Upload
others
View
6
Download
0
Embed Size (px)
Citation preview
Euskal hiriburuetako auzoen bizigarritasun-neurgailua
DOKUMENTAZIOA ETA METODOLOGIA
2016ko azaroa
Babeslea:
Euskal hiriburuetako auzoen bizigarritasun-neurgailua – Dokumentazioa eta metodologia
1
00.. AURKIBIDEA
00.. AURKIBIDEA ..................................................................................................................................................1
11.. ABIAPUNTUA: AURRETIKO ERREFERENTZIAK ETA ESPERIENTZIAK ..............................................................4
11..11.. SARRERA ...........................................................................................................................................4
11..22.. THE URBAN AUDIT ............................................................................................................................4
11..33.. BARTZELONAKO EKOLOGIA URBANOAREN AGENTZIA ....................................................................7
11..44.. CITY OBSERVATORY ....................................................................................................................... 12
11..55.. GLOBAL URBAN OBSERVATORY (GUO) ......................................................................................... 13
11..66.. VITORIA-GASTEIZKO HIRI BEHATOKIA ........................................................................................... 14
11..77.. DONOSTIAKO HIRI BEHATOKIA ...................................................................................................... 15
11..88.. BILBOKO HIRI BEHATOKIA ............................................................................................................. 16
11..99.. IRUÑAKO HIRI BEHATOKIA ............................................................................................................ 17
22.. MARKO TEORIKOA ..................................................................................................................................... 18
22..11.. HIRIEN SORRERA ETA HAZKUNDEAREN LOGIKA ........................................................................... 18
22..22.. HIRI-HAZKUNDEAREN ERAGOZPENAK ........................................................................................... 21
22..33.. HIRIRAKO ESKUBIDEA .................................................................................................................... 22
22..44.. HIRI IRAUNKORRAREN EREDUA ..................................................................................................... 22
33.. MARKO PRAKTIKOA ................................................................................................................................... 24
33..11.. DATU ETA ITURRIEN PROBLEMATIKA ............................................................................................ 24
33..22.. EUSKAL HIRIBURUEN DIMENTSIO ESPAZIALA ............................................................................... 26
44.. AUZOEN BIZIGARRITASUNA NEURTZEKO ADIERAZLEAK ........................................................................... 27
44..11.. HIRI MORFOLOGIA ......................................................................................................................... 28
4.1.1. Kontzeptua ................................................................................................................. 28
4.1.2. Adierazleen fitxa teknikoa .......................................................................................... 29
4.1.3. Hiri morfologia egoki baterako zenbait adibide ......................................................... 30
4.1.3.1. Gerriko berdeak eta hiri baratzak ........................................................................... 30
4.1.3.2. Teilatu berdeak ....................................................................................................... 31
Euskal hiriburuetako auzoen bizigarritasun-neurgailua – Dokumentazioa eta metodologia
2
4.1.3.3. Super-irla edo “Superilla” ....................................................................................... 32
44..22.. ZERBITZUEN ESKURAGARRITASUNA .............................................................................................. 33
4.2.1. Kontzeptua ................................................................................................................. 33
4.2.2. Adierazleen fitxa teknikoa .......................................................................................... 34
4.2.3. Zerbitzuen eskuragarritasuna sustatzeko zenbait adibide ........................................ 35
4.2.3.1. Hutsik dauden eraikin industrialen berrerabilera .................................................. 35
44..33.. MUGIKORTASUN IRAUNKORRA ..................................................................................................... 36
4.3.1. Kontzeptua ................................................................................................................. 36
4.3.2. Adierazleen fitxa teknikoa .......................................................................................... 37
4.3.3. Mugikortasun iraunkor baterako zenbait adibide ..................................................... 38
4.3.3.1. Garraio publiko eta bizikletaren arteko aldagailu modalak ................................... 38
4.3.3.2. Sare ortogonala ...................................................................................................... 39
44..44.. METABOLISMO DEMOGRAFIKOA .................................................................................................. 40
4.4.1. Kontzeptua ................................................................................................................. 40
4.4.2. Adierazleen fitxa teknikoa .......................................................................................... 41
4.4.3. Metabolismo demografiko egoki baterako zenbait adibide ...................................... 42
4.4.3.1. Ikuspegi inklusiboa txertatu auzoen hiri-eraberritzean ......................................... 42
4.4.3.2. Tutoretzapeko etxebizitza lagunduak sortu ........................................................... 42
4.4.3.3. Ekimen berritzaile publiko eta pribatuak sustatu................................................... 43
44..55.. GIZARTE KOHESIOA........................................................................................................................ 44
4.5.1. Kontzeptua ................................................................................................................. 44
4.5.2. Adierazleen fitxa teknikoa .......................................................................................... 45
4.5.3. Gizarte kohesio egoki baterako zenbait adibide ........................................................ 46
4.5.3.1. Udalek etxebizitzak erosteko mekanismoak aktibatu ............................................ 46
4.5.3.2. Aktibazio sozioekonomikorako estrategiak ............................................................ 46
4.5.3.3. Adin tarte desberdinei bideratutako hiri-altzariak ................................................. 48
55.. ERANSKINAK .............................................................................................................................................. 49
Euskal hiriburuetako auzoen bizigarritasun-neurgailua – Dokumentazioa eta metodologia
3
55..11.. AUZOEN MUGA GEOGRAFIKOAK ................................................................................................... 49
5.1.1. Vitoria-Gasteizko auzoen muga geografikoak............................................................ 49
5.1.2. Baionako auzoen muga geografikoak ........................................................................ 50
5.1.3. Bilboko auzoen muga geografikoak ........................................................................... 51
5.1.4. Donostiako auzoen muga geografikoak ..................................................................... 52
5.1.5. Iruñako auzoen muga geografikoak ........................................................................... 53
55..22.. ADIERAZLE KALKULUARI BURUZKO ZENBAIT OHAR ...................................................................... 54
5.2.1. Zonalde berdeen presentzia ....................................................................................... 54
5.2.2. Inundagarritasun arriskua .......................................................................................... 54
5.2.3. Zerbitzuen eskuragarritasuna .................................................................................... 54
5.2.4. Orografia-konplexutasuna.......................................................................................... 55
5.2.5. Garraio publikora irisgarritasuna eta bidegorrien irisgarritasuna ............................. 55
5.2.6. Aparkalekuen presentzia ............................................................................................ 56
5.2.7. Europatik kanpo jaio den biztanleriaren presentzia .................................................. 56
5.2.8. Gizarte eragileen ehun dentsitatea ............................................................................ 56
Euskal hiriburuetako auzoen bizigarritasun-neurgailua – Dokumentazioa eta metodologia
4
11.. ABIAPUNTUA: AURRETIKO
ERREFERENTZIAK ETA ESPERIENTZIAK
11..11.. SARRERA
Atal honetan Euskal Herriko zein mundu mailako hiri behatoki nagusiak aurkezten dira. Hirien
iraunkortasunaren erronkari aurre egiteko lantzen dituzten oinarrizko erreferentziak azaltzen dira,
azterketarako erabiltzen dituzten adierazle eta bistaratzaileetan arreta berezia jarriz. Ezagutza hau
Euskal Herriko hirien iraunkortasun paradigmari erantzuna emateko abiapuntua da.
11..22.. THE URBAN AUDIT
Europako Urban Audit proiektuak 1990. hamarkadan du hastapena Europako hiri nagusien bizi
kalitatea alderatzeko informazio estatistikoa biltzeko xedearekin. Proiektu honen sustatzaile
nagusia Europako Batzordeko Politika Erregional eta Urbanoaren Zuzendaritza Orokorra da,
EUROSTATen lankidetzarekin batera garatzen duelarik. Ondorioz, estatu bakoitzeko estatistika
institutuak dira informazioa jasotzeko erantzukizuna duten entitateak, EUROSTATek koordinatuta.
Hirien diagnostikoa gaurkotzeko asmoz datuak hiru urtean behin bildu eta sisteman integratzen
dituzte. Honela, egun seigarren datu bilketan murgilduta daude. Proiektuak aurrera egin ahala
aldaketak izan ditu bai metodologiaren esparruan zein lurraldearen ikuspegitik. Egun, Europako 900
bat hirientzako informazioa biltzen dute, horien artean, Vitoria-Gasteiz, Bilbo, Barakaldo, Getxo,
Iruñea, Donostia, Irun eta Baiona. 187 aldagaiekin hirientzako 63 adierazle kalkulatzen dituzte,
Euskal hiriburuetako auzoen bizigarritasun-neurgailua – Dokumentazioa eta metodologia
5
zenbait adierazle udalerri azpiko eremu geografikoentzat, eta beste zenbait, hiri-eremu
funtzionalak osatzen dituzten udalerriz gaindiko eremuentzat ere. Euskal Herrian mota honetako
eremu bakarra Bilbo eta bere ingurua osatzen duen konurbazioa da.
Proiektuaren azken helburua hiriko bizi-kalitatea hobetzen laguntzea da. Alde batetik, Europako
hirien artean esperientzien elkar trukaketa bultzatuz; bestetik, praktika onak identifikatzen
lagunduz. Europa mailako Benchmarking ariketa honek hirien eta bere inguruko dinamiken gaineko
informazioa eskaintzeko misioa du.
Irudia 1. Urban Audit proiektuaren bistaratzailea.
Aipatu bezala asko dira proiektuan aintzat hartzen diren adierazleak, baina orobat adierazle
tradizional edo ohikoak direnez ez ditugu hauek guztiak orain zerrendatuko. Halere, interesgarria da
ikustea adierazle multzo handi hori hurrengo egituraren arabera sailkatuta dagoela.
Euskal hiriburuetako auzoen bizigarritasun-neurgailua – Dokumentazioa eta metodologia
6
URBAN AUDIT - ADIERAZLEEN EGITURA OROKORRA (EUROSTAT)
Population on 1 January by age groups and sex
Population structure
Population by citizenship and country of birth
Fertility and mortality
Living conditions
Education
Culture and tourism
Labour market
Economy and finance
Transport
Environment
Esan bezala, adierazle tradizionalak nagusi dira adierazle sistema honetan, eta hain zuzen ere, hori
da neurgailu sistema honen ahulgune nagusienetariko bat. Bizi-kalitatea bera neurtzeko irizpideak
faltan botatzen dira eta adierazle multzo bat handia izateagatik ez du bizi-kalitatearen gaineko
berezko informazio gehiago ematen. Seguruenik, Europak barne duen hiri-heterogeneitatea eta
hirigintza zein bizi-kalitatearen gainean irizpide komunak adosteko zailtasunak zerikusi handia
izango dute proiektuaren diseinuan.
