Embed Size (px)
Citation preview
BASES “X EDICIÓN: PREMIOS CARRO DE
PRATA 2017”
O premio Carro de Prata foi instaurado con carácter honorífico pola Asociación Sociocultural
ASCM no ano 1997. Cunha periodicidade bienal, ten como finalidade recoñecer e galardoar a
aquelas entidades ou persoas que se distinguiron polas suas accións a prol do colectivo de
persoas con discapacidade dentro da comarca de Ferrolterra, tanto no campo da
accesibilidade como no ocio e tempo libre, deporte, integración social, cultural, laboral,
investigación, etc.
1. A Asociación Sociocultural ASCM quere premiar, con carácter exclusivamente
honorífico, ás entidades tanto públicas como privadas, asociacións ou persoas, que se
distinguiran polas súas accións a prol das persoas con discapacidade, ou ben que
destacaran polo seu labor de apoio na integración social, cultural ou laboral deste
colectivo.
2. O Premio Honorífico concédese á proposta de calquera persoa ou organismo. Aqueles
que consideren que unha determinada entidade ou persoa física é merecedora deste
premio por coñecer a súa destacada tarefa, poderán enviar a candidatura por email na
dirección: [email protected] e efectuar a proposta correspondente,
aportando a información que acredite os méritos para optar ao premio.
A "ASCM" poderá, así mesmo, presentar as candidaturas que estime oportunas ao
xurado para o seu estudio e consideración.
3. Os candidatos ó premio terán que ter desenvolvido o seu labor dentro do marco
xeográfico da comarca de Ferrolterra.
4. O xurado, aínda por confirmar, estará composto por personalidades relevantes do
sector, representantes dos medios de comunicación, un máximo de dous integrantes
da ASCM e representantes políticos.
5. O xurado do premio analizará e valorará as actividades e logros acadados. No exercicio
da súa función o xurado poderá pedir asesoramento e recadar a información
complementaria que estime procedente. A actividade do xurado non será retribuída.
En caso de empate, será o presidente da ASCM quen decida.
6. O prazo de admisión de propostas farase público aos medios de comunicación
comarcais e rematará o mércores 1 de novembro de 2017.
7. Unha vez cumprido o prazo de admisión de propostas, a información sobre os
candidatos será enviada a través de correo electrónico ós membros do xurado. O
premiado será elexido nunha reunión o día 14 de novembro na sede ferrolana da
asociación. A proclamación do premiado terá lugar o día 26 de novembro durante a
Gala Institucional 30ºAniversario.
8. As decisións do xurado referentes a todo o proceso de concesión serán inapelables.
PRESENTACIÓN CANDIDATURA
“X EDICIÓN: PREMIOS CARRO DE PRATA 2017” PERSOA QUE PROPÓN A CANDIDATURA Nome da entidade/persoa que propoñe a candidatura: ___________________________________ Teléfono de contacto: ____________________ Enderezo electrónico:____________________________
PERSOA PROPOSTA PARA A DISTINCIÓN Nome da entidade/persoa proposta para a distinción: ____________________________________ Ámbito: (marque a opción que corresponda) Accesibilidade Ocio Deporte Integración social Cultural Laboral Investigación Outro: _________________
Datos máis relevantes e méritos da entidade/persoa proposta: (pode continuar noutra folla se é necesario)
*A presentación desta candidatura supón a aceptación plena e incondicional das bases do galardón “Carro de plata”. De conformidade ó disposto na LO 15/1999 de Datos de Carácter Persoal, informámoslle que os datos de carácter persoal recollidos neste documento forman parte dun arquivo, propiedade da ASOCIACIÓN SOCIOCULTURAL ASCM, cuxa finalidade é atender a xestión solicitada. Vostede poderá exercer os dereitos de acceso, rectificación, cancelación u oposición, segundo o disposto na lei, poñéndose en contacto co noso Dpto. de Dereitos ARCO na Dirección: C/ San Roque y Ánimas Bloque 2, Baixos 18‐19, 15403 Ferrol (A Coruña).
