Upload
goierrikuak-taldea
View
247
Download
2
Embed Size (px)
DESCRIPTION
lan modularra
Citation preview
0
2012-2013
U.P.V. /
E.H.U. L MODULARRA: HAKUNA MATATA
GOIERRIKUAK TALDEA LH32.2
Goierrikuak taldea Jolas-ikas proiektua
2012-2013 ikasturtea
1
LABURPENA
Txosten honetan lan modularrean zehar egin dugun bideoaren eta jokoaren
muntaketa, helburuak, … azalduko dizkizuegu. Alde batetik, aste guzti hauetan
zehar landu eta burutu ditugun elementu guztiak azalduko ditugu; bideoaren
grabaketa, mozorroen aukeraketa, musikaren muntaia eta grabaketa, bideoaren
muntaia, … Beste aldetik, jokoaren ezaugarriak, helburuak eta baloreak
zehaztuko ditugu. Eta honekin batera izandako zailtasunak eta gure balorazio
orokor bat jarriko dugu.
RESUMEN
En este trabajo vamos a explicar un poco como ha sido el montaje del video,
los objetivos del mismo… Por un lado, vamos a explicar cuál ha sido el trabajo
llevado a cabo para completar este trabajo modular: grabación del video,
selección de los disfraces, grabación y montaje de la música, montaje del
video… Por otro lado, trataremos de explicar características, objetivos y valores
del juego. También intentaremos especificar cuáles han sido las dificultades y
nuestra valoración final sobre el trabajo.
ABSTRACT
Through this report we are going to explain how the edition of the video and all
the previous and the later work has evolved. On one hand, we are going to
focus on the elements and work we have been doing during this former period.
On the other hand, we pretend to define the videogame’s features, principles
and the problems we have had along this time. In addition, we will try to specify
which the final conclusion and evaluation has been for us.
Goierrikuak taldea Jolas-ikas proiektua
2012-2013 ikasturtea
2
AURKIBIDEA
1- SARRERA ................................................................................................... 3
2- EGUNEROKOA ........................................................................................... 4
3- JOLASA ..................................................................................................... 18
4- BIDEOA ..................................................................................................... 20
BIDEOAREN TESTUINGURUA .................................................................... 20
EMAITZA ...................................................................................................... 21
BESTEEN EMAITZAK .................................................................................. 22
5- ERABILITAKO INFORMAZIO-ITURRIAK .................................................. 23
6- ERANSKINAK .............................................................................................. 24
Goierrikuak taldea Jolas-ikas proiektua
2012-2013 ikasturtea
3
1- SARRERA
Lauhileko honetan egokitu zaigun Lan Modularra Jolas-Ikas proiektua izan da,
non jolas bat (helburu pedagogiko jakin batzuk dituena, noski) azaldu behar
genuen.
Oso lan ezberdina izan da, orain arte eginikoekin alderatuz, ikus-entzunezkoak
eta sormenak garrantzia izugarria izan baitute. Oso lan interesgarria iruditzen
zaigu, alor ugari ukitzen baititu: bideoaren eraketa, aurkezpena eta lanaren
txostena. Gainera, hasieratik bukaerara geuk eratu behar genuen zerbait izanik,
gogotsu eta motibazio handiz hartu dugu parte eta geure sormena zukutu dugu.
Oso atsegina eta entretenigarria egin zaigu guztia: jolas bat asmatzea eta
irudikatzea, mozorroak eta eszenatokia prestatzea, bideoa grabatzea,
muntatzea, gidoi teknikoa osatzea eta abar. Dena den, lan idatzia ohikoagoa
denez, bestelakoekin gehiago gozatu dugu, oso originalak baitziren.
Hau guztiaz gain, lan asko eskatzen duen proiektu bat dela adierazi nahi
genuke; askok bideo bat osatzea erraza eta sinplea dela pentsa dezaketen
arren, hori ongi egiteak ordu eta saiakera ugari hartzen baititu.
Ondorioz, gai bat lantzeko eta geure ideia propioak sortu eta baliatzeko modu
ezin hobea iruditzen zaigu Lan Modular hau. Agian beste hainbat gai jorratzeko
ere honelako gauzak proposatu beharko liratekeelakoan gaude.
Goierrikuak taldea Jolas-ikas proiektua
2012-2013 ikasturtea
4
2- EGUNEROKOA
Goierrikuak taldea Jolas-ikas proiektua
2012-2013 ikasturtea
5
TALDEA : GOIERRIKUAK SAIOA: 2012-11-10
NOIZ HASI: 08:30
NOIZ BUKATU: 13:00
TALDEKIDEAK:
IDAZKARIA (X)
1.- JORRATUTAKO GAIAK
Bideoaren muntaia.
2.- ADOSTUTAKOAK
Bideorako azpitituluak idatzi eta txertatu ditugu. Ondoren, musika bakoitza non jarri adostu dugu, eta geuk
interpretatu behar ez duguna internetetik jaitsi dugu. Bideoaren kredituak osatu ditugu, gure argazkiak eta
taldearen izena adieraziz. Gainera, lagundu ziguten taldekideei eskerrak emateko esaldi bat ipini dugu.
3.- ZEREGINAK ETA EPEAK
Bihar musika sartuko dugu eta ahotsa sartzen saiatuko gara (grabatu eta txertatu).
Horrez gain, lanaren titulua ezarriko dugu bideoaren hasieran, eta denbora 3 minututara iristen denez,
egokitu egin beharko dugu.
Jarraian, azken ukituak egin beharko ditugu.
4.- JAZOERAK
Arazo ugari izan ditugu gaurkoan, ordenagailua blokeatu egiten baitzitzaigun, hainbatetan geure lanaren zati
bat ezabatuz. Beraz, berriro egin behar izan ditugu, hainbat ezaugarri. Musikak ere arazotxo batzuk eman
dizkigu, ezin baikenuen entzun ordenagailuan, eta, ondorioz, ezin izan dugu bideoan txertatu. IKT-ko
irakaslea bilera batean zegoenez, ezin izan diogu behar genuen laguntza eskatu ordenagailuarekin izan
ditugun arazoetan. Dena den, nola edo hala moldatu gara.
5.- TALDEAREN HAUSNARKETAK
Gaurkoa ikusita, espero dugu, bihar guztia konpondu eta prest uztea. Horrela, segituan bukatzeko moduan
egongo gara.
