Upload
others
View
3
Download
0
Embed Size (px)
Citation preview
Carta aos pais Estimados pais,
Benvidos a My Home Booklet! Logo de completar cada unidade de Kid’s Box 5 no colexio, o voso fi llo levará My Home Booklet a casa para ensinarvos o que estivo aprendendo.
Non fai falla que teñades un nivel alto de inglés para axudalo. O importante é que vos interesedes polo que fi xo e apoiedes cando sexa necesario. Facer isto benefi ciará a súa aprendizaxe.
Cada unha das 9 unidades de My Home Booklet contén as seguintes actividades:
As actividades da primeira páxina practican os contidos máis relevantes do vocabulario e da gramática da unidade. É importante asegurarse de que o neno entenda o que ten que facer e animalo a que realice a actividade de forma autónoma. A medida que vaia rematando as actividades, pedídelle que vos lea as respostas. Se vos decatades dalgún erro, non llo sinaledes inmediatamente. A miúdo, ao ler as respostas en voz alta, darase conta dos erros. Tamén podedes facerlle preguntas en inglés ou animalo a que fale de si mesmo, cando sexa oportuno.
As primeiras actividades da segunda páxina céntranse na lectura e a escritura. Cada unidade traballa un tipo de texto diferente. Primeiro ofrécese unha lectura breve, que traballa a linguaxe aprendida na unidade e suscita unha sinxela actividade de comprensión. Esta lectura servirá de modelo ao alumno para redactar o seu propio texto na seguinte actividade. A continuación hai unha actividade que se centra nun trazo particular do texto xa traballado no Activity Book, como pode ser a puntuación, o uso dos adxectivos ou a división de palabras en sílabas. Finalmente, co modelo da actividade 3 como referente, o alumno redactará un texto similar, utilizando parte da linguaxe aprendida na unidade. Animádeo a que pense ben antes de escribir ou pedídelle, quizais, que escriba un borrador do seu propio texto no seu caderno antes de pasalo a limpo en My Home Booklet.
A derradeira actividade é unha actividade de Autoavaliación. Pedídelle ao voso fi llo que lea as frases de “I can …” e pense se as afi rmacións son verdadeiras no seu caso. Debería colorear a cariña que represente a súa capacidade para realizar cada tarefa.
Nota: As iconas que aparecen xunto ás cariñas en Basic competences progress na parte inferior da páxina indican as Competencias Básicas traballadas, segundo establece o Consello de Europa e o currículo de Educación Primaria.
1 Comunicación lingüística 2 Competencia matemática e competencias
básicas en ciencia e tecnoloxía 3 Competencia dixital 4 Aprender a aprender 5 Competencias sociais e cívicas 6 Sentido de iniciativa e espírito emprendedor 7 Conciencia e expresións culturais
Para rematar, ao fi nal de My Home Booklet hai un Picture dictionary, un dicionario en imaxes no que o teu fi llo deberá traducir todo o vocabulario clave do curso á súa propia lingua. Ademais hai unha sección especial, chamada Spelling, que revisa e practica a ortografía dos sons que traballaron no Pupil´s Book.
Esperamos que vos divirtades traballando xuntos con My Home Booklet!
O profesor / A profesora de inglés do voso fi llo.