HERRITARREN PARTE HARTZEA IRUNGO UDALAREN 2015eko ... · - 45 minutu dauzkate orriotan proposamen guztiak idazteko, 10 minuturo jakinaraziko zaie zenbat denbora duten lana amaitzeko

1

PROIEKTUAREN MEMORIA:

HERRITARREN PARTE HARTZEA IRUNGO UDALAREN 2015eko AURREKONTUAREN PROPOSAMENEAN

PROZESU OROKORRA

KANPAINA:

“Tu opinión también cuenta / Zure iritziak ere balio du"

2014ko abendua

2

1. AURKIBIDEA

1. AURKIBIDEA .............................................................................................................. 2 2. SARRERA ................................................................................................................... 3

2.1. ZER DA AURREKONTU BAT?............................................................... 3 2.2. ZER DA AURREKONTU PARTE HARTZAILEA?................................... 3 2.3. NORK HARTU DEZAKE PARTE? .......................................................... 3

3. PROZESUAREN EZAUGARRIAK ................................................................................... 4 3.1. PROZESUAREN DESKRIBAPENA........................................................ 4

3.1.1. Lan-taldeak eta zereginak............................................................. 4 3.2. PROZESUAREN DINAMIKA ETA METODOLOGIA............................... 7

3.2.1. 1. fasea: proposamenen bilketa eta aurrez aurreko botazioa....... 7 3.2.2. 2. fasea. Proiektuen azken botazioa........................................... 11

4. 1. FASEA: AURREZ AURREKO BILERAK...................................................................... 13 4.1. LEHENENGO BILERA: SAN VICENTE DE PAUL IKASTETXEA ........ 13

4.1.1. Taldean landutako on-line proposamenak.................................. 14 4.1.2. Aurrez aurreko botazioetara eramandako proposamenak.......... 14 4.1.3. 1. saioan boto gehien jaso zituzten proposamenak.................... 14

4.2. BIGARREN BILERA: ARTIAKO AUZO ELKARTEA ............................. 15 4.2.1. Taldean landutako on-line proposamenak.................................. 16 4.2.2. Aurrez aurreko botazioetara eramandako proposamenak.......... 16 4.2.3. 2. saioan boto gehien jaso zituzten proposamenak.................... 16

4.3. HIRUGARREN BILERA: PIO BAROJA INSTITUTUA .......................... 18 4.3.1. Taldean landutako on-line proposamenak.................................. 18 4.3.2. Aurrez aurreko botazioetara eramandako proposamenak.......... 18 4.3.3. 3. saioan boto gehien jaso zituzten proposamenak.................... 18

4.4. LAUGARREN BILERA: LANDETXA AUZO ELKARTEA ...................... 20 4.4.1. Taldean landutako on-line proposamenak.................................. 20 4.4.2. Aurrez aurreko botazioetara eramandako proposamenak.......... 20 4.4.3. 4. saioan boto gehien jaso zituzten proposamenak.................... 20

4.5. BOSGARREN BILERA. OSPITALE ZAHARRA.................................... 22 4.5.1. Taldean landutako on-line proposamenak.................................. 22 4.5.2. Aurrez aurreko botazioetara eramandako proposamenak.......... 22 4.5.3. 5. saioan boto gehien jaso zituzten proposamenak.................... 22

5. 2. FASEA: AZKEN BOTAZIOA ‐ EMAITZA ................................................................... 25 6. PROZESUAREN EBALUAZIOA – AUKERATUTAKO PROPOSAMENAK .......................... 28

6.1. AUKERATUTAKO PROPOSAMENAK ................................................. 28 6.2. AZKEN BOTAZIOAREN TXOSTEN ESTATISTIKOA........................... 29

6.2.1. BOTOEN KOPURUA AUZOKA ETA AUZO BAKOITZEKO BOTO EMAILEEN % 30

6.2.2. BOTAZIOAK ADIN-TARTEEN ARABERA.................................. 32

3

2. SARRERA

Herritarren parte hartzearen eredu da Irun, baita beste erakunde batzuentzat ere. Urteak dira hirian parte hartzeko prozesuak zabaldu direla urbanizazio berriak erabakitzeko, Plan Nagusia hobetzeko eta, esate baterako, San Pedro eta San Martzial jaietako afixa aukeratzeko. Azken urteetan, “Alkatea auzoetan” programaren bidez, hiriko auzo bakoitzeko ekintzetan eta arazoetan sakontzeko eta lehenesteko laguntza eman dute irundarrek. 17 bisitaldi egin eta gutxi gorabehera mila irundarrekin bildu ostean, eskaera horien % 90 bete dira edo betetzeko bidean daude. Horietako askok kostu jakin bat zuten, eta beraz, huts egiteko beldurrik gabe esan dezakegu herritarrek jada erabaki egin zutela zertan eman udal dirua.

Baina 2015eko kontu orokorrek beste urrats bat egin nahi izan dute, eta aurrekontu orokorra behin betikoz onartu baino lehen honako galdera hau luzatu zaie herritarrei: Zertan emango zenuke zuk Irungo hiriaren dirua? 1.500.00 euro herritarren iritziaren eskura.