JON VILLAR
MIREN SARRIEGI
ENEKO TXIKIRRIN
X AMAIA TELLERIA
Goierrikuak taldea Jolas-ikas proiektua
2012-2013 ikasturtea
6
TALDEA : GOIERRIKUAK SAIOA: 2012-11-26
NOIZ HASI: 11:30
NOIZ BUKATU: 13:00
TALDEKIDEAK:
IDAZKARIA(X)
1.- JORRATUTAKO GAIAK
Materiala, egin beharrekoak, aurretik adostutako ideien berrikusketa.
2.- ADOSTUTAKOAK
Alde batetik, disfrazak adostu genituen (lehoiarena, exploratzaileena eta tributarrarena), bai eta nork zer lortu
eta ekarriko zuen, edo zer egin beharko genukeen eskulan bidez. Materialarekin jarraituz, fondorako edo gaia
girotzeko osagarriak edo irudiak zehazten hasi ginen (afrikako animaliak, tribuko herrixka ...). Horrez gain,
prestatuko dugun proba baterako mugitzen den “animalia” bat behar dugunez, erabaki genuen kotxe
telegidatu bati gainean animalia baten panpina (edo bestela, geuk eginiko eskulan bat) jartzea, beraz, autoa
lortu eta panpina aurkitu edo egin behar dugu. Grabaketari dagokionean, bi zati nagusiak non grabatuko
diren erabakita daukagu. Musika afrikarra aurkitu eta geuk interpretatuko dugula adostua dugu, baina
zehazteko dago ze abesti izango den. Gainera, bideoaren montajerako hainbat ideia zehaztu genituen
(hasieran bidejokora sartuko gara, amaieran tribuko herrixka bateko irudiak txertatuko ditugu eta abar).
3.- ZEREGINAK ETA EPEAK
Disfrazak behin betiko lotuta uzteko, abenduaren 2 (igandea) arteko epea utzi dugu, bakoitzak bere
ardurapean hartu duena lortu eta guztiak biltzeko. Gainera, egun horretarako abesti ezberdinak eraman
behar ditugu, bai eta jotzen ditugun instrumentuak, entsegu moduko bat egin eta abesti definitiboa
erabakitzeko. Material aldetik, geure dekorazioarekin jarraituko dugu egun horretan, material
gehigarriak(animali apaingarriak, eszenatokia, kotxe telegidatuko animalia, tributarraren jantziak) osatuz.
Astean zehar bai klase orduetan, bai klasez kanpoko orduetan materialak antolatu eta prestatzeko
aprobetxatuko dugu, honela datorren astean grabaketa posible izan dadin.
4.- JAZOERAK
Klase orduetan eman zaizkigun lehenengo orduetan ez dugu zeregin handirik izan (egitekoen eta materialen
zerrendak prestatzeaz eta bideoaren muntaiaz eztabaidatzeaz gain), oraindik materiala zehaztu gabe
baikeneukan. Behin hori eginda orduak hobeki aprobetxatu ditzakegu.
5.- TALDEAREN HAUSNARKETAK
Oso gogotsu gaude, oso lan entretenigarri eta dinamikoa izaten ari delako eta guk geuk pentsaturiko ideia
batetik abiatzen ari garelako. Hasiera batean bideoak lan gutxi eskatzen duela eman dezakeen arren, nabaria
da lan asko egin beharko dugula, baina ongi antolatzen bagara, gaia hain motibagarria izanik, oso lasai eta
gustura arituko gara. Geure beldur bakarra denbora epeak ez ongi kalkulatzen joatea da, beste hainbat lan
ere baditugu eta, baina uste dugu momentuz nahiko ongi moldatzen ari garela.
X JON VILLAR
ENEKO TXIKIRRIN
MIREN SARRIEGI
AMAIA TELLERIA
Goierrikuak taldea Jolas-ikas proiektua
2012-2013 ikasturtea
7
TALDEA : GOIERRIKUAK SAIOA: 2012-11-27
NOIZ HASI: 09:30
NOIZ BUKATU: 13:00
TALDEKIDEAK:
IDAZKARIA(X)
JON VILLAR
X MIREN SARRIEGI
ENEKO TXIKIRRIN
AMAIA TELLERIA
1.- JORRATUTAKO GAIAK
Gaurko saioa oso baliagarria izan zaigu, batez ere, materialari eta antolaketari begira.
2.- ADOSTUTAKOAK
Arteko irakaslearen laguntzaz, ikasgai honetan erabiliko dugun materialaren zerrenda bat egin dugu, bai eta
ziurtasunez beharko ditugun hainbat baliabide (kola zuria edota kartulinak, esate baterako) eskuratu eta
gorde.
Ondoren, ordenagailu gelara joan gara. Bertan, taldea bitan banatu dugu: batzuk dekorazioko objektuen
ereduen bila ibili dira sarean eta besteak afrikako tribu ezberdinen eta euren herrixken inguruko bideoen bila
ibili dira.
Orainarte zehaztu gabe geneukan zein herrialdetan kokatuko genuen, zehazki, geure GKEa. Kenyan
kokatzea erabaki dugu gaur, beraz, bertan girotzea.
3.- ZEREGINAK ETA EPEAK
Aste honetako lanorduak eskulanak egiteko aprobetxatzea erabaki dugu, dena finkaturik uzteko.
Gainera, aste honetan musikako irakaslearekin hitz egingo dugu abestia aukeratzen eta interpretatzen lagun
diezagun.
Bestela, atzo adostu bezala, igandea izango da gehiena prestatuta uzteko baliatuko dugun eguna.
4.- JAZOERAK
Gaurkoan ez da jazoera berezirik egon, planen arabera aritu gara lanean.
5.- TALDEAREN HAUSNARKETAK
Behin irudi apaingarrien ereduak topatuta, eskulanari ekitea geratuko zaigu eta, aste hau horretarako dugula
kontuan izanik nahiko ongi goazela uste dugu, geure planei jarraiki. Ea marrazketa eta muntaia lana ongi eta
bizkor samar egiten dugun, gero lasaiago ibili ahal izateko.
Goierrikuak taldea Jolas-ikas proiektua
2012-2013 ikasturtea
8
TALDEA : GOIERRIKUAK SAIOA: 2012-11-28
NOIZ HASI: 10:45
NOIZ BUKATU: 14:30
TALDEKIDEAK:
IDAZKARIA(X)
JON VILLAR
MIREN SARRIEGI
X ENEKO TXIKIRRIN
AMAIA TELLERIA
1.- JORRATUTAKO GAIAK
Gidoi teknikoa, material gehigarriak.
