Leizeta

zazpi

DESANEXIO EGUNA11:30etatik: Trikitilariak.

12:00etan: -Bolanderak. -Aurkezpena eta desanexioa gogoratzea. -Bertsolariak (Anton eta Josu Arriola). -Oroigarria ematea lehenengo udaleko zinegotzi izandakoei. -Ohorezko aurrezkua Kabelinatxe dantza taldearen eskutik. -Aginte makila ematea Alkateari -Ikurriñaren dantza erakustaldia Kabelinatxe dantza taldearen eskutik -Bertsoak -Triki-poteoa herriko tabernetatik. Pintxoak doan.

Herritar maitea:

Nabarnizko udalak aldi-zkari bat atera dau, eta gogoeta txiki bat egitera behartuta ikusten naiz, Udalean egiten ari diren gestioen gainean azalpen txiki bat emoteko.Hasteko, esan beharra dago aldizkari hau zuen etxean izango dozuela 3 hilebetero,eta herritar guztien ekarpenak onartzen direla aldizkari honen kalitatea hobetzeko. Espero dogu zuen gustokoa izatea eta danok irakurtzeko modukoa izatea.Aldizkari honen barruan herrian egindako hainbat ekintzen berri izango dozue, eta baita be udaletxe barruan zer gertatzen dan jakiteko. Lehenengo ale honetan, hainbat alor jorratuko doguz; horreen artean, Nabarnizko desanexioa agertuko da. Orain 25 urte banandu zan Nabarniz Gernikatik.Ekainean egin ziren lehenengo hauteskundeak eta sortu zan Udal barrian Genaro Zubizarreta izan zan alkate. Nire ustez, inolako lukrorako asmo ba-rik hartu eban alkatetza, eta alkate ona izan zan. 25 urte beranduago alkatetza honetan egoteko ohorea daukadanean, benetan diotsuet, nire bizitzan egi-ten dodazan gauza asko beragandik ikasitakoak dira, eta harek izan eban asmo eta gogo beragaz nago leku honetan: Nabarnizen alde lan egiteko. Besterik barik;

Besarkada bat danori;

Lorena Zubizarreta

AU

RK

IB

ID

EA

Udala

Alkatearen agurra 1

Kontratazioak Gazteen lokala 2

Etxebizitza tasatuak Ur hornidura-sareak 3 eta deposituak

Diru laguntzak 4

Aurrekontuak 5-6

7-8 9-10

11-12 13-14

Argazkien txokoa 15-16

Errezeta 17

Elkarrizketak

Desanexioa

1

KONTRATAZIOAK

Nabarnizko Udalak iaz, uztailetik abendura bitartean, langile bat kontratau eban, pioi lanak egiteko. Uda sasoian lan handia izaten da, batez be bide bazterrak garbitzen eta bedarrak ebakitzen, inguruak txukun antzean eukitzeko.

Urtarrilaren amaieran be beste langile bi kontratau dira, Ofiziala eta Pioia. Honeek be mantentze lanak egingo dabez, auzoetako bideak garbi manteniduteko. Horrez gai-nera, udabarri aurretik kanposantuan be egin beharko dabe, nitxo barriak egin behar diren lekuan lehengo hilobiak hustu beharra dagoelako.

Honek langileak Lanbideren Enplegu Planaren barruan kontratetan dira, lanik barik dagozanen artean, eta euren kostua gehiena Eusko Jaurlaritzak ordaintzen dau.

Aurrerantzean be Udalak holako programak aprobetxauko dauz, ahal dauen neurrian beharrizanari erantzuteko langileak kontratatuz.

Gazteen lokala

Hainbat urtetan geldi egon dan liburutegiari erabilera emotekotan,Udalak gaz-teen esku itxi dau lokal hau. Bertan, hainbat ekintza egiten dabez, he-rriari begira; umeentzako tailerrak, asteburuetako pelikulak,txitxiburduntzi eguna, Udan monitore moduan herriko umeekaz egoteko eskaintza…Bide batez, gazteok elkart-zeko lekua ere bada,beti ere era egokian zainduta, eta hori ziurtatzeko Udalak hitzarmen bat sinatu dau eurekin. Herriari bizia ema-ten dio Illuntzar deituriko talde honek eta Udalak eskertu egiten dau hainbat jardueretan udalari laguntzeko prest agertu izana.

...............................................................................................................................

