Upload
laudioko-udala
View
216
Download
3
Embed Size (px)
DESCRIPTION
Â
Citation preview
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
GARDEAKO AUZO BATZARRA
Noiz: asteartea, 2012ko ekainaren 12a, 18:00ak izanik.
Non: Zentro soziala
Bertaratutakoak:
Udal ordezkari politikoen mahaia: Natxo Urkixo (Alkatea – BILDU), Amets Meaza
(BILDU), Txaro Balado (BILDU), Mikel Lasa (EAJ), Nando Lacalle (EAJ), Julian
Larisgoitia (PSE-EE), Nerea Gonzalez (OMNIA)
Udal teknikari eta langile beharginak: Jokin Arruti (Obra, Zerbitzu eta Mantentze-
lanen Arloko burua), Felipe Markuartu (Obra eta Zerbitzuen arduraduna), Miren
Larrinaga (Ingurumeneko goi teknikaria), Fernando Hevia (Udal arkitektoa)
Moderazioa: Xabi Ramirez
Aktak: Epi Zurimendi
Auzokoak: 12 pertsona (7 gizon, 5 emakume)
Auzo batzarraren hasiera: bertaratu diren Mahaiko eta langile teknikarien aurkezpena,
eta dinamizatzaileak azaldu du batzarrak jarraituko duen tratatu beharreko gaiak
hauexek izango direla.
1.- Gobernu taldeak azalduko du 2012 urteko udal aurrekontua.
2.- Aurreko puntuaren gaineko galdera edota azalpenen txanda.
3.- Gobernu taldeak erantzungo die 2011 urteko batzarrean proposatu ziren
gaiei.
4.- Aurreko puntuari buruzko argibideen txanda, zalantzak, galdera edo
iritziak.
5.- Gobernu taldeak 2011ko batzarretik datozen gaiak aurkeztea, inbertsioetan
eragina izan dezaketenak. Gai horietan oinarrituta zehaztuko dira gero
lehentasunak.
6.- Aurreko puntuari buruzko eztabaida.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
7.- Batzarrean bertaratutakoek lehentasunak adieraziko dituzte, horretarako
emango zaizkien orrietan.
1. puntua. Gobernu taldeak 2012ko udal aurrekontuak azaltzea.
Ideia nagusiak (batzarrean erabilitako aurkezpen digitalari dagozkion diapositibak
ikusi):
Orain eman dizuegun eta gero komentatuko dugun udal aurrekontuari buruzko
dosierra informaziorako baino ez da. Agiri horren helburua da udal
aurrekontuaren funtzionamendua ulertaraztea, hau da, nondik datozen sarrerak
eta zertan gastatzen ditugun azaltzea. Aurrekontua Udalaren Osoko Bilkuran
onartutako agiria denez, aurkezpen honen helburua ez da bera aldatzeko
ekarpenak edo balorazioak hartzea. Funtsean nahi dugu zuek aurrekontuaren
tresna eta haren mekanika ezagutzea. Batzarreko inork aurrekontuari loturiko
gairen batean sakondu nahi badu, harremanetan jar daiteke Udaletxean Amets
Meazarekin, Ogasun eta Ondare Arloko zinegotziarekin.
Udal aurrekontua da herriak duen tresnarik garrantzitsuena. Aurrekontuari esker,
espaloiak konpontzen dira, belarra mozten da, ura etxeratzen da, zaborrak biltzen
dira, etab. Aurrekontuan ere auzo batzarretako eskaeren isla dago.
Laudion, aurrekontua maiatzeko Osoko Bilkuran onartu zen. Orain ari da
izapidetzen eta behin betiko izango da, ekainaren erdialdean, gutxi gorabehera.
Une horretatik aurrera erabili ahal izango dira partida ekonomikoak, inbertsioak
barne, zein bere helburu zehatzerako.
Hau azalpen laburra izango da, Udalak lan egiteko zenbat diru duen jakin
dezagun, baita nondik datorren dirua eta nondik doan ere.
