Upload
others
View
12
Download
0
Embed Size (px)
Citation preview
AKTA
OHIKO OSOKO BILKURA
2018-09-17
Bilera: Ohiko Osoko Bilkura
Bilera-zenbakia: Lehenengo deialdia
Eguna: 2018-09-17 (astelehena)
Ordua: 18:30-19:30
Tokia: Dimako udaletxeko batzar aretoa
Bertaratuak:
Nekane Intxaurtza Etxebarria, Alkatea
Ibon Iza Totorika, zinegotzia.
Jose Maria Atutxa Olabarri , zinegotzia .
Francisco De Borja Ruiz Huerta, zinegotzia.
Maria Yolanda Palacios Palacios, zinegotzia.
Josu Gorospe Lapatza, zinegotzia.
Iurdana Acasuso Atutxa, zinegotzia.
Felix Perez Santirso, idazkaria
Bertaratuezinak:
Jose Antonio Aurrekoetxea Olabarria, zinegotzia.
Francisco Javier Arteaga Plaza, zinegotzia.
Diman, udaletxeko batzar aretoan, bi mila ta hamazortziko irailaren
hamazazpiko arrastiko sei t´erdiak diranean, goian aipatutako zinegotzi jaun-
andreak bildu dira Nekane Intxaurtza Etxebarria alkate buru dala eta Felix Perez
Santirso idazkariaren laguntzaz.
Jarraian Alkateak, Udalbatzak 2018-05-14 eta 2018-07-17ko aktak onartu
ondoren, gai zerrenda aztertzeari ekin dautso.
GAIAK
1. 2017ko Kontu Orokorraren onarpenerako batzordearen proposamena.
2. 2018ko udal aurrekontuetako bigarren hiruhilabeteko informazioaren barri
emotea.
3. 4/18 zki.ko aurrekontu aldaketari buruzko akordioa.
4. 5/18 zki.ko aurrekontu aldaketari buruzko akordioa.
5. 6/18 zki.ko aurrekontu aldaketari buruzko akordioa.
6. Aurrekontu itxietako zerga batzuen ezabaketa.
7. Elexalde eta Landaburu kaleak eraldatzeko urbanizazio proiektuaren
burutzapenerako baldintza-sorta onartu eta lizitazio elektronikoa hasteko
akordioa.
8. Euskaraldiaren adierazpena.
9. Udal batzordeetan jorratutako gaien barri emotea.
10. Dekretuen barri emotea.
11. Eskari eta galderak.
2017KO KONTU OROKORRAREN ONARPENA
2017ko Kontu Orokorraren espedientearen barri Udal Osoko Bilkurari emon
jako.
Alkate Udalbatzaburu and.k hartu dau berba adierazoteko bere egunean
Ogasun Batzordean 2017ko Kontu Orokorraren ganeko azalpenak emon eta
Bizkaiko Aldizkari Ofizialean argitaratu ondoren, espedientea osoko bilkura
honetara ekarri dala bere onarpenerako.
Talde politiko bien bozeramoileek adierazo dabe aldeko botoa emongo dabela
eta bozketa burutu ondoren, 2017ko Kontu Orokorra aho batez onartua izan da.
2018KO UDAL AURREKONTUETAKO BIGARREN
HIRUHILABETEKO INFORMAZIOAREN BARRI EMOTEA
2018ko udal aurrekontuen bigarren hiruhilabeteko ejekuzioaren barri Udal
Osoko Bilkurari emon jako.
Alkate and.k, abenduaren 2ko 10/2003 Foru Arauaren 64.artikuluan
oinarriturik, aurkeztu dauz aurtengo udal aurrekontuetako bigarren
hiruhilabeteko ejekuzioaren xehetasunak. Era berean, uztaileko 15/2010eko
legearen 4.artikuluak agintzen dauan legez, Alkate and.k berankortasunean
dagozan fakturen zerrendaren barri emon dau.
Udal Osoko Bilkura jakitun geratu da.
