AKTEA OSOKO BILKUREA - Bermeo · 3. 2014. urteko Aurrekontu Orokorra eta Udal Plantillea onartzea. 4. Bermeoko Udaleko, Gizarte Ongizaterako Udal Patronatuko, Kirol Udal Patronatuko

1

AKTEA OSOKO BILKUREA

(2014/01)

Bilkurea: Ohikoa

Datea: 2014-01-09

Lekua: Kultura eta Gizarte Etxeko Gaztelekuko lokala

Hasiera-ordua: 20:25

Amaiera-ordua: 22:25

Bertaratuak Lehendakaria: Idurre Bideguren Gabantxo (BILDU) Batzarkideak:

Josu Imanol Unanue Astoreka (BILDU) Juan Karlos Goienetxea Beitia (BILDU)

Irune Ormaetxea Legarreta (BILDU) Juan Carlos Agirre Santa Maria (BILDU) Aingeru Astui Zarraga (BILDU) Maria Amaya Elorza Elortegui (BILDU) Josune Barturen Ortega (BILDU) Gaizka Gabantxo Zabala (BILDU)

Xabier Legarreta Gabilondo (EAJ) Amaya Gaztelu Imatz (EAJ) Aritz Abaroa Cantuariense (EAJ) Carmen Zulueta Abaroa (EAJ) Jon Iñaki Unanue Astoreka (EAJ) Jon Garro Larrauri (EAJ) Alazne Zumeta Garro (EAJ)

Idazkaria: Karmele Muñoa Arrigain

Bertaratu ez diranak Batzarkidea/k:

Asier Gabantxo Larandagoitia (EAJ)

2014/01

2

Aztergaiak

1. Aurreko aktea irakurri eta onestea. 2. Conservas La Gaviota SL enpreseak kanpoko aldean eskilara bat

ipinteko xehetasun azterlana behin betiko onartzea. 3. 2014. urteko Aurrekontu Orokorra eta Udal Plantillea onartzea. 4. Bermeoko Udaleko, Gizarte Ongizaterako Udal Patronatuko, Kirol Udal

Patronatuko eta udal lurzoru ondarearen 2012. urteko inbentarioaren berrikuspena.

5. Euskerearen Erabilerea Normalizatzeko Plana V. plangintzaldirako (2013-2017) onartzea. 2013ko abenduaren 23ko Tokiko Gobernu Batzarreko erabagia berrestea.

6. Ganerako organoen kontrola. 7. Eskariak eta itaunak.

1.- AURREKO AKTAK IRAKURRI ETA ONESTEA.

Udalaren Osoko Bilkureak hasikerea emon deutso batzarrari eta jarduneko idazkariak 2013ko abenduaren 12ko 09/2013 aktea irakurri ostean, batzordekide danen adostasunagaz zuzenketa honeek egitea adostu dabe:

Amaya Gaztelu andrearen eskariz, 7. orrialdeko 8. paragrafo moduan,

paragrafo barri hau sartzea: “Gaztelu andreak esan deutso eskertuko dauela argitzea eta entzuteko

prest dagozala”.

2.- CONSERVAS LA GAVIOTA SL ENPRESEAK KANPOKO ALDEAN ESKILARA BAT IPINTEKO XEHETASUN AZTERLANA BEHIN BETIKO ONARTZEA. Alkate andreak gaiaren inguruko argibideak emon dauz.

Xedea

Conservas La Gaviota SL enpreseak kanpoko aldean eskilara bat ipinteko xehetasun azterlana behin betiko onartzea.

2014/01

3

Aurrekariak

Lehenengoa: 2013ko martxoaren 18an Tokiko Gobernu Batzarrak, Conservas

La Gaviota SL enpreseak kanpoko aldean eskilara bat ipinteko xehetasun azterlanari hasikerako onespena emotea erabagi eban. Bigarrena: 20 eguneko epean jendaurrean egon ondoren, ez da alegazinorik aurkeztu.

Argudioak Bakarra: Espediente honetan legezko urrats guztiak bete dira, eta Tokiko Erregimenari buruzko 1985eko apirilaren 2ko Oinarrizko Legeko 22. artikuluaren arabera, xehetasun azterlana behin betiko onartzea Osoko Bilkureari jagoko. Erabagia Goian aitatutako guztia kontuan hartuta, aho batez, honako hau erabagi dau Osoko Bilkureak: BAKARRA: Conservas La Gaviota SL enpreseak kanpokoaldean eskilara bat ipinteko xehetasun azterlana behin betiko onartzea. 3.- 2014. URTEKO AURREKONTU OROKORRA ETA UDAL PLANTILLEA ONARTZEA. Alkate andreak I. eranskin moduan agertzen dan Memoria azaldu dau. Behin Memoria azaldu eta gero, Abaroa jaunak hartu dau berbea eta adierazo dau batzar ezbardinetan landu dala eta, aurten ezbardin funtzionatu danez, negoziatzeko bidea egon dala. Esan dau, hori horrela, hausnarketa egin ebela eta arduraz jokatzeko momentua zala ikusi ebela, adostasunera heltzeko aukereagaz, Ordenantza Fiskalakaz egin zan moduan. Aurrekontua tresna garrantzitsua dan heinean, hemen be adostu ahal izango zala pentsaten ebela adierazo dau. Azaldu dau emendakin bat aurkeztu ebela, kopuru batzuk nondik kendu eta non ipini proposatuz eta, proiektu osotik, 144.100 euro suposatzen ebezala,

2014/01

4

zenbatekoak zalantzan ipini barik, partida batzuk ez diralako lehentasuna eurentzat. Horren artean aitatu dauz alkatearen prentsa aholkularia eukiteak suposatzen dauzan 50.000 euroak, bere esanetan, une honetan ezin leikena onartu. Aitatu dau be koordinatzeko kontratatzen diran enpresak kontratatu beharrean, 70.000 euro suposatzen dabenak, barruko baliabideakaz egitea proposatzen dabela, zinegotziak barru hartuta, hala nola, partaidetza prozesuan, edo “geurien be bai” ekimenean. Esan dau beste gastu batzuk be badagozala, eta lehentasuna daukien zerbitzuetan, kopuru faltea ikusi dabela. Hori horrela, murriztea proposatzen dabezan kopuruak, honeetan inbertitzeko proposatu ebela agertu dau:

- 3. Munduko laguntzetara, Alkatetzatik desagertu diran 20.000 euro. - Murrizketea euki dauen Gurutze Gorriaren diru-laguntzetan, 10.000

euro gehiago ipintea, emoten daben zerbitzua oinarrizkoa eta garrantzitsua dalako.