Diru-sarrerak: Onartutako aurrekontua aurrekontu orekatua da, sarrerak eta
gastuak bat datoz eta. Aurrekontua guztira 22.205.730 eurokoa da. Kopuru
horretatik, sarreren % 23,33 zerga zuzenetatik dator, OHZ, Ibilgailuen gaineko
zerga, Ekonomia jardueren gaineko zerga eta Gainbalioa, hain zuzen. Sarreren %
1,17 zeharkako zergetatik dator, esaterako, EIOZ (Eraikuntzen, Instalazioen eta
Obren gaineko Zerga). Tasengatiko sarrerak % 16,55 dira eta honako hauek dira:
estolda-sarea, zaborra, hiltegia, ikastaroak, larreak, bide publikoa okupatzea,
lizentziak, isunak, ura… Sarreren atal garrantzitsuena (% 57,38) transferentzia
arruntetakoa da, Toki Erakundeak Finantzatzeko Foru Funtsetik, AFArekiko edo
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
Eusko Jaurlaritzarekiko hitzarmenetatik eta diru-laguntzetatik datozenak.
Azkenik, ondarearengatiko sarreren % 1,40 eta finantza-aktiboen % 0,18 daude.
Ikus dezakezuenez, udalok kanpoko finantzaketaren mendekoak gara.
Gastuak: langileriaren kapituluak (% 54,62) eta gastu arruntak (% 38,53)
hartzen dute gastu gehiena ia-ia. Ekitaldi arrunt honetan, inbertsioak –auzokoen
eskaera batzuk agertzen diren aurrekontu-zati hori– praktikan lekukotza baino ez
dira. Inbertsioetarako baliabide ekonomikoen falta hori konpentsatzeko,
diruzaintza orokorreko gerakinaz, udalaren aurrezkiez baliatu gara, 956.522
euro, aurrerantzean ikusiko dugunez.
Arloka: Obra eta Zerbitzuak (% 31,03) eta Hezkuntza, Emakumea eta Gazteria
(% 21,95) dira gastu gehien behar duten arloak. Obra eta Zerbitzuetan honakoez
arduratzen dira: babes zibila, herriko argiak, lorategiak eta parkeak, eraikinak,
ura, estolda-sarea, kale-garbiketa, zaborrak, hilerria, hiltegia eta bide publikoak.
Hezkuntza, Emakume eta Gazteria arloan honakoez arduratzen dira:
emakumeentzako programak, Lanbide Heziketako Ikastetxea, haur eskola,
eskola publikoak, Ikastolarekiko eta La Milagrosarekiko hitzarmenak, HHE eta
gazteentzako programak.
Inbertsioak: inbertsioen kapitulua azalduko dugu. Lehen diapositiban inbertsio
guztiak jaso dira, baita 2011tik datozenak ere. Horietariko batzuk amaituta
daude (Gardeako espaloia) eta beste batzuk egiten ari dira (Altzarrate plaza,
Estatuaren diru-laguntza izenduna duena). Aurreikusitako inbertsio guztietan,
gastuaren % 56 auzo batzarretan landutako gaiei dagokie. Inbertsio berrietan
jarrita, ekitaldi honetan sartutakoetan (977.272 €), gastuaren % 72 (712.207 €)
auzo batzarretan landutako gaiei dagokie.
Lan eta Zerbitzuen Foru Plana: Aurrekontuaz gain, udal proiektuak
finantzatzeko beste modu garrantzitsu batzuk daude, azpiegiturei loturikoak,
alegia. Lan eta Zerbitzuen Foru Plana da. AFAk diru-kopuru bat ematen du, guk
kopuru hori gure aurrezkien kargura osatu behar dugu (gehienez % 80raino,
proiektu-motaren arabera). Gainera, proiektu zehatzetarako baino ez du balio.
