memoria Club de Lectura 2015-2016 - Galicia · 2016-07-01 · Memoria do Club de Lectura do IES Monte Castelo 2015-2016 5 DELIRIUM”, de Lauren Oliver (SM, 2011). Esta lectura, recomendada

MEMORIA DO CLUB DE LECTURA

“BIBLOCASTELO”

CURSO 2015 – 16

BIBLIOTECA

IES MONTE CASTELO BURELA

Memoria do Club de Lectura do IES Monte Castelo 2015-2016

1

ÍNDICE

I. PARTICIPANTES 2

II. CALENDARIO 2

III. ACTIVIDADES PLANIFICADAS 2

IV. ACTIVIDADES REALIZADAS 3

V. DIFUSIÓN E PROMOCIÓN DAS ACTIVIDADES 11

VI. ACTIVIDADES DO PLAN LECTOR NAS QUE COLABOROU O CLUB 11

VII. ACTIVIDADES DE FORMACIÓN NAS QUE PARTICIPOU O CLUB 18

VIII. AVALIACIÓN 18


2

Club de Lectura “Biblocastelo”

Por novena vez o noso centro participou na convocatoria de clubs de lectura da Consellería

de Educación, e desenvolveuse neste curso 2015-16 na biblioteca do

instituto cun grupo de alumnas de secundaria e dúas profesoras.

I. PARTICIPANTES

Está formado por un grupo de 10 alumnas de 4º de ESO,

a profesora de Galego, Carme Cociña e a coordinadora do club.

Tamén participou a profesora de Latín, colaborando nunha

actividade programada polo club, cos seus alumnos de 1º de

ESO de Valores Éticos.

II. CALENDARIO

As sesións desenvolvéronse nunha modalidade: quincenais ou mensuais, nos recreos da ESO.

A primeira actuación foi a convocatoria do Club mediante as seguintes accións:

-Contacto coas alumnas dos cursos pasados

-Información do club nas aulas de ESO.

-Publicación da memoria do curso pasado.

-Reunión informativa na biblioteca co alumnado interesado.

-Reunión das profesoras participantes.

-Elaboración do Proxecto.

III. ACTIVIDADES PLANIFICADAS

- SELECCIÓN de temas motivadores para o alumnado a desenvolver a través da lectura.

- LECTURAS EN NARRATIVA, novela e relatos.

- LECTURA e EXPOSICIÓN DE POESÍA en datas sinaladas do calendario escolar.

- PREPARACIÓN e SESIÓN de CONTA CONTOS no veciño Colexio de Primaria.

- PARTICIPACIÓN no blog onde os participantes poidan comunicar as súas experiencias.

- COLABORACIÓN nos encontros con AUTORES organizados polos departamentos.

- ASISTENCIA a unha SESIÓN DE TEATRO ou PELÍCULA relacionada coas lecturas.

- PRÉSTAMO INTER CENTROS.


3

IV ACTIVIDADES REALIZADAS

Seguimos coa dinámica de traballo dos cursos pasados, facendo máis protagonistas das

sesións ás propias alumnas e as súas lecturas. As sesións desenvolvéronse nunha modalidade,

en recreos, coa profesora de Galego, Carme Cociña, e a coordinadora, Cecilia Martín.

1. Sesións de presentación

� Reunión informativa para as alumnas do curso pasado interesadas no Club, ás que se

engadiron dúas compañeiras. En total apuntáronse 10 alumnas de 4º ESO (25 de setembro)

� Acordamos dous tipos de actividades: unha de presentación e comentario das lecturas nos

recreos (cada 30 días), outra de preparación de actividades para eventos do curso, segundo o

calendario. Sesión inicial realizada polas dúas profesoras o 29 de setembro. A profesora

Carme Cociña preséntalles o libro Herba Moura e a coordinadora reparte a enquisa inicial do

Club as novas alumnas.

2. Lectura de obras en narrativa

� HERBA MOURA”, de Teresa Moure (Xerais, 2005) Este libro foi proposto pola

profesora para os meses de outubro e novembro, e comentado na sesión do 5 de novembro.

