Aleluia”. Fronte ao silencio,
ao temor, ao desánimo, á incerteza ou á desconfianza, os crentes berramos con
gozo ALELUIA.
Podemos ler as preguntas 36, 37 e 38 do catecismo Xesús é o Señor (páx. 142)
Tamén podemos ver este vídeo:
https://www.youtube.com/watch?v=7um7PXQ5Xd0
Credo
Acendemos unha vela, signo da Luz de Cristo resucitado, mentres cantamos una
canción que faga referencia á luz que é Cristo:
A Cristo cantamos: https://www.youtube.com/watch?v=tam6d8Jv8_0
Enciende una luz: https://www.youtube.com/watch?v=iONwSv0oGSg
https://www.youtube.com/watch?v=7um7PXQ5Xd0https://www.youtube.com/watch?v=tam6d8Jv8_0https://www.youtube.com/watch?v=iONwSv0oGSg
Guía:
O Credo é o núcleo da nosa fe, da fe da Igrexa.
Proclamámolo nas celebracións importantes e tamén antes de recibir o
bautismo ou a confirmación.
Hoxe profesamos xuntos a fe dicindo: Si, creo.
Guía:
Credes en Deus, Pai todopoderoso,
creador do ceo e máis da terra?
Todos: Si, creo.
Guía:
Credes en Xesucristo, o seu único Fillo,
noso Señor, que naceu de santa María Virxe,
morreu e foi sepultado, resucitou de entre os mortos,
e está sentado á dereita do Pai?
Todos: Si, creo.
Guía:
Credes no Espírito Santo,
na santa Igrexa católica,
na comuñón dos Santos,
no perdón dos pecados
na resurrección da carne e na vida eterna?
Todos: Si, creo.
Guía:
Esta é a nosa fe, esta é a fe da Igrexa que nos gloriamos de profesar.
Por Xesucristo nosos Señor.
Todos: Amén.
Oración Universal
Guía:
Por medio de Xesucristo, resucitado da morte polo poder do Espírito Santo,
dirixamos as nosas pregarias a Deus Pai dicindo: Alumea, Señor, a nosa vida.
Lector: Pola Igrexa, comunidade de esperanza; para que por medio do Papa, dos
bispos, dos sacerdotes e diáconos, proclame ao mundo o gozo da fe.
Oremos.
Todos: Alumea, Señor, a nosa vida.
Lector: Por todas as persoas bautizadas; para que vivamos con coherencia a fe en
Cristo Xesús. Oremos.
Todos: Alumea, Señor, a nosa vida.
Lector: Polos que se preparan para recibir os sacramentos da iniciación cristiá; para
que se incorporen plenamente á Igrexa e vivan como fillos amados de
Deus. Oremos.
Todos: Alumea, Señor, a nosa vida.
Lector: Polas nacións do mundo, que neste día de Pascua escoitan unha mensaxe
de paz; para que por medio dos seus gobernantes promovan o
desenvolvemento, a concordia e o progreso. Oremos.
Todos: Alumea, Señor, a nosa vida.
Lector: Por todas as persoas que sofren a causa da pandemia, por todos os que
entregan o seu tempo, o seu traballo e o seu esforzo nesta situación tan
difícil, por todos os que viven respectando o confinamento; para que atopen
consolo e esperanza nestas festas pascuais. Oremos.
Todos: Alumea, Señor, a nosa vida.
Podemos engadir todas aquelas intencións que queiramos presentar ao
Resucitado para que as encha de Vida.
Guía:
Señor, noso Deus,
ti que, polo poder do Espírito,
resucitaches a Xesús do reino dos mortos
escoita a oración que che diriximos.
Por Xesucristo noso Señor.
Todos: Amén.
Achéganse as letras da palabra ALELUIA para colorear, recortar e pegar
sobre un fío. Despois pódense colgar da ventá ou do balcón
manifestando a alegría e o colorido da Pascua de Resurrección.
Noso Pai
Todos: Noso Pai que estás no ceo;
santificado sexa o teu nome,
veña o teu reino e fágase a túa vontade
aquí na terra coma no ceo.
Dános hoxe o noso pan de cada día;
perdoa as nosas ofensas,
como tamén perdoamos nós
a quen nos ten ofendido;
e non nos deixes caer na tentación,
mais líbranos do mal.
Amén.
Oración final
Recitamos todos xuntos esta oración. Pódese fotocopiar ou pode o Guía recitar a
frase e despois repítese.
Todos:
Xesús,
Ti es máis forte que a morte.
Coa Igrexa proclamamos:
“Este é o día no que o Señor actuou,
alegrémonos Nel e relouquemos” Aleluia!
Xesús,
Ti estás sempre con nós
cando estamos reunidos no teu nome,
cando participamos na mesa da Palabra e da Eucaristía,
cando amamos e servimos aos nosos irmáns.
Ti estás sempre con nós. Aleluia!