2.- ADOSTUTAKOAK
Gidoi teknikoa osatu dugu, bideoa egiten dugunean errazagoa izan dadin.
Bestalde, dekoratua prestatzen hasi gara (masaiaren jantziak, eskudoa…) .
Grabaketarako datak adostu ditugu.
3.- ZEREGINAK ETA EPEAK
Grabaketa hurrengo astean egitea erabaki dugu, muntaiarekin lasai ibiltzeko. Honela, eguraldiak laguntzen
badu abenduaren 3 eta 4a erabiliko genituzke.
Beraz, adostu bezala, igandean (abenduak 2) eskulan guztia prest utzi beharko da.
4.- JAZOERAK
Inongo jazoerarik.
5.- TALDEAREN HAUSNARKETAK
Gaurko eguna eskulanak egiteko erabiltzea adosturik genuen, baina gidoi teknikoaz ahazturik genbiltzan,
beraz, geure eskemak aldatu behar izan ditugu, denbora hobeki aprobetxatu ahal izateko. Horregatik,
iganderako lan gehixeago geratuko zaigula uste dugu, eskulan aldetik, beraz juxtuxeago ibiliko garela.
Goierrikuak taldea Jolas-ikas proiektua
2012-2013 ikasturtea
9
TALDEA : GOIERRIKUAK SAIOA: 2012-11-29
NOIZ HASI: 08:30
NOIZ BUKATU: 14:00
TALDEKIDEAK:
IDAZKARIA(X)
JON VILLAR
MIREN SARRIEGI
ENEKO TXIKIRRIN
X AMAIA TELLERIA
1.- JORRATUTAKO GAIAK
Material gehigarriak eta musika.
2.- ADOSTUTAKOAK
Goizeko lehen saioan elkartu gara gaur plastikako gelan; adostu bezala material gehigarriak osatu ditugu
(Massaiaren ezkutua eta lepokoa lehenengo, eta Kenyako fauna ondoren). Alor honekin amaitzeko
tributarraren kareta falta denez, igandean amaitzea erabaki dugu. Ondoren, musikako atala landu dugu.
Horretarako, interpretatu behar dugun abestietako baten (Siyahamba) partitura inprimatu dugu eta lehenengo
entseguak egin ditugu (hasiera batean flauta eta pianoa bakoitza bere aldetik, eta ondoren biak batera).
Pianoarentzat bi eskuetarako partiturarik aurkitu ez dugunez, musikako irakasleari laguntza eskatu diogu eta
biharko prestatuko digula esan digu. Horrela, entsegu nagusia bihar goizean izango dela adostu dugu: flauta,
piano, perkusio eta ahotsez. Eguraldiaren aurreikuspenak aztertu ditugu, baserriko grabaketarako
ezinbestekoa baitzaigu eguraldi ona, eta astelehena (abenduak 3) izango dela egun aproposena adostu
dugu.
3.- ZEREGINAK ETA EPEAK
Eskulan aldetik, gehiengoa adostu dugunez, iganderako lana murriztu dugu, baina dena den, antolaketa eta
materialaren azken ukituak egun horretan amaituko ditugu. Astelehenean, baserriko grabaketa guztiak egiten
ahaleginduko gara, aste osorako eguraldi txarra emanda baitago. Bideojokoan jokatzen hasten garen
eszenak, aldiz, asteartean edo grabatuko ditugu, behin bestea lotuta utzita. Egun horretan, musikako abesti
nagusiaren grabaketa ere burutu beharko dugu, prest utzi ahal izateko.
4.- JAZOERAK
Gaurko lanari esker, Massai-aren mozorroa ia prest utzita (kareta amaitu eta jantziak bilatzea geratzen da)
eta animalia batzuk irudikatuta, iganderako lana nabarmen murriztu dugu.
5.- TALDEAREN HAUSNARKETAK
Denboraren kalkulua oso ongi egin gabe geneukan, ez baikenuen espero animaliak horren azkar eta arazorik
gabe egitea, beraz, oso baliagarria izan da, gerora begira asko aurreratu baitugu. Oso motibaturik sentitzen
gara, gauzak ongi ari direlako irteten eta grabaketarako guztia prest egongo dela ikus baitezakegu! Musika da
oraindik gutxi samar landu dugun atala eta entsegu dezente beharko ditugu emaitza ona lortu ahal izateko,
beraz, hori da oraintxe gure beldurrik handiena.
Goierrikuak taldea Jolas-ikas proiektua
2012-2013 ikasturtea
10
TALDEA : GOIERRIKUAK SAIOA: 2012-11-30
NOIZ HASI: 10:00
NOIZ BUKATU: 13:00
TALDEKIDEAK:
IDAZKARIA(X)
X JON VILLAR
MIREN SARRIEGI
ENEKO TXIKIRRIN
AMAIA TELLERIA
1.- JORRATUTAKO GAIAK
Musika.
2.- ADOSTUTAKOAK
Musikako irakasleak hainbat iradokizun egin dizkigu Siyahamba abestiari begira: esate baterako, zeharkako
flautak eta pianoak melodia bera interpretatu beharrean, pianoak akonpainamendua egitea proposatu digu,
eta bat etorri gara berarekin. Honela, erabaki berri honekin, moldatu egin behar izan dugu pianoaren partitura
(irakaslearen laguntzaz) eta, behin finkatuta, entsegu ugari egin ditugu flauta eta pianoa konbinatuz. Ondoren
perkusiozko instrumentuak gehitzen hasi gara.
Abestea erabaki dugunez, hainbat proba egin ditugu, baina jende askorekin hobeto geratuko litzatekeela
ikusirik, datorren astean klase-kideei laguntza eskatzea erabaki dugu.
3.- ZEREGINAK ETA EPEAK
Igandeko eta asteleheneko plana mantendu ditugu.
Asteartean musikaren grabaketa egingo dugu, abesterako orduan kideei laguntza eskatuz.
4.- JAZOERAK
Pixka bat kostatu zaigu flauta eta pianoaren elkarlotzea, ez baikinen batera joaten, baina azkenerako nahiko
ongi atera zaigu. Irakaslearen laguntzaz hainbat moldaketa egin ditugu, musikaren interpretazioa hobeki
atera zedin eta errazago jo genezan.
5.- TALDEAREN HAUSNARKETAK
Une batzuetan pixka bat desmotibatu da kide bat pianoarekin jo beharrekoak arazoak ematen zizkiolako,
baina buelta ematea lortu dugu eta astearteko grabaketa ondo joango delakoan gaude.