Ud

ala

2

Etxebizitza tasatuak

Zortzi etxebizitza egin dira Nabarnizko herrian, Eleizalderako sarreran. Etxebizitza horiek 65-80m bitartekoak dira, batzuk bi logela eta besteak hiru logelakoak. Gainera etxebizitzagaz batera trastelekua eta garajea be sartzen dira. Hasiera batean eman ziren prezioak aldatu egin dira, eta orain merkeena, lehengo pezetatan 27milioitan gelditu da eta garestiena 32milioi pezeta ingurutan. Baten ba-tek interesik bale-ko aukera polita dauka. Halan da guztiz ere, martxo aldera etxebizitza honeek eskuratzeko deialdi berri bat zabalduko da.Ea oraingoan he-mendik lasterrera auzotar barriak ikusteko aukerea daukagun. Guztiok poztuko ginateke, benetan.

Ur hornidura-sareak eta deposituak

Uragaz euki ditugun arazoak zirala eta, Nabarnizko Sakoneko deposituan eta Itzako deposituetan, barrikuntza batzuk egin dira. Horretarako Bizkaiko Foru Aldundiak diru-laguntza bat emon deutso Nabarnizko herriari.Danok dakigu Nabarnizko urak zikinkeria asko daukala, batez be lehorte handiko egunetan. Zikinkeria horrek, denboragaz, ura altzatzen dauen moto-ponparen heli-zeak jan egiten ditu baita depositua kolapsau be . Hori dala eta ura putzutik altzetan dan momenturako, filtro bat erosi da bertatik ura filtretako, eta horrela uraren kalida-dea hobetzeko eta baita aurretiaz aitatutako arazoak konponduteko be. Nabarnizek jaso dauen diru laguntza horregaz, moto-ponpa berriak be erosi dira, ura falta danean Itzako depositua martxan jarri eta herria hornitzeko,baita sakonean ora-in dagoan moto-ponpa apurten danean datzeko be. Honelako hobekuntzekin herriko uraren kalidadea asko hobetzea espero dogu.

Ud

ala

...............................................................................................................................

3

NABARNIZKO KULTUR ELKARTEENTZAKO DIRU-LAGUNTZAK

Herrian dagozan taldeei laguntzeko, eta emoten dan dirua era egokian banatzeko, Uda-lak Ordenantza barri bat atara dau. Hemengo hau laburpen bat baino ez da. Osorik irakurteko jo web orrira, edo nahiago badozu, eskatu Udaletxean.Hurrengo arloetan lan egitea lagunduko da diruz:

-Kultura, gazteria, kirola, gizarte-ongizatea.

Agiriak:

-NANaren kopia, edo IFKrena, erakunde juridikoa bada. -Zerga-betebeharrak eta gizarte segurantzarenak egunean izatea. -Jarduera edo proiektua zehatza azalduta aurkeztea. -Urteko sarrera eta gastuen balantzea. -Elkarteak erregistroan izena emandako agiria, eta estatutuen kopia.

Irizpideak:

-Elkarteko bazkide kopurua. -Udal programetan lankidetzan aritzea. -Proiektuan baloratuko dena: Euskara erabiltzea; Genero ikuspegia; Programaren iraupena; Programaren elementu berritzaileak; Beste elkarteko batzuekin sarean egin-dako lanak; Proiektuaren kalitate teknikoa; Herriko gizarte eta kultura bizitzan eragina izatea.

Betebeharrak:

-Diru-laguntza onartzea -Diru-laguntza azaldutako helburura bideratzea -Karteletan eta testuetan euskara erabiltzea, Nabarnizen Udalaren babesa aipatzea -Udalak eskatutako laguntza guztia onartzea -Lortutako gainerako diru-laguntzen berri ematea -Diru-laguntza justifikatzeko agiriak aurkeztea (memoria, diru-sarrerak eta gas-tuen balantzea, gastuen agiriak, kartelen eta antzekoen ale bana…)

Gastuak justifikatzeko epeak:

-Urteko programa: martxoaren 31 -Jarduera zehatzerako: amaitu eta 45 egun.

Ud

ala

4

Udaletxeko Aurrekontuak

Danok dakigu eta askotan entzun dogu, krisi garaian gagozala. Hau dela eta, Na-barnizko udalak aurtongo aurrekontuegaz dekozan asmoak plazaratzie pentsatu dau.

2012. urterako hiru inbertsio gogor dekoguz; kanposatuaren berrikuntza, hirigintza antolamenduaren (arau subsidiarioak) ordainketa, eta sahiesbidea egiteko erosi ziren lurren ordainketa.