- 0-3 urte bitarteko umeak eskolaratzeko diru-laguntzetan, desagertu diranak, 12.000 euro ipintea dagoan demandea kontuan eukita.

- Euskera Sailean, euskeraren erabilerea zuzenean sustatzen dabezan diru-laguntzetan 6.100 euro ipintea, errotuluak euskeraz ipinteko, gida baimena euskeraz atarateko eta ikastaroak egiteko laguntzak desagertu egin diralako.

- Lugintzan, auzo-taxirako kopuruak aurreikusi diran arren, asko zehaztu behar danez, bideak konpontzeko 10.000 euro aurreikustea, ez dalako egon ezer aurreikusita.

- Gaztetxoen partidetan 16.000 aurreikustea, partidak ikutu egin diralako eta, ludoteka zerbitzua desagertu egin dalako demandea egon dagoanean.

- Merkataritzea sustatzeko aparkaleku errotatorien ikerketa egiteko 6.000 euro aurreikustea, Mungian egin zan modukoa, merkataritza bizia bada, herri bizia dalako.

-Gizarte ongizate zerbitzuak indartzeko 50.000 euro gehiago aurreikustea, emakumeen arreta desagertu dalako, politika sozialak egiteko momentua danean, eta boluntariotza programak be bultzatzeko. Adierazo dau proposamena hori izan dala eta Aurrekontu osoaren %0,88ko emendakina suposatu dauela, logikeagaz egindakoa izan dana. Baina erantzun, ez dagoala negoziazinorako biderik izan, 15.000 euro bakarrik onartu ziralako, esan dau. Esan dau hutsune askoko Aurrekontua dala eta arlo batzuk ahaztuta geratu dirala eta, proposamenari e-mail baten bidez emon zala erantzuna, bigarren negoziazino baterako erantzunik euki barik.

2014/01

5

Hori horrela ezin dabela proposamena onartu, esan dau. Agertu dau Udalaren Kirol Patronatuan lortu zala eskatutako konpromisoa txertatzea eta adostasunera heltzea, larrialdietako eskailera oraindik egin barik dagoalako, baina edegitea geratu dalako. Alkate andreak erantzun dau ez zala negoziazinorako ezetzik emon. Azaldu dau emendakinari erantzuna e-mailez bialdu zala idatziz eukiteko, baina telefonoz emon zirala argibideak eta batzarrean be argitasunak emon zirala, nahiez eta negoziatzera joango ez zirala jakinda. Auzo-taxien zerbitzua dala eta, esan dau, apustu bat bada, ez dala eztabaidagarria. Esan dau nondik kendu adostea gatxa zala, baina non ipini adostu ahal izan dala eta, adibide moduan aitatuta dau, Euskera Saileko proposamenak adosteko, Euskera Sailean bertan egin ahal izan dirala mobimentuak. 3. munduko eta Gurutze Gorriaren diru-laguntzak dirala eta, esan dau, biek daukiezala kopuruak aurreikusita, murriztu egin badira be, diru-laguntza guztiak murriztu diralako. Euskera Saileko proposamenak dirala eta, esan dau, 6.100 euro horreek bai onartzen zirala eta, argitu dau “Geurien be bai” egitasmoan, enpresa bidez kontratatutako orduak murriztu egin dirala, barrutik egiteko gaitasunik ez dagoalako, baina bai bien artean egiteko. Lugintza Saileko bide konponketei jagokonez esan dau inbertsinoak diran heinean, sarrerak heltzen diran heinean sartu leikezala, Kirol Patronatuan adostu dan moduan, kontuan eukita herri guztiko eta arlo guztietako inbertsinoak egiteko 50.000 euro dagozala Aurrekontu osoan, hau da, bideak egin eta konpontzeko, 200.000 euroko larrialdietako eskilarea ipinteko, ordenagailuak erosteko, e.a. Merkataritzea bultzateko aparkalekuen ikerketea egiteko 6.000 euroak, Merkataritza Saileko partidetatik bertatik kenduta egitea onartu zala esan dau. Gazteria Saila dala eta, argitu dau Aurrekontua aldatuta dagoala eta ludoteka zerbitzurik ez dala kendu. Sartuta dagoala, sexu aholkularitza dagoan moduan, agertu dau. Gizarte Ongizateko 50.000 euroak dirala eta, esan dau, adibidez emakumeen aholkularitza zerbitzuaren kasuan, kostea eta zertara heltzen dan baloratu dala eta ikusi dala 7.000 euro horreek beste gauza batzuetarako aproposagoa dala, kontuan eukita zerbitzu horren erabiltzaileak dohako justizia daukiela. Hori horrela, zerbitzua kendu leikela baloratu dala esan dau.