Hego Euskal Herriko hiriez eskuragarri dagoen informazio multzoa nabarmen txikiagoa da, eta
multzo hauetan sailkatuta dauden adierazle sorta bat da. Baina funtsean aipaturiko ezaugarriak
dituzten adierazleak dira. Hona hemen 32 adierazle horien zerrenda:
URBAN AUDIT - ADIERAZLEAK HEGO EUSKAL HERRIKO HIRIBURUENTZAT (INE)
Población residente (Personas)
Proporción de población de 0-14 años (Porcentaje)
Proporción de población de 15-64 años (Porcentaje)
Proporción de población >65 años (Porcentaje)
Edad mediana de la población (años)
Proporción de nacionales sobre la población total (Porcentaje)
Proporción de nativos nacionales sobre la población total (Porcentaje)
Proporción de nacidos en el extranjero sobre la población total (Porcentaje)
Proporción de extranjeros sobre la población total (Porcentaje)
Número total de hogares (Número)
Tamaño medio de los hogares (Número)
Proporción de hogares de una persona sobre el total de hogares (Porcentaje)
Número de viviendas convencionales según Censo (Número)
Proporción de viviendas vacías (Porcentaje)
Tasa bruta de natalidad (Tantos por mil de personas)
Tasa bruta de mortalidad (Tanto por mil de personas)
Euskal hiriburuetako auzoen bizigarritasun-neurgailua – Dokumentazioa eta metodologia
7
Tasa de desempleo (Porcentaje)
Proporción de ocupados entre 20-64 años sobre la población activa (Porcentaje)
Tasa de actividad (Porcentaje)
Proporción de empleo en servicios (NACE Rev.2 G-U) (Porcentaje)
Proporción de empleo en industria (NACE Rev.2 B-E) (Porcentaje)
Superficie total (Km2)
Proporción de niños de 0-4 años en guarderías sobre la población de 0-4 años (Porcentaje)
Proporción de población entre 25-64 años con máximo nivel educación ISCED 0, 1 ó 2 (Porcentaje)
Proporción de población entre 25-64 años con máximo nivel de educación ISCED 3 ó 4 (Porcentaje)
Proporción de población entre 25-64 años con máximo nivel de educación ISCED 5 ó 6 (Porcentaje)
Porcentaje de desplazamientos al trabajo en coche (Porcentaje)
Porcentaje de desplazamientos al trabajo a pie (Porcentaje)
Porcentaje de desplazamientos al trabajo en transporte público (Porcentaje)
Duración media del desplazamiento al trabajo (minutos)
Número de pernoctaciones turísticas anuales (Número)
Número de plazas disponibles en establecimientos turísticos (Número)
11..33.. BARTZELONAKO EKOLOGIA URBANOAREN AGENTZIA
Bartzelonako Ekologia Urbanoaren Agentziak (BCNEcologia) urbanismo ekologikoa bezala definitzen
duen hiri ereduaren marko kontzeptuala garatu du. Hirigintza estrategia honen oinarria hiriak
berezkoak dituen aktibitate, hartu-eman eta bizigarritasuna hobetu edo betetzeko beharrezkoak
diren baliabideak murriztea da, eta horretarako, hiri eredu iraunkor batek izan beharko lituzkeen
ezaugarriak definitu ditu.
Horiek horrela, hiri eredu iraunkor bat morfologia trinkoa, antolakuntza konplexua, efizientzia
metabolikoa eta gizarte kohesioa dituena litzateke.
a) Hiri trinkotasuna
Atal honek hiriak bere oinarri fisikoarekin dituen ezaugarriak aztertzen ditu. Aktibitate zein hartu-
emanak modu eraginkorrean gauzatzeko eta lur erabilera murrizteko, hiriak dentsitate aproposa
eta espazio irekien oreka egokia izatea du helburu. Hiriko erabilera eremu desberdinen arteko
mugikortasunak ibilgailu pribatua ordezkatzen duen hartzen du kontuan.
Euskal hiriburuetako auzoen bizigarritasun-neurgailua – Dokumentazioa eta metodologia
8
b) Hiri konplexutasuna
Hiri konplexutasunak hirian eragiten diren aktibitate ekonomikoari eta zerbitzuen erabilgarritasun
mailari arreta jartzen die. Horrezaz gain, biodibertsitatearen eta gune naturalen presentzia eta
kalitatea jorratzen ditu. Pertsonek eskaintza hauetara duten gertutasuna efizientzia energetikoa
bermatzeko modua da.
c) Efizientzia metabolikoa
Hiri metabolismoa jorratzen duen atala da eta ur, energia eta hondakin zikloak hartzen ditu barne.
Baliabide naturalen erabilerak efizientzia maximoa lortu behar du ekosisteman duen inpaktua
ahalik eta gehien murrizten duelarik. Hori lortzeko ardatz nagusiak energia berriztagarrien erabilera
eta hondakinen birziklatzea dira.
d) Gizarte kohesioa
Gizarte kohesioak hirian gertatzen diren harreman sozialak aztertzen ditu. Dibertsitate egoki batek
pertsona talde desberdinak espazio publikoa erabiltzera bideratu eta hauen arteko hartu-emana
ahalbidetzen du. Hirian sortzen den segregazioa eta ondorioz datozen gatazka sozialei aurre egiten
lagungarria da.
Euskal hiriburuetako auzoen bizigarritasun-neurgailua – Dokumentazioa eta metodologia
9
Irudia 2. BCNEcologiaren hiri eredu iraunkorraren marko kontzeptuala. Iturria:
www.bcnecologia.net
Helburu hauek lortzeko hainbat proposamen garatu dituzte. Ezagunenak hirigintza ekosistemikoa,
super-irla edo “superilla” eta mugikortasun sare ortogonala dira. Gainera, hirien iraunkortasuna
aztertzeko adierazle sorta interesgarri bat osatuta daukate eta hauen parametro optimoak
diseinatu dituzte.
Euskal hiriburuetako auzoen bizigarritasun-neurgailua – Dokumentazioa eta metodologia
10
Irudia 3. BCNEcologiak proposatutako hirien iraunkortasuna neurtzeko adierazleak. Iturria: El
Urbanismo Ecológico (2012), BCNEcologia
Euskal hiriburuetako auzoen bizigarritasun-neurgailua – Dokumentazioa eta metodologia
11
Irudia 4. BCNEcologiak proposatutako hirien iraunkortasuna neurtzeko adierazleak. Iturria: El
Urbanismo Ecológico (2012), BCNEcologia
Euskal hiriburuetako auzoen bizigarritasun-neurgailua – Dokumentazioa eta metodologia
12
11..44.. CITY OBSERVATORY
City Observatory hirien inguruko hausnarketa bultzatzen duen behatoki bat da. Ekimen honen
ikerketagai nagusia Portland hiriburua (Oregon) bada ere, Ameriketako Estatu Batuetako (AEB)
hirien behatoki gisa aritzen da. Bertan hirien inguruko kontzeptuak garatu, azken ikerketak baloratu
eta hiri-komunitateak indartzen dituzten ideia berritzaileak balioan jartzen dituzte.
Jorratzen diren gaiak ugariak dira eta hauen inguruko txostenak eskuragarri dituzte. Adierazle eta
bistaratzaileak ezin dira zunenean kontsultatu; dokumentuen barruko datu eta mapak soilik daude
ikusgai. City Observatory-k ondorengo alorren inguruko ezagutza partekatzen du:
- Ekonomia aukerak
- Talentua eta oparotasuna
- Garapen estrategiak
- Berrikuntza eta ekintzailetasuna
- Etxebizitza merkatua
- Gentrifikazioa
- Ekonomia metropolitanoa
- Planeamendua eta kontsumoa
- Haurrak eta hiria
Euskal hiriburuetako auzoen bizigarritasun-neurgailua – Dokumentazioa eta metodologia
13
11..55.. GLOBAL URBAN OBSERVATORY (GUO)
Nazio Batuek bultzaturiko Global Urban Observatory proiektua hiriei euren egoera eta beharren
argazki bat eskaintzeko misioarekin jaio zen. Helburu horrekin, GIS teknologiaren erabilera egiten
du: espaziotik eskuratutako hiri baten argazkiekin kaleen gaineko informazio ugari eskaintzen du.
Landa lanaz ere osatzen da informazio hori, behar izanez gero.
Mundu mailako hiri-garapenaren errealitatea ezagutzeko datu base honekin hiri eta
komunitateentzako Garapen Iraunkorrerako Hamaika Helburuen Jomugaren inplementazioa
monitorizatzen da. Ortzemuga nagusia 2030 urtean hiriak inklusiboagoak, seguruagoak eta
erresilientzalagoak bihurtzea da.
Adierazle galeriari dagokionez, adierazle nagusiak 20 dira, hirigintza politika publikoak definitzeko
garrantzitsuak direnak. Datu kualitatibodun 9 zerrenda daude, ikuspuntu kuantitatibo hutsean
neurtu ezin diren gune edo elementuen gaineko informazioa biltzeko asmoarekin. Azkenik, beste 13
indikadore daude, informazio osagarria eskaintzen dutenak. Adierazle guztiak bi multzotan
sailkatzen dituzte, zentsuetan eta etxeguneen inkesta nazionaletan oinarrituriko adierazleak, alde
batetik; beste hainbat iturrietan oinarrituriko adierazleak, bestetik.
Adierazleen gaineko zehaztasun gehiago ez da txosten honetan eskainiko ekarpen berezirik ez
duelako egiten. Izan ere, euskal hiriburuen problematika nagusia mundu mailako hirigintza
errealitatearen problematika nagusietatik urrun dago.
Irudia 5. Hiria gauez. © ONU-Hábitat
Euskal hiriburuetako auzoen bizigarritasun-neurgailua – Dokumentazioa eta metodologia
14
11..66.. VITORIA-GASTEIZKO HIRI BEHATOKIA
Hiri adierazleen sistemak Vitoria-Gasteiz hiriaren eta hiriak izan duen bilakaeraren berri emateko
estatistika datuak eskaintzen ditu, ikuspegi zabal batetik. Informazio sistema honek 250 adierazletik
gora hartzen ditu barne, hiru atal handitan egitaratuta: LURRALDEA ETA INGURUMENA, GIZA
KOHESIOA eta EKONOMIA ETA LEHIAKORTASUNA.
Hauetako bakoitza, halaber, talde eta azpitaldetan banatuta dago, erabiltzaileak informazioa
errazago aurki dezan. Adierazlea errealitatearen interpretazio enpirikoa da. Adierazleek hiru funtzio
nagusi dituzte: erraztea, zenbatzea eta komunikatzea.
Hiri adierazleen funtzio eta helburuak honakoak dira:
- Hirien baldintza eta prozesu zailak modu erraz batean adieraztea, jendea arazoez sentsibiliza
dadin.
- Hiriaren osagaien ikerketa zientifikoa erraztea, eta bereziki, egungo gertakariak eta
harremanak hobeto ulertzen laguntzea.