Kanposatuan inbertituko dan diru kopurua 133.762,49€ izango da, espero dogu Bi-zkaiko Foru Aldundiak 82.000€ko diru laguntza ematea, falta dana udaletxeak lehen-dik daukan diruarekin ordainduko da. Ahal dan neurrian aurreztearren, unean Uda-lean lanean dabilzen beharginek be egingo dabe konponketen zatitxu bat.

Bigarrenik, arau subsidiarioen aurrerapena idaztearren arkitekto taldeari ordainduko jakona 48.000€ izango da, esan beharra dago, diru hau plan honen lehenengo zatia, aurrerapena izendatzen doguna, ordaintzeko bakarrik izango dela. Hemen 100%-ko diru laguntza jasoko dogu Foru Aldunditik.

Hirugarrenez, herriko sahiesbidea egin ahal izateko, lur batzuk erosi zizkien Uda-lak Nabarniztar batzuei eta aurton ordainduko zaie falta zaiena. Partida horretan 60.000euro daude.

Bestetik, herri honetan dekogun suertie da, hainbat talde sortu dizela. Horrek herriari bizitasun handia emoten diolarik, eurentzako sortu dan partida 6000€koa da,eta da-nen artien bananduko da.

Foru Aldundiak urtero Udalku-txa deritzon diru kopuru bat banatzen dau Bizkaiko uda-lerri guztien artean. Nabar-nizko Udale-txiek aurton jasoko duena 361.801€koa da. Diru laguntza honen barruan aurretiaz aipatu doguzan baino U

da

la

5

gastu gehiago daude, hori dela eta ez ezazue pentsatu edonola gastatzen danik!

Aurrekontuan badagoz partida garrantzitsu batzuk, nahiz eta inbertsioak ez izan, diru kopuru haundi samarrak dizenak eta gure herritarron ohituren arabera hazi edo mu-rriztu leikezenak. 230 biztanleko herri txikiarentzat dirutza astunak dizen legez, apur bat zehaztea merezi dauela deritzogu:Uraren horniduraren ataletik hasiko gara. 20.000€ daude aurreikusita, iaz eta aurre-ko urtean gastatu zenari jarraituz. Urak ahalik eta kalitaterik onena izango dauela eta edangarria izango dela ziurtatzeko beharrezko tratamendu, kontrol, analisiak eta abar guztiak egiteko. Udalak etxe bakoitzari, ur kontsumoaren arabera, urte guztian zehar kobratuko dion tasa, gutxi gora behera gastu honen erdia izango da. Beraz, ur horni-duraren gastuaren gehiena Udalaren kontura doa, instalazioen mantenua eta moto-bonben argi indarra beste alde batetik doaz eta.Argiztapen publikoan 8000€ gastatu ziren iaz. Alde batetik krisi garaian bizi garela eta bestetik argi larregi dagoela Elizaldean, Udaletik bagabiltz ahaleginetan gastu hau mu-rrizteko. Egin dira estudio batzuk eta diru laguntzak eskatu be bai, teknologia barrien bidez, daukaguzan argiak eraginkorragoak egiteko. Diru laguntza honek jasotzen ez diren bitartean, argi batzuk amatatuta edukitzea da asmoa, beti argiztapen nahikoa mantenduz. Ezin dana pentsatu da gabaz egunez moduan ikustea.

Sortzen dogun zaborra bildu eta eramateko, urtean 20.000€ gastatzen ditu Udalak. Arlo honen kasuan ere Udalak biztanlegoari kobratzen deutsona gastatzen dan erdia inguru da. Honen harira, datozen hilabetetan egoera honi buelta emateko pausoak ematen hasi behar gara eta zuen guztion laguntza eskatuko da Udaletik, ekintza ba-rriak abian jartzeko. Herritarron jarrera oso eraginikorra izan leike zentzu honetan, zenbat eta zabor gutxiago sortu, orduan eta aukera gehiago edukiko dau Udalak gastu hau murrizteko. Zabor gutxiago sortzeko prozesua kontsumitzeko orduan hasten da. Oso erreza da erosketak egiteko orduan, kontu apur batez, ahalik eta enbalaje gutxien duten gauzak erosi, plastiko poltsa gutxiago erabili, eta abar. Hala eta guztiz be sortzen doguzenak behar dan moduan erreziklatuz gero eta zabor organikoari dagokion tra-

tamendua emonez gero, hondakin ko-purua asko, baina asko gutxitu leike. Badoguz azken aldian, nahiko zara-tatsuak, baina posi-tiboak izanten hasi diren adibideak inguruan.