Goierrikuak taldea Jolas-ikas proiektua
2012-2013 ikasturtea
11
TALDEA : GOIERRIKUAK SAIOA: 2012-12-02
NOIZ HASI: 10:30
NOIZ BUKATU: 12:30
TALDEKIDEAK:
IDAZKARIA(X)
1.- JORRATUTAKO GAIAK
Material gehigarriak eta hurrengo egunerako grabaketaren antolaketa.
2.- ADOSTUTAKOAK
Kareta amaitu, pintura erosi, margotu, materiala zehaztu eta grabaketaren eszenak antolatu eta zehaztu
ditugu.
3.- ZEREGINAK ETA EPEAK
Bihar grabaketaren zati nagusia egingo dugu Idiazabalen eta asteartean azken eszenak grabatu.
4.- JAZOERAK
Pentsatutako eszena bat aldatu egin dugu zailtasun gehiegi duelako honen grabaketak gero bideoan izango
duen denborarako. Gainera, lehoiaren disfraza gaurko eduki nahi genuen, probatu ahal izateko, baina bihar
arte ez dugu izango.
5.- TALDEAREN HAUSNARKETAK
Oso gogotsu gaude bihar egin behar dugun grabaketarako. Baina, eguraldiarekin zortea dugun ikusi beharko
da, oso garrantzitsua baita.
JON VILLAR
X MIREN SARRIEGI
ENEKO TXIKIRRIN
AMAIA TELLERIA
Goierrikuak taldea Jolas-ikas proiektua
2012-2013 ikasturtea
12
TALDEA : GOIERRIKUAK SAIOA: 2012-12-03
NOIZ HASI: 08:30
NOIZ BUKATU: 16:00
TALDEKIDEAK:
IDAZKARIA(X)
1.- JORRATUTAKO GAIAK
Bideoaren grabaketa.
2.- ADOSTUTAKOAK
Azken ukituak egin eta antolamendua prest zegoenean grabaketari ekin genion. Baserrian egin behar
genituen sekuentzia eta plano guztiak grabatu genituen.
3.- ZEREGINAK ETA EPEAK
Bihar jokoaren azala, kontrazala eta CDa egingo ditugu, bideoaren hasierako eszenak grabatuko ditugu eta
“siyahamba” abestia grabatuko dugu.
4.- JAZOERAK
Oso egun polita izan da, oso motibaturik lan egin dugu eta kolpe eta barre asko egin ondoren egindakoarekin
oso gustura gelditu gara.
5.- TALDEAREN HAUSNARKETAK
Eguraldiarekin zorte handia izan dugu, oso eguraldi aproposa izan baita grabaketarako.
JON VILLAR
MIREN SARRIEGI
X ENEKO TXIKIRRIN
AMAIA TELLERIA
Goierrikuak taldea Jolas-ikas proiektua
2012-2013 ikasturtea
13
TALDEA : GOIERRIKUAK SAIOA: 2012-12-04
NOIZ HASI: 09:00
NOIZ BUKATU: 15:00
TALDEKIDEAK:
IDAZKARIA(X)
1.- JORRATUTAKO GAIAK
Bideojokoaren diseinua eta musika.
2.- ADOSTUTAKOAK
Bideojokoaren portada eta cd-a diseinatu, egin eta inprimatu ditugu plastikako saioan.
Ondoren, musikako abestia grabatu behar genuen, beraz, lehenbizi hainbat entsegu egin ditugu. Bi ataletan
banatu dugu grabaketa: zeharkako txirula eta pianoa bakarrik lehenengo eta ahotsa eta perkusioa ondoren.
Beraz, lehenengo grabaketa burutu ostean, klaseko jendea animatu dugu gurekin abestera, adostua
geneukan bezala, horrela politago gelditzen baitzen. Hainbat entseguren ondoren, hau ere grabatu egin
dugu.
Horrez gain, bideojokoan jokatzen azaltzen garen eszenak, hau da, bideoaren hasierako eszenak grabatu
ditugu. Horretarako eszena eta plano ezberdinak erabili ditugu, emaitza ona izan dadin.
3.- ZEREGINAK ETA EPEAK
Bihar goizean bideoaren muntaiarekin hasiko gara IKT-ko irakaslearen laguntzaz eta, ondoren, musika
berriaren aukeraketarekin hasiko gara.
Hurrengo egunetan muntaiarekin jarraituko dugu, ahotsa jarriko diogu bideoari eta baita azpitituluak eta
musika ere.
Gainera, gidoi teknikoan hainbat aldaketa egin beharko ditugu, egokitu egin beharko dugu egin dugunera.
4.- JAZOERAK
Ez dugu jazoera berezirik izan gaurkoan, planeatu bezala egin dugu guztia eta denboraz oso ondo ibili gara.
5.- TALDEAREN HAUSNARKETAK
Oso gustura gaude egindako lanarekin, orain muntaia nola joaten den ikusi beharko dugu eta, baita musika
egokia aukeratzen jakin ere, agian abesti bizkorragoren bat topatu beharko dugu eta jolas honetako probak
azaltzerakoan erritmo bizia emateko.
JON VILLAR
MIREN SARRIEGI
ENEKO TXIKIRRIN
X AMAIA TELLERIA
Goierrikuak taldea Jolas-ikas proiektua
2012-2013 ikasturtea
14
TALDEA : GOIERRIKUAK SAIOA: 2012-12-05
NOIZ HASI: 08:30
NOIZ BUKATU: 14:00
TALDEKIDEAK:
IDAZKARIA(X)
1.- JORRATUTAKO GAIAK
Pinnacle ezagutu eta bideoaren muntaia.
2.- ADOSTUTAKOAK
Bideoaren muntaiarako atal guztiak formatuz aldatu beharko genituenez MovieMaker programa erabiltzeko,
Dani-ri Pinnacle uzteko eskatu diogu. Honela, bere mintegira joan gara lanera eta, lanean hasi aurretik
erabiliko genuen programa arakatzen ibili gara, inork ez baikenuen ezagutzen. Gauza gehienak nola egin
ikusten gindoazen heinean, muntaiarekin hasi gara pixkana: geure bideo guztiak ikusi eta txertatu beharreko
atalak aukeratu ditugu, ordena zehaztu dugu, bakoitzaren iraupena ezarri, eszenak euren artean nola lotu
adostu (efekturen bat sartuta edo efekturik gabe) eta muntai orokorra eginda utzi.
