Union Patriotico Progresista - Brazil 163 - Aruba - E-mail: upp.unista @gmail.com

Na Presidente di Parlamento di Aruba;Lider di Fraccion di AVP;

Lider di Fraccion di MEP;

Lider di Fraccion di PDR;

Min ister-President di Aruba;Minister di Asu ntonan Economico;Minister di Ensehanza;Presente.

Oranjestad 10 difebruari 2016

Apreciable Dignatarionan,

Pa medio di e carta aki partido UPP ta acerca tanto Parlamento como Gobierno cu lo siguiente.Den e proceso di un posibel reapertura di e refineria tin hopi aspectonan cu a bin dilanti y cu tatopiconan di atencion, pa cual UPP tambe sin su atencion y preocupacionnan. Asina nos pormenciona p.e. e aspecto laboral unda nos hendenan mester ta na prome lugar, e aspecto

ambiental, mirando e "uitstoot" di huma toxico, regimen fiscal, traspaso di facilidadnan etc., pa

cual UPP ta urgi tanto na Parlamento como Gobierno pa regla esakinan na un forma cu nos Pais y

nos Pueblo lo sali benificioso di dje.

Loke a hala nos atencion y cu ta un di e aspectonan cu tin nos atencion y cu nos ta desea esaki

wordo atendi den tanto Parlamento como Gobierno, ta e asunto di traspaso di facilidadnan direfineria pa Pais Aruba.Recientemente partido UPP a tuma nota di un declaracion di Minister President Mike Eman den

nos medionan di comunicacion, na unda a expresa e intencion pa busca cumprador pa e pa e

facilidadnan di bende gasolin y pompnan di gasolin cu ta riba nomber di Valero, pa di e manera ey

Aruba lo por haya den 60 miyon florin extra den caha.

Na mes momento nos a tuma nota di declaracion di Minister di Asuntonan Economico, durantetratamento di presupuesto comienzo di februari, tocante un eventual hayasgo di gas natural bounos subsuela di laman, unda cu e mandatario a laga sa cu kizas lo mester bin un fondo nacional pa

garantisa cu e ganashi for di exploracion di gas lo bay pa contribui na desaroyo di nos pais. E

ultimo aki segun e modelonan di paisnan Nordico na Europa, cu ta garantisa cu entrada for di gas

of crudo lo mester bin na bienestar y progreso di henter e comunidad.

Partido di UPP ta para completamente tras di un vision asina aki, pero kier mira inclui e exigencia

cu e fondo lo wordo maneha di un forma transparente y cu ta wordo controla a base di reglanan

estricto di "Good Governance", pa asina Barantisa cu e fondonan aki ta contribui realmente na

desaroyo di nos Comunidad Arubano.

Den e cuadro aki partido UPP ta plantea e siguiente proposicion. No bende e facilidadnan di

benta di gasolina na e refineria, ni e pompnan di gasolin cu ta cay bou Valero, pero traha un ley

desde awor caba pa haci e facilidadnan aki un compania estatal. Hunto cu esaki mester realisa

por medio di ley un fondo cu lo tin como unico meta pa haya contribucion for di hustamente e

operacion di facilidadnan aki cu lo wordo destina pa nos Ensefianza en general. Alabes nos ta urgipa hunto cu esaki e facilidadnan di transhipment tambe bay para den man di Pueblo, pa cual e

fondonan di ganashi genera por bay na beneficio di renobacion, inovacion y upgrading di nos

sistema di ensefianza. Asina aki ta crea e Fondo Nacional pa Enseflanza.

UPP ta di opinion, cu bendemento di e facilidadnan cu un compania priva lo trece menos

beneficio pa nos finanzas publico, mientras cu gran parti di e ganashi lo keda den man di e

dofronan di e compania priva. Creacion di un compania estatal, basa riba "Good Governance" y

"Corporate Governance", lo nifica cu e ganashi lo keda den man di estado y den e caso aki na

bienstar di esefianza. Na mes momento por mitiga di e manera aki e gasto di e producto pa e

consumidor, mientras cu e consumidor, via di e ganashi di e compania di estado ta keda aporta

na e fondo nacional aki.

Bendemento di e facilidadnan aki ta trece solamente pa un biaha e suma grandi di 60 miyon

florin aden. Mientras cu siendo compania di estado e sumanan di ganashi por wordo hinca den

un fondo nacional cu ta bay na bienstar di nos hubentud y ensehanza en general di nos pueblo.

Sperando di por a contribui cu un idea positivo y cu ta na bienestar di particularmente nos

hobennan y di esnan cu kier sigui prepara nan mes, nos ta termina y cu e speranza di por haya

oido y apoyo pa e idea presenta aki.

Cc: Directiva di Scolnan; Sindicatonan y Medionan di Comunicacion

Atentamente,Den nomber di partido U

D. Weverr/Presidente