Ud

ala

6

NABARNIZKO DESANEXIOA: 25 URTE

Historia apur bat

Nabarniz herri independen-tea izan zan 1.966. urtera arte, eta orduan, Francoren Dekre-tu baten aginduz, Gernikara batu zan, Arratzu, Kortezubi, Forua eta Muruetarekin bate-ra.Orduko Udalak onartu egin eban, “incorporación volun-taria” deitu eutsen, baina esan behar da orduko Alkate eta Zinegotziak ez zirala herrita-rrak aukeratuak, Francoren errejimenak ipinitakoak baino.

Herritarren gehiengoa anexioaren kontra egon zan, aurrerantzean herri izateteari itxi eta Gernikako auzo (urruneko auzo, ganera) izango ziralako.Anexionauta egon ziran bitartean Nabarnizek bizi izan eban abandonoa zala-eta, he-rritarrak beti eduki eben argi desanexioaren aldeko apustua, barriro Udala osatu eta, nabarniztarrek aukeratutako ordezkariekaz, burujaube izeteko nahia bizirik eukien.

Eskaera eta nahi horreri hasieratik eutsi izan jako, demokrazia Udaletara ailegau za-netik indartu egin zan ganera, eta laster hasi ziran herri izeteko lehenengo eskabideak egiten.Horrela bada, eskaera horreek bideratzeko asmoz, Gernikara euren borondatearen kontra batutako herriak desanexionatzeko prozesua martxan jarten hasi ziran, eta Gernikako Udalagaz batera negozieteko Desanexio Batzordeak sortu ziran.

Nabarnizko Gestora osatzen ebenak: Juan Pedro Ikazuriaga (Presidentea), Genaro Zubizarreta (Idazkaria), Jabier Ikazuriaga, Jose Antonio Malaxetxebarria eta Angel MªGoiriena. Honeexek izan ziran Gernikako Udalagaz Nabarnizen interesak defenditu zituezanak, eta desanexioa lortu ondoren herria gobernauko ebenak, handik gitxira egingo ziran udal hauteskundeetara arte.1986ko martiaren batean osatu eban Gernikako Udalak be desanexioak negoziatzeko bere Batzordea, alderdi guztietako ordezkariek osatuta.Negoziazioak 1986. urtean izan ziren, eta hainbat bilera egin behar izan zituezan Ger-nikako Udaleko ordezkariekaz osatutako Batzordean.Banandu ostean, zeren ardura hartu herriak?D

es

an

ex

ioa

7

Alde bietako Batzorde horrek zehaztu ebazan banandu beharreko herri bakoitzak bere gain hartu beharreko arloak.Batez be, hauexek izan ziren: Argiak: herri bakoitzak bere argien ardura hartuko eban. Zaborrak: Berdin. Gernika prest egoan honetan herrietan zaborra batzen jarraitze-ko, baina kobratuta . Saneamendua : Herri bakoitzak hartuko eban berearen ardura. Ura: herri bakoitza bere uraren hornikuntzaz arduratuko zen. Gernikak, banatutako herrietatik urik hartu beharrik edukiz gero, m3.ko ordainduko ebala adostu zen. Hor mantenimendu gastuak sartuko ziren, bakoitzaren ur kontsumoaren arabera. Langi-leak: herriekin adostea, inposiziorik barik. Diru kontuetan: 81-85 bitarteko Diputa-zioaren Planen dirua herri bakoitzari emotea. 86koa be transferidutea. Herriak inongo zorrik barik bananduko zirela. Nabarnizen kasuan, Loittixako basureroa bere onera ekarriko zala erabaki zan, eskualdeko zabortegia egiten zanean.

Eta tarteko hainbat bileraren ostean, maiatzaren 21ean, Gernikako Udalak behin-behingoz onartu eban Nabarnizen desanexiorako espedientea. Bilerako akta leiduta, honelako iritziak agertu ebezan. Batetik, PSOEko ordezkariaren ustez hobe zan herri txiki hauek Gernikagaz batera egotea, gastu publikoari hobeto eusteko aukera hobea egoalako, eta euren bizi-maila be hobea izango zalako . Hala eta guztiz be, nabar-niztarrak banatzea erabakita eukela ikusita, herriaren borondatearen kontra ez ebala egingo. Abstentzio bakarra berea izan zan.Bestetik, Carlos Iturriaga zinegotziak be eritxi xelebrea bota eban Pleno horretan. Bera be seguru egoan ekonomia aldetik begiratuta, desanexioak kaltegarri zirela ba-