“Zure iritziak ere balio du” izenburuko kanpainarekin planteatu zaie Irungo herritarrei proiektu hau.

2.1. ZER DA AURREKONTU BAT?

Irungo Udalaren Aurrekontu orokorra 65 milioi euro ingurukoa da. Diruaren % bat udal funtzionamendurako gastuetara bideratzen da. % beste bat inbertsioetara.

Ia urte beteko lanaldia eskatzen du udal Aurrekontuak. Uda hasi baino lehen abiarazten da prozesu administratiboa, udal arlo bakoitzari helarazitako gidalerroak onartu eta gero. Arlo bakoitzaren proposamenak jasotzen ditu aurrekontu Bulegoak, eta horiek aintzat harturik osatzen da Irungo Aurrekontu orokorraren proiektuaren Dokumentua. Udal talde politiko guztiei aurkezten zaie dokumentua euren zuzenketak proposatu ditzaten. Zuzenketa horiek urte amaierako Osoko Bilkura berezian eztabaidatzen dira.

2.2. ZER DA AURREKONTU PARTE HARTZAILEA?

Aurrekontu parte hartzaileak 1.500.000 euro jartzen ditu 2015. urtean irundarren eskura, aurrekontuaren guztizkoaren % 3 ia, Irungo herritarrek erabaki dezaten diru hori zertan eta nola eman. Hori guzti hori prozesu parte hartzailearen bidez. Aurreneko fasean bilerak egingo dira auzoekin eta bigarrenean proposamenak bozkatuko dira web orriaren bidez.

2.3. NORK HARTU DEZAKE PARTE?

4

16 urtetik gorako guztiek prozesu orokorrean, eta 16 eta 30 urte bitarteko gazteek Irungo gazteriari zuzendutako berariazko prozesuan.

3. PROZESUAREN EZAUGARRIAK

3.1. PROZESUAREN DESKRIBAPENA

3.1.1. Lan-taldeak eta zereginak

Honako talde hauek lan egin dute proiektu honetan:

a) Proiektuaren talde eragilea:

• Irungo Alkatea. • Ogasun, Sustapen Ekonomiko eta Plan Estrategikoko Ordezkaria. • Ogasun, Sustapen Ekonomiko eta Plan Estrategikoko arduradun teknikaria. • Informazioaren Gizartea eta Herritarren Parte Hartzea arloko Ordezkaria. • Informazioaren Gizartea eta Herritarren Parte Hartzea arloko arduradun

teknikoa: • Komunikazioa eta Alkatetzako Kabineteko arduraduna • innovaGenio aholkularitzako teknikaria.

Sei bilera egin ditu talde eragile osoak prozesuan zehar. Kide batzuek prozesuaren dinamikarekin lotutako bilkura teknikoak egin dituzte, beste 9 aldiz bildu dira.

Udaleko langile teknikariek bilerak egiteko materiala eta dokumentazioa osatzen parte hartu dute, gai batzuk azaldu eta zalantzak argitu dituzte.

Honako hauek izan dira taldearen zeregin nagusiak:

• Prozesua zehaztea eta abian jartzea. • Prozesuaren gaineko jarraipen etengabea egitea eta, hala behar izanez gero,

beharrezkoak diren neurri zuzentzaileak finkatzea. • Komunikazio plana diseinatzea eta garatzea. • Metodologia kontrastatzea. • Prozesuaren balorazioa egitea.

b) Proiektuko talde teknikoa:

• Arloetako ordezkari teknikoak. • innovaGenio aholkularitzako teknikaria.

5

Komunikazioa, web orriaren eguneratzea eta on-line bozkatzeko sistema, herritarren eskutik jasotako proiektuen proposamenen balorazioa eta bideragarritasuna, bilerak egiteko dokumentazioa eta materiala biltzea, gai jakin batzuk azaltzea eta zalantzak argitzea bezalako gaietan egin dute lan udaleko teknikariek.

c) Talde politikoa:

• Irungo Alkatea. • Udal talde politikoen bozeramaileak. • Ogasun, Sustapen Ekonomiko eta Plan Estrategikoko Ordezkaria. • Ogasun, Sustapen Ekonomiko eta Plan Estrategikoko arduradun teknikaria. • Informazioaren Gizartea eta Herritarren Parte Hartzea arloko Ordezkaria. • Informazioaren Gizartea eta Herritarren Parte Hartzea arloko arduradun

teknikoa: • Komunikazioa eta Alkatetzako Kabineteko arduraduna • innovaGenio aholkularitzako teknikaria.

Bilera bat egin zen talde politikoen bozeramaileekin prozesuari buruzko informazioa eta xehetasunak emateko eta galderei erantzuteko.

d) Irungo Herritar taldeak • Irungo auzo guztietako herritarrak, nor bere izenean. • Auzo elkarteen ordezkariak. • Irungo Auzo Elkarteen Federazioko ordezkaritza. • Irungo Hiritar Foroaren ordezkaritza.

3.1.2. Komunikazio Planaren garapena

6

Kanpainaren irudia

7

Besteak beste, honako urrats hauek egin zituen Komunikazio Planak:

• Prentsaurrekoa eskaini zuten Alkateak, Ogasun, Sustapen Ekonomiko eta Plan Estrategikoko Ordezkariak eta innovaGenio aholkularitzako Zuzendari teknikoak.