Oraingoan, LZFP 2012-2015 laurtekorako deitu dute eta gehienez bi proiektu
aurkezteko aukera izan dugu. Proiektuetako bat hitzartuta zegoen, Lamuza
parkekoa (saneamendua eta azpiegiturak). Gogora ezazue AFAk eten zituela
lehengo foru gobernuak Lamuza parkea berregokitzeko hartuta zituen
konpromisoak. Inguruabar horrek eraman gaitu proiektuaren parte bat laurteko
plan horren bitartez finantzatzera, gure aurrezkiak horretarako jarrita. Beste
proiektua Jose Matia kalea, Geltokiko plaza eta Maestro Elorza urbanizatzen
segitzea da. Hasiera batean aurreikusita genuen Zubiko kaleraino heltzea, hor
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
etxebizitza-blokeen barruan saneamendu-arazo gehiago dutelako. Azkenik, eta
hartu dugun programa osoa arriskuan ez jartzearren, oraingoz, proiektuaren
azken fasea egin gabe utzi beharra suertatu zaigu, Zubikori dagokiona, nahiz eta
lehentasunezkoa izan. Horrela egin ezean, diru-laguntza guztia galtzeko arriskua
genuen, uko partzialik onartzen ez dutelako. Batzuek esan dute Udala oker ibili
dela lehentasunak aukeratzen, Zubikoko lanak Geltokiko tunelak baino premia
handia zuelakoan. Baina, tunelaren lana sartu ezean, oker ibiliko ginatekeen;
izan ere, gerora tunela egiteko, urbanizazio berria apurtu beharko genukeelako.
Zubiko lana egiteko, segitzen dugu aldi baterako irtenbideak eta finantzaketa
bilatzen.
Azken sei hileotan hasi edo bukatu diren obren berri ere eman nahi
dizuegu. Diapositiban ikus dezakezuenez, hauexek dira: Altzarrate plaza,
Estatuak diruz lagunduta; Gardeako ikastetxearen aurreko espaloia, amaitu egin
dutena; Granja plazako jolasak ere instalaturik daude, HHEko eta Rosalia de
Castroko estalkiak, Latiorrondotik Goikoganerainoko oinezkoentzako arrapala,
Latiorron; Goikogane eta Apaloeta arteko oinezkoentzako ibiak; Santa Luziako
horma berreraikitzea, eta Gasteiz kalea urbanizatzea (gehien bat AFAk
finantzatuta).
Auzo batzarren Jarraipen batzordearen azken bileran eskatu ziguten egiteke
zeuden proiektuen zerrenda. Hori aurkeztu nahi dizuegu azken taula honetan eta
aurrekontuari buruzko dosierraren azken orrialdean.
2. puntua. Aurreko puntuari buruzko galderak edota argibideak.
Ez dago aurrekontuaren puntuari buruzko galderarik, ezta parte-hartzerik ere. En
este bloque se formula una pregunta, no relacionada con el tema del presupuesto
anteriormente tratado, sobre el estado del proyecto para realizar una rotonda en
Garmaka. Entienden este proyecto como una oportunidad para dar una solución
a los ruidos derivados del tránsito de vehículos en el acceso a la circunvalación
desde la rotonda de Eroski. Para solucionar este problema se propone la
colocación de mamparas antiruido. También se solicita que desde el
ayuntamiento se inista ante la DFA, urgiendo la realización de esta obra.
o Natxo dice que se trata de una actuación en la que la DFA tiene la
competencia y que es ella quien marca las prioridadedes, aunque desde el
ayuntamiento se está insistiendo en la importancia de esta obra. Una vez
realizada la obra, la DFA haría un traslado de la competencia al
ayuntamiento de Laudio.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
3. puntua. Gobernu taldeak 2011ko batzarrean proposatutako gaiak erantzun.
Baliteke iaz gaiak azalarazi zituzten pertsonetariko batzuk hemen ez egotea.
Hala eta guztiz ere, saiatuko gara Udalaren jarrera argitzen, landutako gai guztiei
dagokienez. Denboraldi honetan aztertzen ibili gara 2011ko batzarretan
aurkeztutako gaiak, agiri bakarrean jaso ditugu eta Beharren mapa deitu diogu,
eta saiatu gara zentzuz erantzuten, nahiz eta seguruenik beti oso egokiro ez egin.
Agiri hori itzulita egon bezain pronto, herritarren parte-hartzerako webgunean
jarriko dugu; azken ukituak ematen ari gara eta laster abiatuko dugu. Ez dago
esan beharrik kontu batzuetara ez garela heldu, nahiz eta nahi ez dugun inork
interpretatzea Udalak ez duela interesik izan.
Ondoren azalduko dizkizuegu Udalak gai horietan izan dituen jarrerak,
planteamenduak; hala ere, bakarrik aipatuko ditugu datorren aurrekontuari
begira, gure iritziz, lehenetsi behar ez diren gaiak.
