O RAPOSO E O OURIZO

HABÍA UNHA VEZ UN OURIZO MOI TRABALLADOR QUE SEMPRE ESTABA PLANTANDO E PLANTANDO.

UN DÍA CHEGOU UN RAPOSO E DÍXOLLE : “ESTAS TERRAS SON MIÑAS E TODO O QUE MEDRA NELAS TAMÉN”

PERO FAREMOS UN TRATO, TODO O QUE MEDRE ENRIBA DA TERRA SERÁ PARA MIN E O QUE MEDRE DEBAIXO DELA PARA TI.

PERO O OURIZO ERA MOI, MOI LISTO. E… PENSOU E PENSOU E TIVO UNHA GRANDE IDEA.

PLANTOU PATACAS, CENORIAS, REMOLACHAS…,TODO CANTO MEDRA BAIXO DA TERRA. MENTRES EL TRABALLABA, O RAPOSO MIRABA.

CHEGOU O TEMPO DE RECOLLER. O RAPOSO BUSCOU E BUSCOU PERO NON ATOPOU MÁIS QUE FOLLAS E MÁIS FOLLAS.

O OURIZO MENTRES, RECOLLEU MONTÓNS DE PATACAS, CENORIAS, REMOLACHAS… TANTAS QUE COMPARTIU COS SEUS AMIGOS.

O RAPOSO ENFADADO QUIXO UN NOVO TRATO E DIXO: “A PARTIR DE AGORA TODO CANTO MEDRE BAIXO DA TERRA SERÁ PARA MIN E O QUE MEDRE ENRIBA DELA PARA TI”

O OURIZO PÚXOSE A TRABALLAR DE NOVO E PLANTOU TOMATES, PEMENTOS, AMORODOS… TODO CANTO MEDRA ENRIBA DA TERRA.

CHEGOU O TEMPO DE RECOLLER. O RAPOSO BUSCOU E BUSCOU PERO NON ATOPOU MÁIS QUE RAÍCES E MÁIS RAÍCES.

O OURIZO MENTRES TANTO RECOLLEU TOMATES, PEMENTOS, MAZÁS, AMORODOS…TANTOS, QUE COMPARTIU COS SEUS AMIGOS.

O RAPOSO MORTO DE FAME DECIDIU MARCHAR DAQUEL LUGAR E NON VOLVEU MOLESTAR NUNCA AO OURIZO.

E FOISE TAN, TAN LONXE QUE NINGUÉN SABE ONDE CHEGOU.E COLORÍN, COLORADO ESTE CONTO ESTÁ REMATADO!!!