• Deialdi publikoetarako afixaren eta bilera bakoitzeko afixen diseinua. • Bilera berriemailea auzo elkarteekin, Irungo Auzo Elkarteen Federazioko

eta Irungo Hiritar Foroko ordezkariekin. • Bilerak egiteko deialdiak. • Bilerak Irungo herritarrekin. • Informazioa udalaren Web orrian. • Informazioa eta komunikazioa Irungo Udalaren sare sozialen bidez.

3.2. PROZESUAREN DINAMIKA ETA METODOLOGIA

Bi fasetan banatzen da Herritarren Parte Hartzeko prozesuaren dinamika:

1. 1. fasea: Proposamenen bilketa. 2. 2. fasea: Azken botazioa on-line.

3.2.1. 1. fasea: proposamenen bilketa eta aurrez aurreko botazioa

8

On-line

• www.irun.org/presupuestosparticipativos, Irungo Udalaren Web Orriko on-line plataforma, proiektuari buruzko informazioa ematen duena: aurrekontu parte hartzaileen definizioa, aurrez aurreko lan dinamiken xehetasunak, aurrez aurreko bileren egutegia, proposamenak egiteko eta bozkatzeko epeak eta datak, etab.

• Ekarpenak Biltzeko atala eta proposamenak Bozkatzeko beste atal bat (2. fasea)

• Aurrez aurreko saioetan eztabaidatu beharreko proposamenak bidaltzeko epe-mugei buruzko informazioa (aurrez aurreko azken bilkuraren bezpera).

• Honako galdera hauei erantzunez aurkez dezake herritarrak bere proposamena on-line: Zer proiektu?

Zertarako? Zeinentzat?, Non eraman daiteke burura? eta Zure ustez zenbat balio dezake? Proposamenak aurrez aurreko saioetan eztabaidatuko dira.

• Proposamenak aztertu egingo dira eskatutako baldintzak betetzen direla egiaztatzeko edo haietan desegokitasunak daudela nabarmentzeko.

Aurrez aurrekoa – Herritarrak / Auzoak

- Irungo auzoetako herritarren parte hartzea. Lan-saioak eremuz eremu, auzoak elkartuz: San Migel, Alde Zaharra, Erdialdea-Luis Mariano, Katea. Behobia-Artia.

- Aurrez aurreko 5 lan-saio ekintzak eta proposamenak jasotzeko. - Aurrekontua: 1.300.000 € - Lehen fasean, aurrez aurreko botazioa saio bakoitzean boto gehien jaso

dituzten 10 proiektuak aukeratzeko. 50 proiektu aurkeztu ziren guztira.

BILERAK EGITEKO DATAK ETA LEKUA

Parte hartzeko lan-saioek bi ordu iraun zuten, lanegunetan egin ziren, 19:00tik 21:00ak arte.

Urriak 9

Eremua: San Migel

9

Non: S. Vicente de Paul ikastetxean

Urriak 16

Eremua: Behobia-Artia

Non: Artiako Auzo Elkartean

Urriak 23

Eremua: Erdialdea-Luis Mariano

Non: Pio Baroja institutuan

Azaroak 6

Eremua: Katea

Non: Kateako Auzo Elkartean

Azaroak 13

Eremua: Alde Zaharra

Non: Urdanibiako Ospitale Zaharrean

LAN-SAIOEN DINAMIKA

1. ATALA: Alkatearen aurkezpena eta burura eramandako “Alkatea auzoetan” proiektuaren azalpena (15 min).

1. ATALA: Egingo den lanaren dinamikaren azalpena eta eskuragarri dagoen aurrekontuarekin bideragarriak diren proposamen motak eta gauzatzeko epeak (15 min).

Ekintzen lehen bereizketa egiteko IRIZPIDEAK:

- Urte beteko epean gauzatzeko modukoa behar du (2015) - Udal esparrukoa behar du (dagokion administrazio eskudunari helaraziko

zaizkio Irungo Udalaren eskuduntzakoak ez diren proposamenak) - Aurrekontuaren araberakoa behar du. - Interes orokorrekoa behar du izan, ez pribatiboa.

3. ATALA: Lan dinamika (45 min)

- Parte hartzaile guztien taldea talde txikitan eta lan egiteko mahai-ingurutan (8 edo 10 lagun) banatzen dira.

- Mahai-inguru bakoitzean ordezkari edo eledun bat aukeratzen da (berau izango da bitartekariarengana jotzeko eta proposamenak aurkezteko pertsona bakarra).

10

- Aldez aurretik hiriarentzat lehentasuna duten 6 arlo edo lan-eremu proposatzen dira. "Beste batzuk" izeneko eremua gehitu dugu lehentasunezko bloke orokorretatik kanpora geratzen diren jarduerentzako.

- 7 arlo edo lan-eremu horiek talde guztien bistara dauden 7 horma-iruditan

aurkezten dira. - Galdetegi itxia duten orri koloredunak banatzen dira, jarduera eremu bat

ordezkatzen du kolore bakoitzak. Orri bakoitza proiektu bat da, eta eremu bakoitzaren barruan nahi beste proiektu proposatu ahal izango dira.