2014/01

6

Argitu dau ez dala emakumeetaz axolagabetzea, bardintasun plana lantzen ari dalako eta Bizkaiko Foru Aldundiari be eskatu jakolako “Zutitu” zerbitzua eskualdean martxan jartzea, nahiz eta Gernikak ez dauela behar esan. Eskakizun honen inguruan ez dakiela ezer esan dau. Adierazo dau ez dala egon argi Gizarte Ongizaterako proposatu ziran 50.000 euroak zertara bideratu gura diran, eta beste guztia onartuta dagoala. Hori horrela, emendakinatik onartu dana ikusita, adostasuna lortuko zala pentsatu ebela esan dau, nahiz eta azkenean ez dan posible izan. Agertu dau prentsa aholkularitzea emoteko, luxu bat emoten dauena, aurreko legealdian, enpresa bat egon zala kontratatuta eta emoitzak ez zirala onak izan. Eta orain behar-beharrezkoa ikusten dabela esan dau, emoitzak lortzen ari diralako, nahiz eta batzuei antza danez, gustatu ez. Lehen diru gehiago kostatzen zala eta orain emoitza hobeak lortzen dirala esan dau. Kanpoko enpresetako lana barrutik egitearen inguruan agertu dau, ahal dala, barrutik egiten dala, baina beti ez dala posible. Baina posible danetan, gitxi-gitxika hartzen joan behar dirala eta ildo horretan pauso batzuk emon dirala azaldu dau. Azaldu dau prozedura ezbardina izan dala eta, idatzizko proposamena jaso dan arren, ez dala izan posible aldatzea. Eta hori baino ez bada proposatzen dana, Aurrekontua egokia dala esan gura dala adierazo dau. Abaroa jaunak esan deutso proposamenaren %10ri baino ez jakola erantzun. Argitu dau kanpoko enpresak gauza askotarako dagozala baina ez dabezala danak aipatzen, batzuk baino. Esan dau tarteko negoziazino bat egon behar izan dala eta bere taldea prest egon dala bigarren batzar bat egiteko, baina Ogasun batzordean baietza edo ezetza eskatu jakela. 0-3 urte bitarteko umeak eskolaratzeko diru-laguntzak dirala eta, adierazo dau ez dala erantzunik egon eta, azaldu dau, bere taldearen proposamenean ez zala esaten bakarrik non gehitu, baizik eta zer ez dan lehentasuna eta nondik kendu.

2014/01

7

Auzo-taxien partidea dala eta, esan dau, proiekturik ez dagoala 6.000 euroko kostua eukiko dauela esateko. Bideak bermatu egin behar dirala adierazo dau eta, auzo-taxien zerbitzua, proiektua ikusita erabagi behar dala nondik finantzatu. Agertu dau bere taldeak ahalegina egin dauen arren, negoziatzeko gogo handirik ez dala egon, saiakera bakarra egin dalako. Josu Imanol Unanue jaunak esan deutso adierazo dauela zenbakiak eztabaidatzera ez dirala sartu, baina mahai honetan bai eztabaidatu dirala kopuruak Gizarte Ongizaterako diru-laguntzen murrizketak dirala eta mozino bat aztertu zalako. Eta kopuru handiak izanda, horren aurrean bakotxak bere zenbakiak egin behar ebazala eta EAJ udal taldea abstenidu egin zala gogorarazo dau. Hori horrela, mozino horretan aitatzen ziran 100.000 euro inguruko kopuruak nondik atara behar diran galdetu deutso. Gogorarazo deutso be proposamenean UEMAtik urtetea planteaten ebala EAJk eta UEMAn egotea helburu bat izan dala gobernu taldearentzat. Esan deutso borondatea egon bazan, Gizarte Ongizatean kalte handia egon dala diru-laguntzen murrizketakaz eta udalaren aportazinoa mantendu egin dala. Xabier Legarreta jaunak argitu dau ez dirala sartu sarrera eta gastuen kopuruetan, bere taldearen asmoa benetan izan dalako adostasunera heltzea, herriak momentu honetan halan eskatzen dauelako. Eta argitu dau be horregaitik ez dirala ipini zalantzan zenbaki orokorrak, zalantzak eukita be. Adierazo dau lana egin dabela proposamen zehatza aurkezteko. Agertu dau Gizarte Ongizatean ezin izan ebela proposamen zehatzik egin Ogasun Sailean oraindino lanean egon ziralako, baina Kirol Patronatuan egin ahal izan ebela. Adosteko dei bat itxaro izan dabela esan dau, telefonoz egin ebelako berba eta eguena zala kontuan eukita, arratsaldean batzartzeko prestutasuna agertu ebelako. Gero Osoko Bilkurea atzeratu egin zala gogorarazo dau eta esan dau zalantzarik ez eukiteko adostasunera heltzeko borondatea euki dabela eta gobernu taldeak, aldiz, proposatutakoaren %10 bakarrik onartu dauela. Gaizka Gabantxo jaunak esan dau gobernu taldeak be borondatea euki dauela eta pentsa dabela adostasunera helduko zirala, hasieratik esan zalako negoziatzeko prest egozala.

