MINTZA EGUNA 2010Ekainak 6 Arrasaten

Prentsa Harremanak: Joxe Rojas

94 681 48 21 / 616 11 87 95aldizkariak@topagunea.org

Prentsa Txostena

Zer da Mintza Eguna?TOPAGUNEA Euskara Elkarteen Federazioak antolatutako jaia da. Euskara

Elkarteek herrietako euskaltegiekin eta euskalgintzako beste zenbait eragilerekin kudeatzen dituzten mintzapraktika egitasmoetan parte hartzen duten berbalagun, mintzakide, mintzalagun, solaskide guztiek elkar ezagutu eta egun pasa ederra egiteko parada dute bertan.

Aurtengo edizioa, bosgarrena, ekainaren 6an izango da, Arrasaten. Mintzapraktika mugimenduaren tamaina ezagutzera emateaz gain, ikasturteari bukaera goxoa ere eskainiko dio bosgarren Mintza Egunak

Mintzapraktika egitasmoak

Gero eta jende gehiagok daki euskaraz, hizkuntzaren ezagutza gero eta arinago zabalduz doa. Erabilera ere haziz doa, baina erritmo apalagoan.Jende askoren harreman sareak erdaldunak dira, eta horrek zaildu egiten du euskara jakitetik euskaraz aritzerako jauzia ematea.Jauzi horretan laguntzeko, mintzapraktika egitasmoak daude abian hainbat herritan: bospasei lagunek osatutako talde txikiak osatzen dira, horietan euskaraz naturaltasunez moldatzen diren lagunak, haien jarioa landu nahi dutenekin elkartzen dira. Taldeok maiztasun jakin batekin biltzen dira (astean behin, gehienetan) euskaraz mintzatzeko eta tarteka-tarteka, ekintza osagarriak ere antolatzen dituzte, taldekideen gustuen araberakoak. Talde horiek guztiek topaleku birtuala dute interneten, www.mintzapraktika.org webgunean, bai eta ‘erreala’ ere, urtero egiten den Mintza Egunean.Horrela, euskarazko harreman sareak sortu eta zabaldu egiten dira, eta euskaraz aritzeko aukerak ere neurri berean ugaritzen dira. Gainera, ingurune euskaldunak sortzen dira herrietan eta euskalduntze prozesua bukatzen ari diren pertsonei, ikasi dutena praktikan jartzeaz gain, euskara aisialdian eta egoera informaletan erabiltzeko aukera eskaintzen zaie. Ikasleak aipatu ditugu, bai; baina mintzapraktika egitasmoak askoz ere publiko zaba lago ba tengana zuzen tzen d i ra :§ Euskaraz hitz egiteko ohitura dutenengana.§ Euskaraz ongi jakin arren, norekin hitz egin ez dutenengana.§ Euskararen normalizazioan ekarpena egin nahi dutenengana. § Euskalduntze prozesua bukatzen ari direnengana.§ Euskaltegitik pasatu bai, baina orain norekin hitz egin ez dutenengana.

Zertarako Mintza Eguna? Mota biko helburuak betetzen ditu Mintza Egunak: alde batetik, mintzapraktika

mugimenduarekin lotutako helburuak daude: mintzapraktika egitasmoen tamaina eta zabalkundea eman nahi dugu ezagutzera. Horrela, tokian tokiko egitasmoetan parte hartzen dutenek mugimendu bateratu baten kide direla ikusi eta sentitzeko aukera izango dute, batetik, eta bestetik, hazia erein nahi dugu oraindik halako egitasmorik ez duten herrietan mintzapraktika programak zabal daitezen animatzeko.

Bestetik, mintzapraktikak duen aisialdiko alde ludikoa ere azpimarratu nahi dugu: mintzalagunak, mintzakideak, solaskideak eta berbalagunak elkar ezagutzeko aukera paregabea da Mintza Eguna, ikasturteari bukaera goxoa eskaintzeko modu bat, txango eta bazkariaren bitartez. Bide batez, Arrasateko txoko eta pasadizoak euskaraz ezagutzeko aukera ere izango dute Mintza Egunera datozenek.