04/18 ZKI.KO AURREKONTU ALDAKETAREN ONARPENA
04/18 aurrekontu aldaketa onartzeko proposamenaren barri Udal Osoko
Bilkurari emon jako.
Francisco De Borja Ruiz Huerta EH BILDUko zinegotzi jn.k berba hartu dau
aurrekontu aldaketa honen proposamena azaltzeko. Adierazo dauan lez,
aurrekontu aldaketa hau finantziatuko da kreditu gaikuntza bidez: ondorengo
rubriketan espero ziran baino sarrera gehiagoren kontu:
SARRERAK HASIERA ALDAKETA AMAIERA
112 02 IBI/OHZ Hiri ondasunak 102.000,00 2.750,00 104.750,00
321 99 Bide publikoen kanona 2.500,00 1.536,07 4.036,07
GUZTIRA 4.286,07
GASTUAK HASIERA ALDAKETA AMAIERA
161 221 02 Ure 650 301,9 951,9
459 212 00 Obren kontserbazioa 17000 1.150,00 18150
920 226 04 Juridikoak-notaritza 3.150,00 1.680,10 4.830,10
920 227 07 Udal inbentarioa 4.000,00 532,27 4.532,27
136 227 99 Bide ertzetako arbolen arriskua 621,80 621,8
GUZTIRA 4.286,07
Jarraian 04/18 aurrekontu aldaketa onartzeko proposamena botutara jarri da
ondorengo emoitzagaz:
Botoak guztira: 7, aldekoak: 7.
Aldeko botoak: Nekane Intxaurtza Etxebarria and. (EH BILDU), Ibon Iza Totorika jn.
(EH BILDU), Jose Maria Atutxa Olabarri jn. (EH BILDU), Maria Yolanda Palacios
Palacios and. (EH BILDU), Francisco De Borja Ruiz Huerta jn. (EH BILDU), Iurdana
Acasuso Atutxa and. (EAJ/PNV),eta Josu Gorospe Lapatza jn. (EAJ/PNV),
Udal Osoko Bilkurak, 04/18 aurrekontu aldaketa onartzeko proposamena
bozkatu ondoren, aho batez eta gehiengo osoz onartu eban.
05/18 ZKI.KO AURREKONTU ALDAKETAREN ONARPENA
05/18 aurrekontu aldaketa onartzeko proposamenaren barri Udal Osoko
Bilkurari emon jako.
Francisco De Borja Ruiz Huerta EH BILDUko zinegotzi jn.k berba hartu dau
aurrekontu aldaketa honen proposamena azaltzeko. Adierazo dauan lez,
ejekutatuko ez dan partida baten kopurua transferituko dala ondorengo
rubriketara:
BAJAK HASIERA ALDAKETA AMAIERA
170 60000 Lurra/Basoen erosketa 14.600,00 14.600,00
GUZTIRA 14.600,00
ALTAK HASIERA ALDAKETA AMAIERA
136 227 99 Bide ertzetako arbolen arriskua 9.657,15 9657,15
338 685 01 Jaietarako aulkiak eta mahaiak 4.942,85 4942,85
GUZTIRA 14.600,00
Jarraian 05/18 aurrekontu aldaketa onartzeko proposamena botutara jarri da
ondorengo emoitzagaz:
Botoak guztira: 7, aldekoak: 7.
Aldeko botoak: Nekane Intxaurtza Etxebarria and. (EH BILDU), Ibon Iza Totorika jn.
(EH BILDU), Jose Maria Atutxa Olabarri jn. (EH BILDU), Maria Yolanda Palacios
Palacios and. (EH BILDU), Francisco De Borja Ruiz Huerta jn. (EH BILDU), Iurdana
Acasuso Atutxa and. (EAJ/PNV) eta Josu Gorospe Lapatza jn. (EAJ/PNV).
Udal Osoko Bilkurak, 05/18 aurrekontu aldaketa onartzeko proposamena
bozkatu ondoren, aho batez eta gehiengo osoz onartu eban.