Zentro sozialeko igogailua. Eusko Jaurlaritzari diru-laguntza eskatu zaio
(irisgarritasun egitarauak), proposamen honetarako. Orain gutxi eman da (oso
egun gutxi). Aurrekontua 75.520 eurora heltzen da.
Gardea plaza. Lorazaintzako udal zerbitzuak plazako zuhaitz lehorra kendu du
eta gainontzeko zuhaitzak inausi ditu.
Gometegiko zuhaitzak. Udalak zuhaitz apurtuak berriro jartzeko politika izan
zuen, baina ez zen eraginkorra izan (ingurumeneko tailerrak); hori dela eta,
marra berdearen zati horretan zuhaitz gutxiago utzi dira.
Gometegi-Txirrita bankuak. Gure ustez nahiko banku dago, diapositiban ikus
dezakezuenez.
Komun autogarbigarria. Ari zaigu oso gai konplexua suertatzen, URArekin
edota Errepideetakoekin adostu beharra dago eta. Esku artean izan ditugun
proposamen biak, diapositibakoak, ukatu egin dituzte; lehena, parke linealeko
zubi gorriaren parean dagoena, URAk; bigarrena, autobiako zubiaren azpian
dagoena, Errepideetakoek. Une honetan URArekin harremanetan segitzen dugu,
ea beste kokalekurik onartzen diguten.
Olarteko komun autogarbigarria. Ez da atseginez hartzen dugun aukera,
udalerriko hiriguneetatik oso urrun dagoelako. Hala ere, ez dugu baztertzen hor
komuna jartzeko aukera, ez badugu URAk edo Errepideetakoek jarritako
iragazkiak igarotzen dituen beste aukera bat topatzen.
Goikoetxe tailerrak. Udal garbiketako zerbitzuei kontsulta egin diegu eta esan
digute, zonalde horretan, tailerrak egon arren, ez dela asko zikintzen.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
Salbuespenezko gorabeheraren bat izan dela, zonaldeko tailerrekin zerikusirik
izan gabe, pertsona ezezagunek edukiontzietako poltsak atera eta inguruan
sakabanatu zituztelako. Ekintza horien jarraipen zorrotza egin zen, eta ez da
berriro gertatu. Kalea astean hirutan garbitzen da eta autobiaren ondoko
kalezuloa igandero. Ostegunetan urez garbitzen da.
Gardeako espaloia. Lanak amaituta daude. Obra osoa guztira 64.349,54 euro
izan dira.
HAPO. HAPOren berrikusketa gelditu egin zen, plana idazteko ardura zuen
enpresak kontratua eteteko eskatu baitzuen. Likidazio bidean dago gaur egun.
Gure ideia da berrikusketari jarraipena ematea, plan estrategiko bat egitetik
abiatuta, berrikusketarako gida izan dadin; eta hori herritarron parte-hartzea
barne sartuta egingo da.
Ibaiertzak. Gai hori ari dira aztertzen ingurumeneko udal zerbitzuan; izan ere,
ibaiertzek ibai-ekosisteman duten garrantziari buruzko dibulgazio-zikloa
planifikatzen ari da.
Zurak. Orain gutxi bildu zarete Ingurumeneko udal arduraduna eta zeuek, areto
honetan bertan, gai horretaz hitz egiteko. Horretaz gain, segitzen dugu arazoak
ebazteko izapideak egiten, nahiz eta gaia izatez oso konplexua den. Horretaz
gain, segitzen dugu enpresarekiko harremanetan, arazoak ebazteko beharrezko
neurriak har ditzaten.
4. puntua. Aurreko puntuari buruzko argibideen txanda, zalantzak, galdera edo
iritziak.
Auzokide batek galdetu du nola dagoen Garmakako errotondaren proiektua, eta
esan du bere ustez hari loturik konponbide bat egon beharko litzatekeela,
Goikoplazan zaratarako pantaila babesgarriak jartzea, alegia. Galdetu du zein
instituzioren eskumena den.
o Natxo: AFAren eskumena da, bera baita Eroskiko errotondarainoko
errepidearen jabea. Orain gutxi jarri dira plastikozko piboteak,
galtzadaren ardatza mugatzeko. AFAk badu interesa obra hori egiteko,
titularitatea Udalari emateko, baina ez dakigu noiz egin ahal izango den.
o Auzokoa: Nahi dut indarra jartzea jarduera horren garrantzian, bi
alderdiri begira, errotondari eta pantailei begira.