- Honako galdera hauek izango ditu galdetegiak: o ZER proposatzen duzue? Izenburua eta deskribapen laburra. o ZERTARAKO edo ZEINENTZAT da proiektu hau? o NON egingo zenukete? o Zuen ustez, ZENBAT balio dezake?

- On-line jasotako proposamenen zerrenda banatzen zaio talde bakoitzari, proposamenak eremuen arabera banatuta. Talde dinamizatzaileak azalduko ditu web orriaren bidez eta on-line egindako proposamenak, eta taldeka eztabaidatuko dira horiek. Taldeari interesgarria iruditzen bazaio on-line jasotako proposamenaren bat botoetara eramatea, orri koloredunetan idatziko dute proposamena, eta taldearen beste proposamen bat balitz bezala aurkeztuko dute.

- 45 minutu dauzkate orriotan proposamen guztiak idazteko, 10 minuturo jakinaraziko zaie zenbat denbora duten lana amaitzeko.

- Talde bakoitzaren ordezkariak azalduko ditu bere proposamenak, eta horma-irudian paratuko ditu, dagozkien eremuaren barruan. (2 minutu proposamen bakoitzeko) [GARRANTZITSUA: ez da eztabaidarik izango, brainstorming bat baizik ez da, eta beraz, beste talde edo pertsona bakar bat ere ez da proposamenak epaitzen hasiko.]

4. ATALA: BANAKAKO botazioa, proposatutako ekintzak lehenesteko. (45 min)

- Saioko parte hartze bakoitzak 5 boto baliokide edukiko ditu gustukoen dituen 5 proposamenak aukeratzeko.

- Parte hartzaile bakoitzari 5 itsasgarri zenbakidun ematen zaizkio (proposamenen batean boto bikoitzak izan ez daitezen). Boto bat ordezkatzen du itsasgarri bakoitzak.

11

ITSASGARRIEN EREDUA (3x3). Diseinua: innovaGenio

- Parte hartzaileak askatasunez ibiliko dira gelan eta aurkeztutako proiektuak

bozkatuko dituzte: aukeratutako proiektu-orrietan itsatsiko dituzte beren itsasgarriak.

- Eremu bakoitzean boto gehien bildu dituzten 10 proiektuak bereiziko dira lehen-lehenik, guztira 50 proiektu-proposamen izango dira (web orriko proposamenen atalean egongo dira ikusteko moduan aukeratu ez diren proiektuak).

- Lan-saioaren amaiera.

Proiektu horiexek izango dira geroagoko analisira eramango direnak, eta bideragarriak gertatuz gero, herritarrek bozkatzeko ekintzen zerrendan bilduko dira. Proiekturen bat bideragarria ez bada, boto gehien jasotako hurrengo proiektua hartuko da aintzat.

3.2.2. 2. fasea. Proiektuen azken botazioa

PROIEKTUEN BOTAZIOA

- Aurrez bereizitako 50 proposamenak on-line emango dira argitara, 4 zutabeko taulan: Proposamenaren izena / Kategoria / Kalkulatutako kostua / Boto kop.

- Bozkatzeko modua: ON-LINE (Irun Txartelarekin edo NANarekin) - On-line jasotako botoez gain, kontuan edukiko dira baita aurrez aurre

emandako botoak ere. - Botoa aurrez aurre ematen duten pertsonek berriz ere izango dute on-line

bozkatzeko aukera.

*Laguntza eskainiko zaie HAZen botoa eman nahi duten baina modu telematikoan ezin eman dezaketen herritarrei.

PROIEKTUEN AZKEN AUKERAKETA

Boto gehien jasotako proiektuak eramango dira burura aurrekontua agortu dadin

arte.

12

13

4. 1. FASEA: AURREZ AURREKO BILERAK

Lehenengo fase batean 5 bilera edo saio egin dira hiriko beste hainbeste lekutan. Saio horietan beren proposamenak egiten hasi dira irundarrak, batzuk auzoei begirako proposamenak, eta bestetzuk hiri osoari begirakoak.

BILEREN EGUTEGIA

4.1. LEHENENGO BILERA: SAN VICENTE DE PAUL IKASTETXEA

2015eko Aurrekontu Parte Hartzailearen prozesuko lehenengo bilera urriaren 9an egin zen, ostegunean, 19:00an, San Vicente de Paul Ikastetxean (Hondarribia kalea).

42 lagunek parte hatu zuten saioan modu aktiboan. 6 eta 8 lagunez osatutako 6 taldetan banatu ziren, on-line jasotako proposamenak aztertu zituzten eta

14

beste proposamen batzuk gehitu zizkioten eztabaidari. Bi ordu inguruko bileran proposamen asko bildu ziren, eta talde bakoitzeko bozeramaileek haiek aurkeztu eta gero parte hartzaile guztiek bozkatu zituzten. 12 izan ziren boto gehien jaso zituzten proposamenak (boto kopuru bera jaso zuten 7.etik 12.era arteko proposamenek).