06/18 ZKI.KO AURREKONTU ALDAKETAREN ONARPENA
06/18 aurrekontu aldaketa onartzeko proposamenaren barri Udal Osoko
Bilkurari emon jako.
Francisco De Borja Ruiz Huerta EH BILDUko zinegotzi jn.k berba hartu dau
aurrekontu aldaketa honen proposamena azaltzeko. Adierazo dauan lez,
aurrekontu aldaketa hau finantziatuko da era honetan 2017ko diruzaintzako
gerakinaren kontu:
SARRERAK
HASIERA ALDAKETA AMAIERA
87000 Diruzaintzako gerakina 94.843,98 94.843,98 _
Guztira……94.843,98,-€
GASTUAK
HASIERA ALDAKETA AMAIERA
1531 601 02 Ugariotzeko basobidea _ 9.843,98 9.843,98
601 00 133 Herriko plazaren proiektua 228.236,34 85.000 313.236,34
Guztira……94.843,98,-€
Iurdana Acasuso Atutxa EAJ/PNVko udal talde politikoaren bozeraemoilea
danak berba hartu dau adierazoteko bere taldeak kontrako botoa emongo dauala,
herriko plazaren proiektuagaz ados ez dagoalako.
Jarraian 06/18 aurrekontu aldaketa onartzeko proposamena botutara jarri da
ondorengo emoitzagaz:
Botoak guztira: 7, aldekoak: 5; kontrakoak: 2.
Aldeko botoak: Nekane Intxaurtza Etxebarria and. (EH BILDU), Ibon Iza Totorika jn.
(EH BILDU), Jose Maria Atutxa Olabarri jn. (EH BILDU), Maria Yolanda Palacios
Palacios and. (EH BILDU), Francisco De Borja Ruiz Huerta jn. (EH BILDU).
Kontrako botoak: Iurdana Acasuso Atutxa and. (EAJ/PNV) eta Josu Gorospe Lapatza
jn. (EAJ/PNV).
Udal Osoko Bilkurak, 06/18 aurrekontu aldaketa onartzeko proposamena
bozkatu ondoren gehiengo osoz onartu eban.
AURREKONTU ITXIETAKO ZERGA BATZUEN EZABAPENARI BURUZKO
AKORDIOA
18-09-05eko Ogasun Batzordetik egindako aurrekontu itxietako eskubide eta
betebehar ekonomiko batzuek ezabatzeko proposamenaren barri Udal Osoko
Bilkurari emon jako.
Jarraian udaleko idazkari-kontuhartzaileak hartu dau berba adierazoteko
ondorengo aurrekontu itxietako sarrerak eta gastuak indargabetuak izan behar
dirala gauzatuko ez diralako, jarraian eta kasurik kasu adierazoten diran
arrazoiengaitik:
SARRERAK
URTEA PARTIDA
2011 282 00 ICIO deritzona (Eraikuntza, Instalakuntza eta Obren gaineko
Zerga) ………..….224,-€ (Vodafone) zergatik salbuetsita.
2011 282 00 ICIO deritzona (Eraikuntza, Instalakuntza eta Obren gaineko
Zerga) …..….3.453,59.-€ (Eduardo Fernandez Aguirre jn.) Lan baimenaren ukapena.
2015 282 00 ICIO deritzona (Eraikuntza, Instalakuntza eta Obren gaineko
Zerga) ………..….0,04.-€ (Iosu Olanga jn.)Akats materialaren zuzenketa.
2016 282 00 ICIO deritzona (Eraikuntza, Instalakuntza eta Obren gaineko
Zerga) ………..….150.-€( Naturgas) zergatik salbuetsita.
2016 282 00 ICIO deritzona (Eraikuntza, Instalakuntza eta Obren gaineko
Zerga) ………..….448,78.-€( Euskaltel) zergatik salbuetsita.
2016 312 01 Zerbitzu publikoak eta jarduera administratiboak
burutzeagaitiko tasa……. 40,-€ (Naturgas) tribututik salbuetsita.