De

sa

ne

xio

a

8

nandu nahi eben herrientzako eta Genikarentzako be bai, eta guztiak galtzaile aterako zirela uste ban. Eta handiagoa oraindik: desanexioaren ostean, desbentajak ikusita, eta aurretik ze ondo egon ziren ikusita, herri txiki guzti hauek berriro be Gernikagaz bat egitea eskatuko ebela. Hala eta guztiz be, aldeko botoa eman eban, beste zinegotzi guztiek legez, herritarrek banatzeko euken borondatea errespetatuz.1986ko zemendiaren 6an, Batzordeak egindako batzarrean adostasuna eman jakon ordura arte tramitatutakoari, eta zamendiaren 8ko Plenora eroatea erabaki zan, han onartzeko.Halan ba, zemendiaren 8an onartu eban Gernikako Udalak Nabarnizen desanexioa.1986ko abenduaren 21ean egin zen Nabarnizen herri-kontsulta, nabarniztarren parte-hartzea handia izan zan. Ia ia herritar guztiek emon eben botoa, Nabarniz banatzearen aldekoa, eta hortxe amaitu zan desanexiorako bidea jorratzea. Herritarren borondatea errespetatzea gelditzen zan orduan, eta erakundeek horrela gauzatzea.

Bizkaiko Batzar Nagusiek 1987ko martiaren 13an onartu eben Nabarniz Gernikatik banantzea eta herri independentea osatzea. Erabakia apirilaren 1ean sartuko zan in-darrean, eta ordutik aurrera hasi eban Nabarnizko herriak bere bidea.

Lehenengo Udal ordezkariak:

1987ko ekainaren 10ean egin ziran Udal hauteskun-deetan osatu zan lehenengo Udala. Herri Batasunak aurkeztutako zerrendak irabazi eban, eta Alkatetza hartu eben.

Genaro Zubizarreta (Alkate), Josu Arriola, Josu Mur-gialdai, Ruben Sierra eta Juan Pedro Ikazuriaga.

Ordura arte kanpoan hartuten ziren Nabarnizko eraba-kiak, eta berriro be nabarniztarren esku egoan agintea. Herritarrak herriaren alde. 25 urte bete dira, eta gaur egun harro gagoz herriak lortutakoagaz, asko egin da eta asko dago egiteko oraindino. Baina horixe da Udal batek egin behar dabena, herria eraikitzen jarraitu, herritarren onerako.

Guztion gogoan

Nabarnizen azken 25 urteetako historia gogora ekarri dogu hemen, eta ezin doguz ahaztu bide hori hasi bai, baina gaur egun gure artean ez dagozanak. Horien artean, bereziki aipatu behar doguz demokrazia garaiko Nabarnizko lehenengo Alkate izan zan Genaro Zubizarreta, eta beragaz batera zinegotzi izan zan Josu Murgialdai. Bi he-rritar hauei gorazarre egin eta eskerrak emon gure deutseguez hemendik, nabarniztar D

es

an

ex

ioa

9

guztien partetik, egin eben lana guztion onerako izan zalako.

NABARNIZ LEHENDIK GAUR EGUNERA

ZENBAIT DATU:

Nabarnizko herria aspalditik ezagutu izan dabenak, gaur egun dan baino askoz be herri handiagoa gogoratuko dabe.

Denboran atzera jota, gerrate ostean, 1940an, 692 bizilagun zituen Nabarnizek. Sasoi gogorrak ziren hareek, eta baserriak gaur baino beteago egoten ziren. Eta ordutik gaur egunera arte, datuek erakusten dabe etenik barik joan dala behera herritar kopurua. Nabarniz Gernikara batu zan urtean, 1966an, 571 herritar ziran. Ikusten danez, hainbat gitxiago. Sasoi horretan hasi zan batez be Nabarniz hustuten, eta baserrieta-tik jendeak Gernika aldera egin eban gehien bat. Baina urrunago be bai, hainbat izan ziren Ameriketaraino joan ziranak. Eta Nabarniz bere buruaren jabe egin zen urtean, 1987an, 20 urte beranduago, herriko bizilagunak erdira etorrita egozan, 237 herritar ginen orduan.

Azken 25 urteotan, bere horretan eutsi izan jako bizilagun kopuruari, gora behera handirik barik. Gaur egun, 227 gara herrian.

ZENBAT DIRU NABARNIZEN ESKU?

Aspaldiko paper eta dokumentuetara jota, ikusi leike ez zala diru-kopuru handirik erabilten he-rrian. Eta herrian be igarten zan hori. 1987. urtean, 6.104.460 pezetakoa zan Nabarni-zek izendatuta zeukan aurrekontua. Ez zan diru askorik, eta ezin gauza handirik egin.