Debido á pouca acollida que tivo entre as alumnas, pola dificultade que supón a súa lectura

para a maioría delas, o próximo libro dedicámolo aos relatos coa obra de Manuel Rivas de

“Que me queres amor.” (En galego)


4

� “QUE ME QUERES AMOR”, de Manuel

Rivas (Galaxia, 1995). Esta obra de relatos, máis

accesible para elas, foi lida nos meses de novembro

e decembro, e comentada na sesión do 18 de

decembro. (En galego)

Ese mesmo día despois da sesión

proxectamos na biblioteca a película

de “A lingua das bolboretas”, baseada nalgún dos relatos do autor. Historia da infancia nun

contorno rural case idílico sobre a que se cerne a sombra do alzamento contra a II

República Española. Fíxonos emocionarnos e reflexionar sobre a luz da vida, a escuridade da

guerra e as contradicións do ser humano. (En galego)


5

� DELIRIUM”, de Lauren Oliver (SM, 2011). Esta lectura, recomendada por unha das

alumnas, tampouco gustou a todas. Delirium é o primeiro volume dunha triloxía distópica.

Expón a existencia dunha sociedade perfectamente organizada mais unha sociedade sen

amor. Foi comentado coas alumnas, con moita discrepancia, na sesión do 26 de xaneiro.

� “A POMBA E O DEGOLADO” de Fina

Casalderrey (Xerais, 2007). Lectura tamén proposta

polas alumnas na reunión do 26 de xaneiro, e

comentada con elas na sesión do Club do 5 de abril

(non se fixo no mes de marzo por estar as dúas

profesoras de baixa). Próxima lectura: “Que non te

aten”. (As dúas lecturas en galego)

� “QUE NON TE ATEN” de Manuel Iglesias

Turnes (Xerais, 2016). Como última lectura do curso

por tratar unha temática máis próxima e moi actual.

Unha historia de relacións afectivas entre un grupo de

mozos e mozas que viven na aldea (21 de xuño).


6

Lectura de poemas

Esta actividade desenvolveuse tamén en recreos coa preparación dos taboleiros da

biblioteca e noutras actividades docentes, con motivo de determinadas celebracións.

� Día CONTRA o CÁNCER DE MAMA. Expoñemos poemas no taboleiro e colocamos o

cartel no punto de lectura do vestíbulo para concienciar á comunidade educativa do

problema. 19 de outubro.

� Día CONTRA a VIOLENCIA DE XÉNERO. Recollemos cancións contra a violencia,

expoñemos carteis e poemas no taboleiro, e escoitamos as gravacións na biblioteca. (25 de

Novembro). Neses días facemos unha busca de libros relacionados co tema e expoñémola

nos andeis da entrada. No apartado do plan

lector comentaremos outras actividades.

� POESÍA AMOROSA para S. VALENTÍN e

O MES DA POESÍA.

Selección de poemas de amor de diferentes

autores, en galego e castelán, para a

exposición no taboleiro da biblioteca.

(14 febreiro)


7

� DÍA DE ROSALÍA. Selección de obras de Rosalía e libros sobre a autora, para a

exposición da biblioteca. Exposición de poemas no taboleiro do corredor (semana do 24

febreiro). o día 24 de febreiro na biblioteca escoitamos música de Uxía cos poemas de

Rosalía. (En galego)

� LETRAS GALEGAS: Participación no MARATÓN DE LECTURA organizado como

cada ano, polo Colectivo Cultural Buril, na sala de plenos do Concello de Burela, coa

lectura de poemas de MANUEL MARÍA. Nesta actividade participaron as alumnas e

profesoras do Club cos seus compañeiros de 1º e 2º ESO. (13 de maio). (En galego)

3. Proxección de filmes

• A Lingua das bolboretas: Como xa mencionamos, esta película proxectouse

para as alumnas do club, despois de ler os relatos de Manuel Rivas, na sesión do 18 de

decembro. (En galego as dúas proxeccións)


8

• A Praia dos afogados: Sesión de cine na Casa da Cultura de Burela para

asistir á proxección. Actividade organizada polo departamento de Lingua Galega para os

alumnos de 1º BAC e 4º de ESO, con alumnas do Club de Lectura, o 17 de marzo.

• Hipatia: proxección do departamento de Ciencias dentro da actividade

interdisciplinar cos departamentos de Ciencias e Latín, onde tamén colabora o Club.

4. Viaxe a Lugo e á Casa-Museo de Manuel María.

• Visita ao Museo Provincial de Lugo: Visitamos o museo acompañados e ilustrados

pola correspondente guía.


9

• Visita á Casa-Museo de Manuel María, en Outeiro de Rei: Acompañados polo

coordinador das visitas e membro da Fundación Manuel María, recorremos as estancias,

seguimos os pasos e respiramos os versos do poeta. Tamén asistimos á

• “Actuación do Mago David Méndez” na Casa-Museo. na antiga palleira da casa

vivimos o feitizo da maxia, impregnada de poesía, escrita cos aparellos e as mans do mago.