2016 312 01 Zerbitzu publikoak eta jarduera administratiboak
burutzeagaitiko tasa ….40,.€ (Euskaltel) tribututik salbuetsita.
2017 410 01 Dirulaguntza….103,08,-€ (Eusko Jaurlaritza) Liburutegiko
ekintzak aurrera eramateko diru laguntzaren itzulpena
GASTUAK
URTEA PARTIDA
2016 1532 60100 434,66,-€ (Abi eraikuntza koop. elk. Txikia)
Lamindao-Iraugiko bidearen konponketa.
2016 1621 60100 188.29,-€ (Prevenor)
Oba bekoko saneamenduaren obra gehigarria
2016 1532 60100 1284,93,-€ (Construcciones Olabarric S.A).
Indusiko Zentralaren bidean tramu ezberdinen konponketa
2016 1531 60111 0,03 (Abi eraikuntza koop. elk. Txikia)
Obra gehigarria
2016 1532 60100 3280,54,-€ (Abi eraikuntza koop. elk. Txikia)
Landaxuela. Bidea egokitzea II. Tramu zatia
2017 133 60100 11.788,17,-€ (Construcciones Ekin)
Herriko plazaren birmoldaketaren I fasea..
Jarraian aurrekontu itxietako eskubide eta betebehar ekonomiko batzuek
ezabatzeko proposamena botutara jarri da ondorengo emoitzagaz:
Botoak guztira: 7, aldekoak: 7.
Aldeko botoak: Nekane Intxaurtza Etxebarria and. (EH BILDU), Ibon Iza Totorika jn.
(EH BILDU), Jose Maria Atutxa Olabarri jn. (EH BILDU), Maria Yolanda Palacios
Palacios and. (EH BILDU), Francisco De Borja Ruiz Huerta jn. (EH BILDU), Iurdana
Acasuso Atutxa and. (EAJ/PNV) eta Josu Gorospe Lapatza jn. (EAJ/PNV).
Udal Osoko Bilkurak, aurrekontu itxietako eskubide eta betebehar ekonomiko
batzuek ezabatzeko proposamena bozkatu ondoren, aho batez eta gehiengo osoz
onartu eban.
ELEXALDE ETA LANDABURU KALEAK ERALDATZEKO URBANIZAZIO
PROIEKTUA BURUTZEKO BALDINTZA-SORTA ONARTU ETA LIZITAZIO
ELEKTRONIKOA HASTEKO AKORDIOA
Elexalde eta Landaburu kaleak eraldatzeko urbanizazio proiektua burutzeko
baldintza-sorta onartu eta lizitazio elektronikoa hasteko proposamenaren barri
Udal Osoko bilkurari emon jako.
Jarraian Nekane Intxaurtza Etxebarria Udalbatzarburu and.k berba emon dautso
udaleko idazkariari-kontuhartzaileari kontratazino honen azalpenak emon
dagiazan. Udal funtzionario honek adierazo dau espediente honetan lehen
lizitazino elektronikoa egingo dala eta erabiliko dan administrazio prozedura
sinplifikatua izango dala, azaroaren 8ko 9/2017 Sektore Publikoaren Kontratuen
159 artikuluan aurreikusitakoa, hain zuzen be.
Bestalde adierazo dau kontrato honen hasierako prezioa 293.000,-€koa izango
dala (BEZ barne), ebaluetako irizpideak prezio eta epea izango dirala.
Azken batean eskaintzak aurkezteko epea hogei lan egunekoa izango da Euskal
Autonomi Erkidegoko kontrataziorako plataforman eskegi eta hurrengo egunetik
hasita.
Iurdana Acasuso Atutxa EAJ/PNVko udal talde politikoaren bozeraemoilea
danak berba hartu dau esateko eurek gai honen aurka bozkatuko dabela plazaren
proiektu honen kontra dagozalako.
Jarraian, Aurrekoetxea eta Buruaga arkitektoek egindako Dimako Elexalde eta
Landaburu kaleak eraldatzeko urbanizazio proiektua, aurrekontua, administrazio-
baldintza sorta onartu eta lizitazio elektronikoari hasiera emoteko proposamena
botutara jarri da ondorengo emoitzagaz:
Botoak guztira: 7, aldekoak: 5; kontrakoak: 2.