3.- ZEREGINAK ETA EPEAK
Astelehenean muntaiarekin jarraituko dugu eta, gutxi gorabehera amaitzea espero dugu, gehiena eginda
baitaukagu.
4.- JAZOERAK
Inoiz programa erabili gabe geneukan arren, nahiko ongi moldatu gara eta erraza egin zaigu bere erabilera.
5.- TALDEAREN HAUSNARKETAK
Bihar bideoa amaituta utzi nahiko genuke, ea denbora ematen digun eta lasai-lasai ibiltzen garen.
X JON VILLAR
MIREN SARRIEGI
ENEKO TXIKIRRIN
AMAIA TELLERIA
Goierrikuak taldea Jolas-ikas proiektua
2012-2013 ikasturtea
15
TALDEA : GOIERRIKUAK SAIOA: 2012-12-10
NOIZ HASI: 09:00
NOIZ BUKATU: 15:00
TALDEKIDEAK:
IDAZKARIA(X)
1.- JORRATUTAKO GAIAK
Bideoaren muntaia, eszena desberdinen muntaketa.
2.- ADOSTUTAKOAK
Gaurko egunean, grabatutako eszena guztiak montatu ditugu. Prestatuta geneukan gidoia jarraituta egin
dugu, hala ere, komenigarriak iruditu zaizkigun aldaketak egin ditugu.
3.- ZEREGINAK ETA EPEAK
Hurrengo egunerako, bideoren muntaketari soinuak eta musika txertatuko dizkiogu horrela amaitutzat
emateko. Ez zaigu lan askorik geratzen beraz, gure ustez, hurrengo egunean muntaketarekin amaituko dugu.
4.- JAZOERAK
Bideoa montatzen ibili garen bitartean, Pinnacle programak zailtasunak sortu dizkigu, bat-batean programa
itxi eta ezabatutakoa berriro egin behar izan dugulako. Hori saihesteko, zerbait montatzen genuenean
berehala gorde dugu arazorik ez suertatzeko.
5.- TALDEAREN HAUSNARKETAK
Edukitako arazoengatik ezin izan dugu muntaketa gaur bukatu, hala ere, denboraz ondo goazela pentsatzen
dugu eta biharko egunean lana bukatzeko aukera izango dugula uste dugu.
JON VILLAR
X MIREN SARRIEGI
ENEKO TXIKIRRIN
AMAIA TELLERIA
Goierrikuak taldea Jolas-ikas proiektua
2012-2013 ikasturtea
16
TALDEA : GOIERRIKUAK SAIOA: 2012-12-11
NOIZ HASI: 09:00
NOIZ BUKATU: 14:00
TALDEKIDEAK:
IDAZKARIA(X)
1.- JORRATUTAKO GAIAK
Bideoaren muntaiaren azken ukituak eta soinu guztiaren muntaia.
2.- ADOSTUTAKOAK
Azken aldaketa txiki batzuk egin ditugu bideoaren muntaian (titulua jarri diogu lagunak etxera jolastera
doazela azaltzen den unean, adibidez). Bestela, soinua prestatzen eman dugu saio osoa: geuk
interpretatutako abestiaren bi zatiak txertatu ditugu egokien ikusten genuen ataletan eta interneten soinu
ezberdinak aurkitu ditugu giroketarako (elefanteak, txoriak eta abar). Etxean genituen bonboekin grabatu
genuen fondoko musika ere hainbat lekutan txertatu dugu. Horrez gain, tentsioko musika aukeratu dugu
(azkenean Tiburón pelikulako soinu bandakoa izan da) eta lehoiaren atalean ipini dugu, bere orroaz gain.
Behin hau guztia muntatuta, geure ahotsak grabatu ditugu eta une egokietan txertatzen aritu gara.
3.- ZEREGINAK ETA EPEAK
Bihar bideoan zerbait falta den edo ez ikusiko dugu eta zuzenketaren bat geratzen bazaigu hori burutuko
dugu.
4.- JAZOERAK
Ez dugu jazoera berezirik izan gaur, bada ez bada ere denbora guztian gordetzen baikenuen geure lana
berriro atzokoa gerta ez ziezagun. Dena den, azpimarratzekoa da soinua une egokian txertatzea ez dela bate
erraza, eta bere lana eman digula.
5.- TALDEAREN HAUSNARKETAK
Esan beharra daukagu bideoa musikarekin askoz ere hobeto geratzen dela, asko girotzen baitu eta ez da
horren sinple geratzen. Oso gustura geratzen ari gara emaitzarekin.
JON VILLAR
MIREN SARRIEGI
X ENEKO TXIKIRRIN
AMAIA TELLERIA
Goierrikuak taldea Jolas-ikas proiektua
2012-2013 ikasturtea
17
TALDEA : GOIERRIKUAK SAIOA: 2012-12-12
NOIZ HASI: 08:30
NOIZ BUKATU: 11:00
TALDEKIDEAK:
IDAZKARIA(X)
1.- JORRATUTAKO GAIAK
Bideoaren azterketa eta igoera.
2.- ADOSTUTAKOAK
Bideoa beste behin ikusi dugu guztien artean eta, gustura gelditu garela adostu ostean, youtube-ra igo dugu.
3.- ZEREGINAK ETA EPEAK
Honekin bideoaren lana amaitu dugu eta aurkezpena prestatzea baino ez zaigu geratzen, beraz, horrekin
jarraituko dugu.
4.- JAZOERAK
Hasiera batean pentsatu dugu arazoak izan genitzakeela igotzerakoan, irakasleak kalitate handia zuela eta,
beraz, agian kalitatea jaitsi arte Youtube-k ez zigula igotzen utziko esan zigun eta. Gainera, youtubetik
hartutako musika copyright-a zela eta ez zela entzungo ere posible dela esan digu.
Dena den, ez dugu arazorik izan kontu hauekin.
5.- TALDEAREN HAUSNARKETAK
Oso gustura sentitu gara gure lanarekin eta, esan beharra daukagu, orain arteko lanik politena iruditu zaigula.
Oso-osorik guk geuk sortu behar genuen ideia eta proiektua izateaz gain, lan handia eskatzen duen arren,
aurretik egin dugun guztiarekiko desberdina izan da eta oso motibagarria. Horrenbeste lan idatziren ordez,
sormena lantzea eskatzen duten honelako lan gehiago egitea gustatuko litzaiguke: gehiago inplikatzen eta
motibatzen baikara eta, gainera, gai ezberdinak lantzeko aukera paregabea ematen du.