Udal zerbitzu teknikoek aztertu eta kuantifikatu zituzten hamabi proposamen horiek prozesuan finkatutako baldintzak betetzen ote zituzten egiaztatzeko eta beren aurrekontuak zenbatesteko ahaleginak egiteko, azaroaren 24tik 30erako astean on-line bidezko botaziora eramandako azken proposamenen multzora biltzeko xedean.

4.1.1. Taldean landutako on-line proposamenak

48 izan ziren on-line jasotako eta San Vicente de Paul Ikastetxeko urriaren 9ko bilerara eramandako proposamenak. I-1 ERANSKINean irakur ditzakegu horiek. On-line jasotako 24 proposamen baztertu ziren prozesuaren dinamikan finkatutako baldintzetako bat ez betetzeagatik. Ikus I-2 ERANSKINA: On-line jasotako eta atzera botatako proposamenak. Urriak 9.

4.1.2. Aurrez aurreko botazioetara eramandako proposamenak

Aurrez aurreko saio horretara guztira 57 proposamen eraman ziren bozkatzera. Ikus I-3 ERANSKINA: Urriaren 9an bozkatutako proposamen guztiak.

4.1.3. 1. saioan boto gehien jaso zituzten proposamenak

15

Honako hauek izan ziren 1. saioan boto gehien jaso zituzten 12 proposamenak eta botoen kopurua:

4.2. BIGARREN BILERA: ARTIAKO AUZO ELKARTEA

Artiako Auzo Elkartea izan zen, urriaren 16an, 2015eko Aurrekontu Parte hartzaileen prozesuko bigarren bilera irekiaren egoitza.

60 lagun baino gehiago bildu ziren, talde dinamikan parte hartzeko geratu zirenak berrogeita hamar baino gehixeago izan ziren arren. Ordu eta erdi luzean zehar 6/8 lagunez osatutako taldeek web orriaren bidez iritsitako proposamenak eta parte hartzaileen artean sortzen zirenak eztabaidatu zituzten.

16

Bukatzeko, gaikako paneletan paratutako proposamenak bozkatu zituzten parte hartzaileek. Bost boto eman zituen bakoitzak, eta 10 proposamen izan ziren finalera pasako zirenak. Udal teknikariek proposamen guztiak aztertu zituzten prozesuan finkatutako baldintzak betetzen ote zituzten egiaztatzeko eta proposamenei gutxi gorabeherako prezio bat esleitzen saiatzeko. Informazio hori jasota, on-line bozkatzeko azken panelera iritsi ziren gainerako bileretan finalera heldutako beste proposamenekin batean.

4.2.1. Taldean landutako on-line

proposamenak

52 izan ziren on-line jasotako eta Artiako Auzo Elkarteko urriaren 16ko bilerara eramandako proposamenak. II-1 ERANSKINean irakur ditzakegu horiek: On-line jasotako proposamenak. Urriak 16. On-line jasotako 15 proposamen baztertu ziren prozesuaren dinamikan finkatutako baldintzetako bat ez betetzeagatik. Ikus II-2 ERANSKINA: On-line jasotako eta atzera botatako proposamenak. Urriak 16.


Aurrez aurreko saio horretara guztira 44 proposamen eraman ziren bozkatzera. Ikus II-3 ERANSKINA: Urriaren 16an bozkatutako proposamen guztiak.


17


18

4.3. HIRUGARREN BILERA: PIO BAROJA INSTITUTUA

Urriaren 23an egin zen proposamenen azken zerrenda osatzeko hirugarren bilera irekia. Zerrenda hori aurrekontu Parte hartzaileen azken botazioetara eraman zen.

50 lagun inguru bildu ziren 19:00tik aurrera Pio Baroja Institutuan.

Parte hartzaileak, berriro ere, 6-8 lagunez osatutako taldetan elkartu eta aste horretan web orriaren bidez iritsitako proposamenak eta parte hartzaileen artean sortutakoak izan zituzten eztabaidagai. Talde bakoitzak, bozeramailearen bidez, bere proposamenak aurkeztu eta gaikako paneletan paratu zituen gero parte hartzaile guztiek bozkatu ahal izateko. Boto gehien jaso zituzten 10 proposamenak udal teknikarien balorazio

fasera pasa ziren azken botaziora, irundar guztiek bozkatu beharreko azken proposamenen zerrendara, iritsi baino lehen.


46 izan ziren on-line jasotako eta Pio Baroja Institutuko urriaren 23ko bilerara eramandako proposamenak. III-1 ERANSKINean irakur ditzakegu horiek: On-line jasotako proposamenak. Urriak 23. On-line jasotako 14 proposamen baztertu ziren prozesuaren dinamikan finkatutako baldintzetako bat ez betetzeagatik. Ikus III-2 ERANSKINA: On-line jasotako eta atzera botatako proposamenak. Urriak 23.


Aurrez aurreko saio horretara guztira 43 proposamen eraman ziren bozkatzera. Ikus III-3 ERANSKINA: Urriaren 23an bozkatutako proposamen guztiak.


19


20

4.4. LAUGARREN BILERA: LANDETXA AUZO ELKARTEA

Azaroaren 6an egin zen Aurrekontu Parte hartzaileen laugarren bilera irekia, orain arteko jendetsuena.