- Nazioko zein nazioarteko hiriak eta hiriko alderdiak alderatzeko aukera ematea.
- Arduradunek sektore publikoan zein pribatuan hartu beharreko erabakietarako informazio
iturri izatea.
- Eragile publiko eta pribatuen barne eta kanpoko jardueren berri ematea.
- Biztanleen parte-hartzea erraztea, bereziki herritarren mugimenduena.
- Hirietan ematen diren joera berriak identifikatzen eta diagnostikoa egiten laguntzea.
- Hiriko politika berrien definizioa eta jarraipena erraztea.
- Hirian zer gertatuko den aurreikusten eta prospekzio-politikak egiten laguntzea.
- Politikak burutzean lortu nahi diren helburuen ulermena sustatzea.
Ikuspegi kritiko batetik, ordea, gabezi desberdinak dauzka. Informazio asko eskura jartzea positiboa
eta beharrezkoa da Open Data filosofiaren baitan, baina faltan botatzen da diseinu teoriko eta
analisirako marko garatu bat aditua ez den pertsona bati, izan herritarra edo udal zinegotzi bat,
diagnostikoa egiten laguntzeko. Interbentzio publikoa beraren ikuspegitik monitorizaziorako
baliabideak faltan botatzen dira. Hiri Adierazleen Sistema, bestalde, ez da elebiduna.
Euskal hiriburuetako auzoen bizigarritasun-neurgailua – Dokumentazioa eta metodologia
15
11..77.. DONOSTIAKO HIRI BEHATOKIA
Behatoki honek hiru baliabide jartzen ditu herritarren esku: urteko ekonomi txostenak, egoera eta
sektoreko ikerketak eta datu estatistikoak. Urteko txosten ekonomikoak esparru desberdinak
lantzen dituzten txosten mardulak dira eta amaieran auzo mailako informazioa dator. Egoera eta
sektoreko ikerketak deritzon horietan, ostera, koiuntura ekonomikoa, lan merkatua, merkataritza,
“smartcityaren” kontzeptua eta bestelako ikerketagaiak nagusi dira.
Datu estatistikoen atalan bederatzi azpi-atal daude:
- Hiriaren eta auzoen laburpena
- Biztanleria
- Enplegua
- Enpresen jarduera
- Hiriaren erakargarritasuna
- Jarrera berritzailea
- Mugikortasuna
- Bizi-kalitatea eta kohesio soziala
- 2008 urte aurreko datuak
Hiriaren eta auzoen laburpenean auzo bakoitzerako 42 adierazle eskuragarri daude, biztanleria-
demografia, lan merkatua, jarduera ekonomikoa eta errenta ataletan antolaturikoak. Datu
interesgarriak dira eta auzo bakoitzaren ezaugarri nagusi batzuk ezagutzeko parada ematen dute.
Faltan botatzen da, ordea, hiri baten errealitatean berebiziko garrantzia duten elementu
desberdinen analisia (hirigintza, mugikortasuna,…) eta datuak interpretatzen lagunduko duen
aginte kuadro bat. Datuak bisualki ikusteko aukera ematen duen aplikazio batek informazioa
sozializatzen lagunduko luke.
Euskal hiriburuetako auzoen bizigarritasun-neurgailua – Dokumentazioa eta metodologia
16
11..88.. BILBOKO HIRI BEHATOKIA
Bilboko Auzoetako Hiri Behatokia hiriko auzo desberdinek bizi duten egoera urbanistiko nahiz
soziala aztertu eta horren inguruko diagnosia egiteko tresna bat da. Tresna horri esker,
gardentasuna eta etengabeko hobekuntza sustatuko da udaleko kudeaketan. Bilboko Auzoen
Behatokiaren ezaugarrietako bat da, bertan jasotako informazioa maneiatzeko arintasuna. Zentzu
horretan, eskaintzen dituen aukeren artean dago, esaterako, hiriko auzo desberdinen arteko
alderaketa, eta auzo horiek epealdi jakin batean izan duten bilakaeraren analisia.
Baliabide horren bidez oso modu errazean detekta daitezke auzoetan egun dauden beharrizan eta
eskariak; horrek, halaber, arintasuna dakar erabakiak hartzeko orduan, bai eta eraginkortasun,
hurbiltasun eta gardentasun handiagoa ere, udalaren kudeaketari dagokionez. Bere misioa honakoa
da:
- Biztanleriaren bizi baldintzen inguruko informazioa bildu, aztertu eta sortu.
- Bildutako informazioa erabaki sisteman integratzea.
- Gizarte eragileei informazioa erraz eskuratzen laguntzea.
- Informazioa hedatzea.
Behategi hau auzo mailako informazioa eskura jartzeko bisore geografikoez baliatzen da eta
demografia, hezkuntza, lanbidea eta etxebizitza arloak aintzat hartzeaz gain (EUSTATek udalari
eskaintzen dion informazioa, kasu guztietan), auzoen bizi kalitatea eta problematikak neurtzeko
adierazle galeria oso interesgarri bat dauka. Auzoen bizi-kalitatearen balorazioa herritarren iritzian
soilik oinarritzea da behategiaren hutsune bakarrenetarikoa. Herritarren pertzeptzioa
diagnostikorako bestelako datu kuantitatibo batzuekin osatzeak auzoen erradiografia hobetuko
luke.
Euskal hiriburuetako auzoen bizigarritasun-neurgailua – Dokumentazioa eta metodologia
17
11..99.. IRUÑAKO HIRI BEHATOKIA
Iruñako Open Data Plataformak bost gaien arabera datu bilduma handi bat antolatuta dauka:
- Udaletxea: Udalaren gaineko informazioa.
- Hiria: Hiriaren gaineko informazio anitza.
- Ekonomia: Enpresa eta ibilgailuen gaineko informazioa.
- Biztanleria: Herritarren gaineko informazio demografikoa.
- Lurraldea: Informazio espaziala.
Iruñako Udal Behatokia bi ataletan bereizten da: Pamplona en cifras eta Indicadores/espacio-
tiempo. Atal bakoitza independientea da eta informazioaren eskuragaritasuna ez da beharko lukeen
bezain intuitiboa. Pamplona en cifras delakoan hiri eta auzo mailako informazioa dago eskuragarri,
bai laburpen fitxa baten formatuan zein datu guztiak biltzen dituen batean. Aldiz,
Indicadores/espacio-tiempo atala datuen Esploraziorako Inteligentzia Sistema gisa definitzen da,
kontsulta interaktibo bidez adin piramideak, mapa desberdinak eta denboraren bilakaera grafikoa
behatzeko aukera ematen duelarik. Egun, orotara 1.233 adierazle daude eskuragarri.
Orobat, behatokiak Open Dataren filosofiarekin bat egiten du informazio multzo handi bat
herritarren eskura jartzen duelako, baina era berean, hiri eta auzo baten bizigarritasunean
garrantzitsuak diren zenbait elementuren gaineko informazioa ez dago eskuragarri. Edonola ere,
Iruñako Hiri Behatokiak ez ditu bere misioa eta eginkizunak inon definitzen eta hankamotz geratzen
da maila horretan, bai herritar arruntei begira zein udalaren interbentzio publikoaren eragina
monitorizatu nahi duen teknikari batentzat ere. Sistema, bestalde, elebakarra da.
Euskal hiriburuetako auzoen bizigarritasun-neurgailua – Dokumentazioa eta metodologia
18
22.. MARKO TEORIKOA
22..11.. HIRIEN SORRERA ETA HAZKUNDEAREN LOGIKA
Hiriak elkar elikatzen diren hartu-eman sozial, politiko, ekonomiko eta kulturalen ondorioz sortu
izan dira. Hazkunde ekonomikoaren logikaren barruan, produkzioaren soberakinaren kontzentrazio
geografiko eta demografikoa hirigintza prozesuetan islatzen da. Euskal Herrian bertan XX.
mendearen erditik aurrera emandako industrializazio prozesua hirietan eragin zuzena izan zuen,
jada XIX. mendean Bilbo aitzindaria izan zelarik.
Hazkunde honek bi adierazpen nagusi ditu. Batetik, eskulan beharraren ondorioz erakarritako
etorkin fluxuak biztanleria bolumena handitu eta hiriaren berezko ezaugarri sozial, ekonomiko eta
kulturaletan eragin zuzena dauka. Bestetik, lurraren erabilera urbanoaren hedapena beharrezkoa
da, bai bizitegi-gune berriak sortzeko, bai aktibitate ekonomikoak garatzeko espazio berrien eskaera
asetzeko (normalean, lehen sektorearen kaltetan). Vitoria-Gasteizen 1970ko hamarkadan ekonomia
egituraren eraldaketa hau bistakoa izan zen eta orduantxe definitu ziren hiria ezaugarrituko zuten
ardatz nagusietariko batzuk.
Euskal hiriburuetako auzoen bizigarritasun-neurgailua – Dokumentazioa eta metodologia
19
Irudia 6. 1968 eta 1998ko Vitoria-Gasteizko ortofotoaren konparaketa.
Azken urteetan euskal hirietako ezaugarri sozial, ekonomiko eta kulturalek aldaketa nabariak jasan
dituzte. Aspaldidanik hiriburuetan zerbitzuen espezializazioan oinarrituriko ekonomia egitura gero
eta garrantzitsuagoa da, eta aipagarria da, 2007ko udazkenean mundu mailan sortutako krisialdi
ekonomikoak euskal hiriburuetan modu batean ala bestean inflexio puntu bat eragin duela. Horren
adibide da 2009az geroztik Bilbo (-9.700) eta Iruñeak (-2.600) nozitu duten biztanleria galera.
Ordurarte, XXI. mende hasieratik behintzat emandako hazkunde demografiko bizia etorkin
fluxuetan zuela oinarri nagusietako bat. Hain zuzen ere, fluxu hauek utzitako ondarea hirien
dibertsitate kulturala aberastu dute.
Jaiotza tasa ere apaltze bidean dago (momentuz, Vitoria-Gasteizen eta Baionako salbuespenarekin)
eta horrek are gehiago indartu du biztanleriaren zahartze maila inoizko handiena izatea egun.
Zahartze demografikoa mendebaldeko gizarte baten berezko ohiko ezaugarria da, baina Euskal
Herriko zahartze tasa (%20,8) EB-28koa baina ia bi puntu altuagoa da. Epe ertainean aurreikustekoa
da zahartze prozesuaren sakontze garrantzitsua, 1960. eta 1970. hamarkadetan emandako
bapateko hazkunde demografikoaren ondarea zahartzaroaren atarian dagoelako egun.