2014/01

8

Argitu dau emendakina aurkeztu ebenean esan jakela, aktan jasota agertzen dan moduan, nondik kendu ezin izango zala negoziatu baina bai non ipini. Agian horrek negoziazinoa mozten ebala emon eutsela esan dau. Gogorarazo dau Gaztelu andreak esan ebala onartutakoa eskasa zala. 0-3 urte bitarteko umeen eskolatzea dala eta esan dau, azalpen luze eta garbi bat emon ebala, hezkuntzan lan egiten dauela kontuan eukita, adierazoz ez dala udalaren eskumena eta, dirurik ez badago, kendu egin behar dala. Gogorarazo dau be prest egon zirala dokumentu bat sinatzeko sarrerak egon ezkero zertarako erabili eta inbertsinoak adostu egingo zirala. Esan dau Aurrekontua Betearazoteko Arauetan agertzen dala, nahiz eta inork irakurri ez, danek irakurri behar dabenean, langileak barru. Inbertsinoak zati bitan banandu dirala azaldu dau. Adosteko borondatea egonda moztu bazan, alde biek besteak mozten ebala ulertu ebelako izango zala, esan dau. Legarreta jaunak esan deutso azken unera arte egon zirala deiari itxaroten eta ez zanez deirik egon apurtu egin zala, baina adosteko aukerea egon dala. Gaizka Gabantxo jaunak argitu dau %10 baino gehiago onartu dala. Legarreta jaunak erantzun deutso bialdutako paperean %10 zala onartzen zana. Juan Karlos Agirre jaunak esan dau egia dala borondatea egon dana eta lehenengo aldia dala legealdi honetan. Adierazo dau EAJk trebetasun faltea euki dauela negoziatzerakoan, proposamen batzuk onartu jakezelako eta ezin dabelako eskatu kentzea gobernu taldearen nortasuna galtzea suposatzen dauena, EAJren nortasuna hartuta. Esan dau agian datorren urtean, trebetasun gehiagogaz, adostea lortuko dala. Agertu dau sentitzen dauela ez adostea eta zentzu horretan pena txiki bat daukala, Aurrekontu honeetan edozein herritarrek aurkituko dauelako zuhurtzia kudeatzerakoan, sarrerea baino gastu gehiagorik ez dalako egongo, ez dalako zorrik sortuko, ez dagoanik gastatuko ez dalako, aurreko legealdian egin zanaren kontra.

2014/01

9

Adierazo dau udalak aurreko legealdiko zorrak daukazanez, ordaintzen joan behar dauela, lehen zorren kontrola egin ez zanez, zerbitzuak ordaintzeaz gain zorrak be ordaindu beharko diralako orain. Esan dau prudenteak izateaz gain, kudeatzen jakin beharra dagoala, etxean egiten dan moduan egin behar dalako, hau da, beharrezko gastuak egin eta onuragarriak diranak, kudeaketa eraginkor bategaz, lan taldeen eraginkortasunagaz, emoitzak lortuta gastatzen danagaz. Abaroa jaunak esan deutso berba horreek entzunda zorionak baino ezin deutsozala emon, baina urte amaieran egingo dabela berba. Nondik kendu ez onartzea dala eta, esan dau, ea zelan dan posible eta ea nondik atarako ebezan kopuruak, sarrerak zalantzan ipinten ez badira. Josu Unanue jaunari esan deutso beti beste erakunde batzuei begira dagoala baina udalak 1.000.000 euro inguru murriztu dauzala. Unanue jaunak erantzun deutso mozino hori garrantzitsua zala, ez diralako udalaren ardurak finantzatzen. Esan dau pertsona nagusiak atenditen dirala, e.a. Eta esan dau be, EAJko zinegotziek ez dabezala gura beste erakundeak ikutu baina ikutu egin behar dirala, eta Bizkaiko Foru Aldundian uko egin dabela. Adierazo dau esan behar jakela diru-laguntzak ez ikutzeko eta presionatzea ona dala, diru hori Bermeoko udalerriarena be badalako. Ezkerreko politikea dala berana eta hori egin behar dauela, esan dau Abaroa jaunak esan deutso herritarrek be esan ahal dabela tributuak gora egin dabenez ez murrizteko Aurrekontua, baina egoera ekonomikoa, zoritxarrez hau dala. Agirre jaunak esan dau nondik kendu gobernu taldearen lana dala. Legarreta jaunak erantzun deutso edozein erakundetan emendakinak egiten diranean, non jarri eta non kendu ipinten dala. Gaztelu andreak adierazo dau ez jakela esan gastu proposamenak onartzen dirani eta ikusiko dala nondik atara, baizik eta zati batetan onartzen dala. Negozaitzeko trebetasuna dala eta, esan dau, Gaizka Gabantxok galdetu eutsola erabagia azkenean nork hartzen dauen eta berak erantzun deutsola Ogasun batzordeko kide diran zortziek erabagiten dabela.

2014/01

10

Agertu dau azken Ogasun batzordean jakin dabela berak ez eukala onartzeko ahalmenik eta, halan da be, ez dala batzar deirik egon. Gabantxo jaunak esan deutso hasieratik egin zala adosteko proposamena eta azken batzordean be galdetu zala negoziatzeko aukerarik egoan. Galdera horren aurrean Gaztelu andreak berak onartzen zana eskasa zala erantzun ebala eta, berba gitxi egin ebanez, negoziazinoagaz ez zala jarraitu azaldu dau, baina beti egon dirala dokumentu bat sinatzeko prest eta hori halan agertu zala esan dau. Legarreta jaunak esan deutso bere taldea be prest egon dala. Juan Karlos Goienetxea jaunak esan dau EAJren proposamena 150.000 eurokoa zala, aurrekontuaren %1 be suposatzen ez dauena. Kopuru horretatik heren bat, oso politikoa izan dala azaldu dau: prentsa, UEMA, Udalbiltza…, esan zana ez zala ikutuko. Agertu dau beste 100.000 eurotik 50.000 euro Gizarte Ongizate Patronatura bideratzea proposatzen zala, 1.900.000 euroko transferentzia egon danean aurreikusita, orain urte biko transferentzia bera eta, ondorioz, apustu bat egin danean orain urte bikoa mantentzeko. EAJk eskatutako kopurua onartu ahal izateko, zaharren egoitzarako ohe bat gehiago kontzertatzea baino ez zala behar argitu dau. Azkenean beste 50.000 euroak era batera edo bestera onartu dala esan da. Beraz, onartu ez dana Aurrekontu osoaren %0,3 suposatzen dauela adierazo dau, 50.000 euro proposamen politikoak suposatzen ebezalako eta Gizarte Ongizaterako beste 50.000 euro eskatzen ziralako, aportazinoa mantentzeko apustua egin danean eta, ohe bat edo bi gehiago kontzertatzea baino ez dana eta, lortzen bada, listo egongo dalako. Alkate andreak adierazo dau tasa eta prezio publikoetan adostasuna lortu dala danen lanari esker eta Aurrekontuan, aldiz, ez, Kirol Patronatuan kontrara gertatu danean, hau da, tasa eta prezio publikoetan adostasuna lortu ez eta Aurrekontuan bai. Agertu dau negoziazinoa portu onera heldu ez bada, alde bietan akatsak egongo zirala. Adierazo dau proposamena bialdu ebala eta telefonoz ahalegindu zala azaltzen eta baita Ogasun batzordean be. Hori horrela, esan dau, zer edo zer esatea espero ebala eta Gizarte Ongizatean zertarako proposatzen dan zehaztu ahal izan dala, Osoko Bilkurea ez dalako egon 9ra arte.