JON VILLAR
MIREN SARRIEGI
ENEKO TXIKIRRIN
X AMAIA TELLERIA
Goierrikuak taldea Jolas-ikas proiektua
2012-2013 ikasturtea
18
3- JOLASA
Gure proiektua bideojoko bat izan da. Guk sortutako jostailu hau hezitzailea da,
balore ezberdinak transmititzeaz gain, besteei laguntzea zein garrantzitsua den
ere erakusten baitu. Gainera, laguntzea dibertigarria izan daitekeela erakusten
du eta, honela, motibazioa sorrarazten die haurrei laguntzerako orduan; Masai
herriari kasu honetan, laguntzea entretenigarriagoa bilakatuz. Horrez gain,
baloreei dagokienean, zintzo jokatu behar dutela erakusten zaie jokoan, izan
ere, probaren batean kiroltasunaren aurkako jarreraren bat agertuko balute,
zigor moduko bat jasoko lukete eta aurretik irabazitako puntu batzuk galduko
lituzkete. Gaizki jokatu dutela ikusarazteko, lehoia azalduko zaie zigor moduan.
Behin bideojokoa eskuetan dugula, honen ezaugarriak ikus ditzakegu: Plastikoz
eginiko kaxatxo bat da eta, honen barruan, jokoa ekartzen duen CDa dator.
Kaxa honen koloreak nahiko sinpleak dira, ez baikenuen oso deigarria edo
agresiboa bilakatu nahi, lasaia baizik. Atzealdeari dagokionean, gure argazki
batzuk txertatu ditugu jokoaren protagonistak izango bagina bezala. Honez
gain, honekin helarazi nahi diren zenbait balore ere aipatzen ditugu.
Erabiltzeko jarraibideei begira, bideojoko batez ari garenez, mando batekin
jolastuko gara. Lehendabizi, Masai tribuko pertsona bat agertuko zaigu ongi
etorria eman eta jokoaren nondik norakoak azaltzeko. Ondoren, froga
ezberdinak planteatuko zaizkigu, non gure puntuazioaren arabera lehengai
kopuru ezberdinak lortuko ditugun. Amaieran, lorturiko lehengaien kopuruak
ikusirik, sailkapena ageriko da irabazlea nor den adieraziz. Dena den, azken
zatian baliabide guztiak elkartuko dira (helburua kooperazioa baita) eta lagundu
behar den herrixkara eramango dira.
Aipatu bezala, jokoko araua jarrera egokia mantentzea izango da, bestela
zigorra jasotzeaz gain, aurretik lorturiko hainbat gauza galduko baitituzte.
Jolas honek helburu pedagogikoak ditu, beraz, didaktikoa da. Hala ere, oso
dinamikoa denez, denbora-pasa entretenigarria ere izan daiteke. Hau barkaka
egin daitekeen arren, berezko helburua lankidetza denez, familian edo
lagunartean jolasteko oso aproposa da.
Goierrikuak taldea Jolas-ikas proiektua
2012-2013 ikasturtea
19
Jokatzeko behar diren gauzei begira, bideojokoa izanik, kontsola baten beharra
dago.
Jokoaren azalari dagokionez, Masai baten irudia ezarri dugu Kenyako paisaia
ikusten delarik. Aipatu dugun moduan, kontra-azalean gure argazki batzuk ageri
dira jokoaren balore jakin batzuekin batera.
Ageri diren balore atxikiei erreparatuz, hainbat gauza azpimarratu nahi
genituzke. Alde batetik, berdintasunari eta elkarbizitzari garrantzi handia eman
diogu gure egunerokotasunerako ezinbestekoak baitira eta ondo barneratu
behar diren balore batzuk iruditzen baitzaizkigu. Joko guztiaren zehar
nabarmentzen dira horiek, izan ere, gure zeregina beharra duen herrixka bati
lehengaiak eramatea da. Ildo beretik, hainbat probetan ingurumenari ere
begirunea erakusten zaio bertako paisaia errespetatu baita. Bideoko proba
batean ikusten den bezala ura aurreztea da helburua, baina horrez gain,
pentsaturik geneuzkan, bertan azaltzen ez diren proba jakin batzuk balore hau
indartuko luketenak: arbolak ezagutarazteko proba bat, zauriturik dagoen
animali bat hartzea sendatu ahal izateko, … Aipatu behar dugu, kiroltasuna
errespetatzea dela arau nagusia eta hori betetzen ez bada zigorra jasango da
lehen aipatu dugun bezala. Balio etikoen barruan, hauek ikusi ditzakegu;
eskuzabaltasuna, solidaritatea, errespetuzko lankidetza, … Azkenik, kultur
aniztasuna ere lantzen da Masai herriaren ohiturak eta ingurunea ezagutuz.
Joko hau 7 urtetik gorakoentzat bideratu dugu. Honen arrazoia ondorengoa da:
balore horiek helarazteko haurrek kontu horien kontzientzia izan behar dute,
bestela ez baitute ulertuko jokoaren funtsa.
Goierrikuak taldea Jolas-ikas proiektua
2012-2013 ikasturtea
20
4- BIDEOA
BIDEOAREN TESTUINGURUA
Bideo honen bidez jolasaren nondik norakoa zein den era erakargarri batean
erakutsi nahi izan dugu.
Grabaketa egitera Idiazabalgo Iruin-Barrena baserrira hurbildu ginen, bere
inguruetako zuhaitz eta paisaiak erabiliz, afrikar paisai belartsua simulatzeko.
Aitortu beharrekoa da hasieran pentsatu genuela honelako paisai berde batek
ez zuela antzekotasun handirik izango afrikarrarekin, baina zenbait argazki eta
artikulu irakurri ondoren gure aurreiritzia guztiz aldatu zen eta ohartu ginen toki
egokia zela.
Bideoarekin jolasa dibertigarria eta motibagarria dela erakusten saiatu gara,
baita gurasoentzat ere. Gainera, lankidetza sustatzen dela adierazi nahi izan
dugu jolasaren balore atxikiak azaltzeko asmoz, hauen artean: errespetua,
lehiakortasun osasuntsua, ardura, solidaritatea, herrialde azpigaratuenganako
kontzientzia …
PROZESUA
Musika arloan, iragarkirako Siyahamba abestia interpretatu dugu. Horretarako,
instrumentu desberdinetarako notak atera, abesteko ahotsen tonuak zehaztu,
eta, azkenik, denok batera praktikatu ostean, grabatu egin genuen. Jarraian,
beste zenbait abesti eta soinu desberdin lortu ditugu, iragarkiko une
egokienetan ipintzeko.