Orobat, ikuspuntu geografiko batetik hirigintza dinamikek produkzioa eta biztanleria lurrarekiko
duten lotura eraldatu dute. Metropolizazio prozesuak landa lurrei espazioa kentzen jarraitu dute,
bizitegi-gune eta auzo berriak sortuz. Baina auzo berri hauek kasu batzuetan geografikoki
sakabanatuak daude eta erabilera funtzional urrikoak dira. Vitoria-Gasteizen, horren adibide argiak
dira Salburua (zer esanik ez Arkaiate) edo Zabalganako hainbat inguru.
Euskal hiriburuetako auzoen bizigarritasun-neurgailua – Dokumentazioa eta metodologia
20
Irudia 7. 1998 eta 2014ko Vitoria-Gasteizko ortofotoaren konparaketa.
Indarrean egon den garapen ekonomiko eta urbanistikoaren paradigma nagusia, alde batetik, behar
dituen soberakinak sortzeko urbanizazio prozesuetaz elikatzen da, eta bestetik, hazkunde
ekonomikoak sortzen dituen soberakinak xurgatzeko urbanizazio prozesuen beharra dauka.
Nolanahi ere, logika honek gutxitan erreparatzen dio metropolizazio prozesuek sortzen dituzten
ondorio sozial, ekonomiko eta kulturalei edota ingurugiroaren gainean eragindako kalteei.
Euskal hiriburuetako auzoen bizigarritasun-neurgailua – Dokumentazioa eta metodologia
21
22..22.. HIRI-HAZKUNDEAREN ERAGOZPENAK
Naturari dagokionez, garapen ekonomikoan oinarrituriko hirigintza korronteak produkzio
mekanismo eta baliabide natural berrien behar konstantea dauka eta lehengaien erauzketa eta
hondakinen kanporatzeak inguruarekiko presioa areagotzen du, espazio berdeak eta natur
baliabideak kaltetuz. Egun, ordea, hirigintza korronte desberdinek aintzat hartzen hasiak dira
biodibertsitate eta espazio naturalak beharrezkoak direla hiritarren bizigarritasun egoki bat
lortzeko.
Natur baliabideen zaintza eta ustiapen egokiak garapen iraunkorrerako beharrezkoak dira eta azken
hamarkadetan hiri urbanoen eta landa-eremuen arteko erlazioa modu bortitzean eraldatu da.
Nekazaritza tradizionalak geroz eta presentzia txikiagoa dauka eta gure kasuan inguruko landa-
lurrak hiriari zuzenean ematen dion zerbitzua urria da egun, elikagaien eta lehen sektoreko
produktuen ekoizpenerako deslokalizazio logikaren baitan. Bien bitartean, lurraren
artifizializaziorako joera handia eman da azken hamarkadan; honen adibide argi bat urbanizazio
itxien hedapena izan da, etxebizitzek lurra beharrezkoa dena baino gehiago desnaturalizatzen
dutelarik.
Hiri antolamendu egoki batek ezaugarri desberdinetako pertsonek espazio publikoa erabiltzea
ahalbidetzen du, eta honek, hiritarren hartu-emana errazten du hiriari oreka eskainiz, baina hiriaren
planifikazio ez aproposa hiritarren segregazio eta bazterketa sozialaren iturburua izan daiteke.
Arazo hau askotan hiri dispertsioak eragiten duen eremuen erabilera eta funtzioen ondorio da.
Adin, kultura edo errentaren araberako segregazioak bazterketa, ziurtasun eza eta gatazka
sozialerako orube geografikoa izan daitezke.
Euskal hiriburuetako auzoen bizigarritasun-neurgailua – Dokumentazioa eta metodologia
22
22..33.. HIRIRAKO ESKUBIDEA
Auzoak eremu urbano singularrak dira bere sorrera, ezaugarri urbanistiko eta sozio-kulturalei
dagokionez. Auzoak elkarren arteko interakzioan dauden errealitate sozio-urbanistikoak diren
aldetik garrantzitsuak dira herritarrarentzat zein iraunkortasun parametro askoren
inplementazioarentzat.
Nahiz eta hirigintza pertsona ororen bizitzan eragiten duen elementua izan, hiritarrek hirigintza
kudeaketan parte hartzeko dituzten kanalak ez dira beti zuzenekoak izaten. Ondorioz,
borondatearekin ere, hiri-morfologiaren diseinuan hiritarren nahi eta beharrak aintzat hartzeak
ageriko zailtasunak ditu.
Hirirako eskubidea hiritarrek hiria zein auzoa beraien xede eta beharretara moldatzeko eskubide
bezala ulertu behar da. Nahi den hiri eredua bertan ematen diren erlazio sozial, naturarekiko hartu-
eman zein bizitza estiloarekiko zuzenki lotuta dago. Beraz, bizilagunak dira hirien eta auzoen
bizigarritasun eredua definitu behar dutenak.
Jendartearen eskaerei modu apropos batean erantzuteko prozesu parte-hartzaileak hiriaren
diseinurako ardatz bilakatu behar dira, eta horretarako oso baliagarriak dira hirien inguruko
ezagutza eskaintzen dituzten tresnak. Gainera, kontuan izan behar da prozesu parte-hartzaile hauek
hiritarren ahalduntzerako bide interesgarriak eta bizilagunen arteko elkar-ezagutza indartzeko
baliogarriak direla.
22..44.. HIRI IRAUNKORRAREN EREDUA
Hiri iraunkorra bizigarritasuna bermatuz ingurugiroan duen inpaktua murriztu eta natur baliabideak
modu eraginkor batean erabiltzen dituen hiria da. Bizigarritasuna oso subjektiboa izan arren, baditu
gaur egungo gizarteak kontuan hartzen dituen hainbat elementu komun:
Euskal hiriburuetako auzoen bizigarritasun-neurgailua – Dokumentazioa eta metodologia
23
Espazio publikoak, egunerokotasunean bertan ematen diren erabileren erosotasun eta
segurtasun pertzepzioa eskaini behar du. Auzoetan eraikitako etxebizitzek oreka bat izan
behar dute hirian dauden espazio irekiekin. Gainera, naturarekiko hartu-emana eta gune
berdeen presentzia beharrezkoa da bizigarritasun apropos baterako.
Ekipamendu eta oinarrizko zerbitzuen gertutasuna eguneroko beharrei erantzuna emateko
bidea da. Gainera, demografiaren bilakaerak aldaketak eragiten ditu gaur egungo
gizartearen adin, kultura zein jatorrian. Hiri eta auzoen bitalitate apropos baterako espazio
publikoan ezaugarri desberdineko pertsonen arteko hartu-emana beharrezkoa da.
Nahiz eta pertsonak gune konkretu batean bizi, eguneroko aktibitateak burutzeko (lana,
ikasketak, aisialdia…) puntu batetik bestera mugitzeko beharra dute. Espazio askok
funtzionalitate maila baxua dutenez, mugikortasunerako erraztasuna beharrezkoa da.
Hiri eta auzoen errealitatearen arabera bizigarritasun beharrak desberdinak dira, eta zentzu
horretan, eman beharreko erantzunak tokian tokikoak behar dute izan. Bizigarritasun behar horiek
zein neurritan asetzen diren kuantifikatzeko adierazle egokiak eraiki daitezke, diagnostiko hori
errealitatea hobetzeko bide aproposena zehazten lagungarria izan daitekeelarik.
Euskal hiriburuetako auzoen bizigarritasun-neurgailua – Dokumentazioa eta metodologia
24
33.. MARKO PRAKTIKOA
33..11.. DATU ETA ITURRIEN PROBLEMATIKA
Vitoria-Gasteiz, Bilbo, Donostia, Iruña eta Baionako auzoen bizitasuna aztertzeko eskuragarri
dagoen informazio multzoari dagokionez hainbat ideia azpimarratu beharra dago. Lehenik eta
behin, Hego Euskal Herrian eta Ipar Euskal Herrian praxi eta tradizio estatistiko guztiz desberdinak
indarrean daude, eta neurgailu bat sortzeari begira, informazio komuna beharrezkoa da mugaren bi
aldeetako hirientzat. Hau da, informazio multzo handi bat auzoen bizigarritasunaren neurgailurako
egokia izan badaiteke ere, ez da baliogarria gure ikerketa eremu osoarentzat ez badago. Elementu
hau etengabe presente dago estatistikoki Euskal Herria bere osotasunean aintzat hartzen denean.
Bigarren, aipatzekoa da Hego Euskal Herriko hiriburuek badutela udalek sustatutako behategi
propio bana. Kasu guztietan, behategi hauen datu iturri nagusia udala bera da. Alde horretatik,
bakoitzak bere berezitasunak dauzka, bai informazio bolumenaren eskaintzari zein informazio hori
biltegiratzeari dagokionez. Ondorioz, kasu batzuetan informazio bera modu desberdinean
biltegiratu eta eskaintzen da eta maiztasun desberdinez eguneratu. Informazio baliagarria da eta
gure adierazle batzuk sortzeko baliatu dugu, Baionarako informazio baliokidea eskura zegoen
kasuetan behintzat.
Bestalde, EUSTATek EAEko hiriburuetako auzoetarako eskaintzen duen informazioa gero eta
zabalagoa da, baina momentuz norabide horretan ibilbidea nahiko laburra da. Hemen, ordea, beste
arazo mota bat suertatzen da: EUSTATek erabiltzen dituen auzoen eremu geografikoa ez dator bat
udalek erabiltzen dutenarekin. Problematika honen gainean geroago sakonduko da, baina edozein
kasutan, EUSTATek hiriburuetako auzoetarako eskaintzen duen informazioa ez erabiltzera eraman
gaitu. Komenigarria litzateke maila horretan adostasuna lantzea.
Euskal hiriburuetako auzoen bizigarritasun-neurgailua – Dokumentazioa eta metodologia
25
Laburrean, Hego Euskal Herriko hiriburuentzako iturri komuna INEk EUSTATekin elkarlanean
kudeatzen dituen Biztanleriaren errolda eta Biztanleria eta Etxebizitzen Zentsuak dira. Zentsu sekzio
mailako datuetatik abiatuta auzo mailako informazioa eskuragarria da, baina maila honetako
desagregazio geografiko dagoen informazioa eskaintza ez da oso zabala, are gutxiago 2011 urtean
lehen aldiz Biztanleria eta Etxebizitzen Zentsuko datuak inkesta bidezko laginketaz bildu zirenez.
Nolanahi ere, baliagarriak diren datuak dira hauek eta proiektu honetan aintzat hartu ditugu.
Aipaturiko Hego eta Ipar Euskal Herriko praxi eta tradizio estatistiko desberdintasuna Baionako
auzoetarako dagoen informazioan nabarmena da. Frantziako Estatistika Institutu Nazionalak (INSEE)
ez du Hego Euskal Herrian INEk Biztanleriaren Erroldaren mailako gaurkotasun berarekin datuak
eskaintzen. Ordea, datu eskaintza oso zabala du Biztanleriaren Zentsua urtero berritzeko duen
metodologia propioarekin. Informazio guztia edo gehiena IRIS delako eremu geografikoetarako
eskuragarria dago eta IRIS horiek Ilots Regroupés pour l'Information Statistique dira, hots, lurraldea
estatistikoki antolatzeko oinarrizko eremu geografikoa.
