Upload
a-profa-pilar-ponte
View
970
Download
3
Embed Size (px)
Citation preview
RÚBRICA DE AVALIACIÓN DUNHA EXPOSICIÓN ORAL CON PRESENTACIÓN
Relatora/or e tema:
Nota
4 3 2 1 PUNTOS
Actitude e comportamento
A súa actitude era segura e positiva e mantivo sempre o contacto visual co público. A súa postura corporal foi a adecuada e manexou o seu corpo con soltura. Fala co público, só le o documento cando é necesario. Completou o tempo da exposición.
A súa actitude era positiva aínda que un pouco insegura e mantivo sempre o contacto visual co público. A súa postura corporal foi a adecuada sempre aínda que o seu corpo denotaba nerviosismo. Fala co público, só le o documento cando é necesario. Non completou o tempo da exposición pero aproximouse.
A súa actitude era moi insegura aínda que conseguiu manter sempre o contacto visual co público. A súa postura corporal foi a adecuada a meirande parte do tempo. Fala co público pero le o documento máis do necesario. Sobroulle máis dun 10% do tempo ou perdeu tempo na exposición.
A súa actitude non era positiva. A meirande parte do tempo non mantivo o contacto visual co público. A súa postura corporal era inadecuada para unha situación formal. Non fala co público, dedícase a ler o que está escrito. Sobroulle moito tempo.
Lingua empregada
O seu discurso foi fluído e natural. Empregou un rexistro culto nos planos fonético, morfosintáctico e léxico-semántico. A súa lingua careceu de incorreccións de ningún tipo. O volume de voz e a vocalización facilitaban a comprensión.
O seu discurso foi fluído e natural. Empregou un rexistro culto nos planos fonético, morfosintáctico e léxico-semántico. A súa lingua incluíu algunhas incorreccións de menor importancia. Podíase entender ben aínda que o volume de voz era un pouco baixo.
O seu discurso foi pouco fluído e natural. Empregou un rexistro que non sempre foi culto. A súa lingua incluíu bastantes incorreccións. O volume ou a vocalización facían difícil a comprensión do discurso.
O seu discurso non foi nin fluído nin natural. Non empregou un rexistro culto nos planos fonético, morfosintáctico e léxico-semántico. A súa lingua incluíu moitas incorreccións. Non se podía entender porque nin o volume nin a vocalización eran correctos.
Calidade da explicación
Explicou ben o tema afondado nel e amosando dominio da materia. Saudou, presentouse e despediuse con corrección. Realizou unha valoración correcta do seu tema.
Explicou ben o tema aínda que non afondou moito na materia de estudo. Saudou, presentouse e despediuse con corrección. Realizou unha valoración correcta do tema.
Explicou o tema con dominio desigual das diferentes partes. Saudou, presentouse e despediuse. Realizou unha valoración pobre do seu tema.
Non explicou ben o tema nin amosaba dominio da materia. Esqueceu saúdo, presentación e/ou despedida. Non realizou unha valoración do seu tema.
Contido da presentación
Engade información ao dito. As diapositivas manteñen unha orde lóxica. As fontes de documentación están ben referenciadas. A lingua empregada é correcta en todos os seus planos.
Engade información ao dito. As diapositivas manteñen unha orde lóxica. As fontes de documentación están ben referenciadas. A lingua empregada inclúe algunhas incorreccións.
Non engade información ao dito. As diapositivas manteñen unha orde lóxica. As fontes de documentación están ben referenciadas en xeral. A lingua empregada inclúe bastantes incorreccións.
Non engade información ao dito ou non é pertinente. As diapositivas non manteñen unha orde lóxica. As fontes de documentación en xeral non están ben referenciadas. A lingua inclúe moitas incorreccións.
Aspectos formais da presentación
É visualmente atractiva. A relación entre texto e imaxe é a correcta. Existe un contraste correcto entre imaxe e fondo. Vense correctamente todos os seus elementos dende calquera situación da aula. A portada contén todos os seus elementos.
Visualmente non resulta moi atractiva. A relación entre texto e imaxe é a correcta. Existe un contraste correcto entre imaxe e fondo. Vense correctamente todos os seus elementos dende calquera situación da aula. A portada contén todos os seus elementos.
Visualmente non é demasiado atractiva. Presenza excesiva de texto. Existe un contraste correcto entre imaxe e fondo. Non se ven correctamente todos os seus elementos dende calquera situación da aula. A portada contén todos os seus elementos.
Visualmente non é nada atractiva. A relación entre texto e imaxe é incorrecta. Non existe un contraste correcto entre imaxe e fondo. Non se ven correctamente todos os seus elementos dende calquera situación da aula. A portada non contén todos os seus elementos.
A Profa, 2006 (reelaboración dun conxunto de materiais previos doutras profesoras e profesores)