2014/01

11

Esan dau argi ikusi dabela negoziatu gura ez dala eta EAJk be bardin pentsatu dauela. Legarreta jaunak esan dau telefonotik, jesartzeko geratu zirala. Alkate andreak erantzun deutso Ogasun batzordean ez dala horrelako eskakizunik egin eta deirik be ez dauela jaso. Hori horrela, ea datorren urtean adostasuna lortu leiken esan dau. Legarreta jaunak agertu dau dei bakarra berak egin ebala, proposamenaren ondorioz, eta arratsaldean batzarra egitea eskatu ebala, barikuan bertan zarratu ahal izateko, Osoko Bilkurea astelehenerako aurreikusten zalako, nahiz eta gero atzeratu izan. Autokritikea danak egin behar dabela esan dau. Alkate andreak azaldu dau txarto ulertzea alde bietan egon zala eta, Ogasun batzordean ez zanez asmorik agertu, hor zarratu zala negoziazinoa. Xedea

2014. urterako Aurrekontu Orokorra onartzea. Aurrekariak Lehenengoa: 2013ko abenduaren 5ean, alkate-udalburuak Bermeoko Udalerako 2014. urteko aurrekontu proiektua aurkeztu eban. Bigarrena: Beruala Soziedade Anonimoak eta udal erakunde autonomoen zuzendaritza batzordeek aurrekontuen aldeko txostenak emon dabez.

Hirugarrena: 2013ko abenduaren 9an, 13an eta 16an aztertu ostean, abenduaren 20ko Kontuen batzorde bereziak aurrekontu proiektua aztertu ostean, aurkeztutako aurrekontu proiektua onartzearen aldeko erispena emon dau. Argudioak Bakarra: Tokiko Ogasunak arautzen dauzan abenduaren 2ko 10/2003 Foru Arauko 14. artikulua eta hurrengoak.

2014/01

12

Erabagia Goian aitatutako guztia kontuan hartuta, BILDUko zinegotzien (9) aldeko botoakaz eta EAJkoen (7) kontrakoakaz, gehiengo osoz, ondorengoa onartu dau Udal Osoko Bilkureak: LEHENENGOA: Bermeoko Udalaren, bere erakunde autonomoak diran Osasun eta Gizarte Ongizaterako Udal Patronatuaren eta Udalaren Kirol Patronatuaren eta Beruala Soziedade Anonimoaren 2014. urterako aurrekontua onartzea, aurrekontu bakotxaren kapitulukako laburpena modu honetara azaldurik:

BERMEOKO UDALA

SARRERAK

KAPITULUAK EURO

1. ZERGA ZUZENAK 3.767.569,14.-

2. ZEHARKAKO ZERGAK 500.000,00.-

3. TASAK ETA BESTE DIRU SARRERA BATZUK

1.763.348,51.-

4. TRANSFERENTZIA ARRUNTAK 10.156.290,40.-

5. ONDARE DIRU-SARRERAK 38.485,98.-

6. INBERTSINO ERREALAREN BESTERENTZEA

50.000,00.-

7. KAPITAL TRANSFERENTZIAK

8. FINANTZA AKTIBOAK 0,00.-

9. FINANTZA PASIBOAK 0,00.-

GUZTIRA 16.275.694,03.-

BERMEOKO UDALA

GASTUAK

KAPITULUAK EURO

1. LANGILERIA GASTUAK 8.016.550,72.-

2. GASTUAK ONDASUN ARRUNT ETA ZERBITZUETAN

3.972.696,30.-

3. FINANTZA GASTUAK 263.883,09.-


6. BENETAKO INBERTSINOAK 73.156,25.-

7. KAPITAL TRANSFERENTZIAK 15.000,00.-

8. FINANTZA AKTIBOAK

9. FINANTZA PASIBOAK 638.693,32.-

GUZTIRA 16.275.694,03.-

2014/01

13

OSASUN ETA GIZARTE ONGIZATE UDAL PATRONATUKO

AURREKONTUA

SARRERAK

KAPITULUAK EURO


1.918.652,07.-




158.000,00.-



9. FINANTZA PASIBOAK

GUZTIZ 4.698.963,29.-

GASTUAK

KAPITULUAK EURO



837.219,41.-

3. FINANTZA GASTUAK

4. TRANSFERENTZIA ARRUNTAK 156.840,00.-

6. BENETAKO INBERTSINOAK




GUZTIRA 4.698.963,29.-

UDALAREN KIROL PATRONATUKO AURREKONTUA

SARRERAK

KAPITULUAK EURO


571.900,00.-



2014/01

14


7. KAPITAL TRANSFERENTZIAK 15.000,00.-



GUZTIRA 1.174.078,25.-

GASTUAK

KAPITULUAK EURO

1. LANGILERIA GASTUAK 507.020,00.-


519.422,25.-

3. FINANTZA GASTUAK






GUZTIRA 1.174.078,25.-

BERUALA

SARRERAK

KAPITULUAK EURO





46.138,94.-




GUZTIRA 586.138,94.-

2014/01

15

GASTUAK

KAPITULUAK EURO

1. LANGILERIA GASTUAK 110.953,39.-


50.000,00.-


4. TRANSFERENTZIA ARRUNTAK

6. BENETAKO INBERTSINOAK




GUZTIRA 586.138,94.-

AURREKONTU BATERATUA

SARRERAK

KAPITULUAK EURO

1. ZERGA ZUZENAK 3.767.569,14.-

2. ZEHARKAKO ZERGAK 500.000,00.-


4.253.900,58.-




254.138,94.-




GUZTIZ 19.746.238,76.-

GASTUAK

KAPITULUAK EURO



5.379.337,96.-



2014/01

16





GUZTIRA 19.746.238,76.-

BIGARRENA: Bermeoko Udalaren, bere erakunde autonomoen eta Beruala SAren plantila organikoak onartzea. HIRUGARRENA: 2014. urterako Aurrekontua Gauzatzeko Oinarriak onartzea. 4.- BERMEOKO UDALEKO, GIZARTE ONGIZATERAKO UDAL PATRONATUKO, KIROL UDAL PATRONATUKO ETA UDAL LURZORU ONDAREAREN 2012. URTEKO INBENTARIOAREN BERRIKUSPENA. Xedea Bermeoko Udaleko, Gizarte Ongizaterako Udal Patronatuko, Kirol Patronatuko eta udal lurzoru ondarearen 2012. urteko inbentarioko aldaketak onartzea. Aurrekariak Bakarra: Legeak agintzen dauenaren arabera, udalaren eta patronatu bien inbentarioetako aldaketen zerrendak prestatu dira, Osoko Bilkureak onartzeko. Argudioak

Bakarra: Aplikagarria dan legedia kontuan hartuta, Osoko Bilkureak, gitxienez urtean behin, Ondasunen Inbentarioan egondako aldaketak egiaztatu behar dauz, Tokiko Erakundeen Ondasunen Araudia onartzen dauen 1372/1986 Errege Dekretuko 33.1 artikuluak jasoten dauenaren arabera. Erabagia Goian aitatutako guztia kontuan hartuta, aho batez, honako hau erabagi dau Udal Osoko Bilkureak: BAKARRA: Udalaren eta patronatuetako ondasunen inbentarioetan egondako aldaketak egiaztatu eta onartzea, aldaketa horreek era egokian jasota geratu daitezan.

2014/01

17

5.- EUSKEREAREN ERABILEREA NORMALIZATZEKO PLANA V. PLANGINTZALDIRAKO (2013-2017) ONARTZEA. 2013-KO ABENDUAREN 23-KO TOKIKO GOBERNU BATZARREKO ERABAGIA BERRESTEA. Alkate andreak gaiaren inguruko argibideak emon dauz eta, adierazo dau, preminatasuna zala eta onartu zala Tokiko Gobernu batzarretik, gaur berresteko baldintzapean. Xedea Euskerearen Erabilerea Normalizatzeko Plana V. plangintzaldirako (2013-17) onartzea. Aurrekariak

Lehenengoa: Bermeoko Udalak 35 urte daroaz euskerearen erabilerea normalizatzeko lanetan. Eta, lehenengo plan osatua, hau da, I. Erabilera Plana, 2001eko maiatzaren 31n onartu zan. Bigarrena: Euskararen Erabilerea normalizatzeko planaren balorazinoa (2001-2005) eta aurrera begira hartu beharreko neurriak 2006ko abuztuaren 3an onartu ebazan Osoko Bilkureak. Hirugarrena: IV. Plangintzaldirako, 2008-2012 bitarteko plana zehaztu eta egokituta, udalak plangintzaldi horretarako Erabilera Plana 2008ko abenduaren 10ean berretsi eban. Laugarrena: IV. Plangintzaldia 2012. urtean amaituta, udalak Erabilera Plana barritzeari ekin deutso 2013. urtean.

Argudioak

Lehenengoa: Apirilaren 15eko 86/1997 Dekretuak, EAEko Herri Administrazinoetan Euskerearen Erabilerea normalizatzeko prozesua arautzen dauenak, 19. artikuluak honakoa dino: “1.- Euskal herri administrazioek euskararen erabileraren normalkuntzarako planak onartuko dituzte plangintzaldi bakoitzaren lehenengo urtean, eta horrelakorik onartuta duten kasuetan, hauei egin beharreko egokitzapenak, planaren inplementaziorako egoki derizkioten aldaketak, lanpostuen zerrendan jasoko direla. 2.- Hizkuntza Politikarako Sailordetzak jasotako plan-proposamenei buruzko txostena egingo du hilabete baino lehen. Txosten horretan proposamen horrek euskararen erabileraren normalizazioan duen eragina eta hizkuntzaren alorrean indarrean dauden arauekiko egokitzapena jasoko du. (…)”.

2014/01

18

Halanda ze, 86/1997 artikuluak agindutakoa betez, V. Plangintzaldirako (2013-17) plana onartzea jagoko udalari 2013. urtean.

Bigarrena: IV. Plangintzaldia amaituta, udalak Erabilera Plana barritzeari ekin deutso UEMAgaz alkarlanean: arloz arloko diagnostikoak egin dira eta UEMAren hizkuntza erispideen betete mailearen araberako sailkapena egin da. Horrezaz ganera, V. Plangintzaldirako helburu orokorrak ezarri dira. Hirugarrena: Aitatutako dekretuaren 19.2 atalean zehaztutakoa betez, udalak Hizkuntza Politikarako Sailburuordetzara bialdu dau V. Plangintzaldirako (2013-17) plan proposamena, eta e-posta mezu bidez ontzat emon dau bialdutako proposamena sailburuordetza horrek. Posta arruntez gitxira jasoko da dekretuak adierazten dauen txostena. Laugarrena: Euskerearen Erabilerea Normalizatzeko Plana (2013-17) udalerako, bere erakunde autonomoetarako eta Beruala, SArako plan estrategikoa da.