Tresneria aldetik, argazki kamera, ahots grabatzailea, ordenagailua eta asko
lagundu diguten zenbait ordenagailu programa (Pinnacle, Format Factory…)
erabili ditugu.
Osagai plastikoak ugariak izan dira gure iragarkian. Alde batetik, tribuko
buruzagiaren lepokoa, babesgarria eta maskara burutu ditugu. Paisaia egokitze
aldera, zebra, lehoia eta elefantea ere marraztu eta margotu genituen.
Goierrikuak taldea Jolas-ikas proiektua
2012-2013 ikasturtea
21
Bideoaren muntaiarekin denbora asko eman dugu, izan ere, plano ezberdinak
erabili ditugu, ahotsa berriro grabatu behar izan dugu, musika eta soinuak
konbinatu ditugu, bolumenarekin jolastu dugu, efektu batzuk txertatu ditugu...
Hau guztia egin ahal izateko aurrez ezagutzen ez genuen Pinnacle programa
erabili dugunez, lehenik eta behin gauza bakoitza nola egin ikasi behar izan
dugu.
Geure lan prozesuan egin genuen gidoi teknikoa eranskinen atalean sartu
dugu, oso luzea baita.
EMAITZA
Azkenean Siyahamba abestia bi zatitan banatu dugu. Bideoaren hasierako
zatiaren ondoren, Afrikara iristen garenean, flauta eta pianoarekin egindako
zatia entzuten da eta bideoaren bukaeran Siyahamba letra gure ahotsekin
interpretatuz entzuten da, honetarako oso baliagarria izan zitzaigun gure klase-
kideen laguntza.
Komunikazio-lanabesei dagokionez, bideoaren hasieran, Amaiaren etxean
grabatutako eszenetan komunikatzeko gure ahotsaren bitartez komunikatzen
gara, baina ongi entzuten ez zenez, doblatu egin behar izan genuen. Ondoren,
telebistan sartu eta gero, tribuko burua agertzen da bere hizkuntzan hitz eginez,
baina ulergarria ez denez azpitituluak ipini ditugu euskaraz.
Osagai plastikoei erreparatuz, gehiena mozorroetan erabili ditugu. Lehoiaren
mozorroa oso sinplea da, ez da guk egina. Masai-aren mozorroak, aldiz,
konplexutasun handiagoa izan zuen, baina hala ere oso originala eta polita
gelditu da. Azkenik, GKE-ko kideen mozorroak pelikuletako esploratzaileetan
oinarritu ditugu, baina ez dugu eskulanik egin horiek osatzeko; etxeko jantziak
eta materiala elkartu, baizik.
Bideoaren muntaia egiteko PINNACLE programa erabili genuen. Oso programa
ona, baino aldi berean konplexua zenez, gogor egin genuen lan eta bukaerako
emaitza, mila buelta eman ondoren, ona izan da gure iritziz. Bai musikak,
efektuek, audioak, … oso ondo egin dute bat bideoko eszenekin, beraz, oso
ondorio positiboak atera ditugu.
Goierrikuak taldea Jolas-ikas proiektua
2012-2013 ikasturtea
22
Honetaz gain, nagusiki, egindako plano mordoa eta bideoan itsatsitako giroko
soinua, azpimarratu nahi dugu. Geure ustez, bideoan sartzeko eszena batzuk
ez ziren grabatzeko errazak, batik bat, lehoia eta esploratzailearen borroka.
Bost bat aldiz grabatu behar izan genuen eszena ezberdinak konbinatuz,
gustuko emaitza lortu ahal izateko.
Orokorrean gure balorazia oso ona eta positiboa da. Zorte asko izan genuen
eguraldiarekin, nahiz eta hotz asko pasa, eguzkia izan genuen goiz eta eguerdi
osoan, beraz, honek asko erraztu zigun grabaketa. Gainera, taldeko giroa ona
izateak, oso entretenigarria egin zuen lana, asko disfrutatu baikenuen.
Hobekuntzei dagokienez, ez gara oso gustura gelditu ahotsarekin. Ahotsa
gainetik dago grabatua, hots, doblatua, eta hainbat momentutan ez dator bat
eszenekin. Beraz, hurrengoan, ahotsa bideoa grabatzeko momentuan ongi
entzun dadin saiatuko gara. Baina, orokorrean, oso gustura gaude egin dugun
lanarekin.
BESTEEN EMAITZAK
Taldean bildu ondoren adostu dugu honako hauek direla gure arreta gehien
erakarri dute aurkezpenak.
Hasi aurretik, aipatu behar dugu leku guztietan gertatzen den bezala,
aurkezpen oso onak egon direla eta beste batzuk ez hain onak.
Gure ustez “ Sushi taldea” eta “ Grass taldea” izan dira bideo erakargarrienak.
“Sushi” taldeari dagokionez, aipatu behar dugu, bideoan zehar erabilitako
musika oso egokia zela eta aldi berean bideo berezia izatea lortu zuten. Baita
ere aipatu behar dugu transmititu nahi zituzten baloreak oso ondo ikusi zirela
bideoan.
Beste aldetik “Grass” taldea aukeratu dugu. Egia esan, talde honek eta gureak,
bideoa muntatzeko orduan, nahiko ideia antzekoak izan ditugu. Baina,
aipatzekoa da oso bideo pedagogikoa iruditu zaigula, gainera, aurkezpen
egunean ikusi genuen bezala, modu entretenigarri eta dibertigarrian sortu dute.
Goierrikuak taldea Jolas-ikas proiektua
2012-2013 ikasturtea
23
Azkenik, iluntasunarekin jolasten zuen talde horren lana ere oso orijinala iruditu
zaigu, ezberdina.
Gure taldearen barruan iritzi desberdinak genituen bideoak ebaluatzeko orduan,
baina, taldeko guztiak ados gaude, gehien gustatutako bideoak, klaseko
pertsonek protagonizatutakoak izan direla, atentzioa gehien erakartzen zutenak
baitziren.
5- ERABILITAKO INFORMAZIO-ITURRIAK
Lan hau egiteko orokorrean ez ditugu informazio-iturri berezirik erabili,
irakasleek emandakoa soilik.
