Lekeition, 2014ko azaroaren 3an.

LEKEITION, “LAZUNARRI” ISLAKO MOLLIARI BURUZKO HITZALDIA.

Konpoketa lanen aurkezpena.

Lekeitioko EAJ-PNVk antolatua, Lazunarri islako mollaren edo malekoiaren gaur

egungo egoerari eta baita epe laburrean hasiko diren konpoketa lanei buruzko

hitzaldi - aurkezpena emango dute Eusko Jaurlaritzako Garraio Sailburua den

Antonio Aiz Salazar, Kultura Ondarearen Zuzendaria den Imanol Agote Alberro

eta Almudena Ruiz de Angulo del Campo, Garraio Azpiegituren Zuzendariak.

Data: Azaroak 7, Ostirala

Lekua: Kultur Etxeko Azkue Aretoan

Ordua: 19:30

Eusko Jaurlaritzako Garraio Azpiegituren Zuzendaritzak, berehala hasiko ditu

Lazunarri edo islako moilia konpoketak lanak. Espainiako Gobernuko Kostaldeko

Zuzendaritzarekin adostasun batera heldu ondoren, Eusko Jaurlaritzak lehen bai lehen

hasi nahi ditu konpoketa obrak nahiz malekoi honen konpoketa Ministeritzak egin

beharko luke, bere konpetentzia baita, baina 2012ko uztailaren 17an, Iñigo Urkullu

lehendakariak, lekeitiora bisita bat egin ondoren, eta islako mollako arazoa

arrantzaleen ahotik entzun ondoren, konponbide bat aurkitzeko konpromezua hartu

zuen, eta horrela egin du.

2004. urtean hasi ziren lehen apurketak agertzen eta horrela jarraitu du gaur egun

daukan egoera penagarrira iritsiraino. Hiru tokitatik dago apurtuta. Egoera honek,

hondar ekarrera masiboa baimentzen du, hondar metaketa edo konzentrazio handiak

portuko sarreraren inguruan sortuz eta ondorioz arrantza-ontziak edozein momentuan

hondartzeratzeko arriskua daukate. Behin baino sarriago gertatu da.

Islako moila hau XVIII. mendean hasi zen proiektatzen eta eraikitzen (1738. urte

inguruan). Orain, 275 urtetan bere eginkizuna ondo bete ondoren, baina orain apurtuta

dagoenez, errekatik datozen jalkiak eta hondarra portuko sarrerako hondoan pilatzen

ari dira, eta ondorioz, arrantza itsasontziek arazoak dituzte portutik sartu-irtena egiteko

eta honek arrisku bat suposatzen du.

Egoera honetan, Lekeitioko arrantza-ontziak behartuta daude marearen arabera

portuan sartzeko edo itsasora irteteko orduak kalkulatzeko. Marearen arabera ibili

behar dira, itsasbeheran eta karga pixka batekin (gasolioa, arrantza, izotza, eta abar)

arrantzaleen segurtasuna eta itsasontzien egonkortasuna arriskuan jarriz.

Ondorioz, besteak beste, arrantza Lekeitioko Kofradian saldu ahal izango badute ala

ez edota arrantzaleak bere etxeetan deskantsatu ahal izango badute edo ez.

Lekitxarrentzako porturatzea arazoa bihurtu bada, zer esanik ez kapotarrentzako eta

gehiago Kofradiarentzako, itsasontziek ez baitute beraien arrantza hemen saltzen,

Kofradiaren diru sarrerak murrizten dira, eta ondorioz, Lekeitioko herriarenak.

Denok ezagutzen dugu arrantza-sektorearen gaur egungo egoera, eta arazo honek ez

dio bat ere lagundu.

Azken urte hauetan, Lekeitioko EAJ-PNVkook, argi izan dugu konpoketa honen

beharrizana eta derrigortasuna, eta horrela adierazi eta landu dugu erakunde

ezberdinetan eta administrazio ezberdinekin, baina lan honetan ez gara bakarrik ibili,

gurekin batera Lekeitioko San Pedro Kofradia eta Leakai elkartea izan ditugu.