Aldeko botoak: Nekane Intxaurtza Etxebarria and. (EH BILDU), Ibon Iza
Totorika jn. (EH BILDU), Jose Maria Atutxa Olabarri jn. (EH BILDU), Maria
Yolanda Palacios Palacios and. (EH BILDU), Francisco De Borja Ruiz Huerta
jn. (EH BILDU)
Kontrako botoak: Acasuso Atutxa and. (EAJ/PNV) eta Josu Gorospe Lapatza
jn. (EAJ/PNV).
Udal Osoko Bilkurak, Aurrekoetxea eta Buruaga arkitektoek egindako
Dimako Elexalde eta Landaburu kaleak eraldatzeko urbanizazio proiektua,
aurrekontua, administrazio-baldintza sorta onartu eta lizitazio elektronikoari
hasiera emoteko proposamena bozkatu ondoren, gehiengo osoz onartu eban.
EUSKARALDIA UDAL BARRUAN SUSTATZEKO ERAKUNDE-
ADIERAZPENA
Nekane Intxaurtza Etxebarria Udalbatzarburu and.k hartu dau berba
adierazoteko talde poltikoek adostutako Euskaraldia udal barruan sustatzeko
erakunde-adierazpen hau:
Bizkaian bi hizkuntza ditugu ofizialak: euskara eta gaztelania. Begi bistakoa da, ordea, bi hizkuntzok ez daudela oreka egoera batean, ez esparru publikoan ez eta gizartean ere: gaztelania da nagusi. Uste dugu orain arteko ahaleginarekin bakarrik ez direla bi
hizkuntzak parekatuko, indar gehiago jarri behar dugula hizkuntza-berdintasuna bultzatzeko; euskara lehenetsi behar dugula, alegia. Izan ere, gizarte-, genero- eta hizkuntza-berdintasuna lortzea dugu helburu, eta, horrenbestez, horretara bideratutako urratsak egitea.
UNESCOrentzat ere munduko hizkuntza-ondarea zaintzea eta hizkuntza gutxituak garatu ahal izatea da mende honek duen erronkarik garrantzitsuenetako bat. Izan ere, 7.000 hizkuntza inguruk osatzen dute munduko hizkuntza-ondarea. Munduko biztanleen % 97k hizkuntzen % 4 hitz egiten du ama-hizkuntza gisa, eta biztanleen % 3k hitz egiten du hizkuntzen gainerako % 96a. Horrela, bada, hizkuntza gutxi batzuk dira nagusi munduan, hizkuntza txiki eta gutxitu askorekin elkarbizitzan.
Bizkaian ere hizkuntza asko hitz egiten dira eta ikasi beharko dugu aniztasun hori egoki kudeatzen; baina bizikidetza osasuntsu baterako lehen urratsa euskara eta gaztelaniaren arteko elkarbizitza orekatua lortzea da.
Norabide horretan, euskara biziberritzeko beharrezkoa dugu norbanakoen, gizartearen eta administrazioen arteko ahaleginak uztartu eta elkar elikatzen jarraitzea, eta, era berean, premiazkotzat jotzen dugu hizkuntza gutxituen aldeko hizkuntza-arau sozial berriei ere lekua egitea.
Guztion elkarlanari esker, euskararen normalizazio-prozesuak ibilbide oparoa izan du azken hamarkadetan, emaitza aipagarria da, baina, prozesu guztiek bezala, argi-itzalak ditu; bada pozik egoteko arrazoirik, baita kezkatzeko daturik ere.
2016. urtean egindako VI. Inkesta Soziolinguistikoaren arabera, ezagutza-datuek nabarmen egin dute gora azken hamarraldietan, baina erabilera ez da neurri berean hazi.
Beraz, euskararen normalizazio-prozesua inflexio-puntuan dago, fase baten amaieran eta beste baten atarian. Aro berri horretan, agerikoa da erabileran jarri beharra dagoela indarra.
