Upload
ofiadeirodalingua
View
281
Download
6
Embed Size (px)
DESCRIPTION
Texto Samaín Axel Blanco
Citation preview
Blanco Aparicio, Axel 3º ESO A
O BERRO XORDO
Outra vez máis, outro ano máis, saio do estreito corredor
para facer o mesmo paseo de todos os outonos pasados.
Cando xa me reúno cos meus compañeiros, comezamos
a andaina pola pequena aldea, percorrendo os escuros,
angostos e asfixiantes carrouchos. Nós somos de costumes
fixos, nunca nos gusta saír sós. Non hai como a compañía
cando saes pola noite, ás escuras, polas rúas que esmorecen
o aire e engurran a tenue luz dunha lúa partida en anacos
polas néboas outonais. Uns a carón dos outros, movémonos
lentamente, sen que os nosos beizos articulen nin o máis
mínimo son.
Xa ás nosas costas voan os ouveos dos cans da aldea,
dos lobos da contorna, ao compás das intensas badaladas de
medianoite. Rexos golpes de ar empurran as débiles portas
de madeira facendo estralar todas e cada unha das súas
febras. O gando que permanece nos seus cortellos acantóase
nos recunchos, tremendo a cada instante con cada broucazo.
Mentres a derradeira badalada se esvaece na néboa, a
Señora Filomena non acode a tempo de pechar a fiestra do
seu cuarto, suficiente para que nós a vexamos. Cando fita
para nós un berro xordo afoga no máis profundo da súa
gorxa. A impresión déixaa paralizada durante uns instantes.
A pequena cunca de leite con pan que levaba para o seu
home, esvara dos seus dedos e esnaquízase en mil anacos.
Agora derrubase e bate fortemente coa cabeza contra as
vellas táboas do chan.
Agora só nos coñecemos o seu paradoiro.
Soamente nós: As ánimas.
P.D.: Máis cedo que tarde, voltaremos.