25 urte beranduago, gaurko aurrekontua 120 milioikoa da (725.151 €). Eta asko izanda be, ez nahi izango gendukeen beste. Baina argi dago herrian inbertiduteko kopuru ederra dala, eta Di-putaziotik eta beste erakunde batzutatik lortzen dan diruak asko laguntzen dabela herriari behar dabezan zerbitzuak emoteko.

De

sa

ne

xio

a

10

Desanexioari buruz elkarrizketa

- Zelan gogoratzen dozue herria desa-nexio aurreko denboran ? Jestinoak non egiten ziren? Jabier: 1966an bereganatu zuen Ger-nikak. Eta gero, Partiduak eta legalizau zituenean, honeek lanean hasi ziran desa-nexioaren alde, baina herri guztietakoak. Bestela ez eukien emetzeko esperantzarik . Eurek esaten zeben ez zeuka biabilidaderik, eta estudio sozioekonomiko bat agindu zan. Eta gero pentsau zan, herri batentzako gastu larregi izango balitz, herri biren artean banatzea. Esate baterako, sekretarioa he-rri birentzako ipintea. Kasurako, Nabarnizek eta Arratzuk, baina gero azkenean, herri bakotxak bereak hartu zituen.

Juan Pedro: Behin herria desanexionatu zanean, Gernikak ez eban gehiago Nabarnizen agindu ezer. Eta laguntzeko premina handirik be ez zan egon. Sekretarioak berak zu-zentzen zeban, eta zuzenean Diputazinoagaz egiten ziran.

Jestinoak danak Gernikeko Udaletxien egiten ziren, Padroie, inpuestuek, soldadutza-rako talletie, eta dana. Hemen ez zan ezer eitten. - Nabarniz Gernikaren menpe egon zan denboran, ze hobekuntza egin zan herrian? Plazie egin zan. Aurretik liso egoen, eta lehengo antzerara ipintzeko, baina antzerarik ez eban hartu harek. Gero urek be bai, uren deposittue. Eta gero etxietarako pistak egin ziren. Herri gitxik eduki eben, eta hori Gernikek egin eban.

Juan Pedro: barrixuetara ure be orduntxe, Ikazurietara orduntxe ekarri eben eta Ger-nikek ein ebazan horrek obrak. Eta basurerue be orduntxe ekarri eben Nabarnizera.

Jabier: Larrondo egon zan, andrie Nabarnizkue eukan, Leku askotan ibili ziren, basu-rerorako lekue topetan. Harek Larrondok jakin eban, eta hori terrenue erosi egin eben. Terrenue Ezkondunekuena zan. Aurretik kanterie izan zan, baina 30 urterako edo edu-ki eban Rupertok hartuta, pinue sartzeko, eta ezin zan saldu. Orduen hareri be dirue emon biher izen eutseen, eta halan erosi zan terrenue eta basurerue ipini. E

lk

ar

riz

ke

ta

11

- Zelan gogoratzen dozuez Gernikagaz desanexinoa negoziatzeko bilerak? Eta emoten zan horren batzarren berririk Nabarnizen?

Errazak ez ziren izen. Gorabehera asko izetan ziren. Ipintzen eben egun bat eta igual: Laskurainek ez deu egin ez dakit zer. Eta eguna alperrik galdu eta beste egun baterako.

Hango jestinuen barri ez zan emoten, zuzenien, batzarrak eginda. Baina jendiek jakiten eban, komentarixuek ibilten ziren.

Juan Pedro: Baina bat egin zan, Fruizeko alkatie, Felipe ekarri gendun. Herrixek ant-zekuk ziren habitantetan , eta ia hori biabilidadie eztekola eta berak: geuk be herrixe ondo dabilgu, eta zuek be eingo dozue. Herriko jendieri deitu eta hementxe Udaletxien egin zan batzarra. Hementxe izan zan batzarra. Eta gero hamaiketakue Alejandranien egin zan. Jose Antonio: Batzarrak bai, gestora bat egon zan, apur bat orientatzeko, baina makai-laue ebaitten eban Gernikeko Vallejok. Eurek, partidun barruen eukien erabagita. Ha-reek esaten zeben: “emoten deutsueena hartu eta kittu.

Jabier: Nabarnizek mugak argi eukazan. Arazo bakarra basurerue zen. baegoan bildu-rra Gernikak esango ete eban: “hau geurea da eta hau ez deutsuegu emongo”. Baina ez eben ipini pegarik.