5. Contos dramatizados

Preparación dun conto para representar aos alumnos de 4 anos do veciño Colexio Vista

Alegre. Esta actividade programouse coa Biblioteca do colexio e a profesora coordinadora de

Infantil, para o día 15 de xuño.

Ao ser un grupo novo de rapaces preparamos o noso conto Os músicos de Burela

(adaptación de “Os músicos de Bremen” dos Irmáns Grimm) por ser o que mellor se adapta á

participación dos pequenos. (Preparación da actividade nas sesións do mes de maio e xuño)

Na actividade participamos todas as clubeiras e profesoras do Club, e tentamos entre

todas facer protagonistas do

conto aos nenos. Ao finalizar

déronnos unha lección de

comprensión da obra coas

respostas as nosas preguntas. E

de despedida, agasallamos as

nenas e nenos coas caretas feitas

por nós e cun lote de libros

infantís do instituto. (Actividade

realizada en galego).


10

A narradora e as Músicas O teatro ao completo

Nenos Nenas e Neneiras

6. Lectura interdisciplinar para 1º de ESO

Esta actividade de lectura voluntaria de divulgación científica e outras temáticas, para 1º

de ESO, proposta no proxecto do Club coa participación dos departamentos de Filosofía e Latín.

A coordinadora do club contactou coa profesora de Latín, Carmen García, que imparte a

materia de Valores Éticos a 1º de ESO, para escoller unha lectura interdisciplinar e presentala

aos seus alumnos/as con carácter voluntario pero avaliable. De acordo coa profesora de Ciencias,

escolleu o libro infantil “HIPATIA, LA MAESTRA”, de Florenci Salesas (Ediciones El

Rompecabezas, 2011).

Esta lectura foi traballada coas súas actividades e comentada cos alumnos/as na semana da

CIENCIA e no día da VIOLENCIA DE XÉNERO, no mes de novembro. Fíxose tamén cos

alumnos unha análise comparativo coa situación actual da muller.

Programouse a proxección da película Hipatia, de Amenabar, para o curso de 1º BAC,

nas materias de Ciencias e Latín.


11

7. Préstamos intercentros

Neste curso tivemos contacto de novo coas bibliotecas do IES San Rosendo de Mondoñedo

e do veciño IES Perdouro, e tamén coas do IES Marqués de Sargadelos, de Cervo, o IES María

Sarmiento, de Viveiro, e o IES de Foz, para facer intercambio de libros entre os nosos Clubs de

Lectura. Estes préstamos realizáronse varias veces durante o curso e con distintos títulos de los

que necesitamos ou necesitaron para algunha das lecturas.

V. DIFUSIÓN E PROMOCIÓN DAS ACTIVIDADES

-Na páxina web do centro (http://www.edu.xunta.es/centros/iesmontecastelo/%20)

-O blog. (http://www.blogoteca.com/bibliocastelo/index.php?cat=13694). do Club de

Lectura“Bibliocastelo”, onde se recollen as súas actividades con outras do centro para o

fomento á lectura.

-O taboleiro da biblioteca e a vitrina exterior do patio, reclamo das nosas actividades,

celebracións e certames. Outro taboleiro no corredor do centro para traballos co alumnado.

-O enlace de Normalización na páxina web do IES, traballo de colaboración sobre a

actualidade do centro e outros temas tamén relacionados coa biblioteca e o Club de Lectura.

-Andel de novidades, na biblioteca, onde mostramos os fondos de nova adquisición e

outros de interese para o alumnado.

-Punto de información á lectura, que ao encontrarse situado na entrada do centro, é un

medio de comunicación inmediato e directo coa comunidade educativa. Por medio dunha

selección de libros e carteis informamos das efemérides relacionadas coa lectura.

-O departamento de Actividades Extra escolares e Complementarias, desde a vice

dirección do centro, anúncianse as actividades a realizar polos departamentos e a Biblioteca (vía

e-mail persoal e nos taboleiros).

VI. Actividades do Plan Lector nas que colabora o Club

Contidos transversais

Celebración ou conmemoración de eventos con contidos transversais relacionados coa

lectura. Realizáronse exposicións de libros na biblioteca ou fora dela. Elaboráronse os taboleiros

correspondentes e organizáronse lecturas e outras actividades, algunha xa exposta nas

actividades do Club.


12

• Samaín (31 outubro)

• Semana da Ciencia (novembro)

• Día contra a violencia de xénero (25 novembro)

• Nadal (decembro)

• Día da Paz (30 xaneiro)

• Mes da Poesía (S.Valentín e Rosalía, febreiro, Día da Poesía, 21 marzo)

• Día da Muller traballadora (8 marzo)

• Día internacional do libro infantil e xuvenil (2 abril )

• Día do Libro (23 abril )

• Día das Letras Galegas (17 maio)

SAMAÍN

- EXPOSICIÓN de libros de medo e misterio na biblioteca e no punto de lectura do vestíbulo.