Erabagia

Goian aitatutako guztia kontuan hartuta, aho batez, honako hau erabagi dau Udal Osoko Bilkureak: BAKARRA: Bermeoko Udaleko, patronatuetako eta Beruala, SAko Euskerearen Erabilerea Normalizatzeko Plana V. plangintzaldirako (2013-17) onartzea. 6.- GANERAKO ORGANOEN KONTROLA.

Batzarkideek ez dabe ezelako gairik aurkeztu. 7.- ESKARIAK ETA ITAUNAK. Abaroa jaunak II. eranskin lez agertzen dan idaztia irakurri dau. Alkate andreak erantzun dau bide hori behar-beharrezkoa dala eta ados dagozala Bizkaiko Foru Aldundiagaz batzar ezbardinak egiteaz urtenbidea aurkitzeko argumentu onenakaz. PGOUn gauza asko aurreikusten dirala argitu dau, baita Bizkaiko Foru Aldundiarenak be, baina dirua nondik lortzen dan ikusi behar dala esan dau.

2014/01

19

Azaldu dau Bizkaiko Foru Aldundiak udalaren eskuetan izten dauela eta sentsazinoa daukala udalak ez dauela aurreikusiko 15 urteetan egitea, diru sarrerak nondik atarako dauzan ezin dauelako jakin. Esan deutso ez dauela ulertzen Foru Aldundia defendatzeko asmoa eta udalari erantzukizunak eskatzeko obsesinoa. Gernikako Industriagunerako sarbidea Bizkaiko Foru Aldundiak egin ebala, baina Bermeon ez dabela beharrizanik ikusten adierazo dabela orain arte EAJ udal taldekoek azaldu dau. Eta orain herritarrek iniziatiba hartu dabela, EAJ udal taldeak lan talde bat sortzea gura dauela esan dau. Horren aurrean esan dau adostu behar bada, Bizkaiko Foru Aldundira joateko izan behar dauela, orain, hainbat arinen egiteko ahalegintzeko, Bizkaiko Foru Aldundiari uskeri bat suposatzen deutsolako obra osoaren barruan eta udalari ezinezkoa izango jakolako 20 urtetan. Esan deutso erantzukizunaz jokatu behar dabela, baina anbizio handikoak izan behar dirala eta urtenbide integral bat eskatu. Bermeoko trafikoaren soluzinoan pentsatu al dan galdetu dau jarraian, eta hori lortu behar dala esan dau, hau da, saihesbidea egitea baina adar horregaz. Informatu dau Foru Aldundiak adierazotakoaren arabera saihesbidearen lanak 2015era arte jarraituko dabela eta 2015. urtean tunelakaz hasiko dirala. Horren gainean ikusi egin beharko dala esan dau, baina danak ados badagoz, adar hori orain egiteko eskatu behar jakola Bizkaiko Foru Aldundiari. Legarreta jaunak esan dau aurkeztu daben proposamena argia dala eta bihar bertan sartuko dabela erregistrotik. Azaldu dau eskumenak argi euki behar dirala eta hasieratik jakin dala udalari tokatuko jakola. Esan dau bera egon zala negoziazinoetan eta beti egon dala argi kalea udalari tokatzen jakola. Agertu dau proposatzen dabena dala teknikari eta politikoakaz osatutako lan talde bat sortzea eta, gura bada herritarren plataformako kideakaz be, dokumentu bat lantzeko eta Foru Aldundira adostutako zer edo zegaz joateko. Goienetxea jaunak esan dau pozten dala, baina beste aukera politiko bat lez erabili dauela EAJ udal taldeak, plataforma bat dagoala ikusirik.

2014/01

20

Gogorarazo dau, eskualdeko azpiegiturak planteatu ziranean, alkateak alkarregaz joateko proposatu eutsela EAJ udal taldekoei, baina ez ebela erantzun. Adierazo dau istorioa luzea dala, aurreko legealdian erronka hori egon dalako eta aurreko legealdian tunelak desagertu egin diralako. Gogorarazo dau saihesbidearen haiserako proiektuan 4 konexino egon zirala, bat Kurtziotik, oso gogorra zana eta ez zana egoki ikusten, eta beste 3 konexinoak, Bizkaiko Foru Aldundiak egitekoak. Agertu dau bardin gertatu zala Bilboko bidea eta Bakiko bideagaz, uriolak izan ziranean, joskera ahaztu zala eta, udaleko zanez, ez zala egin. Pozten dala errepikatu dau baina orain hile batzuk ez ebela erantzun esan dau. Adierazo dau agian ez dala batzorde berezi bat behar. Esan dau herritarrak orain, konturatu diranean, etorri dirala, baina indar soziala badago hobe dala. Gaztelu andreak erantzun deutso bere pertzeptzinoa dala plataforma bat dagoalako mobidu dirala bere taldekoek. Gogorarazo dau Urigintzako batzarretan komentatu zala Bruselako laguntzak egongo dirala herri arrantzaleentzat eta, legez, eskumena udalarena danez, aukerea bilatu behar dala, dirurik ez dagoalako eta urteetan be ez dalako egongo. Esan dau, hori horrela, dirua edonondik atara behar dala, ez bakarrik Bizkaiko Foru Aldunditik, baita beste erakunde ezbardinetatik be, baina horretarako aurreproiektu bat edo beharko dala, zenbat dirutaz ari diran berbetan jakin ahal izateko. Adierazo dau hobe izango litzakela ez bakarrik bide honetarako, baizik eta ahal diran bide guztietarako finantzazinoa lortuko balitz. Abaro jaunak esan dau pozten dirala adierazo dabela gobernu taldekoek, eta horren aurrean gogorarazo dau BILDUk, Batzar Nagusietan, kontrako botoa emon eutsola azpiegitura honi, Ermuako saihesbidearen alde egin ebalako. Azaldu dau eskumena udalarena dan heinean, gaia landu gura dabela eta agertu dau, lehen, 0-3 urte bitarteko umeen eskolaratzeko diru-laguntzak aurreikusteko proposamenik ez onartzeko, udal eskumena ez dala argudiatu dauela gobernu taldeak, orain, aldiz, udalaren eskumena izanda, Bizkaiko Foru Aldundiari eskatu gura jakonean, jakinda Bizkaiko Foru Aldundiak hori bera esan ahal dauela, hau da, ez dauela egingo bere eskumena ez dalako.

