Embed Size (px)
Citation preview
OHARRA
Testu hau dibulgaziozkoa da soilik, eta ez du inolako izaera ofizialik. Araua osoa eta eguneratua jasotzen da bertan.
Maiatzaren 8ko 23/2012 FORU DEKRETUA, Gipuzkoako Foru Aldundiaren korporazio-identitaterako eskuliburua onartzeari buruzkoa.
SARRERA 1. artikulua. Korporazio-identitaterako eskuliburua onartzea. 2. artikulua. Korporazio-identitatearen osagaiak. 3. artikulua. Korporazio-markaren aplikazio orokorrak eta bereziak. 4. artikulua. Korporazio-identitatea erabiltzea. 5. artikulua. Korporazio-identitaterako eskuliburuaren aplikazio eremua. 6. artikulua. Korporazio-markaren erabilera bereziak. 7. artikulua. Korporazio-identitatearen Aholku Batzordea. 8. artikulua. Bestelako markak eta logotipoak. XEDAPEN IRAGANKORRAK
Xedapen iragankor bakarra
AMAIERAKO XEDAPENAK
Lehena Bigarrena Hirugarrena
BOG 23 Maiatza 2012
1990eko martxoaren 27ko 6/1990 Foru Arauak, Gipuzkoako Lurralde Historikoaren Izatasunezko Ezaugarriei buruzkoak, Gipuzkoaren identitatearen oinarrizko ezaugarriak arautzen ditu, hala nola, Lurraldearen beraren izen ofiziala, bandera, eta armarria, horiek zehaztuz eta ezaugarri horien xehetasun teknikoak eta erabilera jasoz. Foru Arauak hirugarren xedapen gehigarrian gaitasuna ematen dio Diputatuen Kontseiluari foru dekretu bidez armarria errazki irudikatzeko moduko logotipo bat onar dezan, baita zerbitzu jakinetarako logotipo bereziak ere onar ditzan. Bestalde, bigarren xedapen gehigarriak Lurraldea irudikatzen duten ikurren xehetasun teknikoak eta ezaugarri materialak erregelamendu bidez zehazteko aurreikuspena jasotzen du.
Aurreikuspen horiek egin arren, oraindaino, behintzat, Gipuzkoako Foru Aldundiaren ikus-identifikazioaren arloko jardunarekin batera, ez da inolako erregelamendu-garapenik etorri. Orain bertan, administrazio honek ezin dio ezikusi egin komunikazioak irudiaren inguruko guztiari ahalbidetu dion gorakadari, eta horrekin batera, foru sektore publikoa osatzen duten ente desberdinen identitatearen eta herritarrek haiek identifikatzearen inguruko guztiari.
Hain zuzen ere, foru dekretu honen xedea da herri erakunde baten beharrei erantzutea, herritarrekiko komunikazioa betebehar bat baita harentzat, hau da, haren helburuetatik, jardueretatik eta haren izatearen izaeratik bertatik ondorioztatzen den betebehar bat.
Iragan urteetan metatutako esperientziarekin, eta irudi uniforme bat emateko helburuarekin korporazio-
1
identifikazioa homegeneizatzea gero eta komenigarriagoa izanik, ezinbestekoa da administrazio honen korporazio-irudia arautzea. Aldi berean, identifikazio-osagaiak egokitu eta eguneratu egin behar dira, hartara, foru sektore publikoa osatzen duten ekintza eta entitateen aniztasun guztia isla dezaten, ikus-identitate bakar baten babespean denak ere.
Hala, foru dekretu honetan korporazio-identitatea zehazten da, Gipuzkoako Foru Aldundiaren korporazio-markak haren ardatza osatuz. Marka horrek oinarritzat ditu logotipo bat eta armarri bat, estetika berritua daukana eta errazki irudikatzeko modukoa, 1990eko martxoaren 27ko 6/1990 Foru Arauak esan bezala; eta batik bat, herritarren artean ezaguna izateko abantaila daukana.
Hala, korporazio-identitaterako eskuliburua eginda dagoela, aipatutako marka eta haren erabilera zehatz-mehatz garatzen dituenez, asmoa da haren onarpen formala tresna bizi baten sorrera izatekoa, iraunkortasun bokazioa izango duena; baina, hala ere, beharrezko egokitzapenei beti irekia, foru sektore publikoaren irudia eta identitatea sendotzearren. Era berean, badakigunez ezinezkoa dela egokitzapena berehalakoa izatea, foru dekretu honek trantsizio aldi bat aurreikusten du, tartean dauden eragile guztiak onartzen den eskuliburuan jasotako zehaztapenei egokitzeko.
Horregatik guztiagatik, diputatu nagusiak eta Foru Administrazioko eta Funtzio Publikoko Departamentuko foru diputatuak batera proposaturik, Diputatuen Kontseiluak gaurko bileran eztabaidatu eta onartu ondoren,
XEDATZEN DUT
1. artikulua. Korporazio-identitaterako eskuliburua onartzea.