Goierrikuak taldea Jolas-ikas proiektua
2012-2013 ikasturtea
24
6- ERANSKINAK
Goierrikuak taldea Jolas-ikas proiektua
2012-2013 ikasturtea
25
Goierrikuak taldea Jolas-ikas proiektua
2012-2013 ikasturtea
26
Goierrikuak taldea Jolas-ikas proiektua
2012-2013 ikasturtea
27
Goierrikuak taldea Jolas-ikas proiektua
2012-2013 ikasturtea
28
GIDOI TEKNIKOA
SEKUENTZIA PLANO
A
ENKOADREA MUGIMENDU
A
IRUDIA SOINUA OHARR
AK
1 1 Plano
orokorra
- Amaiaren
etxeko tinbrea
jotzen dute
eta Miren eta
Enekori ongi
etorria
ematen die.
Giroko soinua
1 2 Plano
amerikarra
- Amaiak bere
bideojoko
berria
erakusten die
bere lagunei.
Giroko soinua
1 3 Xehetasun
planoa
Bideojokoa
gertutik
agertzen da
eta ireki
egiten dugu
erakusteko.
Giroko soinua
1 4 Plano
orokorra
- Telebistak
arazoren bat
ematen duela
dirudi eta
gerturatu
egiten gara.
Telebistan
sartzen gara.
Giroko soinua eta
telebistara
sartzean
teletransportazioa
irudikatzen duen
soinu berezi bat.
Argitasu
n efektua
gehituko
dugu.
2 5 Plano
orokorra
Kenian
agertzen gara
eta zerbait
ikusten dugu.
Korrikan
hasten gara.
Geuk
interpretaturiko
Siyahamba
abestia eta giroko
soinua.
2 6 Plano
orokorra
Korrikan
jarraitzen
dugu, baina
atzetik ikusten
Siyahamba
abestiak jarraitzen
du.
Goierrikuak taldea Jolas-ikas proiektua
2012-2013 ikasturtea
29
gara eszena
honetan.
2 7 Plano ertaina Aurrez
ikusten gara
korrikan eta
bat-batean
zerbait ikusi
dugulako
gelditu egiten
gara.
Siyahamba
abestia gero eta
baxuago entzuten
da eta giroko
soinua hasten da.
3 8 Plano ertaina Massai-ak
ongi etorria
ematen digu.
Giroko soinua.
3 9 Plano
orokorra
Massai-ak
jokoa zer den
azaltzen digu.
Giroko soinua eta
danbor hots
baxuak.
3 10 Plano
amerikarra
GKE-ko kide
berriak
agertzen dira
Massai-aren
azalpena
entzuten.
Giroko soinua eta
danbor hots
baxuak.
3 11 Plano
orokorra
Massaiak
azalpenarekin
amaitzen du.
Giroko soinua eta
danbor hots
baxuak.
Efektu
batekin
eszenaz
aldatzen
da.
4 12 Plano
orokorra
Mugimendu
horizontala
Probetarako
ingurua
ikusten da.
Giroko soinua.
4 13 Plano
orokorra
Aurrez
ikusten gara
lehen
probarekin
hasten: zaku
karrera.
Giroko soinua.
4 14 Plano
orokorra
Mugimendu
horizontala
Zaku
karreraren
beste plano
Giroko soinua.
Goierrikuak taldea Jolas-ikas proiektua
2012-2013 ikasturtea
30
bat.
4 15 Plano ertaina Massai-ak egoera aztertzen du.
Giroko soinua.
5 16 Plano orokorra
Bigarren froga: ura aurreztekoa.
Giroko soinua.
6 17 Plano orokorra
Mugimendu horizontala
Pinudi bat agertzen da eta Mirenen burua agertzen da arbola batetik.
Giroko soinua.
6 18 Lehen planoa Mirenen burua gertuagotik agertzen da.
Giroko soinua isiltzen doa eta Benny Hill-en abestia hasten da.
6 19 Plano orokorra
Harrapaketa froga hasten da.
Benny Hill-en abestia.
6 20 Plano amerikarra
Amaia arbola atzetik agertzen da.
Benny Hill-en abestia.
6 21 Plano orokorra
Harrapaketan jarraitzen dute.
Benny Hill-en abestia.
6 22 Plano ertaina Enekok arbola atzetik burua ateratzen du.
Benny Hill-en abestia.
6 23 Plano amerikarra
Korrikan hasten da.
Benny Hill-en abestia.
6 24 Plano orokorra
Harrapaketan jarraitzen dute.
7 25 Plano orokorra
Palak hartu eta hurrengo frogarako kokalekura joaten dira.
Giroko soinua.
7 26 Plano orokorra
Altxorra bilatzeko antolatzen dira.
Giroko soinua.
7 27 Plano ertaina Miren gertutik agertzen da lanean.
Giroko soinua.
7 28 Plano ertaina Amaia gertutik agertzen da lanean.
Giroko soinua.
7 29 Plano orokorra
Eneko gertutik agertzen da lanean.
Giroko soinua.
7 30 Plano orokorra
Guztiok agertzen gara eta Enekok bronka
Giroko soinua. Efektu batekin aldatzen da
Goierrikuak taldea Jolas-ikas proiektua
2012-2013 ikasturtea
31
botatzen digu lurra botatzeagatik.
eszenaz.
8 31 Plano ertaina Massai-ak kontuz ibiltzeko esaten du.
Giroko soinua eta tentsiozko musika.
9 32 Plano orokorra
Ura aurrezteko frogan izandako jarrera txarra kamara motelean.
Giroko soinua eta tentsiozko musika.
10 33 Pikatua GKE-ko kideak atzetik agertzen gara eta Miren eta Amaiak bira ematen dute eta korrikan alde egin.
Tentsiozko musika.
10 34 Kontrapikatua Lehoia agertzen da eta salto egiten du.
Orroa.
10 35 Pikatua Lehoiaren saltoa ikusten da eta korrika alde egiten dute.
Orroa.
10 36 Plano orokorra
Lehoiak Enekori jarraitzen dio eta lurrera botatzen du.
Orroa eta danborrak.
11 37 Plano amerikarra
Lehoia eta Eneko adiskidetu egiten dira.
Danborrak (Siyahamba abestia hasten da).
12 38 Plano orokorra
Massai-ak irabazitako lehengaiak ematen dizkigu.
Siyahamba abestia.
13 39 Plano orokorra
Herrixkaruntz abiatzen dira guztiak, kamarari agur eginez.
Siyahamba abestia.
14 40 Xehetasun planoa
Bideojokoa ikusten da.
Siyahamba abestia.
15 41 Xehetasun planoa
Taldekideen irudiak eta izenak agertzen dira.
Siyahamba abestia.