Hego Euskal Herrian zentsu sekzioekin bezala, IRIS delako eremu geografikoen gainean ez dago
muga aldaketarik (Baionan barrutiak ez dira aldatu urtetan). Honek eremu hauen arteko alderaketa
estatistikoa denboran egitea ahalbidetzen du. Eraikitako neurgailu honetan, edonola ere,
Metabolismo Demografikoaren atalean bi adierazlek denbora alderaketa egiten dute, Hego Euskal
Herriko hiriburuetako kartografian landa lan handia egin eta gero zenbait zentsu sekzioren eremu
geografikoan aldaketak eman direlako.
Baionako kasuan 18 IRIS daude, eta hauen oinarrituz, Hego Euskal Herriarekin alderatuta Baionako
10 auzoetarako informazio eskaintza oso zabala da. Demografia, etxeguneen errenta,
establezimenduak edota mota anitzeko zerbitzuen gaineko informazioa eskuragarri dago, besteak
beste.
Laburrean, iturri eta informazio eskuragarriaren ebaluazio sakona eta biltegiratzea egin ostean,
auzoen bizitasuna modu integralean planteatzeko neurgailu bat sortzeari begira ezinbestekoa izan
da eremu desberdinetan landa lanaz informazioa biltzeari ekitea. Lan handia izan den arren
ezinbestekoak diren parametro desberdinak neurtzeko aukera bakarra izan da.
Euskal hiriburuetako auzoen bizigarritasun-neurgailua – Dokumentazioa eta metodologia
26
33..22.. EUSKAL HIRIBURUEN DIMENTSIO ESPAZIALA
Auzoen osaera eta hauen muga geografikoak zehazteko Hego Euskal Herriko hiriburuetan oinarrizko
unitate espaziala zentsu sekzioak izan dira, Baionan Ilots Regroupés pour l'Information Statistique
(IRIS) delakoak zentsu sekizo horien baliokideak direlarik. Aurreko atalean aipatu bezala, Baionako
kasuan auzo bakoitzak hartzen duen eremu geografikoaren gainean ez dago zalantzarik, baina hau
ez da beti gertatzen Hego Euskal Herriko hiriburuetan.
Aurreko atalean aipatu dugu EUSTATek hiriburuetan definitzen dituen auzo mugak ez datozela bat
Vitoria-Gasteiz, Donostia eta Bilboko udalek erabiltzen dituztenekin. Hori dela eta, zentsu sekzioak
oinarri hartuta auzo geografiaren definiziorako udalek darabilzkiten mugak aintzat hartu ditugu
proiektu honetarako.
Auzo geografia irizpide honen arabera definitzeak badu bigarren motako arazo metodologiko bat:
Vitoria-Gasteizen, Donostian eta Bilboko zentsu sekzioetan aldaketak gertatu dira azken urteetan,
eta ondorioz, adierazle baten bilakaera aztertzeko bi urte desberdinen datua eskuratzeak
zailtasunak ditu. Alde batetik, kasu batzuetan hiriak hazi diren neurrian zentsu sekzio berriak eratu
dira; bestetik, aurretik existitzen ziren sekzio batzuen mugetan aldaketak dira.
Hala izanik ere, Metabolismo demografikoaren atalean badira bi adierazle denbora bilakaera
barnebiltzen dutenak: Biztanleriaren fluxu joera (2011/15) eta Zahartzearen abiadura (2011/15).
Hau da, bi adierazle horien kalkulurako 2011 urteko datuak auzo mailan agregatuak izan dira 2015
urteko auzo egiturara moldatuta. Berez, interesgarriagoa zatekeen bi adierazle horiek 2009/2015
epea aintzat hartuko balute, baina 2009 urtean indarrean zegoen zentsu sekzioen antolaketagatik
ez da bideragarria izan. Baionan ez da gertatzen mota honetako arazorik.
Euskal hiriburuetako auzoen bizigarritasun-neurgailua – Dokumentazioa eta metodologia
27
44.. AUZOEN BIZIGARRITASUNA
NEURTZEKO ADIERAZLEAK
Hiriko auzoen bizigarritasuna aztertzeko bost atal desberdin aztertzen dituzten adierazle sorta bat
diseinatu da. Gai bakoitzaren baitan dauden adierazleek, eskuragarria den informazioaren bidez
hiriko auzoen bizigarritasunaren osagai eta ikuspegi desberdinak neurtzea dute helburu.
Adierazle sintetikoen bidez, landutako gai bakoitzaren inguruan hiriak duen egora definitzen da.
Jarraian, aztertu diren arloak eta bertan neurtu diren adierazleak fitxa tekniko baten bidez
deskribatzen dira.
Euskal hiriburuetako auzoen bizigarritasun-neurgailua – Dokumentazioa eta metodologia
28
44..11.. HIRI MORFOLOGIA
4.1.1. Kontzeptua
Hiri eredu iraunkor bat lurraren erabilera trinkoan oinarritzen
da, besteak beste, eremu naturalaren artifizializazio maila
zainduz. Biztanleria-dentsitate aproposa duen lur eremuan
baliabide naturalen erabilera murriztea lor liteke, beti ere,
funtzionaltasuna galdu gabe. Halaber, espazio publikoan egiten
diren ohiko ekintzen bizigarritasun eta erosotasunerako,
hirigintzak espazio berde eta gune irekien proportzio orekatua
behar du. Esandakoaz gain, bada aintzat hartzeko beste ardatz
bat, espazio naturalak eta biodibertsitate aberats baten
presentzia zaintzea, hauek bizigarritasun apropos baterako
ezinbesteko elementuak dira.
Horregatik, atal honetan lurraldearen ezaugarri fisikoak
aztertzen dira. Biztanleria dentsitatea, auzoen eraikuntza maila
eta espazio berde zein irekien proportzioak egokiak diren
neurtzen da. Aintzat hartzen ditu, halaber, lurraldearen
inundagarritasun arriskua eta orografiaren zailtasunak.
Euskal hiriburuetako auzoen bizigarritasun-neurgailua – Dokumentazioa eta metodologia
29
4.1.2. Adierazleen fitxa teknikoa
HIRI MORFOLOGIA
Izena: Biztanleria dentsitatea (Bizt./Ha) Definizioa: Hiri-azaleraren hektarea bakoitzeko bertan bizi den biztanleria kopurua, jarduera ekonomiko hutsera bideratutako eremuak eta berezko landa eremuko azalera aintzat hartu gabe.
Unitatea: Bizt/Ha.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE. Ekoizpen propioa.
Izena: Etxebizitza dentsitatea (Etxebiz./Ha) Definizioa: Hiri-azaleraren hektarea bakoitzeko bertan eraikita dauden etxebizitza kopurua, jarduera ekonomiko hutsera bideratutako eremuak eta berezko landa eremuko azalera aintzat hartu gabe.
Unitatea: Etxebiz./Ha.
Urtea: 2011 urtea. Baionako auzoen kasuan, 2012 urtea.
Iturria: EUSTAT, INE eta INSEE. Ekoizpen propioa.
Izena: Zonalde berdeen presentzia (m2/bizt.) Definizioa: Lorategi, zuhaizti, parke, zuhaitzak dituzten plazak eta berdegune txikien azalera kopurua bertan bizi den biztanleriarekiko proportzioan.
Unitatea: m2/bizt.
Urtea: 2016 urtea.
Iturria: Ekoizpen propioa.
Izena: Inundagarritasun arriskua (%)
Definizioa: Ura gainezka egiteko arriskupean dagoen hiri-azalera proportzioa.
Unitatea: %.
Urtea: 2013 urtea. Baionako auzoen kasuan, 2016 urtea.
Iturria: Euskalgeo eta GEORISQUE-ING.
Izena: Orografia-konplexutasuna (%) Definizioa: %6ko inklinazioa edo gehiago duen hiri-azaleraren presentzia guztizko hiri-azalerarekiko proportzioan.
Unitatea: %.
Urtea: 2016 urtea.
Iturria: Ekoizpen propioa.
Izena: HIRI MORFOLOGIA
Definizioa: Hiri morfologiaren balorazio orokorra.
Unitatea: 0-10 eskala.
Euskal hiriburuetako auzoen bizigarritasun-neurgailua – Dokumentazioa eta metodologia
30
4.1.3. Hiri morfologia egoki baterako zenbait adibide
4.1.3.1. Gerriko berdeak eta hiri baratzak
Hainbat estrategia interesgarri erabili daitezke hiri-morfologia eredu iraunkor batera bideratzeko.
Hirien gerriko berdeek hiriari aisialdirako espazioak eta ingurugiroarekiko hartu-emana eskaintzeaz
gain, eraikuntzak bereganatzen duen lur-eremuari muga jartzeko modu bat da. Gerriko berde
hauen barruan zein hiri barruko baratzetan gainera, agroekologiarekin lotutako proiektuak gauzatu
daitezke, eta hau, hiriaren elikadura subiranotasuna eta hirian aktibitate sozioekonomiko berriak
txertatzeko baliagarria da.
Vitoria-Gasteizek dagoeneko natur eskaintza on bat ematen dion eraztun berde interesgarri bat du.
Irudia 8. Vitoria-Gasteizko eraztun berdearen mapa. Iturria: Vitoria-Gasteizko Udala.
Euskal hiriburuetako auzoen bizigarritasun-neurgailua – Dokumentazioa eta metodologia
31
Beste adibide interesgarri bat
Middlesbrougheko hiri baratzen proiektua da
(Middlesbrough Urban Farming Project).
Proiektu honen bidez hiri industrial bat zena
eraberritzea lortu dute, hirian 80 baratze
txertatuz.
Irudia 9. Middelesbrough Urban Farming Project-en mapa. Iturria: www.ryerson.ca.
4.1.3.2. Teilatu berdeak
Hiriko gune askotan naturarekiko hartu-eman
zuzena izatea zaila da. Pertzepzio hau aldatzeko
beste aukera bat teilatu berdeen erabilera da.
Azken hamarkadan, Kopenhageko hiriak
200.000m2 teilatu berde baino gehiago ezarri ditu.
Proiektu honek ez du soilik hiritarrek naturarekiko
duten pertzepzioa aldatzen. Aldaketa klimatikoari
aurre egiteko funtzio desberdinak betetzen
dituzte teilatu berdeek: euri uraren erabilera, ur
zikinen berritzea eta uraren ziklorako beharrezko
lurrunketa bermatzea.