2014/01

21

Gabantxo jaunak erantzun deutso berak be lehen kontrako argudioa erabili dauala, udalaren eskumenekoa ez dan gai batetan dirua aurreikustea gura izan dauelako EAJ udal taldeak. Abaroa jaunak gogorarazo dau Almikako bidea Bizkaiko Foru Aldundiko diruakaz egin zala nahiz eta udalak kudeatu eta, esan dau, adar kentzea ez deutsola graziarik egiten, eta herritarrek eskatzen dabena, erakundeak bizkortzea dala. Hori horrela, mugitzen hasi behar dana udala dala esan dau, dirua edonondik lortu ahal izateko.

Alkateak andrea ongi etorria emon deutso bizkortzera, gobernu taldea bizkortze horretan egon dalako jadanik eta ez diralako ahaztu gai honegaz. Esan deutso udalean lanean ari dirala eta, ez badakie, galdetu ahal dabela. Hori horrela, errespetua eskatu deutso eta gogorarazo deutso gura dabena galdetzeko aukerea daukiela. Ez mespretxatzeko eskatu deutso, lan egiten ez dalakoak berba egiten dauelako. Esan dau, lehenengo ahalegina, Bizkaiko Foru Aldundiak behar dan moduan egitea lortzeko izan behar dauela eta, horretarako, lana egin behar dala, orain arte egin dan moduan, Foru Aldundiari ez deutsolako diru askoz gehiago suposatzen. Behin Bermeoko herriari tokaten jakola Foru Aldundiak azpiegitura bat egitea eta ez al diran gai izango dana egiteko eskatzeko galdetu dau. Adierazo dau, eskumenak argi egonda be, zaharren egoitzako eskumena bai dagoala argi nori egokitzen jakon eta, hainbat ahalegin egin diran arren, Legarreta jaunak ondo dakien moduan, ez dala ezer lortu. Galdetu dau ea dagoaneko onartu egin behar daben Bermeoko Udalak egin behar dauela. Abaroa jaunak erantzun dau Bizkaiko Foru Aldundiak udalagaz batera egin behar dauela. Alkate andreak esan dau, danagaz egiten dan moduan, danak ados egonda, eskutik joan daitekezala, baina alderdikideeri antza beldurra emoten deutsela joatea. Gaztelu andreak gogorarazo deutso hainbat bider proposatu deutsiela gobernu taldeari alkarregaz joatea eta, behin Abaroa jaunak esan eutsonean ez deutsola deitu alkarregaz joateko, erantzun eutsola Urkullu Raxoirengana joaten danean ez dala Mintegigaz joaten.

2014/01

22

Alkate andreak erantzun deutso EAJ alderdi barruan txutxumutxu eta informazinoakaz ibiltea ez dauela serio topaten eta, zentzu horretan, Bizkaiko Foru Aldundiaren jokabidea ez dala garbia. Hori horrela, esan deutso zelan ez dauela gurako zentzu berean indarrik egiterik. Abaroa jaunak galdetu deutso ea noiz jesartzen diran adosteko, orain arte ez diralako jesarri. Goienetxea jaunak erantzun deutso orain hile batzuk EAJ udal taldekoek ez zirala ados egon. Legarreta jaunak esan deutso BILDUko ordezkari politikoak be ez dirala ados egon. Amaia Elorza andreak esan dau BILDUk Batzar Nagusietan ezetza emon badau be eta EAJk be ez badau gura izan BILDUgaz joan, orain prest badagoz, egin daiela eta listo. Abaroa jaunak esan dau orain hilabete eskari bat aurkeztu ebela idatziz galdetuz banderea dala eta errekerimendurik jaso al dan eta ze pauso emon dan zentzu horretan eta oraindino ez dabela erantzunik jaso. Alkate eta idazkari andreek eskatutakoa prestatu eta bialdu zala erantzun deutse. Abaroa eta Legarreta jaunak ez dabela ezer jaso adierazo dabe. Legarreta jaunak errege eguneko erresakea dala eta, kalteak baloratu al diran eta ze pauso emongo dan galdetu dau. Alkate andreak erantzun deutso Portuetako ordezkariakaz egon zirala eta adierazo ebenaren arabera, kalteak baloratzen ari dirala eta asmoa dala gitxi-gitxika konpontzen joatea, esan dau. Udaltzainek be kalte guztiak argazkiakaz zerrendatzen ari dirala informatu dau eta kaltetuakaz be egon zirala, azaldu dau. Bihar egongo dan Urigintza batzordean guztiaren barri zabala emongo dala esan dau.

2014/01

23

Eta aztertzeko gai gehiago barik, lehendakari andreak amaitutzat emon dau batzarra goiburukoan aitatutako ordu, egun eta leku berean, eta eztabaidatutakoa eta erabagitakoa jasota geratu daiten, nik, idazkariak, agiri hau egin eta izenpetzen dodanak, horren fede emoten dot, lehendakariaren oneritxiagaz. Agiri hau Euskal Autonomia Erkidegoko toki administrazinoko ........(e)tik .......(e)ra arteko zenbakidun papelean jaso da.

Documents

AKTEA OSOKO BILKUREA - Bermeo · 3. 2014. urteko Aurrekontu Orokorra eta Udal Plantillea onartzea. 4. Bermeoko Udaleko, Gizarte Ongizaterako Udal Patronatuko, Kirol Udal Patronatuko