Euskararen ulermenari ez diogu behar besteko garrantzirik eman; izan ere, erabileraren korapiloa askatzeko gako nagusi bat ulermena da. Alegia, euskararen ulermenaren balioa azpimarratuz gero, ulermena erabat zabalduz gero, euskararentzat eta herritarrontzat erabilerarako eremu zabal eta emankorra zabalduko dugu. Kontuan hartzeko datu bat: Bizkaiko udalerri euskaldunetan ulermena % 80tik gorakoa da.
Euskaraldia, 11 egun euskaraz, azaroaren 23tik abenduaren 3ra
Testuinguru horretan, Eusko Jaurlaritzako Hizkuntza Politikarako Sailburuordetzak eta
Topaguneak, beste hainbat eta hainbat eragilerekin elkarlanean, abian jarri dute Euskaraldia ekimena. Gure udalerria ere buru-belarri sartu da, eta ekinbidea burutzeko batzordeak lanean dihardu.
Ekimen horretan 11 egunetan hizkuntza-praktika berri bat gauzatzera gonbidatuko ditugu herritarrak. Ariketa horren subjektuak 16 urtetik gorako helduak izango gara, eta 11 egunez hizkuntza-ohiturak aldatzeko ariketa kolektibo bat egitea da proposamena, indarra ulermenean jarrita. Bi subjektu-mota bereizi dira: ahobizi eta belarriprest.
Ahobiziek, 11 egun horietan, euskarari eutsiko diote solaskideak euskaraz ulertzen duen guztietan, eta, belarriprestek, aldiz, solaskideak beraiekin euskaraz aritzera gonbidatuko dituzte, nahiz eta belarriprestak berak euskaraz edo gaztelaniaz erantzun.
Ekimenaren helburua hau da, besteak beste: ariketa praktiko horren bidez ikusaraztea eta biziaraztea hizkuntza-ohiturak euskararen erabileraren mesederako alda ditzakegula, eta, ahal dela, 11 egun horiek igaro eta gero, hizkuntza-praktika berri horiei eustea, herrian bertan zein herritik kanpo.
Horregatik guztiagatik, honako hau aurkezten dugu:
ERAKUNDE ADIERAZPENA
DIMAko Udalak honakoa adierazi nahi du:
Udalbatzak bat egiten du Euskaraldiarekin eta ekimenaren sustatzaile izango da. Horrenbestez, erantzukizunez eta eredugarritasunez jokatzeko konpromisoa hartzen du.
Ordezkari politikoon egiteko nagusia izango da Euskaraldiaren markoan eta bereziki udal barrura begira ekimena zabaltzea. Horrenbestez, ekimen honetan ahalik eta ahobizi eta belarriprest gehien aktibatzeko urratsak egingo ditugu, arduradun politikoak zein langileak izan.
Ahobiziok euskara ulertzen duten guztiekin euskaraz aritzeko konpromisoa hartzen dugu.
Belarriprestok gainerakoak gonbidatuko ditugu gurekin euskaraz egin dezaten, nahiz eta guk euskaraz edo gaztelaniaz erantzun.
Udalak neurriak hartuko ditu hizkuntza-praktika horiek posible egiteko eta etorkizunean eutsi ahal izateko.
Udalak, ekimenaren sustatzaile gisa, udal barruan ez ezik, udalerrian ere herritarrak gonbidatuko ditu Euskaraldia ekimenean parte har dezaten, eta izena emateko bideak erraztuko ditu.
Udalak bat egiten du ekimena Euskal Herriko beste hainbat eragilerekin, elkarlanean eta batera garatzearekin.
UDAL BATZORDEETAN JORRATUTAKO BESTELAKO GAIEN BARRI
EMOTEA
Nekane Intxaurtza Etxebarria Alkate andreak zinegotzi batzordeburuei Udal
Batzordeetan jorratutako gaien barri emoteko aukera eskeini dautsie, baina gai
garrantziskoenak osoko bilkura honen gai zerrendakoak izanik, hurrengo gaiara
pasatu da.