Auzokide batek dio, komuna jartzeko hainbeste arazo dagoenez, esan
diezagutela non jarri behar den.
o Natxo: saiatzen ari gara konponbide bat topatzen, eta konponbidea izatez
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
teknikoa da eta izan behar da.
o Auzokoa: bidearen eta ibaiaren artean badago tokirik.
o Jokin: Gure ustez, desmuntagarria eta, ondorioz, behin-behinekoa denez,
baimena eman beharko ligukete, baina oraindik ez dugu URAren
baimena lortu. Horretan segituko dugu.
Auzokide batek dio Katuxan ferietakoek aparkatzen dutela eta lotura elektrikoa
oso gune arriskutsuan egiten dutela. Zergatik ez diezue zerbait erosoagoa
jartzen?
o Felipe: iaz erreklamazio bat egin genuen, loturak zuzen egiten ez
zituztelako. Ikusiko dugu ea jar daitekeen kaxa elektriko eskuragarriago
bat.
Auzokide berak dio Santa Kurutzerako errepidea hondoratzen ari dela, Katuxa
jauregiaren atzean, euste-hormarik ez dagoen aldean, eta jauregiko finka
mugatzen duen hormaren aurkako presioa egiten duenez, horma hori barrualdera
mugitu eta zartatu egin dela. Hortik tona askotako kamioiak pasatzen dira.
o Jokin: hara joan eta ez dugu ezer ikusi.
Auzokide berak dio auzoan kutxatilen tapak eta erretenak falta direla. Lapurreta
horiek jasota gera daitezela nahi du. Adierazi du, adibide gisa, Santa
Kurutzerako igoerako edukiontziaren ondokoa.
o Felipe: kutxatila kendu badute, berriro jarri beharko dugu.
Auzokide batek1 dio iaz azalarazitako kontuetako batzuk egin direla eta beste
batzuk ezetz. Batzuei behin-behineko tratamendua eman zaie. Santa Kurutz
zubian zuloak baino ez dira estali. Zubi horren zabalera handitu egin behar da.
Informazioa lortu dugu eta zubi hori Udalarena da. Eskatu nahi dugu zuloak
bakarrik ez estaltzeko, oso-osorik konpontzeko baizik. Zubiaren beste aldean
etxetxo bat egin dute eta lursaila horma batez itxiko dute. Horma hori eginez
gero, uste dugu zubia ez litzatekeela zabalduko. Puntu horretan ez dago ikuspen
onik.
Auzokide berak dio Hyundairen zonaldean danborrak kanpoan entseatzen direla
eta zarata jasanezina dela. Egun batzuetan, 10:30ak izan arren, oraindik ari dira
entseatzen. Oso gogaikarria da.
Auzokide berak azalarazi du ibaiko landaretzaren gaia. Esaten duzue URAren
kontua dela. Santa Kurutz erreka ez da URAren kontua, eta zuhaitz batzuek
etxeak estaltzen dituzte.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
Santa Kurutzeko arekak belarrez estalita daude. Oso arriskutsu dago. Areka
horiek tutuz eskatzeko eskatzen dugu.
Maderas enpresako zarata. Gero eta zarata handiagoa dago eta ez da ezer egin.
Arlasako irteerak ikuspen txarra du. Oso arriskutsua da.
Santa Kurutzeko edukiontzia beti aldatzen dute toki batetik bestera. Ez dago
bere tokian.
Eskatzen dugu Gardeagotxiko fekaletarako konexioa egiteko, kolektore
nagusiraino.
Tubacexen emisioengatiko istripu bat izan da. Ingurumenekoek tximinia horiek
konpontzea espero dugu, eta informazioa izatea.
Osoko Bilkuraren baterako deia egiten denean, gustatuko litzaiguke aldez
aurretik gaien zerrenda jendaurrean jartzea, landuko diren gaien berri jakiteko.
Ibaiko baranda oso hondatuta dago.
Geralekukoa neurri batean konpondu egin da, baina eskailerak ukitu gabe daude.
5. puntua. Gobernu taldeak 2011ko batzarretik datozen gaiak aurkeztea,
inbertsioetan eragina izan dezaketenak. Gai horietan oinarrituta zehaztuko dira
gero lehentasunak.