Irudia 10. Kopenhageko teilatu berdeen adibidea.
_________________________________________Iturria: Green Roofs Copenhagen.
Euskal hiriburuetako auzoen bizigarritasun-neurgailua – Dokumentazioa eta metodologia
32
4.1.3.3. Super-irla edo “Superilla”
Bartzelonako udala Super-irlen proiektua bultzatzen ari da eta dagoeneko hainbat auzoetan
ezartzeko gai izan dira. Proiektu honetan, zirkulazio bideen mailakatze bati esker errepideari
espazioa irabazi eta auzoen bizi-kalitateari eskaini zaio espazio komunitarioak, jolasguneak edo
berdeak sortuz. Mugikortasunarekin lotutako proiektua da, izan ere, proiektuaren funtsa hainbat
etxebizitza talde egin eta trafiko zirkulazioa hauen kanpoaldetik soilik baimentzea da, etxebizitzen
arteko zirkulazioa kasu konkretuetarako soilik ahalbidetuz. Vitoria-Gasteizek ere Super-irlen
proiektua aurrera eramateko azterketa bat eginda dauka BCNEcologiaren eskutik.
Irudia 11. Bartzelonako Super-irlen adibidea.
Iturria: Ajuntament de Barcelona.
Euskal hiriburuetako auzoen bizigarritasun-neurgailua – Dokumentazioa eta metodologia
33
44..22.. ZERBITZUEN ESKURAGARRITASUNA
4.2.1. Kontzeptua
Herritarren bizi-kalitate egokiak oinarrizko zerbitzuak eskuragarri
izatea behar du. Ikuspegi horretatik pertsona ororen eskubidea da
oinarrizko beharrak aseko dituen zerbitzu azpiegituretara
irisgarritasun egokia bermatua izatea. Hirigintza ikuspegi batetik
espazio publikoak zenbat eta erabilgarritasun handiagoa izan
orduan eta anitzagoa izango da beronen erabilera eta auzotarren
arteko hartu-emana. Horrek, ondorioz, zerbitzuetara iristeko
beharrezkoa den garraiorako energia murrizteko aukera eman
dezake.
Lurraldearen ikuspegi holistiko batetik, hiriek lurraldeko zerbitzuak
metatzen dituzte baina bere baitan zerbitzuen banaketa
geografikoa ez da beti behar bezain orekatua. Atal honetan, beraz,
oinarrizko zerbitzuek duten hedapen-maila neurtzen da. Erabilera
eremua gehienez 600 metroko erradioko distantzia da (300 metro,
haurrentzako jolaslekuen kasuan; 150 metro, hondakinak
sailkatzeko edukiontzien kasuan).
Euskal hiriburuetako auzoen bizigarritasun-neurgailua – Dokumentazioa eta metodologia
34
4.2.2. Adierazleen fitxa teknikoa
ZERBITZUEN ESKURAGARRITASUNA
Izena: Haurrentzako jolaslekuen estaldura (%) Definizioa: Haurrak espazio publikoan jolasteko dauden gune edo guneetatik 300 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: Kirol azpiegituren estaldura (%) Definizioa: Kirol azpiegitura publiko gune edo guneetatik 600 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: Liburutegi eta kultur azpiegituren estaldura (%) Definizioa: Liburutegi eta kultur azpiegitura publiko gune edo guneetatik (turismoari zuzendurikoak salbuetsita) 600 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: Osasun azpiegituren estaldura (%) Definizioa: Osasun azpiegitura publiko gune edo guneetatik 600 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: Haur hezkuntza zentroen estaldura (%) Definizioa: Haur hezkuntza zentro publikotik edo publikoetatik 600 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: Lehen hezkuntza zentroen estaldura (%) Definizioa: Lehen hezkuntza zentro publikotik edo publikoetatik 600 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Euskal hiriburuetako auzoen bizigarritasun-neurgailua – Dokumentazioa eta metodologia
35
Izena: Lehen hezkuntza zentroen estaldura (%) Definizioa: Lehen hezkuntza zentro publikotik edo publikoetatik 600 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: Zaborra sailkatzeko edukiontzien estaldura (%) Definizioa: Zaborra sailkatzeko edukiontzietatik 150 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: ZERBITZUEN ESKURAGARRITASUNA Definizioa: Zerbitzuen eskuragarritasunaren balorazio orokorra.
Unitatea: 0-10 eskala.
4.2.3. Zerbitzuen eskuragarritasuna sustatzeko zenbait adibide
4.2.3.1. Hutsik dauden eraikin industrialen berrerabilera
Ugariak dira auzoei zerbitzua emateko eraberritu diren abandonatutako eraikin industrialen
adibideak. Kasu askotan, eraberritze
hau bizilagunen prozesu parte-
hartzaileen bidez gauzatu dira,
eraikinean auzoak behar zituen
zerbitzuak eskainiz. Horiek horrela,
ekipamendu berri hauek auzoko
pertsona ororen elkargune bilakatu
dira. Adibide interesgarri bezala
Pasaiako Luzuriaga bizirik eta
Bartzelonako Fabra i Coats eta Can
Batlló proiektuak aipa daitezke.
Irudia 12. Can Batlló-lo liburutegia. Iturria: www.canbatllo.org.
Euskal hiriburuetako auzoen bizigarritasun-neurgailua – Dokumentazioa eta metodologia
36
44..33.. MUGIKORTASUN IRAUNKORRA
4.3.1. Kontzeptua
Hiriko guneen erabilera funtzional desberdinak direla-eta, hiritarrek
eguneroko eginbeharrei erantzuteko hiriko puntuen artean mugitu
beharra izaten dute. Desplazamendu hauetan ibilgailu pribatuaren
erabilera nagusitu da azken urteotan. Joera honek, espazio publikoaren
diseinuan errepide eta aparkalekuen presentzia indartzea eragin du;
gainera, mugikortasun eredu honi lotutako energia kontsumoa altua
izateaz gain hiriaren kutsaduraren erantzule nagusienetarikoa da.
Mugikortasun eredu iraunkor baterako, hiriko desplazamenduen
subjektu nagusia oinezkoak, bizikletak eta garraio publikoa izan behar
dira. Hau lortzeko gako nagusia, batetik, lurraldearen funtzio
desberdinen arteko gertutasuna dago (etxebizitza, lanpostua, aisia,
zerbitzuak …), eta bestetik, bidegorri sare eta garraio publikoaren bidez
ibilgailu pribatuaren alternatiba on bat eskaintzea.
Atal honek hiriko eremu funtzional desberdinen arteko desplazamendua
modu iraunkorrean bermatuta dagoen aztertzen du. Adierazleek
bidegorri sareak eta garraio publikoak duten estaldura neurtzen dute,
eta auzoek duten ibilgailu pribatuen presentzia txarretsi.
Euskal hiriburuetako auzoen bizigarritasun-neurgailua – Dokumentazioa eta metodologia
37
4.3.2. Adierazleen fitxa teknikoa
MUGIKORTASUN IRAUNKORRA
Izena: Orografia-konplexutasuna (%) Definizioa: %6ko inklinazioa edo gehiago duen hiri-azaleraren presentzia guztizko hiri-azalerarekiko proportzioan.
Unitatea: %.
Urtea: 2016 urtea.
Iturria: Ekoizpen propioa.
Izena: Garraio publikora irisgarritasuna (%)
Definizioa: Garraio publikoaren geltokietatik 300 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: Bidegorrien irisgarritasuna (%)
Definizioa: Bidegorri batetik 300 metroko erradiopean dagoen hiri-azalera proportzioa.
Unitatea: %.
Urtea: 2016 urtea.
Iturria: Ekoizpen propioa.
Izena: Aparkalekuen presentzia (Apark./Ha) Definizioa: Lurrazpiko zein aterpez kanpoko erabilera publikoa duten parkingetako aparkaleku kopurua hiri-azalerarekiko proportzioan.
Unitatea: Aparkalekuak/Ha.
Urtea: 2016 urtea.
Iturria: Ekoizpen propioa.
Izena: MUGIKORTASUN IRAUNKORRA
Definizioa: Mugikortasun iraunkorraren balorazio orokorra.
Unitatea: 0-10 eskala.
Euskal hiriburuetako auzoen bizigarritasun-neurgailua – Dokumentazioa eta metodologia
38
4.3.3. Mugikortasun iraunkor baterako zenbait adibide
4.3.3.1. Garraio publiko eta bizikletaren arteko aldagailu modalak
Ibilgailu pribatuen erabilera murriztu eta bizikleta eta garraio publikoz egindako desplazamenduen
nagusitasuna indartzeko zerbitzu hauen irisgarritasuna ezinbestekoa da. Irisgarritasun hau
bermatzeko modu egoki bat garraiobide desberdinen arteko aldagailu modalen diseinua da, izan
garraio publiko ezberdinen zein bizikleta edo garraio publikoen artean. Adibide apropos bat
Amsterdameko tren geltokiko aldagailu modala da; bertan dagoen bizikleta parkingak mugikortasun
iraunkor baterako erraztasuna ematen du.
Irudia 13. Amsterdameko tren geltokiko bizikleta aparkalekua. Iturria: www.streetsblog.org.
Euskal hiriburuetako auzoen bizigarritasun-neurgailua – Dokumentazioa eta metodologia
39
4.3.3.2. Sare ortogonala
Ibilgailu pribatuaren erabilerari aurre egiteko beste modu bat garraio publikoaren zerbitzuaren
hobekuntza da. Dena den, garraio publikoaren edozein hobekuntza eraginkorra izateko ibilgailu
pribatuaren erabilerari mugak jarri behar zaizkio (karril murrizketen bidez esaterako). Norabide
honetan, Bartzelonako TMB autobus sare ortogonal bat garatzen dabil garraio publikoaren
efizientzia hobetzeko. Vitoria-Gasteizen esperientzia berak emaitza oso positiboak utzi ditu. Honen
funtsa, hiriko autobus linea guztien ordez, maparen gainean ibilbide bertikal eta horizontalak egiten
dituzten lineak ezartzea da. Horrela, autobus kopuru berdinekin eta linea aldaketa bakarrarekin
zerbitzuaren maiztasun eta irisgarritasun handiago erdiesten da.
Irudia 14. Vitoria-Gasteizko eguneko garraio publikoaren mapa. Iturria: Vitoria-Gasteizko Udala.
Euskal hiriburuetako auzoen bizigarritasun-neurgailua – Dokumentazioa eta metodologia
40
44..44.. METABOLISMO DEMOGRAFIKOA
4.4.1. Kontzeptua
Hiri baten parametro demografiko egokiak zehaztea hausnarketa
antzua gerta liteke. Mendebaldeko ezaugarri demografikoak oso
presente daude egungo Euskal Herrian, baita bere hiriburuetan ere.