Udal Osoko Bilkura jakitun geratu da.
DEKRETUEN BARRI EMOTEA
2018ko 99. Alkatetz-Dekretutik 2018ko 118. Alkatetz-Dekretura (biak
barne) informazioaren barri Udal Osoko Bilkurari emon jako.
Nekane Intxaurtza Etxebarria Alkate-Udalbatzarburu and.k berba hartu
dau azken Osoko Bilkuratik hona onartu dauzan dekretuen barri emoteko:
18/99 2018/07/18 Elexalde eta Landaburu kaleak eraldatzeko urbanizazio proiektuaren 2.
Gunea.
18/100 2018/07/18 Elexalde eta Landaburu kaleak eraldatzeko urbanizazio proiektuaren 3.
Gunea.
18/101 2018/07/18 Elexalde eta Landaburu kaleak eraldatzeko urbanizazio proiektuaren 6.
Guneko lanak burutzeko proiektua eta aurrekontua onartzea.
18/102 2018/07/26 Errekabaltz eta Usurrun pasabide bana eraikitzeko lanen adjudikazioa.
18/103 2018/07/26 Errekabaltz eta Usurrun pasabide bana eraikitzeko lanen osasun eta
segurtasun koordinazioaren adjudikazioa.
18/104 2018/07/30 Uztaileko fakturen zerrenda.
18/104bir. 2018/07/30 Ahmed Talab Bouya Mohamd Elmami-ri, erroldan Ofiziozko baja
emateko prozedurari hasiera ematea. 18/105 2018/07/30 2018ko
atzerapenak eta uztaileko soldata ondainketak.
18/105 2018/07/30 Uztaileko nominak.
18/106 2018/08/02 Jon Loiola eta Ibone Barrenechearen ezkontza irailaren 7an.
18/107 2018/08/17 Andresa Bernaola Bizkaarguenaga and.ren gorpua hilerriko 2.blokeko
26 zkia osarioan sartzeko emakida ematea.
18/108 2018/08/23 Pedro Maria Barañano Iza jn.ren gorpua Ugaranako hilerriko 6 blokeko
9 nitxoan lurperatzeko eskualdaketa emotea.
18/109 2018/08/23 Alkatesaren ordezkapena abuztuaren 24tik irailaren 3a arte.
18/110 2018/08/30 Ekin S.L enpresakoek, Errekabaltz eta Usurreko lekuetan pasabide bana
eraikitzeko lanen arriskuen ebaluaketa onartzea.
18/111 2018/09/03 Ados informática enpresakoei 2018an udal ondareko zerrendan
izandako aldaketen eguneratzeko zerbitzuaren adjudikazinoa.
18/112 2018/09/04 Insec enpresakoei 018ko irailetik 2019ko irailera arte Dimako
udalmugartean desratizazioaren zerbitzua adjudikatzea.
18/113 2018/09/05 Mario Gumuzio Azcuenaga jn.ri eta Josu Barrenetxea Gumuzio jn.ri
aroztegieta 8 zki.ko baserri ondokoan eraiki bi eraikitzen dabizen
eraikin bien lanak eta euren erabilerak bertan behera gelditzea, udal
baimen barik ez eukIteagaitik.
18/114 2018/09/06 Xabier Artabe Arana jn.ri lehen erabilera baimena emotea, Telleri 12 B
auzoko etxebizitzarako.
18/115 2018/09/06 Ander Lasa Zafra jn.ri Bikarregiko auzoko 17 A) eta 17 B) zki.dun
baserriko etxebizitzetarako eskatutako lehen erabilera baimena
emotea.
18/116 2018/09/07 2018ko irailaren 6ko hezkuntza, kultura, kirola eta euskara
batzordean emondako laguntzak.
18/117 2018/09/12 03/18 zki.dun aurrekontu aldaketa kreditu gaikuntza bidez burutuko
da Eusko Jaurlaritzatik jasotako udal artxibategia antolatzeko
dirulaguntza.