Gipuzkoako Foru Aldundiaren korporazio-identitatea onartzen da, «Korporazio-identitaterako eskuliburuan» jasotako zehaztapenen arabera, eskuliburua ere onartzen baita eta eranskin gisa jasotzen.
2. artikulua. Korporazio-identitatearen osagaiak.
1. Gipuzkoako Foru Aldundiaren korporazio-identitateak, komunikazioaren eta korporazio-irudiaren ondorioetarako, oinarrizko bi osagai hauek ditu: Batetik, korporazio-armarria, armarri heraldikoaren irudikapen erraztu modura, estetika berrituarekin,1990eko martxoaren 27ko 6/1990 Foru Arauak esan bezala; eta bestetik, korporazio-logotipoa. Biek osatzen dute Foru Gobernuaren korporazio-marka, osotasun bakar eta banaezin gisa. Eskuliburuan agertzen dira, alde batetik, markaren inguruko arau orokorrak, eta beste aldetik, nola jokatu behar den Foru Aldundiaren marka beste marka batzuekin batera agertzen denean.
2. Korporazio-markaren aplikazio orokorrarekin batera -Foru Aldundi guztian arau orokorra eta bakarra-, haren aplikazio bereziak ere onartzen dira, bereziki, zentro berezietan, Foru Aldundiaren erakundeetan, eta zerbitzu berezietan, horiek, gainera, berezko markak eduki baititzakete.
3. artikulua. Korporazio-markaren aplikazio orokorrak eta bereziak.
Korporazio-markaren aplikazio orokorrak eta bereziak Gipuzkoako Foru Aldundiaren korporazio-identitaterako eskuliburuan ezarritako tipografiari, koloreei, zehaztapenei, eta eredu ofizialei atxiki behar zaizkie.
4. artikulua. Korporazio-identitatea erabiltzea.
Korporazio-identitatearen oinarrizko osagaiak ondorengo hauetan erabili behar dira, Gipuzkoako Foru Aldundiaren korporazio-identitaterako eskuliburuan ezarritako aplikazio orokorren eta berezien arabera:
1. Foru Aldundiaren egoitza ofizialetan, administrazio-bulego fisiko nahiz digitaletan eta zentro eta gune publiko zein pribatuetan, 1990eko martxoaren 27ko 6/1990 Foru Arauak 5. artikuluko 6. eta 7. ataletan aurreikusi kasuetan izan ezik.
2. Erabilpen ofizialeko agiri, inprimaki, identifikazio txartel, zigilu, idazpuru, eta gainerako material inprimatu edo digital normalizatuetan, 1990eko martxoaren 27ko 6/1990 Foru Arauak hirugarren xedapen gehigarrian dioenaren arabera.
2
3. Argitalpen, publizitate, seinale, kartel eta web orrialdeetan.
4. Laneko jantzietan eta ibilgailu ofizialetan, non eta, segurtasun arrazoiak direla medio, ez den gomendagarria haiek identifikatzea.
5. Gainerako kasuetan, hala ezarrita badago.
5. artikulua. Korporazio-identitaterako eskuliburuaren aplikazio eremua.
1. Gipuzkoako Foru Aldundiaren korporazio-identitaterako eskuliburua honako hauei aplikatuko zaie:
a) Foru Aldundiari eta haren organo guztiei, gobernu eginkizunetan eta zuzendaritza politikoko eginkizunetan ari direla.
b) Foru organismo autonomoei, foru enpresa-entitate publikoei, merkataritzako foru sozietateei, eta foru sektore publikoa osatzen duten gainerako entitateei, Gipuzkoako Lurralde Historikoko Finantza eta Aurrekontu Araubideari buruzko 2007ko martxoaren 27ko 4/2007 Foru Arauak dioen bezala.
2. Gipuzkoako Foru Aldundiaren korporazio-identitaterako eskuliburuan adierazten diren korporazio-identitateko osagaiak aurreko atalean azaldutako erakundeek eta entitateek bakarrik erabili ahal izango dituzte.
3. Gipuzkoako Foru Aldundiaren korporazio-identitaterako eskuliburua ez da aplikatuko diputatu nagusiaren eta foru diputatuen paperetan, ez intsignia eta dominetan ere.
6. artikulua. Korporazio-markaren erabilera bereziak.
1. Gipuzkoako Foru Aldundiaren korporazio-identitaterako eskuliburuan erabilitako nomenklaturaren arabera, hona hemen korporazio-markaren aplikazio berezia egin dezaketen zerbitzu eta entitateak:
a) Zentro bereziak: Koldo Mitxelena Kulturunea eta Arteleku.
b) Zerbitzu bereziak: Suhiltzaileak eta Basozainak.
c) Gipuzkoako Foru Aldundiko entitateak: Informatika Zerbitzuen Foru Elkartea - Sociedad Foral de Servicios Informáticos SA, Bidegi Gipuzkoako Azpiegituren Agentzia-Agencia Guipuzcoana de Infraestructuras SA, Etorlur Gipuzkoako Lurra SA, «Uliazpi Fundazioa» erakunde autonomoa, eta «Fundación Sueskola Gipuzkoa Fundazioa».