90 lagun baino gehiago hurbildu ziren Kateako Auzo Elkartera aurreko egunetan web orriaren bidez iritsitako hamarnaka proposamenetatik batzuk eta parte hartzaileen artean sortutako beste batzuk eztabaidatzera.

Berriro ere 10 lagunez osaturiko taldetan bildurik, ohiko prozesuari ekin zioten parte hartzaileen artean proposamen guztiak bozkatu arte. 11 proposamen berrik 42 (bozka gehien jasotako proposamena) eta 15 boto bitarte jaso zituzten. Hiru proposamenek jaso zituzten 15 boto, eta horiexek dira azken zerrendan ageri diren azken hiru proposamenak.


28 izan ziren on-line jasotako eta Landetxa Auzo Elkarteko azaroaren 6ko bilerara eramandako proposamenak. IV-1 ERANSKINean irakur ditzakegu horiek: On-line jasotako proposamenak. Azaroak 6. On-line jasotako 5 proposamen baztertu ziren prozesuaren dinamikan finkatutako baldintzetako bat ez betetzeagatik. Ikus IV-2 ERANSKINA: On-line jasotako eta atzera botatako proposamenak. Azaroak 6.


Aurrez aurreko saio horretara guztira 47 proposamen eraman ziren bozkatzera. Ikus IV-3 ERANSKINA: Azaroaren 6an bozkatutako proposamen guztiak.



21

22

4.5. BOSGARREN BILERA. OSPITALE ZAHARRA

Azaroarenaretoan, aurreko a

13an egin zen, Ospitale Zaharreko aurrekontu parte hartzaileen aurrez zken bilera. Jende asko bertaratu

zen, 90 lagun baino gehiago.

ko parte hartzaile gor batek bileran zeinu-interprete bat izan zela

esan behar dugu.

ileretan erabilitako lan-metodologia tu zen saioan. Parte hartzaileek, 10 satutako taldeetan banaturik, web idez iritsitako proposamenak eta tzaileen artean sortutakoak izan

ztergai. Talde bakoitzeko aurkeztu ondoren,

enak aretoan instalatutako paneletan iren eta boto gehien jasotako 10

Bertaratutaeskatuta,

Aurreko bbera balialagunez oorriaren bparte harzituzten abozeramaileek proposambozkatu z

proposamen bereizi ziren.


36 izan ziren on-line jasotako eta azaroaren 13ko Ospitale Zaharreko Aretoko bilerara eramandako proposamenak. V-1 ERANSKINean irakur ditzakegu horiek: On-line jasotako proposamenak. Azaroak 13. On-line jasotako 12 proposamen baztertu ziren prozesuaren dinamikan finkatutako baldintzetako bat ez betetzeagatik. Ikus V-2 ERANSKINA: On-line jasotako eta atzera botatako proposamenak. Azaroak 23.


Aurrez aurreko saio horretara guztira 60 proposamen eraman ziren bozkatzera. Ikus V-3 ERANSKINA: Azaroaren 13an bozkatutako proposamen guztiak.



23

24

25

5. 2. FASEA: AZKEN BOTAZIOA - EMAITZA

PROPOSAMENEN EBALUAZIO TEKNIKOA

Aurrez aurreko saioetan boto gehien jaso dituzten proiektu guztiek lehendik gainditu behar izan dituzte udal teknikariek egindako ebaluazio bat eta bideragarritasun azterketa bat. Dagokion arloak aztertu du proposamen bakoitza, eta honako arlo hauek esku hartu dute prozesu horretan; Hirigintza eta Ingurumena, Gizarte Ongizatea, Hezkuntza eta Gazteria, Ogasuna, Sustapen Ekonomikoa eta Plan Estrategikoa, Kultura eta Kirolak, Obrak, Erosketak eta Informazioaren Gizartea eta Herritarren Parte Hartzea.

Aurrez aurreko saioetan planteatutako proposamenetatik 8 baztertu egin dira udal teknikarien iragazkiak gainditu ez dituztelako. Azken botaziorako 50 proposamenen kopurura iristeko, aurrez aurreko bileretan boto gehien jasotako hurrengo proposamenak aintzat hartu dira. Ikus VI. ERANSKINA: Azken Ebaluazioan baztertutako proposamenak.

AZKEN BOTAZIOA

Irunen erroldatutako 16 urtetik gorako guztiek izan dute 50 proiektuen artean botoa emateko aukera. Proiektu horiek arlo edo lan-eremuen arabera antolatuta zeuden, eta aurrez aurreko saioetan jasotako botoen kopurua adierazten zen haietan.

Azken botazioaren prozesua on-line egin da, Irungo Udalaren web orriaren bidez eta honako domeinu honetan: http://www.irun.org/presupuestosparticipativos.

Azaroaren 24tik 30era luzatu zen botoa emateko epea, eta herritar bakoitzak gehienez ere 5 proiekturen aldeko botoa eman ahal izan zuen. 12.912 boto zenbatu ziren.