Biztanleriaren zahartze prozesua aurrera doa, bizi-itxaropena
handia da gurean eta jaiotza kopurua murrizten hasia da indartzen
ari diren familia eta bizi eredu berrietara egokituz.
Auzo eta hiri baten metabolismo demografikoa neurtzeko
biztanleria fluxuaren joera aintzat hartzeaz gain, bestelako
segregazioak ere kontuan hartu behar dira, hala nola belaunaldien
artekoa edo sexuen artekoa. Auzo guztietan ziklo demografiko
iraunkorra bermatzeko belaunaldien arteko ordezkapena errazten
duen egitura demografikoa izatea izan daiteke gakoa, horrek,
halaber, berarekin ekar baitezake beste hainbat prozesu iraunkor,
hala nola, bizitasun soziala, txikizkako merkataritzaren
iraunkortasuna zein hirigintza oreka.
Maiz hirigintza arloko planifikazioan belaunaldi segregazioak
auzoetan eragiten dituen gorabeherak ez dira beti behar bezala
kontutan hartzen. Horiek horrela, atal honetan auzoetako
biztanleriaren bilakaera eta zaharberritzea neurtzen dira, auzoetako
adin maila desberdinen araberako segregazioa aintzat hartuz.
.
Euskal hiriburuetako auzoen bizigarritasun-neurgailua – Dokumentazioa eta metodologia
41
4.4.2. Adierazleen fitxa teknikoa
METABOLISMO DEMOGRAFIKOA
Izena: Biztanleriaren fluxu joera 2011/15 epean (%)
Definizioa: Biztanleria bolumenaren hazkunde-tasa 2011 eta 2015 epean.
Unitatea: Hazkunde-tasa (%).
Urtea: 2011/2015 epea. Baionako auzoen kasuan, 2008/2012 epea.
Iturria: EUSTAT, INE eta INSEE.
Izena: Haurren presentzia (%)
Definizioa: 0 eta 14 urte bitarteko biztanleria kopurua guztizko biztanleria proportzioarekiko.
Unitatea: %.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Gazteen presentzia (%)
Definizioa: 15 eta 29 urte bitarteko biztanleria kopurua guztizko biztanleria proportzioarekiko.
Unitatea: %.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Gazteen ordezkatzea (%) Definizioa: 15 eta 29 urte bitarteko ehun biztanleko belaunaldi erreleborako dagoen 0 eta 14 urte bitarteko biztanle kopurua.
Unitatea: %.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: 30-44 urte bitarteko biztanleriaren presentzia (%)
Definizioa: 30 eta 44 urte bitarteko biztanleria kopurua guztizko biztanleria proportzioarekiko.
Unitatea: %.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Zaharren presentzia (%)
Definizioa: 65 urteko eta nagusiagoa den biztanleria kopurua guztizko biztanleria proportzioarekiko.
Unitatea: %.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Zahartzearen abiadura 2011/15 epean (%)
Definizioa: Zahartze tasaren hazkunde portzentuala azken lau urteetan.
Unitatea: %.
Urtea: 2011/2015 epea. Baionako auzoen kasuan, 2008/2012 epea.
Iturria: EUSTAT, INE eta INSEE.
Euskal hiriburuetako auzoen bizigarritasun-neurgailua – Dokumentazioa eta metodologia
42
Izena: Gainzahartzearen feminizazio-maila (%)
Definizioa: 75 urteko eta nagusiagoa den biztanleriaren artean emakumezkoen proportzioa.
Unitatea: %.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: METABOLISMO DEMOGRAFIKOA
Definizioa: Metabolismo demografikoaren balorazio orokorra.
Unitatea: 0-10 eskala.
4.4.3. Metabolismo demografiko egoki baterako zenbait adibide
4.4.3.1. Ikuspegi inklusiboa txertatu auzoen hiri-eraberritzean
Biztanleriaren zahartze prozesua aurrera doa eta datorren hamarkadan are indartsuago. Euskal
gizartearen etorkizuneko erronken artean zahartze aktibo eta osasungarria sustatzeko berrikuntza
sozial nahikoa sortzea dago. Zahartzearen fenomenoa garapen sozial, kultural, ekonomiko eta
demografikoan modu positiboan txertatuz auzoen metabolismo maila egokia sustatzeko hirigintza
inklusiborako ekimenak abian jarri daitezke.
4.4.3.2. Tutoretzapeko etxebizitza lagunduak sortu
Tutoretzapeko etxebizitza lagunduen eskaintza, eta batez ere, tutoretza eredu berrien garapenean
pausoak ematea garrantzitsua izan daiteke. Esaterako, etxebizitzen permuten bidez pertsona
helduen biziguneak gazteei bideratzeko neurriak abian jarri daitezke eta helduenentzako
zahartzaroa taldean bizitzeko espazio komunak dituzten biziguneak egokitu edo berriak eraiki.
Oreka demografikoa indartzeari begira ekimen interesgarria izan daiteke, irisgarritasuna bermatuz
auzoetan egon daitezkeen eraikin zaharren eraberritzearekin egin daitekeena.
Euskal hiriburuetako auzoen bizigarritasun-neurgailua – Dokumentazioa eta metodologia
43
Irudia 15. Adineko pertsonentzat bideratutako Torre Julià etxebizitza (Bartzelona). Iturria:
www.tecnne.com
4.4.3.3. Ekimen berritzaile publiko eta pribatuak sustatu
Erakunde publikoetan eraldaketa demografikoak dakartzan erronkei erantzuteko berrikuntza
soziala aktibatzea ezinbestekoa izango da. Baina politika publikoen bidez gizarte eragile eta agente
pribatuen ikuspegi eta forma desberdinetan zahartzearen fenomenoari erantzuteko berrikuntza
soziala susta daiteke, pizgarri material zein inmaterialak aktibatuz. Txikizkako merkataritzak
errealitate demografikoaren gorabeherak nozitzen ditu eta ekinbide horretan izan daiteke
bidelagun, hurbileko harreman eta sareetan zerbitzu berriak eskainiz.
Euskal hiriburuetako auzoen bizigarritasun-neurgailua – Dokumentazioa eta metodologia
44
44..55.. GIZARTE KOHESIOA
4.5.1. Kontzeptua
Auzo eta hiri baten gizarte kohesioa bere geografia barruan
gertatzen den elkarrekintza sozialaren ondorioa da eta
komunitatearekiko pertenentzia edo atxikimendu mailan ikusten da
zenbaterainokoa den. Adostasun komunitarioan oinarrituriko
harremanak interes komuneko hiri ikuspegia dute abiapuntu, eta
hiritar ororen jatorria, maila sozioekonomikoa edo formazio-maila
edozein delarik ere, aukera eta eskubide berdintasuna aintzat
hartzen ditu.
Ildo horretan, gizarte kohesioa kuantifikatzeko helduleku
interesgarria da zenbait parametroren segregazio geografikoa
aztertzea. Jatorriari, formazio-mailari edo gainzahartzeari loturiko
segregazio geografikoak gizarte-kohesioa higa dezakete hiri eta
auzoetan. Erabilera iraunkorra ez duten etxebizitzen presentzia ere
gentrifikazioa (edo gentrifikazio arriskua) identifikatzeko
elementutzat hartu izan da, bai eta adinekoentzako egoitzen
presentzia zahartzaroaren bizi-kalitatearen elementu bezala.
Euskal hiriburuetako auzoen bizigarritasun-neurgailua – Dokumentazioa eta metodologia
45
4.5.2. Adierazleen fitxa teknikoa
GIZARTE KOHESIOA
Izena: Europatik kanpo jaio den biztanleriaren presentzia (%)
Definizioa: Europar Batasunetik kanpo jaio den biztanleria kopurua guztizko biztanleria proportzioarekiko.
Unitatea: %.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Erabilera iraunkorra ez duten etxebizitzen presentzia (%) Definizioa: Hutsik dauden eta bigarren mailako erabilera duten etxebizitzen kopurua guztizko etxebizitza kopuruarekiko.
Unitatea: %.
Urtea: 2011 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Gainzahartzearen presentzia (%)
Definizioa: 75 urteko eta nagusiagoa den biztanleria kopurua guztizko biztanleria proportzioarekiko.
Unitatea: %.
Urtea: 2015 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Gizarte eragileen ehun dentsitatea (10.000 biztanleko) Definizioa: Egoitza-helbidea bertan duen esparru desberdinetako gizarte eragile kopurua, bertako biztanleriarekiko proportzioan.
Unitatea: Kop/10.000 biztanleko.
Urtea: 2016 urtea.
Iturria: Vitoria-Gasteizko, Donostiko, Bilboko, Iruñeako eta Baionako udalak, EUSTAT, CAMERDATA. Ekoizpen propioa.
Izena: Ikasketarik gabeko biztanleriaren presentzia (%) Definizioa: Alfabetatugabeko eta ikasketarik gabeko biztanleria ez-ikasle kopurua guztizko biztanleria ez-ikaslearen proportzioarekiko.
Unitatea: %.
Urtea: 2011 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Goi-formazioko biztanleriaren presentzia (%) Definizioa: Goi-mailako ikasketadun biztanleria ez-ikasle kopurua guztizko biztanleria ez-ikaslearen proportzioarekiko. Nazioarteko sailkapenean, ISCED 5 edo 6 mailako ikasketadunak.
Unitatea: %.
Urtea: 2011 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Euskal hiriburuetako auzoen bizigarritasun-neurgailua – Dokumentazioa eta metodologia
46
Izena: Goi-formazioko biztanleriaren presentzia (%) Definizioa: Goi-mailako ikasketadun biztanleria ez-ikasle kopurua guztizko biztanleria ez-ikaslearen proportzioarekiko. Nazioarteko sailkapenean, ISCED 5 edo 6 mailako ikasketadunak.
Unitatea: %.
Urtea: 2011 urtea. Baionako auzoen kasuan, 2012 urtea.
Iturria: EUSTAT, INE eta INSEE.
Izena: Adinekoentzako gizarte-etxeak Definizioa: Adinekoentzako gizarte-etxe publikoak, gizarte ekintza izaerako erretiratuen klubak eta funtzio baliokideak betetzen dituzten adinekoentzako espazio kopurua.
Unitatea: Kopuru gordina.
Urtea: 2016 urtea.
Iturria: Vitoria-Gasteizko, Donostiko, Bilboko, Iruñeako eta Baionako udalak eta EUSTAT. Ekoizpen propioa.
Izena: GIZARTE KOHESIOA
Definizioa: Gizarte kohesioaren balorazio orokorra.
Unitatea: 0-10 eskala.