- CONCURSO de EPITAFIOS, convocado polo departamento de Galego e Normalización, no

que colabora o Club. Fixemos carteis para anuncialo e repartimos por todas as aulas do centro.

Os traballos presentados expuxéronse no vestíbulo. Déronse vales para libros aos alumnos

premiados.

SEMANA DA CIENCIA

“MES DA CIENCIA EN GALEGO NAS BIBLIOTECAS”- Expoñemos libros de divulgación

de distintos científicos de todos os tempos na biblioteca e no Punto de lectura. Este curso o

dedicamos aos máis pequenos con obras accesibles para eles. Tamén expuxemos o manifesto

editado pola Consellería co escrito de Jorge Mira, na biblioteca, no punto de lectura e na vitrina

do patio.


13

punto de lectura

vitrina do patio

´

DÍA CONTRA A VIOLENCIA DE XÉNERO

- Preparación do taboleiro e da vitrina cos carteis da Xunta e do departamento de Igualdade

do Concello que, xunto ás publicacións do Certame de Microrrelatos do Concello de Burela, do

ano pasado, recollemos como cada curso no Concello (25 de novembro).

A vitrina de cor laranxa, forma parte das actividades organizadas pola ONU desde o DÍA

CONTRA A VIOLENCIA ate o DÍA DOS DEREITOS HUMANOS:

“16 días para pintar o mundo de laranxa”

NADAL

Colaboramos de novo co departamento de Dinamización e Normalización Lingüística, na

preparación e exposición no taboleiro da biblioteca, do Concurso de postais e felicitacións

orixinais.


14

Decoramos a biblioteca co árbore reciclado e… “o mellor agasallo” eas tarxetas“eas

DÍA DA PAZ

- Preparamos o taboleiro e a vitrina con

poemas pola paz e frases de MALALA.

DÍA DE SAN VALENTÍN

-A exposición da biblioteca de POESÍA con

AMOR: VAI DE AMORES...!, coa selección

de poesía amorosa de grandes autores,

mantivémola no mes de marzo por coincidir

o DÍA da POESÍA coa Semana Santa.


15

DÍA DA MULLER TRABALLADORA

- Exposición na biblioteca dunha selección de

libros “de mulleres e sobre mulleres”.

Mantemos na biblioteca a exposición de

Mulleres galegas.

- Exposición no punto de lectura do vestíbulo,

de títulos da biblioteca relacionado coa muller

traballadora. (semana do 8 de marzo).

- Exposición na vitrina de mulleres famosas

polos seus traballos e de mulleres anónimas.

DÍA INTERNACIONAL DO LIBRO INFANTIL

En abril, como cada ano, expuxemos os carteis da OEPLI e GÁLIX, co MANIFESTO:

(“Era unha vez...”), na vitrina do patio.

DÍA DO LIBRO

- Exposición no taboleiro de carteis sobre EL QUIJOTE.

- Exposición de libros de CERVANTES na biblioteca.


16

- AGASALLO DA BIBLIOTECA: no punto de lectura colocamos libros da biblioteca cun

cartel do Día do Libro, debuxado por unha profesora de Arte, para presentalos como agasallo

nese día. Exemplares moi repetidos ou doados e con pouco uso na biblioteca.

- HORA DE LER: actividade organizada pola vicedirección do centro, na que se convocou a

todos os alumnos e

profesores, para ler ao

longo dunha sesión

lectiva no patio.

(22 de abril)

- CONFERENCIA do actor español

Saturnino García, que visitou o noso

centro anunciándonos a súa próxima

actuación na Casa da Cultura de Burela, e

tivo a xentileza de reunirse cos alumnos de

1º e 2º de BAC, para contar as súas

experiencias como actor, e recitar poesía.

(22 de abril)

DÍA DAS LETRAS GALEGAS

- Exposición na biblioteca dunha selección de obras do autor homenaxeado MANUEL MARÍA

- Exposición no punto de lectura desta selección coas fotos da Hora de Ler no patio.


17

- Recital de poesía: “Moita poesía pouca diversión” do dúo aldao+lado. Actividade

conxunta co IES Perdouro e coordinada por Normalización. Acoden os alumnos de 3º e 4º, coas

alumnas do Club de Lectura, e 1º de

BAC. No auditorio da Casa de Cultura

de Burela. (11 de maio)

- MARATÓN de LECTURA da poesía

de Manuel María. Actividade

mencionada. (13 de maio)

Outros contidos no Punto de información á Lectura

“IN MEMORIAM”

�� No mes de outubro, falece o escritor

Henning Mankell e expoñemos a súa

obra na biblioteca e no punto de Lectura.