Honako hau izan da azken botazioen emaitza, “boto gehien jaso duten proiektuen” ordenari jarraiki:

http://www.irun.org/presupuestosparticipativos

26

27

28

6. PROZESUAREN EBALUAZIOA – AUKERATUTAKO PROPOSAMENAK

6.1. AUKERATUTAKO PROPOSAMENAK

Aurrekontu parte hartzaileen prozesuan botoa emateko epea itxi ostean, abenduaren 1ean, astelehenean, parte hartzeari buruzko azken datuen berri eman zen, eta aukeratutako proposamenak ezagutarazi ziren.

3.745 irundarrek parte hartu dute aurrekontuetako 1,3 milioi euroren xedea aukeratzeko. Guztira 12.912 boto eman dira. 1,3 milioi euroan zehaztutako aurrekontua kontuan izanik, 18 proposamen aukeratu dira, horien guztien artean 1.299.300 €-ko kopurua iritsiz. Ez dira sorta horretan aurrez finkatutako aurrekontuaren batura gainditzen zuten proposamenak jaso, baina azken horien artean aipagarri dira bi kasu berezi:

“Osinbiribil-Behobia oinezkoentzako bidegorri eta pasarelaren lehenengo fasea”, boto gehien jasotako bigarren proposamena (1.161 boto), 1,2 milioiko aurrekontuarekin. Hala eta guztiz ere, aurreikuspenen arabera proiektu hau gauzatu egingo da baina Eusko Jaurlaritzaren aurrekontuen kargura, astelehen honetan bertan erregistratu baitu legebiltzarreko talde sozialistak Gasteizen zuzenketa hau, 1,5 milioiko balioarekin, Eusko Jaurlaritzaren eta PSEren arteko negoziazioen ondorioz.

Era berean, boto gehien jaso zutenen arteko beste proposamen bat, "Aparkaleku bat eraikitzea Belaskoenean", ez da azken zerrendan jaso, prozesuan zehar kreditu aldaketa baten esparruaren baitan jaso baita jarduera hori.

Honako hauek dira hasierako aurrekontuari egokitu eta boto gehien jasotako 18 proposamenak:

1. Eguzkitza Ikastetxe Publikoko patio-zati bat estaltzea – 250.000 € 1.523 boto

2. Behobiako plazatxoko eskola zaharrak tailape batez ixtea – 350.000 € 760 boto

3. Irungo parkeak aisia-jardueretarako mahaiekin (dominoa, ahate-jokoa, xakea, etab.) eta osasun alorreko ekipamenduekin hornitzea – 50.000 € 734 boto

4. Elikagaiak banatzeko eta tokiko beste GKE batzuek erabiltzeko furgoneta bat erostea – 25.000 € 690 boto

5. Laguntzak Irungo enpresei langabeak kontratatzeko – 100.000 € 540 boto

6. Araba eta Nafarroa Beherea kaleetatik Elatzeta Ikastetxerainoko sarbide seguruak, egokituak eta ongi argiztatuak – 150.000 €

29

506 boto 7. Belaskoeneako Hirugarren Adinekoentzako lokala egokitzea – 100.000 €

505 boto 8. Autopistako zubitik Ollakintara igotzen den bidea konpontzea eta egokitzea –

150.000 € 495 boto

9. Belaskoeneako Ikastetxea estaltzeko alboko itxitura baten bideragarritasuna eta kostua finkatzeko azterlana – 4.000 € 359 boto

10. Animalientzako Udal Aterpetxe bat sortzeko azterlana – 4.000 € 357 boto

11. Auzoetan merkataritza sustatzeko azterlana – 20.000 € 356 boto

12. Gaztelekurako kontu-saila handitzea kaleko hezitzaile gehiago kontratatzeko – 30.000 € 341 boto

13. Baliabide ekonomiko apalak dituzten familien seme-alabentzako laguntzak eskola kirolean, eskolaz kanpoko jardueretan eta udalekuetan (Solas Jolas) parte hartu ahal izan dezaten – 10.000 € 282 boto

14. Kaleko katuak antzutzeko diru-laguntza – 11.600 € 232 boto

15. Etxeko animaliekin gizalegez jokatzeko kanpaina – 28.400 € 201 boto

16. Ikastetxeetako patio eta kirol guneen erabilera, eskola orduetatik kanpora – 6.600 € 175 boto

17. Usoak antzutzeko plan bat garatzeko bideragarritasun azterketa – 3.700 € 147 boto

18. Euskal Jai pilotalekuaren ondoko plazan saskibaloian jarduteko bi saski eta mahaiko tenisean jarduteko mahai bat jartzea. – 6.000 € 136 boto

6.2. AZKEN BOTAZIOAREN TXOSTEN ESTATISTIKOA

Etorkizuneko prozesuetan interesgarriak izango diren datuen bilketa objektiboa ahalbideratu dute azken botazioa egiteko baliatutako bitartekoek, NAN elektronikoak eta Irun txartelak.

Prozesu honetan lortutako datu esanguratsuenak azaltzen dira ondoko txosten honetan.