Dagoeneko esan dugunez, batzarren helburuetako bat da bertaratzen zaretenok
adieraztea auzo bakoitzean zein diren lehentasunak edo gai premiazkoenak. Atal
hau amaituta, tarte bat izango duzue adierazteko zuetariko bakoitzaren ustez
premiazkoena zein den. Hiru jarduera adierazteko eskatuko dizuegu, modu
honetan: garrantzitsuenari 1, hurrengoari 2 eta garrantzian hirugarrenari 3 bat
jarrita.
Ondoren, 2011ko batzarrean proposatu eta gure ustez inbertsioa behar duten, eta
ondorioz lehenetsi beharko liratekeen gaiak aurkeztuko dizkizuegu. Uste
baduzue inbertsio-proposamenen bat jaso barik dagoela eta nahi baduzue
eztabaidan sartzea, esan eta taulan “besterik” izeneko lerroan sartuko dugu.
Ekaineko 24 batzarrak amaitzen direnean, inbertitzeko 24 proposamen izango
ditugu eta horiei buruzko informazio guztia jaso eta aurkatu beharko dugu, gero
azaroko batzarretan, eta horretarako berariaz sortutako guneetan, udal mailako
lehenespena egiteko.
Gogoratu jarduerak lehenesteko ekintza funtsezkoa dela, udalaren baliabide
1 Auzokide horrek, Gardeako auzo elkarteko presidenteak, puntu honetako gainontzeko gaiak ere
komentatu ditu.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
ekonomikoak mugatuak direlako eta proposatutako guztia egin ezin delako.
Gardeagotxiko fekalak. Udal arkitektoaren ustez, bai lurzoru urbanizagarrian
bai lurzoru urbanizaezinean –Gardeagotxi kasurako–, urbanizatze-lana den
guztia, saneamendua barne, partikularrei dagokie. Hiri lurzoruan baino ez luke
Udalak izango urbanizatze-azpiegitura horren gainetiko erantzukizuna. Azalpen
hau amaituta, Fernandok azal dezake zehatzago Udalaren ikuspegia.
Santa Kurutz zubia. Horma berreraiki da eta Burdin enpresari baranda eskatu
zaio, zubiko segurtasuna handitzeko.
Geralekuko irisgarritasuna. ADIFen erantzukizuna da, geralekuko
irisgarritasuna ebaztea. Beraz, arazoa konpontzen zaila da, eta horretarako
hainbat bilera izan ditugu; horietariko baten batean auzoetako bozeramaileak ere
hor izan dira. Hala ere, geralekurako sarbidea bermatutako dago Industrialdetik.
Antzera edo okerrago daude Urduña eta Bilbo arteko geralekuak eta geltokiak;
kasurako, Laudio, Areta eta Arrankudiaga, baten bat aipatzearren. Horretaz gain,
esan nahi dut, hala ere, segituko dugula lanean geralekuko sarbidea hobetzeko,
baina horrek ez dezala itxaropen faltsurik sortu.
LIDLeko putzua. Arazo hau konpontzeko, ibairainoko errepidea zeharkatu
beharko litzateke, euri-urak husteko beste bide bat eginda. Lehentasunen taulan
sartu dugu, bera markatzeko aukera izan dezazuen; izan ere, dakizuenez, udal
baliabide ekonomikoak oso mugatuta daude eta jardueretan lehentasunak
markatu behar ditugu, ados jarri beharko zarete premiazkoena zer den.
Elizarako irisgarritasuna. Ez dago elizara iristeko arazoak daudela aitortu
beharrik, baina eraikin pribatua da; beraz, hori konpontzea ez da jaso indarreko
irisgarritasun-planean, berariaz bide publikoetako espazioetarako eta eraikin
publikoetarako egin baita. Irisgarritasun-planean ibaiaren ondoko
oinezkoentzako ibilbidea lehenetsi da; haren irisgarritasuna ebatzita dago. Beste
alde batetik, baliabide ekonomikoen faltak, egungo egoeran bereziki, bideraezin
egiten du baita indarreko irisgarritasun-planean zehaztutako helburuak betetzea
ere.
6. puntua. Aurreko puntuari buruzko eztabaida.