4.5.3. Gizarte kohesio egoki baterako zenbait adibide
4.5.3.1. Udalek etxebizitzak erosteko mekanismoak aktibatu
Hiriburu handietako langile auzo askotan maila sozioekonomiko handiko modazko guneak bihurtzen
ari dira. Gentrifikazio prozesu hauek zuzen zuzenean eragiten diote bertako auzo eta hiriaren
gizarte kohesioari. Pariseko iparraldean eta ekialdean dauden langile auzo batzuetan hau ekiditu
nahian, udalak 257 kale definitu ditu, 8.000 atari dituztenak orotara, zeinetan udalak merkatu
prezioan etxebizitzen eroslea izateko lehentasuna daukan. Modu horretan, gainera, hiri erdiguneko
etxebizitza parke publikoa indartzen da.
4.5.3.2. Aktibazio sozioekonomikorako estrategiak
Aktibazio sozioekonomikorako estrategiak ugariak dira eta hauetako asko elkarte eta udaleko
zerbitzuek aurrera eraman ditzakete. Parisen “Lulu dans ma rue” proiektua martxan jarri berri da;
bertan, elkarte batek egunerokoan sortzen diren lan txikiak egiteko zerbitzua eskaintzeko eta
jasotzeko aukera ematen die bizilagunei. Bartzelonan ere “Millor que nou” ekimenak funts bera
dauka; bigarren eskuko eta erreparazio komertzioa saretzeaz gain, bizilagunei alor desberdinetako
erreparazio tailerrak eskaintzen dizkie. Proiektu hauek bizilagunen erlazioa sustatzeaz gain,
pertsona askorentzat ofizio bat garatzeko aukera dira.
Euskal hiriburuetako auzoen bizigarritasun-neurgailua – Dokumentazioa eta metodologia
47
Euskal hiriburuetako auzoen bizigarritasun-neurgailua – Dokumentazioa eta metodologia
48
Irudia 16. Bigarren eskuko eta konpondutako produktuen trukerako Millor que nou-en gunea.
Iturria: www.millorquenou.cat
4.5.3.3. Adin tarte desberdinei bideratutako hiri-altzariak
Auzoetako plazetan adin tarte desberdinentzat bideratutako hiri-altzarien uztarketak espazio
publikoaren erabilera anitza bermatzen du. Haurrentzako jolas parkeez gain, gazteentzako jolas
pistak eta helduek ariketa fisikoa egiteko altzariak eskaintzea estrategia egokiak dira adin tarte orok
espazio publikoa erabili eta beraien arteko hartu-emana errazteko.
Irudia 17. Olaeta plazako jolas pistak. Iturria: www.donostia.eus
Euskal hiriburuetako auzoen bizigarritasun-neurgailua – Dokumentazioa eta metodologia
49
55.. ERANSKINAK
55..11.. AUZOEN MUGA GEOGRAFIKOAK
5.1.1. Vitoria-Gasteizko auzoen muga geografikoak
Irudia 18. Vitoria-Gasteizko auzoak. Iturria: INE. Ekoizpen propioa.
Euskal hiriburuetako auzoen bizigarritasun-neurgailua – Dokumentazioa eta metodologia
50
5.1.2. Baionako auzoen muga geografikoak
Irudia 19. Baionako auzoak. Iturria: INSEE. Ekoizpen propioa.
Euskal hiriburuetako auzoen bizigarritasun-neurgailua – Dokumentazioa eta metodologia
51
5.1.3. Bilboko auzoen muga geografikoak
Irudia 20. Bilboko auzoak. Iturria: INE. Ekoizpen propioa.
Euskal hiriburuetako auzoen bizigarritasun-neurgailua – Dokumentazioa eta metodologia
52
5.1.4. Donostiako auzoen muga geografikoak
Irudia 21. Donostiako auzoak. Iturria: INE. Ekoizpen propioa.
Euskal hiriburuetako auzoen bizigarritasun-neurgailua – Dokumentazioa eta metodologia
53
5.1.5. Iruñako auzoen muga geografikoak
Irudia 22. Iruñako auzoak. Iturria: INE. Ekoizpen propioa.
Euskal hiriburuetako auzoen bizigarritasun-neurgailua – Dokumentazioa eta metodologia
54
55..22.. ADIERAZLE KALKULUARI BURUZKO ZENBAIT OHAR
5.2.1. Zonalde berdeen presentzia
Metodologia eta kartografiaren iturriagatik (OSM,
2015) ezin dira bereiztu basoak (egotekotan) eta
lorategiak, baina guztiak aintzat hartu dira.
5.2.2. Inundagarritasun arriskua
Iturria GeoEuskadi da baina Baionako kartografia osagarritu da “GEORISQUE” eta “GEOSIGNAL”
erabiliz, INSPIREn oinarritzen den Frantziako Geografia Institutuak eskaintzen duena. 2015 urteko
kartografia da.
5.2.3. Zerbitzuen eskuragarritasuna
Zerbitzuen eskuragarritasunaren kalkuluan hauen geoposizionamendua, 2015 urteko kartografia
oinarri hartuz, auzoan ematen duten zerbitzuaren area kalkulatu da. Hau da, auzoaren ehuneko
zenbatekoa estaltzen duen kalkulatu da geoprozesamendu bidez. Auzoetako hiri-azalera aintzat
hartu da, hots, biztanleria eta eraikinak biltzen dituzten guneak.
Hauek dira estaldura azalerak kalkulatzeko oinarri gisa hartutako distantziak:
ZERBITZUEN ESTALDURA ERRADIOA
Zerbitzu mota Erradioa
Haurrentzako jolaslekuen estaldura 300 metro
Kirol azpiegituren estaldura 600 metro
Liburutegi eta kultur azpiegituren estaldura 600 metro
Osasun azpiegituren estaldura 600 metro
Haur hezkuntza zentroen estaldura 600 metro
Lehen hezkuntza zentroen estaldura 600 metro
Euskal hiriburuetako auzoen bizigarritasun-neurgailua – Dokumentazioa eta metodologia
55
Zaborra sailkatzeko edukiontzien estaldura 150 metro
Zerbitzuak non dauden kokatuak jakiteko Euskalgeoko kartografia erabili da, Euskal Herriko IDEak
oinarrian. Salbuespenak egon dira hurrengo kasuetan: Haurren jolaslekuak eta Zaborra sailkatzeko
edukiontziak. Hauek ekoizpen propioz landu dira, iturri desberdinetatik ateratako datuak
digitalizatuz. Iturri nagusia OSM 2015 izan da eta hiriburuetako udalekin kontrastatu dira. Bilboren
kasuan, zaborra biltzeko edukiontzien kasuan, ezinezkoa izan da datuak biltzea eta horregatik
elementu hau Zerbitzuen eskuragarritasunaren adierazle agregatutik kanpo geratu da.
5.2.4. Orografia-konplexutasuna
%6ko edo gehiagoko malda duen hiri-azalera kalkulatu da auzo guztietarako, mugikortasunerako
dauden baldintza orografikoak ezagutu asmoz.
Kalkulu hau 10 metroko zehaztasuna duen Lur Eredu Digitalean (LED) oinarritu da. Raster
geoprozesamendu bidez LED-etik malden datuak atera dira. Malda hauek ehunekoetan kalkulatu
dira hasieratik eta lortutako geruza berklasifikatu egin da %6-tik gorako eta %6-tik beherako balioak
bereiztuz. Azkenik, raster geruza hau bektorizatu da eta %6ko malda baino altuagoa duten
zonaldeak definitu dira auzo eta hiriburu guztietan.
5.2.5. Garraio publikora irisgarritasuna eta bidegorrien irisgarritasuna
Mugikortasunaren gaineko adierazleak kalkulatzeko geoposizionamenduan oinarrituz bi eragiketa
burutu dira. Alde batetik, kopurua eta kokagunea aztertu dira (bidegorrien kasuan, luzeera). Beste
alde batetik, zebitzu hauen eskuragarritasuna kalkulatu da azalera erradioari erreparatuz.
Hauek dira garraio elementuen estaldura azalerak kalkulatzeko oinarri gisa hartutako distantziak:
GARRAIO ELEMENTUEN ESTALDURA ERRADIOA
Zerbitzu mota Erradioa
Bus geltokiak 300 metro
Tranbia eta metro geltokiak 500 metro
Bidegorriak 300 metro
Euskal hiriburuetako auzoen bizigarritasun-neurgailua – Dokumentazioa eta metodologia
56
Garraio publikoaren kasuan honako zerbitzuak kontutan hartu dira:
1.- Bizkaibus, Bilbobus, TUVISA, Dbus, Villavesa eta hiri barruan dabiltzan bestelako autobusen geltokiak.
2.- Vitoria-Gasteiz eta Bilboko tranbia.
3.- Bilbo eta Donostiako Metroa (Donostian, EuskoTrena).
5.2.6. Aparkalekuen presentzia
Lurrazpiko zein aterpez kanpoko erabilera publikoa duten parkingetako aparkaleku kopurua
geoerreferentziatu da. Lurrazpiko parkingen kasuetan landa lan bidez aparkaleku kopuruak
eskuratu dira eta aterpez kanpoko parkingen kasuan, hauen azalera kontuan izan da. Hiri
desberdinetan egindako neurketetatik kotxe batek parking batean bataz bestez 18m2ko espazioa
hartzen duela ondorioztatu da eta hortik parametro homogeneoak aplikatuz hiriburu guztietan
aterpez kanpoko parking bakoitzaren aparkaleku kopurua estimatu da. Azkenik, aparkaleku kopurua
auzo bakoitzaren hiri-azalerarekiko proportzioan neurtu da (Aparkalekuak/nukleo azaleraren
hektarea kopurua).
5.2.7. Europatik kanpo jaio den biztanleriaren presentzia
Baionan ez dago auzoka (IRIS mailan) Europar Batasunetik kanpoko biztanleria etorkina
kuantifikatzeko daturik: INSEEk soilik Etrangers (vs. français) eta inmigres-i (vs. non-immigrés)
buruzko datuak eskaintzen ditu. Hori dela eta, Baionako unite urbaine eremu osoko etorkinen
jatorria aintzat hartu da eta, auzo mailako inmigres datuei, Europar Batasunetik kanpoko
biztanleriaren proportzioak aplikatu zaizkie.
5.2.8. Gizarte eragileen ehun dentsitatea
Egoitza-helbidea bertan duen esparru desberdinetako gizarte eragile kopurua auzoen arabera
sailkatua izan da. Gizarte eragiletzat har daitezkeen elkarte guztiak aintzat hartu dira, alderdi
politikoak, lan esparruko sindikatuak, Elkarte Mugatuak eta Eskola Ofizialak izan ezik.
Euskal hiriburuetako auzoen bizigarritasun-neurgailua – Dokumentazioa eta metodologia
57
Landa lana handia izan du eta iturriak asko izan dira: Vitoria-Gasteizko, Donostiko, Bilboko, Iruñako
eta Baionako udalak, EUSTAT eta enpresa demografiari buruzko zenbait datu base.