Jose Antonio: Baina bere esku eduki eban nahi ebana egiteko. Egin ziren batzarren bat-zuk. Beste partidu batzutako jendeagaz, eta asko gure eben atara, baina Gerniken kon-tra joanda zera atarako dozu! Hareek Gernikakoak esaten eben: “zueri hauxe toketan jatzue eta kitto. Guk Nabarnizen hauxe inbertiduten dogu eta hauxe izango da emongo jatzuena”.

Juan Pedro: Desanexinoa negozietako orduen gu batera ibili ginen Foru eta Kortezu-bigaz. Batzuk euren arazoak eukeezan, eta orduen batzuk aurrerago eta beste batzuk beranduago desanexinau ziren.

Jose Antonio: Eta gero, gazteak eta gogor hartzen eben: “hori basurerue zarratu egin be-har da, inmediatamente”. Eta beste batzuk igual apurka-apurka, negozietako prest egon ginen. Gero hauteskundeak egon ziren horren atzetik, eta gazteek hartu eben Ayunta-mentue, eta segixen zarratu eben basurerue. Hauteskundeak egin eta lehenengo gauza basurerue zarratzie izan zan.

Gero beste kritika bat be horregaz Bittorin etxiegaz egon zan. Hori merke erosi zan, eta ia zetako erosi zan. Preferentzixe udaletxiek eduki eban, eta beittu, inbersinorik one-netarakoa izan da: Milioi 2 t’erdi inguru izan zan, eta etxie egon zan lekuen orain beste etxe bat, eta aparkalekue be ederra.

Elk

ar

riz

ke

ta

12

- Uste dozue nabarniztarren artean baegoala beldurrik, herria banandu ezkero zorrak egingo zituela edo?

Jose Antonio: Bildurra baino, nik uste dot ilusinoa egoala gehiago. Jendeak ilusino gehiago eukan banatzeko, eta aurrera joteko.

Juan Pedro: Eta ganera kontsulta egin zan, eta herri osoa alde agertu zan, han ez eban inork beldurrik erakutsi. - Zelan negoziatu zan Loittixako zabortegixe?

Juan Pedro: Ez zan negoziatu ezer. Gernika prest egoan erabilten eban bitartean Na-barnizeri kanon bat ordaintzeko, baina elekzino ostean kolpera zarratu zan eta Ger-nikak beste leku bat bilatu behar eban, Bermio edo Matxitxako inguruetan. - 25 urteotan, Nabarnizek irabazten urten dauala uste dozue? Zertan batez be?

Begittute bakarrik igartzen da. Gernikan egon bagina, horrek danak ez ziren egingo.Obra asko egin da, etxiek be egin dire eta beste jantzi bat hartu dau herrixek.

Ruben Sierra-ri elkarrizketa

-Udal barria antolatzeko izan zenduen lagunta-sunik? Gernikako Udala edo Dipu-tazioaren parte-tik?Diputazioak, lehenengo urtean tokatzen zitzai-gun diru kopurua baino zerbait ge-hiago emon zigun udaletxea mar-txan jartzeko.Gernikako udale-txetik ez gendun jaso ezer. Artxi-boa bera ere handik urte batzuetara heldu zen.

Elk

ar

riz

ke

ta

13

-Kargu barriak hartuta, zer gogoratzen dozue egin beharreko premiazkoena?Gernikara anexionatuta egon zen bitartean, egin ziren obra apurrak Elizalden egin ziren. Guk pentsatu genduna orduan zera izan zen: Apurka-apurka beste auzo guztietan saneamenduak egin; auzo bideak konpondu eta asfaltatu; eskola ere zarratuta zegoen eta berriro zabaltzea (ez gendun lortu); liburute-gia zabaldu eta batez ere Loitiagan zegoen zabortegia zarratzea.

-Udal langileak zeuek hartu zenduezan edo Gernikak itxi eutsuen baten bat?Langileak geuk hartu genituen. Idazkaria aukeratzeko Aldundiaren bitartez azterketa bat egin eta puntuazio gehiena lortu zuena hartu genuen. Hasiera batean Kortezubi-rekin batera hartzekoa izan ginen gastuak murrizteko baina azkenean bakarrik hartu genuen.Alguazilaren kasua ere antzerakoa izan zen (azterketa, mantenimendua, igeltsero,… aprobak egin zituzten.