Auzokide batek, elkarteko bozeramaileak, dio Gardeagotxin planteatzen dutela
konexioa landatik kolektorea egitea. Harritzen gaitu konexio hori egitea
partikularren erantzukizuna izateak.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
o Fernando: bai. Kolektorera heltzea eta lotura egitea partikularrari
dagokion zerbait da. Gardeagotxi lurzoru urbanizaezina da. Imajina
ezazu Udalak konektatu beharko balitu lurzoru urbanizaezineko
saneamendu guztiak kolektore nagusira. Imajina dezakezu zertaz ari
garen? Dubirizen antzera, adibide bat jartzearren.
Auzoko bera. ADIFekoekiko bilera batean esan zuten Santa Kurutz zubia
Udalarena zela. Beraz, Udalari dagokio bera konpontzeko edota eraldatzeko
eskumena. ADIFi geralekuko irisgarritasuna bermatzea dagokio.
o Fernando: azter dezagun gai hori; izan ere, baliteke, zubiaren egitura
ukitzen duen obrarik egitea aukeratuko balitz, ADIFen baimena behar
izatea. Buruan daukat ADIFek aitortzen duela geralekuaren
irisgarritasunaren arazoak ebatzi beharra. Beste eskaera bat ere badago,
irisgarritasuna hornitzeko, Jez eta Maderas enpresetatik. Arazoa eta
konponbideak aztertu nahi ditugu osotasunean.
Auzokide batek dio bi gai azalarazi nahi dituela. Lehena, parte-hartzeko aukera
eskertzea. Bigarrena, auzoan ditugun kirol instalazioak eta ikasgelak
aprobetxatuta, gustatuko litzaidake kirol eskaintza berriro pentsatzea
(gimnastika, yoga, etab.). Berriro diot proposamena da lehendik dauden
azpiegiturak hobeto aprobetxatzeko. Uste dut auzoan eskaerak egongo
liratekeela. Beste gai bat, nahiz eta ez dakidan horretarako foro egokia den, kexa
bat da, auzoko jaietako gai bati buruz, haurrentzako jardueren diseinuari
dagokionez. Urterik urtera gero eta gutxiago dira haurrentzako aukerak, eta
aurten egin ere ez da egin, ezta egin ez izanarengatiko azalpenik eman ere. Oso
gutxirekin egin daitezke haurrentzako gauzak.
o Natxo. Badakit zinegotzia jakinaren gainean dagoela eta gai horrek
kezkatzen duela.
o Auzokoa: haurrentzako jarduerak antola litezke, auzoan badauzkagun
espazioez baliatuta.
Auzokide batek eskatu du azaltzeko zein den udal hiltegiaren egoera.
o Natxo: iazko erdialdean, hiltegia Osasunak (EJ) eskatutako
betekizunetara egokitzeko lanak egin ziren. Aurten inbertsio handia egin
da. Pasatu den astean azken osasun-ikuskapena egin zen. Teknikariaren
txostena aldekoa izan zen, beraz, badugu baimena, eskualdeko baimena,
lehen geneukan udal baimenaren aldean. Konpromiso bat hartu dugu, lan
trinkoa ez egitekoa, horrek kalitatean eragin txarra zuelako, eta
horretarako egunean hilko den abere-kopurua murriztu egin da (kalitatea
kantitatearen aurka). Funtzionamendurako baimen guztiak dauzkagu.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
o Auzokoa: Uste dut prezioak jaitsi beharko liratekeela, abereak hiltzera
kanpora joan ez daitezen.
o Natxo. Kalitatearen aldeko apustuak bere prezioa du. Egungo tasek ez
dituzte kostuak ordaintzen. Aurten tasak aldatuko dira.
Auzokide batek azalarazi du ibaiertzetako landaretzaren gaia.
o Miren: URAri planteatu zaio gaia, bera baita gai horretako organo
eskuduna. Aldiro eskatzen dira garbiketak, baina URA ibaiertzeko
landaretzaren aurka ezer egitearen kontrakoa da, uholdeen kontrolean
onura gehiago ekartzen duelako kalteak baino. Egia da kasu zehatzak
aztertu beharko liratekeela. Horregatik pentsatu dugu interesgarria izan
daitekeela dibulgazio-kanpainaren bat egitea, URAko teknikarien
laguntzaz, gaia azaldu eta horretaz hitz egiteko, herritarrek oso modu
desberdinetan ikusten dute eta.
o Auzokoa: sastrakak kentzeko diot nik, ibaia ikusi ahal izateko. Arratoiak
ere arazoa dira.
o Natxo: Horregatik da garrantzitsua jardunaldi horiek antolatzea, denok
jakiteko zer ingurumen-irizpide darabiltzan URAk, eta zertan oinarritzen
diren. Ikuspegiak alderatu behar dira, jakinda ibaien arloko organo
eskuduna URA dela (Uren Euskal Agentzia, Eusko Jaurlaritzaren
mendekoa).