18/118 2018/09/12 Eduardo Fernandez Aguirre jn.k egindako 11/05/09ko Gobernu
Batzarraren lan baimenaren ukapena onartzea.
Dekretu honeik dekretu liburuan gordeta geldituko dira.
Udal Osoko Bilkura jakitun gelditu da.
ESKARI ETA GALDERAK
Josu Gorospe Lapatza EAJ/PNVko zinegotzi jn.k berba hartu dau
galdetzeko zelan burutuko dan desratizazioa.
Nekane Intxaurtza Etxebarria Alkate and.k adierazo dau zerbitzua dagoeneko
hasita dagoala Ugaranan. Francisco De Borja Ruiz Huerta EH BILDUko talde
politikoaren zinegotzi jn.k ganeratu dau hasiera batean aplikazio gogor bat
burutuko dala hirigunean eta gero urte baten zehar neurri leunagoen bidez
manteniduko da zerbitzuaren eraginkortasuna. Antza, botako dan pozoiak ez dau
eragin azkarrik eukiko eta horrek eragotziko dautsie animaliei jakitea zelan
pozoitu diran eta ahalbidetuko dan euren arteako kutsadura.
Era berean Josu Gorospe Lapatza zinegotzi jn.k galdetu dau ze asmo dagoan
Ugariotzeko bidea konpontako. Bertakoekaz egon da eta kezkatuta dagoz
konponketa horretan urtenbide desegokia egingo ez ete dan.
Jose Mari Atutxa Olabarri EH BILDUko zinegotzi jn.k erantzun dau
lehenbailehen birpasatuko dala lanen memoria, zehazteko zelango konponketa
egingo dan aurten, eta edozelan be harria bota ezkero, handia izango da emoitzak
egonkorrak izan daitezan.
Bestalde, Josu Gorospe Lapatza zinegotzi jn.k adierazo dau Zamakolako
auzorako bidea narra egin dauala eta okerrerantza badoa sarbidea itxita geratu
ahal dala.
Azken batean galdetu dau Beñat Olazabalaga jn.k egindako negutegirako lan
baimenik daukan.
Udaleko idazkari-kontuhartzaileak berba hartu dau erantzuteko ez dakiela baina
uste dauala ezetz, edozelan be ganeratu dau bihar bertan enteratuko dala eta lan
baimenik ez baleuko, eskatu egingo jako.
Iurdana Acasuso Atutxa EAJ/PNVko udal talde politikoaren bozeraemoilea
danak berba hartu dau galdetzeko, Garbiñe Uriarte and.k egindako baserri
ondoko aterperako lan baimenik daukan.
Udaleko idazkari-kontuhartzaileak esan dau gai hau hirigintzako batzorde
batetik (18/10/11ko Hirigintzako Batzordea) pasatu zala. Gogoratu dauan lez,
orduko batzordetik gaia mahaiganeratu zan eta han azaldu zan lan hori
barrusartzekoa zala iraganean baimendutako baserriaren eraldaketaren
proiektuan, bertan zehatz mehatz aurreikusita egoalako eta egin barik egoalako
(2001/06/06).
Amaitzeko, Iurdana Acasuso Atutxa zinegotzi an.dk galdetu da zelan amaitu
dan udal aguazile hautzatzeko prozedura.
Nekane Intxaurtza Etxebarria Alkate and.k adierazo dau hautaketa prozeduran
lehen sailkatua izan dan Jon Idoiaga Pagai aurtengo urriaren 1ean hasiko dala.
Dana dala ganeratu dau urriko osoko bilkuran, hasiera batean zergei buruzko
ordenantzak onartzeko egin beharko danean, xehetasun gehiago emongo dira.
Eta beste gairik ez dagoanez, alkateak batzarrari amaiera emon dautso.
Eztabaidatutakoa nahiz erabakitakoa jasota geratzeko, nik, idazkaria nazen
honek, hori guztia idatzi eta ziurtatu egiten dot, alkateak ontzat emonda.