Argazkia: 2009ko Mintza Eguna ibilbide gidatua Gasteizko Alde Zaharrean

Datu batzuk:Mintzapraktika egitasmoen bolumenak urtero-urtero egiten du gora. Gaur egun gutxi gora behera 3.000 lagun daude parte hartzen Euskal Herrian:§ Araban: 550 bat partaide 7 herri eta eskualdetan§ Bizkaian: 1.400 bat partaide 27 herri eta eskualdetan.§ Gipuzkoan: Ia 800 partaide 19 herri eta eskualdetan.§ Nafarroa Garaian: 350 bat partaide 6 herri eta eskualdetan.

Mintzapraktika egitasmoak Euskal H e r r i k o i a 6 0 h e r r i e ta eskualdetan gauzatzen dira:§ Dimentsiorik handiena dutenak h i r i i ngu ruan ematen d i ra (Iruñerriko, Donostiako, Bilboko eta Gasteizko egi tasmoetan berrehuna lagun biltzen dira).§ Egitasmoari esateko zenbait izen erabiltzen da: Berbalaguna, Mintza laguna, Mintzakide, Solaskide, Zahar-Berri

Talde berririk sortu nahi?

Mintzapraktika programek herriz herriko euskalgintzaren elkarlana antolatzeko aukera paregabea eskaintzen dute. Hiru zutabe nagusi dituzte: tokiko Euskara Elkarteak, tokiko euskaltegiak eta tokiko Administrazioa. Topaguneak laguntza eskaintzen du mintzapraktika egitasmo berriak sortzeko. Horretarako, Topagunearen Mintzapraktika Sailaren ardura duen Oskar Zapatarengana jotzea da biderik zuzenena, telefonoz (618 615 277 / 948 132 693) zein posta elektronikoz (mintzapraktika@topagunea.com).

Mugimenduaren historia

§ 1993: Bagera Euskara Elkarteak Donostian lehendabiziko Mintzalaguna sortu zuen. § 1996: Egitasmoa Euskal Herrian zabaltzen hasi zen: Lasarte-Oria, Arrasate, Getxo… § 1998: Lehenengoz, topaketak antolatu zituzten eta Mintzapraktika batzordea martxan jarri zuten. § 2005: TOPAGUNEAk proiektua martxan jartzeko metodologia jasoko duen eskuliburua argitaratu zuen. § 2006: Mintzapraktika programen inguruko estreinako jardunaldiak antolatu zituzten Durangon TOPAGUNEAk, IKAk eta AEK-k. Guztira, 110 bat lagunek parte hartu zuen. Aurkeztutako txostenak Mintzapraktika egitasmoak: erabilera lantzeko tresna eraginkorrak CDan argitaratu zituzten.

§ 2006:Lehendabiziko Mintza eguna antolatu zen Iruñerrian § 2007: www.mintzapraktika.org webgunea sortu zen, mintzapraktika talde guztien erreferente izateko eta mintzapraktika birtuala egiteko aukera eskaintzeko asmoz. § 2009: Eusko Jaurlaritzak bultzatuta, Topagunea eta AEkrekin elkarlenean, Mintzapraktika egitasmoen eraginkortasuna neurtzeko ikerketa soziologiko bat egin zuen Aztiker enpresak.

Argazkia: 2009ko Mintza Egunean saritutako lagunak eta sari banatzaileak

Egitaraua:

Esan dugun bezalaxe, Mintza Egunaren bosgarren edizioa Arrasaten egingo dugu, ekainaren 6an, igandea. Egun pasa ederra, Arrasateko txokoak eta historia hobeto ezagutzeko, eta mingainak dantzan jartzeko aukera ere izango dute bertaratzen direnek. Bazkalosteko giroa aprobetxatuko dugu mintzapraktika egitasmoen bilakaeran parte hartze eta garrantzia berezia izan duten zenbait erakunde eta laguni eskerrak eman eta opari xume bat ere egiteko.Ondoren, kantuan, dantzan eta, nola ez, mintzapraktikan ere aritzeko aukera egongo da, Kataia taldearekin. Kataia Taldea Markina eta Bergarako zazpi bizilagunek osatzen dute, partaideak senegaldar eta gambiarrak dira eta euskaraz kantatzen dute.Hona hemen egitarau zehatza:

§ 11:00etan Ongi etorria eta hamaiketakoa Biteri plazan§ 12:00etan Ibilaldi gidatua tokiko berezitasunak ezagutzeko.§ 13:30ean Kalejira§ 14:30ean Bazkaria herriko plaza nagusian.§ 15:30ean Sari banaketa.§ 16:00etan Erromeria Kataia taldeak gidatua.