Auzokide batek galdetu du ea OHZ azal daitekeen, eta zer egin daitekeen
hobaririk izateko.
o Amets: 21.000 eurotik beherako errenta jasotzen duten famili unitateak
HAZera joan daitezke eta bertan azalduko zaie zer-nolako agiriak bete
behar dituzten. Agiri horiek Ogasunera bidaliko dira, hor egiaztatu eta
hobariak ezarriko dira. Informazio-orrietan dago zehaztasunen taula.
HAZera jo dezakezue.
7. puntua. Batzarrean bertaratutakoek lehentasunak adieraziko dituzte2,
horretarako emango zaizkien orrietan (ikus I. eranskina).
GAIA ESKUMEN
A
ZENBAT € LEHENTASU
N-MAILA3
HAZTAPENA
Gardeagotxiko Partikularra
2 Lehentasunak zehazteko emandako 6 orrietatik 2 baino ez dira ondo bete.
3 Haztapen-balioak: 1 = 1, 2 = 0,75, 3 = 0,5
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
fekalak
ADIF-Santa
Kurutz zubia
Udala 311 2.5
Geralekuaren
egoera eta
irisgarritasuna
ADIF 1 1
LIDL zuloa Udala 2 0.75
Elizarako
irisgarritasuna
23 1.25
Auzoan dauden
baliabideak
aprobetxatzea,
auzoko kirol eta
kultur
eskaintzarako
1 1
Lehentasunak adierazteko orrialdearekin batera, beste orrialde bat emango da, eta bertan
eskatzen zaie bertaratutako pertsonei, “udal azalpenak entzun ostean”, zehazteko
sakondu behar diren gaiak (ikus II. eranskina). Proposatutako gaiak ondorengoak dira:
Auzoan dauden baliabideak kultur eta kirol jardueretarako, auzoaren onerako,
aprobetxatzea proposatzen duen pertsonak ondorengoa nabarmendu nahi du:
“Gimnastikako makinetan ez inbertitzea; bakarrik antolamenduan eta
irakaslerian”.
Ez ahaztea haurrentzako jarduerak eskaintzea, auzoko jaietan zehar, (Santa
Kurutz-Gardea maiatzean)
Argitzea zergatik ez den haurrentzako proposamenik egin 2012rako, nahiz eta
onetsita egon.
Zentro soziala aprobetxatzea, eguraldia edonolakoa izanda ere, instalazio
egokiak dituelako.
Santa Kurutzeko arekak.
Santa Kurutz zubia eta geralekua
Irukurutzetako aparkalekuak
Kirol eskaintza Gardean
Gasteizen bezala, ortuak langabetuei eskaintzea.
Egoitza berriko oinezkoentzako pasabide goratua.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
Itxitura babesgarria jartzea, egun euritsuetarako, nagusientzako joko-eremuan
(Goikoetxe parkean).
Ibaia garbitzea.
Santa Kurutzeko geralekua.
San Roke hirugarren adineko egoitzan toki nahikorik ez dagoenez, Laudioko
auzokoei lehentasuna ematea.
Katuxako ferietakoen kokalekuan energia elektrikorako lotune egokia jartzea.
Santa Kurutzerako errepideko euste-horma luzatzea, Katuxa atzetik. Katuxa
jauregia mugatzen duen hormak konkorrak eta arrail ikusgarriak dauzka,
galtzadak bultzatzen duelako.
Lantzeko gai gehiagorik gabe, batzarra amaitutzat eman da.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
ERANSKINA:
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013
II. ERANSKINA:.
ALKATETZA ALCALDIA LEHENDAKARITZA PRESIDENCIA
GAROÑA 2013an ITXI / GAROÑA CIERRE 2013