Gernikak jartzen eban baino diru gehiago beharko eban aurrerantzean Udalak. Non-dik lortzen zenduen? Zelako gestioak egin behar zenduezen Diputazioan?Lehen adierazi dudan bezala, Gernikako udalak noizean behin egiten zuen obra txiki-ren bat baina, Elizalde auzoan. Gu hasi ginen informeak egiten. Herriko beharrizanak aztertu genituen, eta gure ustez egin genituen, baina, egia esan oso ondo portatu ziren eta hainbat laguntza jaso genituen. Eurek ere konturatzen ziren gure eskariak beha-rrezkoak zirela eta ez HANDIKERIAK.

-Zer egin jatzuen gatxen?Gu ondo antolatuta geunden. Herrian komite lokala zegoen. Han hartzen ziren era-bakiak. Asko mugitu beharra zegoen, herrian dena falta zelako. Ilusioa ere handia zen eta jende askoren laguntzarekin eta animoekin, usted ut gauza asko lortu zirela.

Herritarrak zelan hartzen eben zuen lana? Konforme egozan herriaren martxagaz?Herritarrak konturatzen ziren gu eta ingurukoak lanean burubelarri genbiltzala (He-rri asanbladak egiten genituen gure asmoak azaltzeko, ze obra egiteko asmoa geneu-kan,…). Gehienek, nik uste, ondo ikusten zutela gure lana baina orduan ere egoten ziren ostopoak eta gauza batzuk egin gabe gelditu ziren herritarrekin ez ginelako heldu akordio batzutara.

-Aipatu nahi den zeozer.Gu udaletxera heldu eta handi bi hilabetera Loitiagako zabortegia ixtea erabaki ge-nuen. Orduan kamioiak Gernikatik iristen ziren. Pentsatu gendun turnoak egitea eta zabortegira inori ez ixtea sartzen. Hiru aste inguru, turnoak eginez ez zen zaborrik bota. Mobida hontan hainbat herritarrek hartu zuten parte (zaharrak eta gazteak). Enkartelada ere egin genduen Gernikako Udalaren aurrean astelehen batez. Hemen ere, parte hartze handia izan zen. Nik usted ut hemen konturatu ginela herria gurekin zegoela.

Elk

ar

riz

ke

ta

14

Argazkien txokoa

15

Argazkien txokoa

16

Hona hemen gure herriko Iñaki Bilbaok proposatzen deuskun jaki goxo eta errez bat.Animatu eta egin.

TXIPIROIZ BETETAKO LEBATZ BUZTANA BERE TINTAN. OSAGAIAK( 4 lagunentzat): 6 txipiroi ertain, 4 kipula, piper berde bat, berakatz atal bat,olio pixkat, gatza, kiloko 2 lebatz buztan,ogi rallau apur bat, arainaren kaldoa( fumeta) poltsatxo 2 txipiroien tinta eta ardau zuria.NOLA EGIN : Batetik; olio pixka batekin, kipula, piper berdea eta berakatz atala biguntzen jartzen dira sutan, gatza botatzea ahaztu barik.Esan doguna apur bat eginda dagoenean, txipiroiak botako ditugu bertara pixkat egin daitezen.Geroxeago; baxo erdi ardau zuri eta atzetik arrainaren kaldoa eta gatz pixkat.Txipiroiak eginda dagozanean, kanpora ateratzen dira txikitzeko.Saltsa honi, txipiroiaren tinta beltza botako deutsogu eta gero batidoratik pasatu.Egindako saltsa honetatik zati bat gordeko dogu gero erabiltzeko.Gelditzen denari, txikitutako txipiroiak eta ogi rallau pixkat botako deutsogu loditzeko. Hau izango da erabiliko duguna lebatza betetzeko.

Bestetik; lebatza ondo garbituta dagoenean zabaldu egingo dugu eta erdiko hezurra kendu.Lebatz zati bat olio pixka batekin ontzi batean ipiniko dugu eta gainera aurretiaz egin-dako saltsaz beteko dugu beste zatiarekin tapatuz.Guztia labean sartuko dugu 180gradutara 10-15 minutuz.Behin eginda dagoenean plater batera atera aurkezteko eta lehendik gordeta dugun saltsa botako diogu gainera.

GUSTOKOA BADUZUE, ON EGIN!

Zuen lagunak txunditu

ta utzi gure dozuzal

a?

ta ez zarela sukaldari trebea?

ER

RE

ZE

TA

17

18

Telefonoa: 94 625 5077 Faxa: 94 625 65 12E-mailak:udala.nabarniz@bizkaia.org idazkaria.nabarniz@bizkaia.orgalkatea.nabarniz@bizkaia.org

Elexalde auzoa 14, 48312 (Nabarniz)