30

6.2.1. BOTOEN KOPURUA AUZOKA ETA AUZO BAKOITZEKO BOTO EMAILEEN %

AUZOA BOTO

EMAILEAK AUZOKA

GUZTIZKO BOTO EMAILEEN %

AUZOKO BIZTANLE KOPURUA

AUZOKO BIZTANLEEN

% Anaka 263 7,02 6.591 3,99

Antzaran 105 2,80 1.975 5,32 Arbes 312 8,32 4.791 6,51 Artia 399 10,65 6.540 6,10

Behobia 167 4,46 1.163 14,36 Belaskoenea 312 8,32 2.650 11,77 Erdialdea 162 4,32 4.687 3,46 Dunboa 156 4,16 2.539 6,14

Elizatxo‐Lapitze 255 6,80 7.560 3,37 Larreaundi‐Olaberria 550 14,67 5.843 9,41

Meaka‐Ibarla 30 0,80 475 6,32 Alde Zaharra 163 4,35 3.418 4,77

Pinudia 60 1,60 2.148 2,79 Urdanibia Herrigunea

15 0,40 472 3,18

San Migel 120 3,20 3.771 3,18 Santiago‐Beraun 219 5,84 3.415 6,41

Katea 460 12,27 3.721 12,36 GUZTIZKOAK 3.748 61.759

BOTO EMAILEAK AUZOKA:

31

Agerikoa da Larreaundi-Olaberria auzoetako parte hartze handia, 550 boto eman baitzituzten, Irunen emandako guztizko botoen ia % 15 eta alde horietan bizi diren guztizko biztanleen ia %10.

Katea izan da, parte hartzaileen kopuruari dagokionez, bigarren auzo aktiboena, 460 boto eman baitzituzten, Irunen emandako guztizko botoen % 12 baino gehiago. Gainera, prozesu honetan parte hartze handiena izan duen auzoa da, bertako biztanleriaren % 12,36k eman baitiote botoa proiektuetako bati.

BIZTANLERIAREKIKO BOTOEN KOPURUA AUZOKA:

32

Prozesu honetan Behobiako biztanleak izan dira gehien inplikatu direnak, auzoko biztanleen ia % 14,5ek eman baitute botoa, guztira 167 boto zenbatuz, Irunen emandako guztizko botoen ia % 4,5.

Zentzu horretan aipagarria da, era berean, Belaskoenea, bertako biztanleen ia %12k eman baitute botoa.

6.2.2. BOTAZIOAK ADIN-TARTEEN ARABERA

Parte hartzeko prozesu honen azken fasean jasotako botoak eman dituzten parte hartzaileen adin-tarteak ere jaso dira. 16 eta 90 edo urte gehiagoren arteko adin-tarteak biltzen dituen taula bat aurkezten dugu jarraian. 10 urteko adin-tarteetan daude banatuta eta honako datu hauek eskaintzen dira: boto emaileen kopurua eta horien % guztizko boto emaileekiko, boto emaileak sexuaren arabera eta botoa eman duten biztanleen % adin-tarteen arabera.

Sexua sexuaren %

ADIN‐TARTEAK

BOTO EMAILEEN KOPURUA

GUZTIZKO BOTO

EMAILEEN %

E G E G

ADIN‐TARTEKO

BIZTANLEAK

ADIN‐TARTEKO BIZTANLEEN %

16‐19 101 2,69 36 65 0,96 1,73 2.147 3,03

20‐29 421 11,23 245 176 6,54 4,70 5.651 3,11

30‐39 813 21,69 466 347 12,4 9,26 9.202 3,77

40‐49 929 24,79 493 436 13,1 11,6 10.226 4,26

50‐59 620 16,54 328 292 8,75 7,79 8.654 3,37

60‐69 495 13,21 240 255 6,40 6,80 7.290 3,50

70‐79 260 6,94 130 130 3,47 3,47 4.987 2,61

80‐89 103 2,75 65 38 1,73 1,01 3.249 1,17

90 edo gehiago

6 0,16 5 1 0,13 0,03 713 0,14

GUZTIZKOAK 3.748 2.008 1.740 54 46

BOTO EMAILEAK ADIN-TARTEAREN ARABERA:

Ongi asko ikusten da 40 eta 49 urte bitarteko adin-tartekoak izan direla botazioetan parte hartze handiena izan dutenak, guztizko boto emaileen ia % 25. Ondotik datoz 30 eta 39 urte bitarteko tartera biltzen diren herritarrak, guztira 813 lagun, guztizko boto emaileen ia % 22.

Era berean, deigarria da 16 eta 19 urte bitarteko gazteen parte hartze txiki-txikia, ez baitira guztizko boto emaileen % 3ra ere iristen. Gazteen alorreko parte hartze prozesuan lortutako emaitzak kontuan izanik, datu horrek ez gaitu harritu.

Esan dezagun, berezia delako oso, 90 urtetik gorako 6 herritarrek parte hartu dutela prozesuan, eta 96 urte dituela aurrekontu parte hartzaileetan parte hartutako irundar adintsuenak.

Sexuari bagagozkio, oso antzekoa izan da parte hartzea, guztizko botoen % 54 emakumeek eman baitituzte eta beste % 46 gizonek.

33

Documents

HERRITARREN PARTE HARTZEA IRUNGO UDALAREN 2015eko ... · - 45 minutu dauzkate orriotan proposamen guztiak idazteko, 10 minuturo jakinaraziko zaie zenbat denbora duten lana amaitzeko