2. Gipuzkoako Foru Aldundiaren korporazio-identitaterako eskuliburuak azaldu bezala, aurreko atalean aipatu zentro, zerbitzu eta entitate horiek bakarrik eduki ditzakete, gainera, berezko marka, aipatu eskuliburuan zehaztutakoaren arabera.
3. Halaber, aldez aurretik 7. artikuluan aipatu Korporazio-identitatearen Aholku Batzordeak txostena eginda, Diputatuen Kontseiluaren erabakiaz onartu ahal izango da korporazio-markaren aplikazio singular bat eta berezko markak ere baimendu ahal izango dira beste zentro, zerbitzu, entitate edo jarduera batzuentzat.
4. Gipuzkoako Foru Aldundiaren korporazio-identitaterako eskuliburuan definitzen diren bezala, kanpainek, programek eta erakundearen ikurritzak ere korporazio-markaren aplikazio berezi bat egitea ahalbidetuko dute.
7. artikulua. Korporazio-identitatearen Aholku Batzordea.
1. Korporazio-identitatearen Aholku Batzordea sortzen da, honela osatuta: Komunikazio arloan eskuduna den zuzendari nagusia, batzordeburu gisa; eta zerbitzu orokorren arloan eskuduna den zuzendari nagusia, Zerbitzu Orokorretako zerbitzuburua, Diputatu Nagusiaren Kabineteko teknikari bat, eta modernizazio arloan eskuduna den
3
Zuzendaritza Nagusiko teknikari bat, batzordekide gisa. Batzorde horren idazkaritza zerbitzu orokorren arloa atxikita daukan Departamentuko idazkari teknikoaren gain egongo da. Batzorde horren ardurapean egongo da Gipuzkoako Foru Aldundiaren korporazio-identitaterako eskuliburua zuzen aplikatzen dela zaintzea, eta aplikazioaren inguruan sor daitezkeen arazo, kontsulta edo interpretazio guztiak ebaztea.
2. Gipuzkoako Foru Aldundiaren korporazio-identitaterako eskuliburuari ezer aldatzeko edo indargabetzeko, Korporazio-identitatearen Aholku Batzordearen aldez aurreko txostena beharko da.
3. Departamentuetako idazkaritza teknikoek eta Diputatu Nagusiaren Alorreko Idazkaritzak arduratu behar dute, Korporazio-identitatearen Aholku Batzordearen koordinaziopean, beren departamentuetan Gipuzkoako Foru Aldundiaren korporazio-identitaterako eskuliburuaren edukia zuzen aplikatzeaz, eta, nolanahi ere, bermatu behar dute, hirugarrenek foru titulartasuneko obretan edo zerbitzuetan parte hartzen dutenean, aipatu eskuliburuaren zehaztapenak betetzen dituztela.
8. artikulua. Bestelako markak eta logotipoak.
Erabileraz kanpo geratzen dira foru dekretu honen bidez onartzen den korporazio-identitaterako eskuliburuak dauzkan xehetasun eta ezaugarri teknikoekin bat ez datozen eta gaur egun Foru Aldundia osatzen duten administrazio atalek dauzkaten berezko marka eta logotipo guztiak.
Xedapen iragankor bakarra
1. Foru dekretu hau onartu aurretik dauden material inprimatuaren izakinak erabiltzen jarraitu behar da, agortzen diren arte, edo, bestela, foru dekretu hau indarrean sartzen denetik urtebete igaro arte.
2. Foru dekretu hau indarrean sartzen denetik aurrera, bertan xedatutakoa aplikagarri zaien elementu berriak foru dekretuaren edukiari egokitu behar zaizkio.
3. Foru dekretu honetako arauei jarraitu behar dieten egoitza ofizialen, administrazio bulego fisiko nahiz digitalen, eta zentro eta gune publiko nahiz pribatuen identitatea bertan jasotako aurreikuspenei egokitu behar zaie, aurrekontu baliabideen arabera, eta, nolanahi ere, 3 urteko epean, luze jota, foru dekretu hau indarrean sartzen denetik aurrera kontatuta.
Amaierako xedapenak
Lehena
Diputatuen Kontseiluaren erabaki bidez onartu ahal izango dira Gipuzkoako Foru Aldundiaren korporazio-identitaterako eskuliburuaren hurrenez hurreneko bertsioak, eskuliburua funtsean edo osoki aldatzea dakartenean edo foru dekretu honek aipagai duen korporazio-identitatearen edukia aldatzen dutenean.
Bigarrena
Zerbitzu orokorren arloan eskumena duen departamentuko foru diputatuari baimena ematen zaio Gipuzkoako Foru Aldundiaren korporazio-identitaterako eskuliburuaren aldaketak, funtsezkoak ez direnak, onartzeko.
Halaber, ahalmena ematen zaio foru dekretu hau aplikatzeko eman behar diren arau eta jarraibide guztiak emateko.
Hirugarrena
Gipuzkoako Aldizkari Ofizialean argitaratu eta biharamunean sartuko da indarrean foru dekretu hau.
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