�� No mes de novembro faleceu o noso

querido autor XOSÉ NEIRA VILAS, e

recordamos a súa visita no noso centro, o

mes de maio de 2011.


18

Expoñemos o power point realizado naquel emotivo

encontro, co MANUSCRITO dedicado ao noso instituto,

no Libro Aberto que fixemos co departamento de Artes

para as Letras Galegas dese ano.

Tamén expoñemos parte da súa obra na biblioteca, e no punto de lectura coas fotos do encontro.

VII. ACTIVIDADES DE FORMACIÓN NAS QUE PARTICIPOU O

CLUB

- Encontros Plan de Mellora de Bibliotecas Escolares 2015/2016 (8 de abril). Asistiu a

coordinadora do Club e encargada da biblioteca (Cecilia Martín Trenor).

- IX Xornadas de Clubs de Lectura, 2016 (10 de xuño), onde coma sempre escoitamos

e aprendemos dos conferenciantes e de nosos compañeiros/as, e intercambiamos opinións cos

outros centros. Asistiu a coordinadora do club (Cecilia Martín Trenor).

-Grupo de Traballo: Investiga, Elabora e Promociona. Cósmética natural (4 novembro-

30 maio). Participan a profesora Carme Cociña e a coordinadora Cecilia Martín. As alumnas do

Club cos seus compañeiros de 4º, traballaron nas actividades organizadas nas aulas con eles.

VIII. AVALIACIÓN

Desenvolvemento e posibles modificacións dalgunhas actividades.

Ao longo da posta en marcha do Club realizáronse modificacións nalgunhas actividades,

datas e horarios, para consolidar a pertinencia de obxectivos programados.

O grupo de alumnas de 4º de ESO continuou no club neste curso e sumáronse dúas

compañeiras. A maioría asiste normalmente ás sesións e participa noutras actividades do club e


19

do plan lector. É un grupo moi heteroxéneo e aínda non todas están integradas nas actividades da

biblioteca.

AVALIACIÓN INICIAL, as novas clubeiras contestaron unha enquisa na primeira

sesión, da que destacamos:

- A escolla dunha lectura, nos dous casos é libre ou suxerida polas amigas.

- Gustos lectores destacan as novelas de misterio ou románticas non de fantasía.

- Poesía, teatro: len pouco.

AVALIACIÓN FINAL DAS ALUMNAS, ao finalizar o curso tamén responderon unha

enquisa:

-A todas lles gustou formar parte do Club. A maioría seguiría nel.

-As lecturas que máis lles interesaron: Que me queres amor (4), A pomba e o degolado

(6), Que non te aten (2).A poesía de Manuel María no Maratón (7).

-As actividades que máis lles gustaron: o viaxe á Casa-Museo de Manuel María e a

actuación do Mago, o teatro de monicreques no Colexio e o dúo ALADO+Ledo.

-Actividades que botaron en falta: libros de poemas. A maioría no contesta.

-Á maioría axudoulles a ler máis e seguirían formando parte do Club. Participaron

noutras actividades do Plan Lector do centro, como xa mencionamos.

AVALIACIÓN FINAL DAS PROFESORAS:

As profesoras continuamos neste curso coa dinámica de traballo do curso pasado. A

organización non foi sempre boa por falta de información entre os dous grupos que formaban e as

profesoras. Son alumnas moi diferentes e con distintos intereses, polo que é difícil chegar a todas.

Non obstante, lendo as enquisas finais das alumnas, parécenos que a pesar da disparidade, unhas

máis que outras pero todas beneficiáronse das experiencias vividas. Xa que case todas queren

continuar no Club, habería que reformular a situación e compaxinar as tarefas, selección e

realización de lecturas, asistencia ás sesións, concreción de horarios.

-Destacamos como actividades máis interesantes, o viaxe á Casa-Museo e a actuación cos

nenos/as do Colexio Vista Alegre, moi gratificante para todo o grupo

.

Burela, 29 de xuño de 2016

A profesora coordinadora do Club de Lectura

Asdo.: Cecilia Martín Trenor

Documents

memoria Club de Lectura 2015-2016 - Galicia · 2016-07-01 · Memoria do Club de Lectura do IES Monte Castelo 2015-2016 5 DELIRIUM”, de Lauren Oliver (SM, 2011). Esta lectura, recomendada